Connect with us

Headline

कोपा इटलियाको फाइनल पुग्यो युभेन्टस

wesportz

Published

on

 

अवे गोललाइ आधार मान्दै युभेन्टस कोपा इटलियाको फाइनलमा पुगेको छ। सेमीफाइनलको पहिलो लेगमा एसी मिलनसँग १-१ को बराबरी खेलेको युभेन्टसले सेमिफाइनलको दोस्रो लेगमा गोल रहित बराबरी खेल्दै फाइनलको यात्रा तय गरेको हो।

दर्शकबिना युभेन्टसको मैदान आलेज एरेनामा खेलिएको खेलको १५ औं मिनेटमा युभेन्टसले अग्रता लिने सुवर्ण अवसर पाएको थियो । आन्द्रीए कोन्टिले पेनाल्टी क्षेत्रभित्र ह्यान्ड गरेपछि रेफ्रीले भीएआरको सहायता लिँदै पेनाल्टी दिएका थिए । तर रोनाल्डोले पेनाल्टीमा गोल गर्न भने सकेनन् । उनको प्रहार पोस्टको भित्रि भागमा लाग्दै मैदानमै फर्किएको थियो।

दोस्रो हाफको सुरुवातमा नै एसी मिलानका हाकन चाल्हानोग्लुको हेडरले पोस्टको दिशा लिन सकेन । एक खेलाडी कम खेलेपनि मिलानले खेलमा युभेन्टसलाई दबाब बनाउन दिएन । युभेन्टसले दोस्रो हाफमा गोलको लागि संघर्ष जारी राख्यो।

दुबै टोलीले मौकाको सदुपयोग गर्न नसक्दा खेल ०-० बराबरीमा सकिएकाले युभेन्टस अवे गोलको आधारमा फाइनलमा प्रवेस गर्न सफल भयो।

युभेन्टसले अब उपाधिका लागि इन्टर मिलान र नेपोलीबीच दोस्रो सेमिफाइनलको विजेतासँग खेल्नेछ । पहिलो लेगमा नेपोलीले इन्टरमाथि १-० को जित दर्ता गरेको थियो ।

Click to comment

Leave a Reply

Your email address will not be published. Required fields are marked *

Headline

शख्तरका २० बर्षिय ब्राजिलियन जसले रियल म्याड्रिडलाई ध्वस्त पारे

wesportz

Published

on

अक्टोबर २१ शख्तर दोनेस्कका २० बर्षिय ब्राजिलियन मिडफिल्डर टेटेले बिश्व फुटबलमा आफ्नो आगमन भएको घोषणा गरेका थिए ।

टेटेले उत्कृष्ट गोल र एक असिस्टसँगै अविश्वसनीय एकल प्रदर्शन देखाएपछि युक्रेनियन क्लबले च्याम्पियन्स लिगको पहिलो हाफमा नै १३ पटकको च्याम्पियन रियल म्याड्रिडबिरुद्ध ३–० को अग्रता पाएको थियो । त्यो पनि रियलकै मैदानमा ।

रियल खेलमा फर्किएपनि ३–२ ले खेल जित्न सफल शख्तर मङ्गलवार आफ्नो घरेलु मैदानमा रियललाई स्वागत गर्दैछ । ब्राजिलियन एट्याकिङ्ग मिडफिल्डर टेटे यो खेलले आफ्नो करिअरको अबको बाटो निर्धारण गर्नका लागि एक कोशेढुँगा साबित हुने मान्छन् ।

“रियल म्याड्रिडमा भएको खेल मेरो अहिलेसम्मको करिअर यात्रामा अविस्मरणीय र उत्कृष्ट थियो । मार्सेलो र कासिमेरो जस्ता लेजेण्डबिरुद्ध खेल्नु मेरो लागि उच्च सम्मान र हर्ष दुवै थियो । त्यो मेरो सपना साचो भएको दिन हो,” टेटेलाई बिबिसीलाई दिइएको एक अन्तर्वार्तामा भनेका छन् ।

“म आफूसँगको भएको स्किल देखाउदै आफूलाई साबित गर्न चाहन्थे । त्यसैले मार्सेलोसँग वान भर्सेस वानमा ड्रिबल गर्दै बल लिएर गएको थिए । आफ्नो टोलीको लागि त्यति महत्वपूर्ण परिणाममा अहम भुमिका खेल्नु मेरो लागि निकै खुशीको कुरा थियो,” उनले भने ।

