Connect with us

Headline

बेइजिङ्गमा कोरोनाको नयाँ केसले चाइनिज लिग अन्यौलमा

wesportz

Published

on

चिनको टप फ्लाइट फुटबल चाइनिज सुपर लिग (सिएसएल) यसअघि नै कोरोनाका कारण शुरु हुन नपाई स्थगित गरिएको थियो । कोरोनाको महामारी कम हुदै गएपछि शुरु हुने अपेक्षा गरिएको लिग राजधानी बेइजिङ्गमा नयाँ केस अगाडी आएपछि थप अनिश्चित बन्न पुगेको छ ।

फेब्रुवरी २२ मा शुरु हुने भनिएको सिएसएल कोरोनाको चपेटामा परेको पहिलो प्रतिस्पर्धात्मक खेलकुद गतिविधि थियो । युरोपमा सावधानीका साथ लिगहरु सुचारु भइसकेको छ भने चिनिया बास्केटबल लिगको सिजन पनि शनिबारदेखि नै बन्द रँगशालामा शुरु हुन गइरहेको छ । तर चिन फुटबल संघ (सिएफए) भने अझै पनि आफ्नो महामारि नियन्त्रण योजनाको लागि स्विकृति कुरिरहेको छ भने अब सिजनको शुरुवात थप अन्धकारमा धकेलिएको छ ।

क्यालेन्डर बर्षमै सिएसएल सम्पन्न गर्न खोजिरहेको सिएफए अहिले निर्धारित समय भन्दा पछि पर्ने भइसकेको छ । “सिएफएले व्यवसायिक फुटबल लिगहरु सुचारु गर्नका लागि सकृय रुपमा तयारीहरु गरिरहेको छ,” एक प्रवक्ताले ग्लोबल टाइम्सलाई भनेका छन् । “हाम्रो मुख्य सिद्धान्त भनेको एउटै सिजन दुई बर्षमा भाग लगाउनु नपरोस भन्ने हो ।”

चिनको सरकारी मिडियाले सिएसएल जुनको अन्त्य वा जुलाईको शुरु हुने बताएको थियो । अब भने सबैभन्दा चाडोमा मध्य जुलाईमा मात्र हुने सम्भावना देखिएको छ । तर बेइजिङ्गमा कोरोनाका नयाँ केसहरु अगाडी आएसँगै चिन दोश्रो पटक महामारीको चपेटामा पर्ने डरमा रहेको छ ।

“बेइजिङ्गको फेंगताई जिल्लामा देखिएको नयाँ केसहरुका कारण लिग सुचारु हुन गाह्रो देखिरहेको छ,” सिएसएल उपबिजेता बेइजिङ्ग गुवान त्यही जिल्लामा प्रशिक्षण गरिरहेको बताउदै ग्लोबल टाइम्सले लेखेको छ । गुवानका फ्रेञ्च प्रशिक्षक ब्रुनो जेनेसियो कोरोनाकै कारण यात्रामा बन्देज लगाइएपछि अहिलेसम्म चिन फर्किन सकेका छैनन् ।

Headline

बागमतीलाई फराकिलो अन्तरले हराउदै सुदुर पश्चिम फाइनलमा

wesportz

Published

on

बागमती प्रदेशलाई ८ विकेटको फराकिलो अन्तरले पराजित गर्दै सुदुर पश्चिम प्रदेश अण्डर १९ राष्ट्रिय क्रिकेट प्रतियोगिताको फाइनलमा प्रवेश गरेको छ । आइतबार हुने फाइनलमा सुदुर पश्चिमले लुम्बिनीको सामना गर्नेछ ।

फाइनल प्रवेशका लागि ७४ रनको फराकिलो जितको आवश्यकता रहेको बागमती प्रदेश त्रिवि क्रिकेट मैदानमा ३० दशमलव एक ओभरमा मात्रै ९५ रनमा समेटियो । सुदुर पश्चिमले २३ दशमलव १ ओभरमा मात्र दुई विकेटको क्षतिमा जित हात पार्यो ।

३७ रनमा दुई विकेटका गुमाएको सुदुर पश्चिमलाई सहज जित दिलाउन नरेन भट्ट र राहुल भण्डारीले नटआउट ५९ रनको साझेदारी गरेका थिए ।

नरेनले ५८ बलमा ६ चौका प्रहार गर्दै ३७ रन बनाए भने राहुलले ३९ बलमा ३१ रन बनाए । उनले पाँच चौका प्रहार गरे । बागमतीका लागि गौतम केसी र प्रतिस जिसीले १–१ विकेट लिए ।

यसअघि हेमन्त धामीले घातक बलिँग गर्दा बागमतीले आफ्नो पहिलो पाँच विकेट २६ रनमै गुमाएको थियो । चौथो नम्बरमा ब्याटिङ्ग गर्न आएका बिबेक मगरले एक पटक फेरि बागमतीलाई सम्हाल्नु परेको थियो । उनले छैटौं विकेटका लागि क्रिस कार्कीसँग ३६ रनको साझेदारी गरेका थिए ।

