Connect with us

Headline

फुटबल बिश्वकपको दर्शकले हौसिएको अमेरिकी क्रिकेटको दुरगामी योजना

wesportz

Published

on

अमेरिका खेलकुदमा आफ्नो छुट्टै संसार बनाएर बसेको देश हो । क्रिकेट त धेरै परको कुरा हो अमेरिकामा फुटबलले पनि खासै महत्व राख्दैन । फुटबललाई अमेरिकामा सकर भन्छन् र रग्बीलाई भनिने गरेको अमेरिकन फुटबल त्यहाको सबैभन्दा ठूलो खेल महोत्सव । यसको छुट्टै नियमहरु छन् ।

अमेरिकनहरुका लागि एनबिए (नेशनल बास्केटबल एशोसिएसन) लिग, एनएचएल (नेशनल हक्की लिग), एनएफएल (नेशनल फुटबल लिग), मेजर लिग बेसबल सबैभन्दा ठूलो प्रतियोगिता हो ।

सन् १९९४ मा मात्रै अमेरिकाले फुटबल बिश्वकपको आयोजना गरेपछि त्यहा फुटबलले केही गति लिएको थियो । मेजर लिग सकर (एमएलएस) अमेरिकाको प्रथम श्रेणीको फुटबल हो र यसको आरम्भ १९९४ मा बिश्वकपको आयोजनाको दुई बर्षपछि मात्रै भएको थियो । एमएलएसलाई युरोपियन क्लब फुटबलसँग तुलना नै गर्न मिल्दैन । अमेरिकी राष्ट्रिय टोलीका खेलाडीहरु बाहेक एमएलसमा कि त सन्यासको संघारमा पुगेका फुटबलरहरु जाने गर्छन कि त अवसरको खोजिमा रहेकाहरु ।

बायर्न म्युनिखमा अलिहेका उदीयमान खेलाडी अल्फोन्सो डेभिस एमएलएसबाटै युरोपमा प्रवेश गरेका हुन् । अमेरिकाको महिला फुटबल बिश्वकै सशक्त टोली हो तर पुरुष राष्ट्रिय फुटबल टोलीका खेलाडीहरु त्यहाँका सुपर स्टारहरुमा पर्दैनन् ।

अचम्मको कुरा, अमेरिका अहिले क्रिकेटको एकदिवसीय अन्तर्राष्ट्रिय (ओडिआई) मान्यता लिएर बसेको देश हो । अन्तर्राष्ट्रिय क्रिकेट काउन्सिल (आईसिसि) ले तोकेको खेलाडी प्रयोगको मापदण्डको फाइदा उठाउदै अमेरिकाले एसियाली मुलसँगै वेष्ट इण्डिजका खेलाडीहरु समेट्दै राम्रो टोलीका मार्फत आडिआई मान्यता प्राप्त गरेको हो ।
नेपाली क्रिकेटलाई उचाईमा पुर्याएका पुर्व प्रशिक्षक पुबुदु दासानायकेले नै अमेकिालाई एकदिवसीय मान्यतासम्म डोर्याएका हुन् । पुबुदु अहिले अमरिकाको प्रशिक्षक जिम्मेवारीमा छैनन् ।

नेपालसँगै अमेरिका पनि आईसिसिले प्रत्यक्ष रुपमै सहयोग र समर्थन गर्ने देशमा पर्दछ । अझै भनौं अमेरिका अलि बढी । नेपालको उर्लदो फ्यान बेस र खेलाडीहरुको उपलब्धिका कारण नै आईसिसिले नेपाली क्रिकेटमा रुचि देखाएको हो भने अमेरिकामा आम्दानी गर्न सकिने सम्भावना रहेकाले नै । यहि कारण अमेरिकी क्रिकेट प्रतिबन्धमा परेपछि आईसिसि आफै नयाँ बोर्डको गठनमा सकृय रुपमा लाग्दै आएको थियो ।

एकदिवसीय मान्यता पाएपछि युएसए क्रिकेट अहिले ठूलो लक्ष्यका साथ अघि बढिरहेको छ । सन् १९९४ मा फुटबल बिश्वकप आयोजनाले हौसिएको अमेरिका क्रिकेट वेष्ट इण्डिजसँग हातेमालो गर्दै २०२३ पछि ट्वान्टी ट्वान्टी बिश्वकप आयोजना गर्ने तरखरमा रहेको छ ।

