Connect with us

Headline

जिदानको २ सयौं खेलमा रियलको सुखद पनरागमन

wesportz

Published

on

प्रशिक्षकको रुपमा जिनेदिन जिदानको २ सयौं खेलमा आइबारलाई ३–१ ले पराजित गर्दै रियल म्याड्रिडले कोरोना भाइरसपछि फर्किएको स्पेनिस ला लिगामा सुखद पुनरागमन गरेको छ ।

बर्नाबेउ स्टेडियम पुननिर्माण भइरहेकाले आफ्नो प्रशिक्षण मैदानमा इस्टाडियो अल्फ्रेडो डि स्टेफानोमा भएको खेलमा जिदान रियलका लागि २ सय खेल छुने तेश्रो प्रशिक्षक बन्न पुगे । मिगेल मुनोज रियलका लागि सर्वाधिक ६ सय ५ खेलमा प्रशिक्षक रहेका छन् भने स्पेनलाई २०१० को बिश्वकप जिताउने भिन्सेन्ट डेल बोस्क २ सय ५ पटक ।

टोनी क्रुसले चौथो मिनेटमै अग्रता दिलाएपछि कप्तान सर्जियो रामोस र मार्सेलोले रियलका लागि पहिलो हाफमै बाकी दुई गोल थपेका थिए । ६० औं मिनेटमा पेद्रो बिगासले आइबारका लागि १ गोल थपेका थिए । जितपछि रियल शिर्ष स्थानको बार्सिलाना भन्दा दुई अंकले मात्र पछाडी रहेको छ ।

यसअघि भएको खेलमा एट्लेटिको म्याड्रिडलाई एथ्लेटिक बिल्बाओले १–१ को बराबरीमा रोकेको थियो भने रियल सोसिडाडले पनि ओसासुनासँग उति नै बराबरी खेलेको थियो । अंक तालिकामा बार्सा (६१), रियल (५९), सेभिया (५०), रियल सोसिडाड (४७) र गेटाफे (४७) पहिलो पाँच स्थानमा रहेका छन् ।

ला लिगामा २८ चरणका खेलहरु सम्पन्न भएका छन् ।

Headline

साल्के ३० बर्षपछि बुन्डेसलिगाबाट रेलिगेसनमा

wesportz

Published

on

युरोपियन फुटबलको सबैभन्दा सफल मध्येको एक क्लब साल्के ०४ जर्मनीको प्रथम श्रेणी फुटबल बुन्डेसलिगाबाट रेलिगेट भएको छ । आर्मिनिया बिलेफिल्डसँग १–० ले हारेपनि साल्केको जर्मन फुटबल इतिहासमा चौथो रेलिगेसन निश्चित भएको थियो ।

साल्के च्याम्पियन्स लिगको सेमिफाइनल पुगेको ठ्याक्कै १० बर्षपछि रेलिगेट भएको हो । साल्के १९८८ पछि पहिलो पटक रेलिगेट भएको हो । उ १९९१–९२ को सिजनमा माथिल्लो श्रेणीमा उक्लिएको थियो ।

“मलाई राम्रो लागिरहेको छैन र साल्केका समर्थकहरु कसरी टेलिभिजन अगाडी बसेर रोइरहेका छन् कल्पना गर्न सक्छु । हामीलाई यो हुदैछ थाहा थियो तर जब यो समय आयो भनेर थाहा भयो, निकै गाह्रो भयो,” साल्केका प्रशिक्षक जेराल्ड आसामोवाले भने ।

स्पेन लिजेण्ड राउलले सान सिरोमा गोल गर्दा साल्के इन्टर मिलानलाई पराजित गर्दै २०११ को च्याम्पियन्स लिग सेमिफाइनलसम्म पुगेको थियो । सेमिफाइनलमा भने उसलाई इङ्गलिस टोली म्यानचेस्टर युनाइटेडले हराएको थियो ।

