Connect with us

Headline

युरोपियन राउण्ड–अपः नापोलीलाई कोप्पा इटालिया, सिटीको आर्सनलमाथि सहज जित

Published

on

युभेन्टसलाई पेनाल्टी सुटआउटमा ४–२ ले हराउदै नापोलीले कोप्पा इटालियाको उपाधि जितेको छ । पछिल्लो ६ बर्षमा नापोलीको यो पहिलो मुख्य उपाधि हो ।

आर्काडुस मिलिकले चौथो तथा निर्णायक पेनाल्टीलाई गोलमा परिणत गरेपछि नापोलीले उपाधि आफ्नो नाममा लेखाएको थियो । युभेन्टसका लागि पाब्लो डिबाला र ड्यानिलो चुकेका थिए । निर्धारित समयमा दुवै टोलीबाट गोल हुन नसकेपछि खेलको निर्णय टाइ ब्रेकरबाट लिइएको थियो ।

नापोलीका लागि पुर्व इटाली मिडफिल्डर जेनारो गाटुसोले व्यवास्थापकको रुपमा पहिलो उपाधि जितेका छन् ।

आर्सनलको हारमा लुइज खलनायक

कोरोना भाइरसको स्थगनपछि फर्किएको इङ्गलिस प्रिमियर लिगको पहिलो दिन डेभिड लुईज छाए, तर नकारात्क रुपमा । म्यानचेस्ट सिटीसँग ३–० ले हार्ने क्रममा लुईजकै कारण आर्सनलले दुई गोल खायो भने ब्राजिलियन डिफेन्डर दोश्रो हाफको केही क्षणपछि नै रेड कार्ड खादै बाहिरिन पुगेका थिए ।

पहिलो हाफमा सब्स्टिच्युट खेलाडीको रुपमा आएका लुईजले बल क्लियर गर्न नसक्दा रहिम स्टर्लिङ्गले गोल गरेपछि सिटीले इन्जुरी समयको दोश्रो मिनेटमा अग्रता लिएको थियो । अन्तिम डिफेन्डर रहेको स्थितिमा लुईजले रियाद माह्रेजको जर्सी तानेर रेडकार्ड त पाए नै सिटीले पेनाल्टी पनि पायो ।

केभिन डि ब्रुनले सजिलै गोल गर्दै सिटीलाई ४९ औ मिनेटमा २ गोलको अग्रता दिलाए । फिल फोडेनले खेलको अन्त्यमा सर्जियो अगुएरोले प्रहार गरेको रिबाउण्डमा गरेपछि आर्सनलले नमिठो पराजय बेहोरेको थियो । सिटी ६० अंक सहित दोश्रो स्थानमा छ भने पहिलो स्थनको लिभरपुलको ८२ अंक रहेको छ ।

खराब सिजनबाट गुज्रिरहेको आर्सनले ४० अंक सहित ९ औं स्थानमा छ । यसअघि भएको पहिलो खेलमा एस्टन भिल्लाले सेफिल्ड युनाइटेडलाई बराबरीमा रोकेको थियो । भिल्ला २६ अंकका साथ रेलिगेसन जोनमै रहेको छ भने सेफिल्ड ४४ अंकले छैटौं स्थानमा रहेको छ ।

माइन्जसँग डर्टमण्ड स्तब्ध

जर्मन बुन्डेसलिगामा दोश्रो स्थानमा रहेको डर्टमण्ड माइन्जसँग २–० ले पराजित हुन पुग्यो । इडुना पार्कमा भएको खेलमा जोनाथन बुर्कार्टले ३३ औं मिनेटमा गोल गर्दै माइन्जलाई अग्रता दिलाएका थिए । जन फिलिपे मटेटाले पेनाल्टीमार्फत ४९ औं मिनेटमा अर्को गोल गरेपछि डर्टमण्ड स्तब्ध बनेको थियो ।

पराजयका बावजुद डर्टमण्ड ६६ अंकका साथ दोश्रो स्थानमा कायम रहेको छ । बायर्न म्युखिले दुई खेल बाकी रहदा नै उपाधि जित्दा बुन्डेसलिगमा अब दोश्रो स्थानको लागि प्रतिस्पर्धा मात्र बाकी रहेको छ । फोर्चुना डसेल्डर्फसँग २–२ गोलको बराबरी गरेपछि आरबी लाइपजिगले डर्टमण्डसँग दुरी छोट्याउन असफल भएको थियो ।

लाइपजिगको ६३ अंक रहेको छ । चौथो स्थानमा रहेको बायर लेभरकुसनले कोलोनलाई ३–१ ले हरायो । लेभरकुसनको ६० अंक भएको छ । अन्य खेलमा आइन्ट्राच्ट फ्रांकफर्टले साल्केलाई २–१ र होफेन्हाइमले अस्बर्गलाई ३–१ ले हरायो ।

फेलिक्सको दुई गोलमा एट्लेटिकोको फराकिलो जित

स्पेनिस ला लिगामा जाओ फेलिक्सले दुई गोल गरेपछि एट्लेटिको म्याड्रिडले ओसासुनालई ५–० को फराकिलो अन्तरले पराजित गर्यो । फेलिक्सले २७ र ५६ औं मिनेटमा गोल गरेपछि एट्लेटिकोले एक घण्टा नबित्दै २–० को अग्रता लिएको थियो । त्यसपछि मार्कस लोरेन्टे, अल्भारो मोराटा र यानिक कारास्कोले १–१ गोल थपेका थिए ।

जितपछि एट्लेटिको ४९ अंकका साथ चौथो स्थानमा उक्लिएको छ । अन्य खेलमा एथ्लेटिक बिल्बाओले आइबारलाई २–२ गोलको बराबरीमा रोकेको थियो भने रियल भालाडोलिड र सेल्टा भिगोले पनि गोलरहित बराबरी खेलेका थिए ।

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline4 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline1 month ago

नव प्रवेशी गुजरातले चुम्यो आईपीएलको उपाधि 

Headline1 month ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline4 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline1 month ago

नव प्रवेशी गुजरातले चुम्यो आईपीएलको उपाधि 

Headline1 month ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!