अमेरिकी जनताको लागि नौलो भएपनि १९९४ को फुटबल बिश्वकप ३५ लाखले प्रत्यक्ष रुपमा हेरेका थिए । यो अहिलेसम्मकै बिश्वकप रेकर्ड उपस्थिति हो । अमेरिकामा कुनै पनि आयोजना स्थलमा क्रिकेट खेल्ने हो भने त्यो हाउसफुल हुनेछ, युएसए क्रिकेटका प्रमुख कार्यकारी इयन हिडिन्सले बिबिसीलाई भने । अन्य खेलहरुले प्रमुख प्रतियोगितालाई गैर पारम्परिक बजारमा आफ्नो बलियो उपस्थिति जनाउने माध्यमको रुपमा लिने गरेका छन् ।

हिगिन्सका अनुसार अमेरिकाले अबको १० बर्षमा टेस्ट मान्यता प्राप्त गर्ने लक्ष्य बोकेको छ । “अहिलेको लागि हाम्रो लक्ष्य आईसिसिका पूर्ण सदस्यहरुसँग प्रतिस्पर्धा गर्ने रहेको छ । र अर्को १० बर्षमा हामी आफै पूर्ण सदस्य बन्ने लक्ष्यका साथ हिड्नेछौं,” उनले भने । “आयरल्याण्ड वा अफगानिस्तानजस्ता टोलीहरुसँग खेल्दै दिइने प्रदर्शनले हामी कतिको तयार छौ भनेर आफ्नो मुल्यांकन गर्न सक्छौं ।”

फ्लोरिडा राज्यको लडरहिलमा रहेको सेन्ट्रल ब्रोवार्ड रिजनल पार्कले यसअघि ६ एकदिवसीय अन्तर्राष्ट्रिय र १० ट्वान्टी ट्वान्टी अन्तर्राष्ट्रियको सफल आयोजना गरिसकेको छ । अगष्टमा त्यो मैदानले वेष्ट इण्डिज र दक्षिण अफ्रिकाबीच दुई ट्वान्टी ट्वान्टी पनि गर्न गइरहेको छ ।

अमेरिकाले क्रिकेट आयोजनाको माथिल्लो तहमा रहनका लागि अन्य स्थानहरु हेर्दै गरेको हिगिन्स बताउछन् । “आईसिसिलाई ट्वान्टी ट्वान्टी बिश्वकप अमेरिकामा ल्याउनका लागि एक आयोजना स्थलको निर्माण गरिनेछ । आईसिसिका इभेन्टहरु आयोजनाका लागि हामी राम्रो भेन्यु बनाउनेमा म बिश्वस्त छु,” हिगिन्सले भने ।

Headline

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

wesportz

Published

on

फास्ट बलर कर्टिस क्याम्फरले चार बलमा चार विकेटको किर्तिमानी प्रदर्शन गर्नुका साथै मार्क अडेयरले पनि उत्कृष्ट बलिंँग गर्दा आयरल्याण्डले ट्वान्टी ट्वान्टी बिश्वकपको आफ्नो पहिलो खेलमा नेदरल्याण्ड्सलाई ७ विकेटको फराकिलो अन्तरले पराजित गरेको छ ।

अबु धाबीमा पहिलो चरणको समुह ए अन्तर्गतको खेलमा ट्वान्टी ट्वान्टी अन्तर्राष्ट्रियमा चार बलमा चार विकेट लिने बिश्वका तेश्रो बलर बन्दा नेदरल्याण्ड्स २० ओभरमा १ सय ६ रनमै अलआउट भएको थियो ।

आयरल्याण्डका लागि अडेयरले पनि घातक बलिंग गर्दै चार ओभरमा मात्र ९ रनको खर्चमा तीन विकेट लिएका थिए । जवाफमा आयरल्याण्डले १५ दशमलव १ ओभरमै लक्ष्य प्राप्त गर्यो । उसका लागि ग्यारेथ डेलानीले २९ बलमा ४४ रन बनाएका थिए भने ओपनर पउल स्टर्लिङ्ग ३९ बलमा ३० बनाउदै नटआउट रहे ।

डेलानीले पाँच चौका र दुई छक्का प्रहार गरे । नेदरल्याण्ड्सका लागि फ्रेड क्लासेन, ब्रान्डन ग्लोभर र कप्तान पिटर सिलारले १–१ विकेट लिएका थिए ।

यसअघि क्याम्फर आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी बने । १० औं ओभरमा बलिङ्गमा फर्किएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए ।

त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए । चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए । ५१ रनमै ६ विकेट गुमाएको नेदरल्याण्ड्सलाई उनले सेलारसँगको ३७ रनको साझेदारीमा तीन अंकको योगफल नघाउन सघाएका थिए ।

सेलारले २९ बलमा २१ रन बनाए । नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

wesportz

Published

on

आयरल्याण्डका मिडियम फास्ट बलर कर्टिस क्याम्फरले जारी ट्वान्टी ट्वान्टी बिश्वकपमा नेदरल्याण्ड्सबिरुद्ध चार बलमा चार विकेट लिदै किर्तिमानी प्रदर्शन गरेका छन् ।

ट्वान्टी ट्वान्टी बिश्वकपमा चार बलमा चार विकेट लिने उनी एक मात्र खेलाडी भएका छन् भने ट्वान्टी ट्वान्टी अन्तर्राष्ट्रियमा सो उपलब्धि हात पार्ने उनी बिश्वका तेश्रो बलर बनेका छन् । उनी आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी भने बनेका छन् ।

अबु धाबीमा जारी समुह ए को खेलको १० औं ओभरमा बलिङ्ग गर्न आएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए । त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए ।

चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

५१ रनमा दुई विकेटको अवस्थामा रहेको नेदरल्याण्ड्स क्याम्फरको घातक बलिँगसँगै २० ओभरमा अलआउट हुँदै मात्र १ सय ६ रन बनायो । नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए ।

५१ रनमै ६ विकेट गुमाएको नेदरल्याण्ड्सलाई उनले कप्तान पिटर सेलारसँगको ३७ रनको साझेदारीमा तीन अंकको योगफल नघाउन सघाएका थिए । सेलारले २९ बलमा २१ रन बनाए । क्याम्फर बाहेक निकै कसिलो बलिँग गरेका मार्क अडेयर चार ओभरमा मात्रै ९ रन खर्चेर तीन विकेट लिएका थिए ।

नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

साफ उपबिजेता नेपाली टोलीको बिमानस्थलमा भब्य स्वागत

wesportz

Published

on

साफ च्याम्पियनसिपको २८ बर्षे फुटबल इतिहासमा पहिलो पटक फाइनल पुगेको नेपाली टोलीको त्रिभुवन बिमानस्थलमा भब्य स्वागत गरिएको छ ।

नेपाली टोली सोमबार बिहान काठमाडौं आइपुगेको हो । शनिबार साफ च्याम्पियनसिप फाइनलमा नेपाल चीर प्रतिद्वन्दी भारतसँग ३–० ले पराजित भएको थियो । हारसँगै नेपाली टोली आफ्नो फुटबल इतिहासकै ठूलो मध्येको एक उपाधिबाट बञ्चित भएपनि ऐतिहासिक फाइनल खेल्न सफल भएको थियो ।

सयौंको संख्यामा नेपाली फुटबल समर्थकहरुले स्वागत गरेको नेपाली टोलीलाई बिमानस्थलमा लिन युवा तथा खेलकुद मन्त्री महेश्वर गहतराज पनि पुगेका थिए । उनले नेपाली फुटबललाई अझै उचाईमा पुर्याउन सरकारको रुपमा सहयोगन गर्ने आश्वासन पनि दिए ।

समर्थकहरुले प्रशिक्षक अब्दुल्लाह अल्मुताइरीको पक्षमा नारा पनि लगाएका थिए । भारतबिरुद्धको फाइनल नेपाली राष्ट्रिय टोलीका लागि आफ्नो अन्तिम हुने बताएका अब्दुल्लाह माल्दिभ्सबाट सिधै कुवेत फर्किसकेका छन् ।

तेश्रो पटक आफूले नेपाल छोड्न गइरहेको घोषणा गरेका अब्दुल्लाहको नेपालसँगको सम्झौता अक्टोबर २३ मा समाप्त हुदैछ ।

नेपाली टोलीको स्वागतमा नेपाली सेनाले मंगल धुन पनि बजाएको थियो । नेपालले उपबिजेताको हैसियतमा २५ हजार डलर पुरस्कार पाएको थियो ।

Continue Reading
Headline1 hour ago

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

Headline3 hours ago

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

Headline8 hours ago

साफ उपबिजेता नेपाली टोलीको बिमानस्थलमा भब्य स्वागत

Headline10 hours ago

अगुएरोले बार्सिलोनाको लागि डेब्यु गर्दा काउटिन्होको ११ महिनामा पहिलो गोल

T20 World Cup 202111 hours ago

 भारतीय समर्थकहरूको सनक, पाकिस्तान विरुद्धको खेल बहिष्कार गर्न आग्रह 

T20 World Cup 202121 hours ago

ट्वान्टी ट्वान्टी विश्वकपको पहिलो खेलमै बंगलादेश स्कटल्याण्डसँग स्तब्ध

Headline1 day ago

मैदान पूननिर्माणसँगै डुकुछापमा अन्तर क्लब फुटबल प्रतियोगिता सम्पन्न

Headline1 day ago

ट्वान्टी ट्वान्टी बिश्वकपः ओमानको सशक्त शुरुवात, पिएनजी १० विकेटले पराजित

Headline1 day ago

आजदेखि शुरु हुँदै ट्वान्टी ट्वान्टी बिश्वकप

Headline2 days ago

नेपाल हार्यो

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!