टेटेले स्पेनमा देखाएको प्रदर्शनले शख्तरमै आफ्नो खेल बिकास गरेका म्यानचेस्टर सिटीका फर्नान्डिन्हो, आर्सनलका विलियन र हाल लोनमा बायर्न म्युनिखमा रहेका युभेन्टसका डगलस कोस्टा जस्ता चर्चित ब्राजिलियनहरुको सुचिमा जाने प्रतिभा रहेको स्पष्ट देखिन्छ ।

रियल म्याड्रिडको टोलीमा स्टारहरुको कमि थिएन तर त्यो दिन नाम टेटेले कमाए

ब्राजिलमा आफ्नो स्काउटिङ्ग नेटवर्कका कारण प्रख्यात रहेको शख्तरको टोलीको प्रदर्शन झण्डै दुई दशकदेखि ब्राजिलियन खेलाडीहरुकै वरिपरि घुम्ने गरेको छ । हाल शख्तरमा १३ ब्राजिलियन खेलाडीहरु छन् र टेटेको कथा बिशेष छ ।

२०१९ को शुरुवातमा सिनियरमा टिमको कुनै अनुभव नभएको टेटेलाई शख्तरले १३ दशमलव ५ मिलियन पाउण्डमा ग्रेमियो एकेडेमीबाट खरिद गरेको थियो । आउने बित्तिकै उनले शख्तरमा पुरै सिजनमा प्रभावकारी प्रदर्शन दिएका थिए । यसमा गत बर्ष म्यानचेस्टर सिटीबिरुद्धको १–१ बराबरीमा म्यान अफ द म्याच प्रदर्शन पनि रहेको छ ।

“शख्तरको वातावरण मलाई सुहाउदो भएको बुझेर नै मलाई युक्रेन जाने निर्णय लिन गाह्रो भएको थिएन । म जसरी ग्रेमियोमै हुर्किएका डगलस कोस्टासँग कुरा गर्दा उनले शख्तरमा धेरै ब्राजिलियनहरु रहेको बताएका थिए । म आरामले क्लबमा सेटल भए । प्रशिक्षक लुइस कास्ट्रो र न्युट्रिसनिस्ट दुवै पोर्चुगलका हुन् । यहाँ सबै पोर्चुगिज बोल्ने गर्छन् र क्लबले पनि खेलाडीहरुलाई घर जस्तै महसुस गराउन कुनै कसर बाकी राखेको छैन,” टेटे भन्छन् ।

टेटे डगलस कोस्टालाई नै पछ्याउन चाहन्छन् भने उनको आइडल ग्रेमियोबाटै करिअर शुरुवात गरेका अर्का ब्राजिलियन लेजेण्ड रोनाल्डिन्हो हुन् । तर टेटेको लागि प्रेरणाको भने बिश्व लेजेण्ड पेलेको खेलहरु हेरेर नै मिल्ने गरेको छ ।

“मलाई पेलेले जहिल्यै आकर्षित गर्ने गर्छन् । उनी अचम्मका थिए । मलाई आफ्नो हरेक खेलअघि ड्रेसिङ्ग रुममा मोबाइलमा उनको खेलको भिडियोहरु हेर्ने बानी परिसकेको छ । उनीसँग भेट्न अथवा कम से कम कुरा गर्नु पनि मेरो लागि ठूलो सपना नै हो । शायद रियल म्याड्रिडलाई एक पटक फेरि पराजित गर्ने हो भने त्यो सपना पनि पुरा हुनेछ,” बार्सिलोनाका स्वघोषित फ्यान टेटेले भने ।

गत बर्ष म्याचेस्टर सिटीबिरुद्ध खेल्दा नै उनी फुटबल बिश्लेषकहरुको नजरमा परिसकेका थिए । अब पालो ठूलो स्टेजको मात्र हो ।

“मेरो सबैभन्दा ठूलो सपना बार्सिलोनाका लागि खेल्नु नै हो । रोनाल्डिन्हो, रिभाल्डो, रोमारियो र रोनाल्डो सबै बार्साका लागि खेल्दथे । म त्यो सुचिमा संलग्न हुन चाहन्छु । रियल म्याड्रिडसँग शुरुवाती ११ मा हुदा पनि यसले केही हदसम्म त्यो सपनलाई पुरा गर्नु हो ।