२०१०–११ को सिजनमा साल्केले जर्मन कप पनि जितेको थियो । तर एक दशकपछि साल्केले बुन्डेसलिगामा ३० मध्ये मात्र दुई खेल जितेको छ । यो सिजन मात्रै उसले पाँच प्रशिक्षक परिवर्तन गरेको थियो ।

साल्के दोश्रो डिभिजनमा झर्दा उसको थाप्लोमा २ सय ६१ मिलियन डलरको ऋण रहनेछ । उसले गत सिजन कोरोना भाइरसका कारण आफूलाई ५२ मिलियन युरोको घाटा भएको सार्वजनिक गरेको थियो ।

साल्केको रेलिगेसन निश्चित हुँदा बायर्न म्युनिख भने यसै सप्ताहान्त बुन्डेसलिगाको किर्तिमानी नवौं पटक बिजेता बन्न सक्छ । एरिक म्याक्सम चुपो–मोटिङ्ग र जोसुवा किमिचले गोल गरेपछि बायर लेभरकुसनलाई २–० ले हराउदै बायर्नले चार खेल बाकी रहदा १० अंकको अग्रता बनाइसकेको छ ।

माइन्जलाई शनिबार पराजित गर्ने हो भने बायर्नले उपाधि उचाल्ने छ । दोश्रो स्थानको आरबी लाइपजिग रेलिगेसनको खतरा रहेको कोलोनसँग हारेपनि बायर्नलाई सजिलो भएको थियो ।

Continue Reading

Headline

धेरै क्लबले नाम फिर्ता लिए पछि युरोपियन सुपर लिग अनिश्चितकालीन लागि बन्द

wesportz

Published

on

प्रिमियर लिगका ६ र ला लिगाको एक क्लबले आफ्नो नाम फिर्ता लिए पछि युरोपियन सुपर लिग अनिश्चितकालीनका लागि स्थगित हुने भएको छ । संस्थापक क्लबका रुपमा रहेका प्रिमियर लिगका म्यानचेस्टर सिटी, चेल्सी, म्यानचेस्टर युनाइटेड, आर्सनल, टोटनह्याम र लिभरपुल । ला लिगाको एट्लेटिको म्याड्रिड र सिरी आ को इन्टर मिलानले आफ्नो नाम फिर्ता लिने बताए लगतै प्रतियोगिता स्थगित गर्ने निर्णय भएको हो ।

१२ संस्थापक क्लब सहित स्थापना हुँदै गरेको एुरोपियन सुपर लिगको धेरै बिरोध भए पछि सात ठुला क्लबले आफ्नो नाम फिर्ता लिएका थिए । प्रिमियर लिगका सबै क्लबको रङ्गशाला बहिर धेरै समर्थकले नारा जुलुस पनि लगाएका थिए । म्यानचेस्टर सिटीले प्रतियोगिताबाट आफ्नो नाम फिर्ता लिने पहिलो क्लब बनेको थियो ।

“धेरै क्लबहरुले दवाबका कारण नाम फिर्ता लिए पछि अब हामी प्रतियोगितालाई केही समयका लागि रोक्ने छौँ,” युरोपियन सुपर लिगले एक बिज्ञप्तीमा लेखेको छ ।

“वर्तमान परिस्थितिलाई ध्यानमा राख्दै हामी पूरै फुटबल क्लबहरुको भुक्तानी बढाउँदै प्रशंसकहरूलाई नयाँ अनुभव प्रदान गर्ने हाम्रो लक्ष्यहरूलाई मनमा राख्दै यस परियोजनालाई पुनः आकार दिन सबैभन्दा उचित कदमहरूको पुनर्विचार गर्नेछौं।” बिज्ञप्तीमा उल्लेख छ ।

धेरै क्लबका समर्थक, अन्य क्लब, प्रस्तोता, बिश्लेषकले यो प्रतियोगिताले ठुलो क्लबलाई मात्र हेरेको र यो प्रतियोगिता मन्य नहुने भन्दै चर्को आलोचना समेत गरेका थिए ।

 

Continue Reading

Headline

डि लिडेको उच्च प्रदर्शनमा नेदरल्याण्ड्सको नेपालमाथि रोमाञ्चक जित

wesportz

Published

on

कुशल भुर्तेलको बिश्व किर्तिमान र दिपेन्द्र सिँह ऐरिले अद्र्धशतक बनाएपनि बास डि लिडेको आक्रमक इनिङ्गसमा नेदरल्याण्ड्सले नेपाललाई त्रिदेशीय ट्वान्टी ट्वान्टी अन्तर्राष्ट्रिय श्रृंखलाको तेश्रो खेलमा तीन विकेटले पराजित गरेको छ

त्रिवि क्रिकेट मैदानमा टस जिति पहिलो ब्याटिङ्ग गरेको नेपालले ६ विकेटको क्षतिमा २ सय ६ रन बनायो जवाफमा डि लिडे र बेन कुपरले अद्र्धशतक बनाएपछि नेदरल्याण्ड्स तीन बल बाकी हुँदा लक्ष्य प्राप्त गर्यो    

इनिङ्गसको शुरुवात देखि नै आक्रमक रुप अपनाएको नेदरल्याण्ड्सले १२ रन प्रति ओभरमा रन बटुलेको थियो मलेसियाबिरुद्ध १ सय ३३ रनको शानदार पारी खेलेका म्याक्स ओ डाउडलाई सन्दिप लामिछानेले पेभिलियन फर्काए पनि नेदरल्याण्ड्सको रन गति रोकिएको थिएन

कुपरले टोबियास भिस (१५) सँग ४१ रनको साझेदारी गर्दै नेदरल्याण्ड्सको इनिङ्गसलाई अगाडी बढाए भने उनले डि लिडेसँग ६८ रनको ठोस साझेदारी गरेका थिए नेपालले त्यसपछि कुपर र नयाँ ब्याट्स्म्यान आर्यन दत्तलाई लगातार पेभिलियन फर्काउदै खेलमा फर्किएको थियो

तर डि लिडेले आक्रमक ब्याटिङ्ग गर्दै नेदरल्याण्ड्सलाई जित नजिक पुर्याएका थिए उनले कप्तान पिटर सिलारसँग ४९ रनको अर्को महत्वपूर्ण पार्टनरसिप गरेका थिए नेदरल्याण्ड्सलाई अन्तिम १८ बलमा ४५ रन चाहिएको अवस्थामा सिलारले सन्दिपलाई लगातार तीन छक्का प्रहार गरेपछि नेपाल पछि परेको थियो

सन्दिपले त्यही ओभरमा सिलारलाई पेभिलियन फर्काए पनि डि लिडेले उत्कृष्ट इनिङ्गसलाई जारी राखेका थिए उनले १९ औं ओभरमा अविनाश बोहोरालाई दुई छक्का र एक चौका प्रहार गर्दा नेदरल्याण्ड्सलाई अन्तिम ६ बलमा ६ रन चाहिएको थियो

करण केसीले गरेको अन्तिम ओभरको पहिलो बलमा एन्टोनियस स्टाल आउट भएपनि डि लिडेले लगातार दुई चौका प्रहार गर्दै जित दिलाएका थिए डि लिडेले ४२ बलमा पाँच छक्का र ७ चौकाको मद्दतमा ८१ रन बनाए यो उनको ट्वान्टी ट्वान्टी अन्तर्राष्ट्रिय करिअरकै सर्वाधिक ठूलो योगफल हो

कुपरले ३५ बलमा ५५ रन जोड्दा १० चौका प्रहार गरे सिलारले १५ बलमै तीन छक्का र एक चौकाको मद्दतमा ३१ रन ठोकेका थिए नेपालका लागि सन्दिपले चार विकेट लिएपनि ४८ रन खर्चिएका थिए

दर्शकलाई प्रवेश नदिइएको त्रिवि मैदानमा पहिलो पटक कुशल र आसिफ शेखबीच श्रृंखलामा पहिलो पटक ठूलो साझेदारी नबनेपनि नेदरल्याण्ड्सबिरुद्ध अहिलेसम्मकै सर्वाधिक योगफल बनायो यस क्रममा कुशलले ४१ बलमा ६२ र दिपेन्द्रले ३० बलमै ६० रन ठोकेका थिए

कुशल ट्वान्टी ट्वान्टी अन्तर्राष्ट्रिय डेब्युमा लगातार तीन अद्र्धशतक बनाउने बिश्वकै पहिलो खेलाडी बने उनले इङ्गल्याण्डका डेविड मलनको किर्तिमान तोडेका हुन् मलनले डेब्यु प्रतियोगितामा लगातार दुई अद्र्धशतक प्रहार गरेका थिए

नेपालले दोश्रो ओभर भित्रै २० रन जोड्दा आसिफलाई शुन्यमै गुमाएको थियो कुशलले सधै जसरी आक्रमक शुरुवात नै दिलाएका थिए त्यसपछि कप्तान ज्ञानेन्द्र मल्ल र कुशलले दोश्रो विकेटका लागि ४३ रन जोडेका थिए

ज्ञानेन्द्रले १४ बलमा दुई चौका र एक छक्काको मद्दतमा २० रन बनाए दिपेन्द्र र कुशलले नेपालका लागि महत्वपूर्ण साझेदारी गर्दै तेश्रो विकेटका लागि ७८ रन जोडेका थिए दिपेन्द्रले निकै आक्रमक इनिङ्गस खेल्दा कुशल अद्र्धशतक नजिक पुगेपछि सम्हालिएर खेल्न थाले उनले फ्रि हिटमा छक्का प्रहार गर्दै अद्र्धशतक पुरा गरेका

कुशलको इनिङ्गसमा ८ चौका र एक छक्का सामेल थियो दिपेन्द्रले २८ बलमै अद्र्धशतक ठोकेका थिए उनले नेदरल्याण्ड्स कप्तान पिटर सिलारलाई छक्का प्रहार गरेका दिपेन्द्र लगातार तीन छक्का हान्ने धुनमा आउट भए

कुशल मल्ले ७ बलमा १८ रन बनाउदा सबै रन छक्काबाटै बटुलेपछि नेपाल बिशाल योगफलतर्फ अग्रसर भएको थियो नेपालले कुशल र करण केसीलाई दुई रनको अन्तरमा गुमाएपछि अन्तिम ओभर तिर नेदरल्याण्ड्सले इनिङ्गसमा नियन्त्रण राख्न सफल भएको थियो

अन्तिम ओभरमा नेपालले १२ रन जोडेको थियो सोमपाल कामीले १३ बलमा दुई चौका र एक छक्काको मद्दतमा २१ रन बनाए

Continue Reading
Headline2 hours ago

साल्के ३० बर्षपछि बुन्डेसलिगाबाट रेलिगेसनमा

Headline3 hours ago

धेरै क्लबले नाम फिर्ता लिए पछि युरोपियन सुपर लिग अनिश्चितकालीन लागि बन्द

अन्तर्राष्ट्रिय11 hours ago

मुम्बईलाई पराजित गर्दै दिल्ली अंक तालिकाको दोश्रो स्थानमा 

अन्तर्राष्ट्रिय14 hours ago

मुम्बईको सानो योगफल 

Headline18 hours ago

डि लिडेको उच्च प्रदर्शनमा नेदरल्याण्ड्सको नेपालमाथि रोमाञ्चक जित

Headline20 hours ago

नेपालले नेदरल्याण्ड्सबिरुद्ध बिशाल योगफल बनाउदा कुशलको बिश्व किर्तिमान, दिपेन्द्रको ताबडतोड ब्याटिङ्ग

Headline22 hours ago

नेदरल्याण्ड्स बिरुद्ध नेपाल पहिलो ब्याटिङ्ग गर्दै

अन्तर्राष्ट्रिय1 day ago

राजस्थान माथि चेन्नाईको फराकिलो जित 

Headline2 days ago

मोउरिन्हो बर्खास्त !

Headline2 days ago

नेपालको अर्को उत्कृष्ट ब्याटिङ्ग, कुशलले बनाए अद्र्धशतकको किर्तिमान

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!