क्रिसले ३० बलमा दुई चौका र एक चौकाको मद्दतमा १७ रन बनाए । नटआउट रहेका बिबेकले ७५ बलमा चार चौका प्रहार गर्दै ३२ रन जोडे । सुदुर पश्चिमका लागि शेर मल्लले पनि चार विकेट लिएका थिए ।

Continue Reading

Headline

रोनाल्डोको ८ सय गोलको कोशेढुँगा

wesportz

Published

on

खेल १०९७, गोल ८ सय १

क्रिष्चियानो रोनाल्डो उच्च स्तरको फुटबल इतिहासमा ८ सय गोल गर्ने पहिलो खेलाडी बनेका छन् । बिहिवार आर्सनलबिरुद्ध ३–२ को जितमा दुई गोल गर्दा रोनाल्डोले ८ सय गोलको कोशेढुँगा पुरा गरे ।

अन्तरिम व्यवस्थापक राल्फ रांगनिकको आक्रमक शैलीमा उनी फिट नभइरहेको चर्चा चल्दै गर्दा रोनाल्डोले उत्कृष्ट ढँगले जवाफ फर्काएका हुन् । जर्मन प्रशिक्षक राँगनिक ३६ बर्षिय पोर्चुगिजसँग बिशेशष रुपमा प्रभावित पनि रहे ।

बिहिवारको दुई गोलले रोनाल्डोले युनाइटेडमा दुई स्पेल गरेर १ सय ३० गोल पुरा गरेका छन् । प्रिमियर लिगका सर्वाधिक गोलकर्ता एलन सियरर रोनाल्डोबाट बिशेष रुपमा प्रभावित भएका छन् ।

“तपाई बसेर यो केटालाई हेदै वाउ गर्दे पुग्छ । उनी जहाँ छन् आफ्नो दृढ संकल्पका कारण नै छन् । माथि पुग्न गाह्रो त छ नै त्यहा रहि रहन पनि बाकीँ छ । हरेक हप्ता उनीमाथि प्रदर्शन दिनु पर्ने दवाब हुन्छ र उनले यो गर्दै पनि आइरहेका छन्,” उनले भने ।

गोल गर्ने किर्तिमानको केन्द्रित डाटाबेस नरहेपनि रोनाल्डो उच्च तहमा सबैभन्दा बढी गोल गर्ने एक भने बनिसकेका छन् । चेक फुटबल संघले राखेको डाटा अनुसार अष्ट्रिया र चेकोस्लोभाकियाका लागि खेलेका योसफ बिकानले आधिकारिक खेलहरुमा ८ सय २१ गोल गरेका छन् । तर अन्य स्थानमा भने उनको कुल गोल ८ सय ५ रहेको बताइन्छ ।

ब्राजिल लेजेण्डहरु पेले र रोमारियोले आफूले एक हजार गोल रहेको दाबी गरेपनि मैत्रीपूर्ण खेलहरुलाई नगन्ने हो भने यो संख्या ७ सयमा झर्नेछ । अनौपचारिक रुपमा तथ्यांक राख्ने गरेको संस्था आरएसएसएफका अनुसार

पेलेको ७ सय ६९ र हँगेरीबाट खेल्दै फेरेंक पुस्कासको ७ सय ६१ गोल रहेको छ । उनीहरु नै रोनाल्डो पछाडी रहेका छन् ।

लियोनल मेस्सी (७ सय ५६) ले अर्जेन्टिनाको लागि ८०, बार्सिलोनाको लागि ६ सय ७२ र पेरिस सेन्ट जर्माइनका लागि चार गोल गरेका छन् ।

रोनाल्डोले स्पेनका पाँच टिम बिरुद्ध कम्तिमा २० गोल गरेका छन् । यसमा सेभियाबिरुद्ध २७, एट्लेटिको म्याड्रिड बिरुद्ध २५, गेटाफेबिरुद्ध २३ र बार्सिलोना र सेल्टा भिगोबिरुद्ध समान २० गोल गरेका छन् ।

Continue Reading

Headline

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

wesportz

Published

on

गण्डकी प्रदेशसँग एक विकेटले स्तब्ध भएपछि अण्डर १९ राष्ट्रिय क्रिकेट प्रतियोगितामा पहिलो तीन खेल जितेको प्रदेश १ अन्तिम तीनमा पराजित हुँदै बाहिरिएको छ ।

त्रिवि क्रिकेट मैदानमा कमजोर ब्याटिङ्ग प्रदर्शन गरेको प्रदेश १ ४४ दशमलव ४ ओभरमा १ सय ३३ रनमा अल आउट भयो । सहज जितका लागि अग्रसर गण्डकी बिरुद्ध बलिङ्गमार्फत पुनरागमन गरेपनि गण्डकीले ३८ ओभरमा ९ विकेटको क्षतिमा १ सय ३६ रन बनायो ।

गण्डकी र सुदुर पश्चिमसँगै समान ६ अंक रहेको प्रदेश १ रनरेटको आधारमा चौथो स्थानमा रह्यो । शिर्ष दुई स्थानमा रहने टोली फाइनल प्रवेश गर्ने प्रतियोगितामा लुम्बिनीले १० अंकका साथ शिर्ष स्थान कब्जा गरिसकेको छ । जितका बावजुद गण्डकी पनि बाहिरिएको छ भने बलियो रनरेट सहितको सुदुर पश्चिम अन्तिम एक स्थानको दाबेदार रहेको छ । सुदुर पश्चिमले शुक्रबार बागमती प्रदेशसँग अन्तिम लिग खेल खेल्दैछ ।

बागमतीसँग फराकिलो अन्तरले हार्ने हो भने सुदुर पश्चिम रनरेटको आधारमा बाहिरिने खतरा पनि छ । चार अंक रहेको बागमतीलाई फाइनल पुग्ने अवसर छ ।

बिहिवार प्रतियोगिताकै कमजोर मध्ये एक टोली मानिएको गण्डकीबिरुद्ध प्रदेश १ ले शुरुवात देखि नै संघर्ष गर्यो । सोनु मण्डल (११) र दिपेश कँडेलले पाचौं विकेटका लागि ३० रनको साझेदारी गर्ने बाहेक प्रदेश १ लागि ब्याटिँगमा केही उल्लेखनीय हुन सकेन ।

आठौं विकेटको रुपमा आउट भएका दिपेशले १ सय १३ बल खेल्दै ४६ रन बनाए । उनले चार चौका र एक छक्का प्रहार गरे । दिपक जोशी (१६), बिबेक मेहता (१४) र ओपनर सोनु अन्सारी (१३) दोहोरो अंक छुने अन्य ब्याट्स्म्यानको रुपमा रहे ।

गण्डकीका लागि कमल परियरले तीन विकेट लिए भने सुदिप अर्यालले दुई विकेट हात पारे ।

पहिलो विकेट चार रनमै गुमाएको गण्डकीलाई अर्का ओपनर अर्जुन कुमालले सम्हाले । उनले दोश्रो विकेटका लागि दिपक डुम्रेसँग ६७ रनको पार्टनरसिप गरे । दिपक आउट भएपछि अर्जुनले मिलन क्षेत्री (२४) सँग अर्को २६ रन जोडे ।

तर अर्जुन आउट भएसँगै गण्डकीले निरन्तर विकेट गुमायो । ९७ रनमा दुई विकेट रहेको गण्डकी केही क्षणमै १ सय १२ मा ९ विकेटको कमजोर स्थितिमा पुगेको थियो । तर किरण पौडेल (१२ नटआउट) ले गण्डकीलाई जित दिलाए ।

म्यान अफ द म्याच दिपेशले प्रदेश १ का लागि १० ओभरमा ७ मेडन राख्दै मात्र १० रन खर्चिएर चार विकेट लिएका थिए । लव कामतले तीन विकेट हात पारे । अर्जुनले ७० बलमा ४५ रन जोड्दा ६ चौका प्रहार गरे भने दिपकले ५९ रनमा ३३ रन बनाउदा ७ चौका हिर्काए ।

Continue Reading
Headline2 days ago

बागमतीलाई फराकिलो अन्तरले हराउदै सुदुर पश्चिम फाइनलमा

Headline2 days ago

रोनाल्डोको ८ सय गोलको कोशेढुँगा

Headline3 days ago

गण्डकीसँग हारेपछि प्रदेश १ अण्डर १९ राष्ट्रिय क्रिकेटबाट बाहिरियो

Headline3 days ago

‘बल प्लेयिङ डिफेन्डर’ जम्दै गर्दा पृथक देखिन थालिएको घरेलु फुटबल

Headline3 days ago

प्रकाशले ८ विकेट लिँदा प्रदेश २ अण्डर १९ राष्ट्रिय क्रिकेटबाट बाहिरियो

Headline4 days ago

बसिरको ५ विकेट, देव र आकाशको शतकीय साझेदारीपछि लुम्बिनी फाइनलमा

Headline4 days ago

प्रदेश १ लाई हराउदै सुदुर पश्चिम फाइनल समिकरणमा कायमै

Headline5 days ago

सुदुर पश्चिमको दोश्रो जितमा अर्जुन नायक

Headline5 days ago

बागमतीलाई सानो लक्ष्यमा संघर्ष गराएको कर्णाली बाहिरियो

Headline5 days ago

बालोन डि ओरः फेरि पनि मेस्सीकै राज

Headline12 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline2 years ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!