फुराकाओ (आधिबेहरी) निकनेम पाएका टेटेको खेल्ने शैलीले पुर्व नेदरल्याण्ड्स र बायर्न म्युनिख विँगर आर्जेन रोबेनको झल्को दिने गर्दछ, यसको कारण हो आफ्नो बलियो बाया खुट्टाबाटै उनी डिफेन्डरहरुलाई स्लाइस गर्दै पेनाल्टी बक्सभित्र छिर्न चाहन्छन् ।

“एक पटक मैले ग्रेमियोको युथ टिमको लागि उत्कृष्ट प्रदर्शन गरेको थियो र त्यसपछि मलाई पत्रकारहरुले फुराकाओ भनेर नाम दिए । मलाई यो राम्रो लाग्छ किनभने यसले मेरो खेल्ने बिष्फोटक शैलीलाई प्रतिविम्बित गर्छ,” उनी भन्छन् ।

“म टिनऐजमा हुदा सेन्ट्रल मिडफिल्डरको रुपमा खेल्ने गर्थे र मलाई बायापछि पनि एक–दुई पटक खेलाउने प्रयास भएको थियो । तर राइट विँगमा मेरो लागि सबैभन्दा मन पर्ने स्थान हो । मान्छेहरु मलाई रोबेनले जसरी खेल्छ भन्छन् र प्रयास गर्दै उनको स्तरसम्म पुग्नु मेरो लागि राम्रो हुनेछ ।”

Continue Reading

Headline

क्लब लाइसेन्सिङ्ग स्विकृत नहुदा नेपालको क्लब एएफसी क्लब प्रतियोगितामा नहुने

wesportz

Published

on

नेपाली शिर्ष डिभिजनका १३ क्लबहरुले २०२१ को लागि गरेको ए लाइसेन्स प्रक्रिया आवेदनलाई एसियाली फुटबल फेडेरेशन (एएफसी) ले अस्विकार गरेको छ । लाइसेन्स अस्विकार भएसँगै कुनै पनि नेपाली क्लबहरु एफसीको क्लब प्रतियोगितामा सहभागी हुन पाउने छैनन् ।

अखिल नेपाल फुटबल संघ (एन्फा) ले एएफसी क्लब प्रतियोगितामा सहभागी हुनका लागि गरेको क्लब लाइसेन्सिङ्ग प्रकृयालाई एएफसीले मापदण्ड नपुगेको भन्दै अस्विकृत गरेको हो ।

अघिल्लो सिजन घटुवा भएको सरस्वती क्लब बाहेक यस पटकका लागि १३ ए डिभिजनका क्लबहरुले अखिल लाइसेन्सिङ्ग प्रकृया अघी बढाएका थिए । लाइसेन्सिङ्ग प्रकृयामा नेपाली क्लबहरु माद्धे त्रिभुवन आर्मी क्लब सबै भन्दा नजिक पुगेको थियो । त्यस्का लागि एएफसीले आर्मीले गरेको प्रयास देखी खुशी भएको जनाएको छ ।

अघिल्लो वर्ष नेपाली शिर्ष डिभिजनका क्लबहरुलाई ए लाईसेन्स वितरण गरेको भन्दै एएफसीले एन्फालाई ठुलो आर्थिक जरिवाना समेत गरेकाे थियाे ।

यो पटक भने एन्फाले ए डिभिजन क्लबहरुलाई एन्फा लाइसेन्स हुनु पर्ने नियम लगाएको छ ।

यससँगै २०२०/२०२१ को सिजन सिजनमा ए डिभिजन लिग हुने नै भए पनि बिजेताले एएफसीको कुनै पनि क्लब प्रतियोगिताहरु खेल्न पाउने छैन।

Continue Reading

Headline

मेजर लिग क्रिकेटमा पनि शाहरुखको नाइट राइडर्स टिम, बहुमत शेयर

wesportz

Published

on

शाहरुख खानको इण्डियन प्रिमियर लिग टोली कोलकाता नाइट राइडर्सले अमेरिकामा २०२२ देखि शुरु हुने योजनामा रहेको त्यहाँको सबैभन्दा ठूलो फ्रान्चाइज ट्वान्टी ट्वान्टी प्रतियोगिता मेजर लिग क्रिकेट (एमएलसी) मा पनि हात हालेको छ ।

