Connect with us

Headline

२०११ को बिश्वकप फाइनल श्रीलंकाले बेचेको श्रीलंकाकै मन्त्रीको दाबी

wesportz

Published

on

क्रिकेटको सबैभन्दा बिवादास्पद म्याच फिक्सिङ्गको दाबीलाई ब्युताउदै श्रीलंकाका पुर्व खेलकुद मन्त्रीले २०११ को क्रिकेट बिश्वकप फाइलन श्रीलंकाले भारतलाई बेचेको आरोप लगाएका छन् ।

फाइनल फिक्स रहेको दाबी गर्ने महिन्दानन्दा अलुथगामागे १९९६ को बिश्वकप बिजेता कप्तान अर्जुना रणतुँगापछि दोश्रो बरिष्ठ व्यक्तित्व हुन् । अलुथगामागे २०११ को बिश्वकप चल्दा श्रीलंकाको खेलकुद मन्त्री रहेका थिए । मुम्बईमा भएको फाइनलमा श्रीलंका भारतसँग ६ विकेटले पराजित भएको थियो ।

२०११ को बिश्वकप फाइनल हामीले बेचेको हौं । म खेलकुद मन्त्री हुँदा पनि मलाई यो सत्य नै हो लागेको हो, अलुथगामागेले सिरासा टिभीलाई दिएको एक अन्तर्वार्तामा भनेका छन् । २०१० देखि २०१५ सम्म खेलकुद मन्त्रालय सम्हालेपछि हाल नविकरणीय उर्जा राज्य मन्त्री रहेका अलुथगामागेले त्यो समय आफूले उक्त षड्यन्त्रको खुलाशा गर्न नचाहेको पनि बताए ।

“हामी २०११ मा हामी जित्ने थियौं तर फाइनल बेचेरै छाड्यौं । मलाई लाग्छ म अहिले यो बिषयमा बोल्न सक्छु । मैले खेलाडीहरुलाई यसमा जोड्न खोजेको होइन तर केही मान्छेहरु यसमा संलग्न थिए,” मन्त्रीले भने ।

महिन्दानन्दा अलुथगामागे

भारतीय खेलाडीहरुले यो दाबीलाई पहिले देखि नै नकार्दै आइरहेका छन् । फाइलको दौरान कमेन्टरी गरेका रणतुँगाले श्रीलंकाको हारको अनुसन्धान गरिनु पर्ने बताएका थिए । “जब हामी हार्यौ, म निकै तनावमा थिए र मलाई शंका लागिरहेको थियो । म सबै कुरा अहिले नै खोल्न सक्दिन तर एक दिन भने अवश्य गर्नेछु । एक पटक अनुसन्धान त हुनै पर्छ,” खेलाडीहरुले दाग पखाल्न नसक्ने भन्दै उनले २०१७ को जुलाईमा भनेका थिए ।

फाइनलमा पहिलो ब्याटिङ्ग गरेको श्रीलंकाले ५० ओभरमा ६ विकेट गुमाउदै २ सय ७४ रन बनाएको थियो । ओपनर विरेन्द्र सहवागलाई शुन्य र सचिन तेन्दुल्करलाई १८ रनमा आउट गरेर खेलमा दवाब कायम गरेको श्रीलंकाले खराब फिल्डिङ्ग र बलिङ्गका कारण खेलमा पकड गुमाएको थियो । श्रीलंकाको नेतृत्व कुमार साँगाकाराले गरेका थिए ।

हाल बिश्व क्रिकेटलाई नियमन गर्ने बेलायतको प्रतिष्ठित तथा ऐतिहासिक मेरिलबोन क्रिकेट क्लबका अध्यक्ष रहेका साँगाकाराले अलुथगामागेलाई आफ्नो दाबी अन्तर्राष्ट्रिय क्रिकेट काउन्सिल समक्ष पुर्याउन सुझाव दिएका छन् । “उनले आफ्नो दाबी प्रमाण सहित आईसिसिमा लिएर जादा हुन्छ । यसो गर्दा आईसिसिले राम्ररी अनुसन्धान गर्न सक्छ, निकै आदर्श कप्तानको रुपमा लिइने गरेका साँगाकाराले ट्विटमार्फत भनेका छन् ।

श्रीलंका क्रिकेट लामो समयदेखि नै म्याच फिक्सिङ्ग बिवादमा तानिदै आएको छ । सन् २०१८ मा इङ्गल्याण्डबिरुद्धको टेस्टअघि पनि फिक्सिङ्गको बिवाद बाहिर आएको थियो । केही दिनअघि मात्र आईसिसिले श्रीलंकाका तीन पुर्व खेलाडीलाई लिएर अनुसन्धान गरिरहेको त्यहाको क्रिकेट बोर्डले बताएको थियो । खेलाडीहरुको नाम भने अहिलेसम्म उल्लेख गरिएको छैन ।

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading

Headline

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

wesportz

Published

on

आफूभन्दा ६१ स्थानमाथि रहेको मालीलाई टाई ब्रेकरमा पराजित गर्दै इक्वेटोरियल गिनी अफ्रिका कप अफ नेसन्सको क्वार्टर–फाइनलमा प्रवेश गरेको छ ।

बुधबार नै भएको पहिलो अन्तिम १६ को खेलमा स्टार फर्वार्ड मोहम्मद सलाहले निर्णायक प्रहारमा गोल गरेपछि इजिप्टले आइभोरि कोस्टलाई पनि पेनाल्टी सुटआउटमै ५–४ ले पराजित गर्यो । आइभोरी कोस्टका एरिक बेलीले गोल गर्न चुक्दा सलाहको प्रहार निर्णायक बनेको थियो ।

सात पटकको च्याम्पियन इजिप्टले अब सेमिफाइनलका लागि मोरक्कोसँग आइतबार खेल्नेछ । प्रतियोगितामा भाग्यमानी साबित भएको इजिप्ट हालसम्म चार खेलमा मात्र दुई गोल गर्दै क्वार्टर–फाइनलमा प्रवेश गरेको हो ।

महादेशीय फुटबल प्रतियोगितामा आइभोरी कोस्टबिरुद्धको ११ औं भेटमा निर्धारित र अतिरिक्त समयमा कुनै गोल हुन नसकेपछि खेल टाई ब्रेकरमा गएको थियो । इजिप्ट आफ्नो समुहबाट तेश्रो स्थानको टोलीको रुपमा अन्तिम १५ मा प्रवेश गरेको थियो ।

अर्को तर्फ गोलकिपर जिजस ओवोनो नायक बन्दा इक्वेटोरियल गिनी ७ बर्षपछि क्वार्टर–फाइनलमा स्थान बनाउन सफल रह्यो । अतिरिक्त समयको समाप्तिमा पनि गोल हुन नसक्दा खेलको निर्णय टाई ब्रेकरबाट भएको थियो ।

१ सय २० मिनेटको फुटबलमा दुवै तर्फबाट जम्मा एक सट अन टार्गेट रहेको थियो । पेनाल्टी सुटआउटमा ओवोनोले दुई प्रहार बचाएका थिए । इक्वेटोरियल गिनीले अब क्वार्टर–फाइनलमा प्रबल दाबेदार सेनेगलको सामना गर्नेछ ।

Continue Reading
Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline8 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline24 hours ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!