६ टिम सम्मिलित प्रतियोगिता आयोजना गर्ने तयारीमा रहेको युएसए क्रिकेटसँग कोलकाताले प्रतियोगिता बिकासमा पनि मुख्य भुमिका खेल्नेछ । कोलकाताको एक टिम एमएलसीमा हुनेछ भने प्रतियोगिताको अधिकांश शेयर पनि उसले खरिद गर्नेछ ।

अमेरिकामा ठूलो बजार आगेटेको प्रचलित अन्य खेलकुद लिगहरु मेजर लिग सकर, मेजर लिग बेसबल, एनबिए, नेशनल फुटबल लिग, नेशनल हक्की लिग जस्तै मेजर लिग क्रिकेट पनि त्यहोको प्रमुख प्रतियोगिता हुनेछ ।

नाइट राइडर्स ग्रुप बलिउडका सुपरस्टार शाहरुख खान, नायिक जुही चावला र उनका पति जय मेहताको स्वामित्वमा रहेको छ । क्यारेबियन प्रिमियर लिग (सिपिएल) मा पनि एक टोली रहेको यो ग्रुपको अब तीन देशका प्रमुख लिगहरुमा हात हालेको हुनेछन् । ट्रिन्बागो नाइट राइडर्स यो सिजनसहित चार पटक सिपिएल जितिसकेको छ भने कोलकोताले दुई पटक आईपिएल ।

अन्य फ्रान्चाइज लिगको तुलनामा शुरुवाती चरणमा रहेका टिमहरुले प्रतियोगिताको शेयर पनि पाउने भएकाले यो फरक रहेको छ । “आईपिएल अथवा सिपिएलमा तपाईले एउटा टिम लिनुभयो र त्यो तपाइको स्वामित्वमा हुनेछ र सञ्चालन गर्नु पर्नेछ तर एमएलसीमा अहिलेको क्लबले शेयर पाउनेछन्,” नाइट राइडर्स ग्रुपका सिइओ र प्रबन्ध निर्देशक भेंकी मैसोर भन्छन् ।

नाइट राइडर्स ग्रुपलाई युएसए क्रिकेटसँग व्यवसायिक ट्वान्टी ट्वान्टी लिग बिकास गर्नका लागि साझेदारी गरिरहेको अमेरिकन क्रिकेट इन्टरप्राइजेजले बोलाएको हो ।

“जब उनीहरुले हामीलाई बोलाए हामीले यसमा पूर्ण रुपमा सहभागी हुदै छोटो समयका लागि मात्र नसोच्ने मनसायमा रहेको स्पष्ट पारेको थियौं । त्यसैले लिगको हिस्सा बाहेक हामीलाई कन्सल्ट्यान्टको रुपमा हेरिएको छ,” मैसोरले भने ।

Continue Reading
Headline5 hours ago

शख्तरका २० बर्षिय ब्राजिलियन जसले रियल म्याड्रिडलाई ध्वस्त पारे

Headline10 hours ago

क्लब लाइसेन्सिङ्ग स्विकृत नहुदा नेपालको क्लब एएफसी क्लब प्रतियोगितामा नहुने

Headline12 hours ago

मेजर लिग क्रिकेटमा पनि शाहरुखको नाइट राइडर्स टिम, बहुमत शेयर

Headline13 hours ago

च्याम्पियन्स लिग: रियल म्याड्रिड र शख्तर भिड्दै, चोटग्रस्त लिभरपुललाई आयाक्सको चुनौती

Headline15 hours ago

‘हजार्ड निकै कठिन समयसँग गुज्रिदै छन्’

Headline15 hours ago

भिल्लाको नाटकीय हार, फुलह्याम रेलिगेसन जोनबाट बाहिर

Headline1 day ago

मनाङलाई मनाङ नेसाङ कप

Headline1 day ago

‘स्वार्थी’ वा ‘खेलाडीहरूको सुरक्षा’? क्लोपको गुनासोले प्रशिक्षकहरु विभाजित

Headline1 day ago

फर डिएगोः इटालीमा म्याराडोनालाई समर्पण दिने क्रम ओइरदा नापोलीको बिशेष जित

Headline2 days ago

चोटका कारण वार्नर भारतबिरुद्धको ट्वान्टी ट्वान्टी सिरिजबाट बाहिरिए

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending