Connect with us

Headline

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Published

on

उन्मुक्त चन्दलाई भारतीय क्रिकेटमा एउटा उदीयमान नामको रुपमा हेर्ने गरिन्थ्यो, त्यो पनि भारतलाई २०१२ को अन्डर–१९ विश्वकप जिताउनु अघि नै । २०१२ को अन्डर–१९ विश्वकपको फाइलमा अष्ट्रेलियालाइ उसकै भुमिमा नमिठो हार चखाउदा चन्दले नटआउट १११ रन बनाएका थिए । प्राविधिक रुपमा उत्कृष्ट देखिने चन्दको चर्चा अझै चुलियो । उनलाई भारतको नयाँ विराट कोहली पनि भन्न थालियो ।

चन्द भारतमा यति लोकप्रिय भए कि उनलाई बिज्ञापनमा कोहली, तत्कालीन कप्तान महेन्द्र सिँह धोनी र सुरेश रैना जस्ता खेलाडीसँग टेलिभिजनमा एउटै पर्दामा देखाउन थालियो । तर त्यसको ८ बर्ष बितिसक्दा पनि चन्दले ती हस्तीहरुसँग भारतका लागि खेल्न पाएनन् ।

चन्द अहिले २७ वर्षका भइसके तर उनको खेल जीवन भने आश्चर्यजनक रूपमा समस्यै समस्याको चक्रमा जेलिन पुगेको छ ।

अन्डर–१९ विश्वकप जिताएपछि चन्द केही महिनामै भारत ए को कप्तान नियुक्त भएका थिए । उनको खेल जीवनको स्वर्णिम दिनहरुमा उनलाई दिल्ली स्टेट टोलिको खम्बाको रुपमा हेरिने गरिन्थ्यो । तर २०१६ मा यस्तो समय आयो कि उनको खेल जीवन तासको घर जस्तो सानो झड्कामै गल्र्याम्मै ढल्न पुग्यो । यसको शुरुवात दिल्ली स्टेट टोलीको एकदिवसीय टोलीबाट निकालिए देखि शुरु भयो ।

उनले आफ्नो आइपिएल सम्झौता पनि गुमाए र बज्रपात त तब पर्यो जब उनि भारत ए बाट नै फालिए ।

“मलाइ सबै भन्दा ठुलो झड्का त तब लाग्यो जब मलाइ दिल्ललीको एकदिवसिय टोलीबाट निकालियो । त्यो समयमा म भारतको ए टोलीको कप्तानी गर्ने गर्थे । मुम्बईमा अंचल स्तरीय टि–२० खेल्दै थिए, रन पनि बनाइरहेको थिए । त्यसपछि मलाई एकदिवसिय टोलीबाट मात्र निकाले । म शिखर धवन, गौतम गम्भिरसँग खेल्दै थिए । छनोटकर्ताहरु आए र मलाई भने कि मेरो लागि केही नयाँ सोचिदै छ अनि दिल्लीको टिमबाटै निकाले,” पुर्व भारतीय क्रिकेटर आकाश चोपडासँग गरिएको कुराकानीमा चन्दले आफ्नो जीवनको दुर्भाग्यपूर्ण घाटनाहरु सुनाउने क्रममा भने ।

पुर्व मुम्बई इन्डियन्सका ब्याट्स्म्यान चन्दका अनुसार उनले राम्रो खेल्दा खेल्दै पनि सबै थोक गुमाउन पुगे । पहिलो श्रेणीमा ६७ खेल र १२० लिस्ट म्याच खेलिसकेका चन्दले आईपिएलमा बढी खेल खेल्न पाउने आशामा मुम्बईसँगको सम्झौता पनि गुमाउन पुगेको बताउछन् ।

उनका अनुसार त्यो समय एक व्यक्तिले नै उनलाई मुम्बई छोड्न र आफ्नो टोलीमा आउन अनरोध गरेका थिए । तर अभागी चन्दलाई अक्सनमा कसैले पनि लिएन । दिल्ली डेयरडेभिल्सबाट एक सिजन खेलेपछि उनी आईपिएलका लागि मुम्बई गएका थिए ।

“स्टेट प्रतियोगितामा दिल्लीले तीन खेल हारेपछि मलाई खेल्ने मौका दिइएको थियो । मैले पाचों र छैटौं म्याचमा ब्याटिङ्ग गर्ने मौका पनि पाए । एउटामा ७५ र अर्कोमा ८० रन बनाउदै मैले दुवै पटक म्यान अफ द म्याच पनि जिते । तर मैले धेरै खेल खेल्न नपाएकोले मसँग उल्लेख्य संख्यामा रन थिएन । मलाई भारतको ए टोलीबाट निकालियो । यही समय म आईपिएलमा पनि थिइन ।”

“२०१६ मा मलाई मुम्बई इण्डियन्सले रिटेन गर्यो । खेलाडीहरु धेरै भएकाले मैले खेल्ने मौका पाइन । म यस्तो टोलीमा जना चाहन्थे जहा मलाई प्रशस्तै खेल्ने मौका मिलोस, कुरा पैसाको थिएन । मैले एकजना सँग कुरा पनि गरेको थिए । उनले मलाई मुम्बई छोड्दै आउन आग्रह गरेका थिए । बेस प्राइसमै लिएको भएपनि धेरै खेल खेल्नु थियो । मैले मुम्बई छोडे तर अक्सनमा मलाई कुनै पनि टोलिले लिएनन् ।”

“मलाई त छानाबाट खसाएको जस्तो लाग्यो । मसँग अब आईपिएलको सम्झौता पनि थिएन अनि दिल्लीको क्रिकेट पनि । मलाई मेरो कपडा च्यातेर नाङ्गो बनाइएको जस्तो महसुस भयो । सबैतिरबाट म एकै पटक कहि पनि थिइन । म एकै चोटि ३–४ दिन पछि आफ्नो खाटबाट उठे र सिधा मैदान पुगे । क्रिकेटबिना म बाच्न सक्दिन भन्ने आभास भयो । मलाई कहिले काही निकै दुख लाग्छ तर सोच्छु मेरो लागि धेरै बर्ष राम्रो गएको थियो, २–३ बर्ष नराम्रो भयो भन्दैमा मेरो लागि सबै बाटो भन्द भयो भन्ने हुदैन । हामी जहिले हारेपछि म मात्र किन ? भन्छौ तर कहिले पनि जितेपछि यही कुरा भन्दैनौ,” चन्दले थपे ।

दाया हाते ब्याट्स्म्यान चन्द २०१९ मा दिल्लीको टोली छोड्दै उत्तराखण्डका लागि स्टेट क्रिकेट खेल्न गए । टोलीको कप्तान समेत भएका उनी टोलीको लगातार हारपछि कप्तानी पद गुमाउन पुगे । भाग्यले लगातार उनलाई चोट पुर्याइरहेको छ ।

प्रख्यात क्रिकेट कमेन्टेटर इयान च्यापलले २०१२ मा उन्मुक्त चन्दलाई जती सक्दो छिटो भारतीय सिनियर टोलीमा खेलाए मात्र उनको भविष्य रहने नत्र उनी जहाको तही अड्किने भविष्यवाणी गरेका थिए । के अहिले यो सत्य भएकै होला त ?

Headline

इतिहासमा आजः ब्राजिलको बिश्वकप बेइज्जती जुन अभिव्यक्ति बन्न पुग्यो

Published

on

आफ्नो घरमै जर्मनीसँग बिश्वकप सेमिफाइनलमा ७–१ ले ध्वस्त भएको ६ बर्षपछि ब्राजिलले फुटबल मैदानमा बेहोरेको अहिलेसम्मकै ठूलो अपमान जोक, अभिव्यक्ति र मिम सम्म पनि बनेको छ ।

उक्त कुख्यात गोल अन्तर अहिले कुनै पनि भौतिक वा लाक्षणिक पराजय वा झड्कालाई परिभाषित गर्न प्रयोग गर्दै आइएको छ । उत्कृष्ट जित र उपलब्धिहरुको मात्र बानी परेको ब्राजिलमा अहिले “उनीहरुले हामीलाई एक–सात दिए” अथवा “त्यो त एक–सात थियो” जस्ता अभिव्यक्ति सामान्य बोल–चालको भाषामै प्रवेश गरेको छ ।

जुलाई ८ कै दिन सिँगै देशले नै अपेक्षाका साथ हेरेको खेलमा ब्राजिलले बेल होरिजोन्टको मिनेरो स्टेडियममा जर्मनीको सामना गरिरहेको थियो । तर पाँच पटकको बिश्व बिजेता ब्राजिलले आफ्नो बिश्वकप इतिहासकै सबैभन्दा लज्जास्पद हारका साथै बिश्वकप बिजेता टोली भएर सबैभन्दा ठूलो अन्तरको पराजयको सामना गरेको थियो ।

सेमिफाइनलको स्कोर लाइनलाई मात्रै ब्राजिलमा सांस्कृतिक सन्दर्भ बनेको छैन । अहिले, कुनै पनि कुरा दोहोरिएर भएको घटनालाई ब्राजिलियनहरुले परिभाषित गर्दा “र अर्को जर्मन गोल” अथवा “के यो अर्को जर्मन गोल थियो ?” भन्ने गरेका छन् ।

बिश्वकपमा भएको त्यो अपमानसँगै आएका प्रतिकृया र ‘डार्क ह्युमर’ ब्राजिलियन फुटबलले सामना गरेका अन्य राष्ट्रिय आघातको तुलनामा निकै अन्तर छ । १९५० मा ब्राजिलले पहिलो पटक बिश्वकप आयोजना गर्दा निर्णायक खेलमा २–१ को पराजय बेहोरेपछि पुरै राष्ट्र शोकमा डुबेको थियो । उक्त घटना माराकान्जो – माराकाना स्टेडियममा बेहोरेको हारका कारण – सधैका लागि अमर हुन पुगेको थियो ।

तर २०१४ को हारपछि भने हजारौं मिम बनाइएको छ । ती मिमहरुको केन्द्रमा खेलका अभागी खलनायकहरु प्रशिक्षक लुईज फेलिपे स्कोलारी, सेन्टर ब्याक डेभिड लुइज, मिडफिल्डरहरु फर्नान्डिन्हो र ओस्कारसँगै फर्वार्ड हल्क र फ्रेड हुने गरेका छन् । टोनी त्रुसले दुई, थोमस मुलर, मिरोस्लाभ क्लोज र सामी खेदिराले १–१ गोल गरेसँगै जर्मनीले आधा घण्टा भित्रै खेल समाप्त गर्दिसकेको थियो ।

दोश्रो हाफमा आन्द्रे सुर्लले अर्को दुई गोल गरे भने ओस्कारले ९० औं मिनेटमा गोल गरेपनि त्यो सान्त्वना हुन सकेको थिएन । पाँच दिनपछि माराकानामै अर्जेन्टिनालाई १–० ले हराउदै जर्मनीले चौथो पटक बिश्वकप जितेको थियो ।

ब्राजिलको लज्जास्पद हारपछि सामाजिक सञ्जालमा भाइरल बनेका मिमहरु

ब्राजिलको पोस्टमा ७ गोल, बिश्वकपको लागो बन्नु पछाडीको कारण र क्राइष्ट द रिडिमरको उडान

बनाउने जर्मन गोलरक्षक मानुएल नोयोरको डाइ हार्ड फ्यान होलान्

धन्न नेमारले घाइते भएर त्यो खेल खेलेनन्

 

बिचरा पेले

 

कसैलाई रोनाल्डोको किर्तिमान मिरोस्लाभ क्लोजले भँग नगरुन् भन्ने मात्र थियो

 

क्राइष्ट द रिडिमरले हात फैलाएको बल्ल काम लाग्यो

 

चिसो भनेकै, सेभेन अप

Continue Reading

Headline

लेस्टरको आर्सनलबिरुद्ध बराबरीले चेल्सी तेश्रो स्थानमा

Published

on

घरेलु मैदानमै १० खेलाडीमा सिमित आर्सनलबिरुद्ध जेमि भार्डीले गोल गरेपछि लेस्टर सिटी प्रिमियर लिगमा तेश्रो स्थानको चुनौतिमा कायमै रहेको छ ।

लेस्टरको जितले चेल्सीलाई भने प्रत्यक्ष फाइदा पुगेको छ । यसअघि मङ्गलबार नै भएको अर्को रोमाञ्चक खेलमा क्रिष्टल प्यालेसलाई ३–२ ले हराएपछि चेल्सी तेश्रो स्थानमा उक्लिएको थियो । ३४ खेल खेलेको चेल्सी दोश्रो स्थानको म्यानचेस्टर सिटीसँग ६ अंकको दुरीमा छ भने लेस्टरसँग मात्र एक अंकले अगाडी रहेको छ ।

निकै नै प्रतिस्पर्धात्मक रहेको तेश्रो स्थानको होडबाजीमा म्यानचेस्ट युनाइटेड (५५), उल्भरह्याम्प्टन (५२) र आर्सनल (५०) पनि कायमै रहेको छ । तर बराबरीपछि भने आर्सनलको आशा क्षीण बन्दै गएको छ । उपाधि जितिसकेको लिभरपुलको ८९ अंक रहेको छ ।

एमिरेट्समा पिएरे एमेरिक–औबामेयाङले गोल गर्दै आर्सनललाई २१ औं मिनेटमा अग्रता दिलाएका थिए । ७५ औं मिनेटमा एडवार्ड एनकेटाह् रेड कार्ड खादै मैदान बाहिरिएपछि आर्सनल १० खेलाडीमा सिमित भएको थियो । भार्डीले ८४ औं मिनेटमा निर्णायक गोल गरेका थिए ।

लामो समय गोलको खडेरीबाट गुज्रिएका भार्डीले पछिल्लो दुई खेलमा तीन गोल गरेका छन् भने मङ्गलबारको गोल व्यवस्थापक बे्रण्डान रोजर्सको लागि निकै महत्वपूर्ण रहेको थियो । भार्डीले प्रिमियर लिग इतिहासमा १ सय २ गोल गरिसकेका छन् ।

यसअघि ओलिभर जिरुड र क्रिष्चियन पुलिसिचले गोल गरेपछि चेल्सीले अवे खेलमा क्रिष्टर प्यालेसबिरुद्ध आधा घण्टा अगाडी नै दुई गोलको अग्रता लिएको थियो । विल्फेड जाहाले ३४ औं मिनेटमा गोल गर्दै प्यालेसलाई खेलमा फर्काएका थिए । ७१ औ मिनेटमा ट्यामी अब्राहमले गोल गर्दै चेल्सीको दुई गोलको अग्रता फर्काएका थिए ।

लगत्तै क्रिष्चियन बेन्टेकेले प्यालेसका लागि गोल फर्काएपनि अन्तिम आधा घण्टा चेल्सीले खेललाई रोक्न सफल भएको थियो । प्यालेस ४२ अंकका साथ १४ औं स्थानमा रहेको छ ।

वाट्फोर्डले भने नर्विच सिटीलाई २–१ ले हराउदै केही राहतको साँस फेरेको छ । च्याम्पियनसिपमा झर्ने खतरामा रहेको वाट्फोर्ड ३१ अंक सहित रेलिगेसन जोनको ठ्याक्कै एक स्थान माथि रहेको छ । वेष्ट ह्याम युनाइटेड गोल अन्तरको आधारमा १६ औं स्थानमा रहेको छ । वेष्ट ह्यामले एक खेल कम खेलेको छ ।

चार खेल बाकी रहेको अवस्थामा नर्विचले अब तीन खेलमा जित हात पारेपनि रेलिगेसन जोगाउन नसक्ने स्थितिमा पुगेको छ । नर्विचन २१ अंकका साथ अंक तालिकाको पुछारमा रहेको छ । ३३ खेल खेलेका एस्टन भिल्ला र बर्नमाउथको समान २७ अंक रहेको छ ।

Continue Reading

Headline

इब्राको गोलसँगै मिलानको युभेन्टसबिरुद्ध अद्वितीय पुनरागमन

Published

on

ज्लाटन इब्राहिमोभिचले पेनाल्टीबाट शुरुवात दिलाएपछि एसि मिलानले उत्कृष्ट पुनरागमन गर्दै इटालियन सिरी आ मा शिर्ष स्थानको युभेन्टसलाई ४–२ ले स्तब्ध पारेको छ ।

पहिलो हाफ गोलसहित बराबरी खेलेपछि एड्रिएन रेबियोट र क्रिष्चियानो रोनाल्डोले गोल गरेपछि युभेन्टसले २–० को अग्रता लिदै अंक तालिकामा १० अंकको स्पष्ट अग्रता लिन अग्रसर देखिएको थियो । तर ज्लाटनले पेनाल्टीमा गोल गरेसँगै मिलानले पाँच मिनेटमा तीन गोल गर्दै अग्रतालाई उल्टाएको थियो ।

एन्ट रेबिचले ८० औं मिनेटमा गोल गर्दै मिलानलाई ४–२ को रोमाञ्चक जित दिलाए । दोश्रो स्थानको लाजियो अर्को खेलमा रेलिगेसनका लागि संघर्षरत लेचेसँग २–१ ले पराजित भएपछि युभेन्टसलाई पराजयले खासै फरक भने परेन ।

युभेन्टसको ३१ खेलबाट ७५ अंक भएको छ भने लाजियोको ६८ अंक रहेको छ । लाजियोको पराजयले तेश्रो स्थानमा रहेको इन्टर मिलानलाई दुरी १ अंकमा छोट्याउने अवसर खुलेको छ । इन्टर र एट्लान्टाको ३० खेलबाट क्रमश ६४ र ६२ अंक रहेको छ ।

मिलान भने ४९ अंकका साथ चौथो स्थानमा उक्लिएको छ । लेचे रेलिगेसन जोनबाट एक स्थानमा माथि उक्लिन पुग्यो । मिलानका लागि युभेन्टसबिरुद्ध ६६ औं मिनेटमा फ्रांक केस्सी र त्यसको एक मिनेटपछि नै रफाएल लाओले गोल गरेका थिए ।

रोनाल्डोले भने युभेन्टसका लागि एकै सिजन किर्तिमानी २६ गोल गर्ने क्रममा यो सिजन राष्ट्रिय टोलीका लागि समेत गरेर आफ्नो ४१ गोल गरेका थिए । उनले १९६०–६१ को सिजनमा बनेको किर्तिमान तोड्ने क्रममा हुवा क्वाड्राडोको पासमा गोल गरेका थिए ।

इब्राहिमोभिचले जनवरीमा मिलान आएयता १३ खेलमा ६ गोल गरिसकेका छन् ।

ला लिगामा एट्लेटिको रोकियो

स्पेनिस ला लिगामा तेश्रो स्थानको एट्लेटिको म्याड्रिड सेल्टा भिगोसँग १–१ गोलको बराबरीमा रोकियो । बराबरीपछि एट्लेटिकोले ७३ अंक रहेको दोश्रो स्थानको बार्सिलोनासँगको दुरी ८ अंकमा छोट्याउने मौका गुमाएको छ ।

भिगोमा भएको खेलमा अल्भारो मोराटाले पहिलो मिनेटमै गोल गर्दै एट्लेटिकोलाई अग्रता दिलाएका थिए । तर ४९ औं मिनेटमा फ्रान बेल्ट्रानले बराबरी गोल गरेपछि सेल्टा हारबाट जोगिएको थियो । रेलिगेसनको जोखिममै रहेको सेल्टा ३६ अंक सहित १५ औं स्थानमा रहेको छ ।

अर्को खेलमा भ्यालेन्सियाले रियल भालाडोलिडलाई २–१ ले हरायो । भ्यालेन्सिया ५० अंकका साथ आठौं स्थानमा रहेको छ भने भालाडोलिड १३ औं स्थानमा रहेको छ ।

Continue Reading
Advertisement
Headline2 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 weeks ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 weeks ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Headline5 months ago

कस्तो बन्छ ए डिभिजन लिगको ‘ड्रिम टिम’ ?

Headline1 month ago

स्टिभ स्मिथको जन्मदिनः तपाईंले नचिनेका स्मिथ

Headline1 month ago

के गर्दैछन् एन्फा अण्डर–१६ को ‘गोल्डेन ब्याच’ का खेलाडीहरु ?

Headline5 months ago

अफगानिस्तान फुटबल प्रतियोगिताका लागि नेपाल नआउने

Headline5 months ago

आर्मीको चर्चित अग्रपंक्तिका बीच ध्यान आकर्षित गरिरहेका बिकास

Headline5 months ago

ए डिभिजन लिगमा म्याच फिक्सिङको गन्ध ?

Headline2 months ago

सन्दिपले सार्वजनिक गरे उनको सात्तो खाने ब्याट्स्म्यानको नाम

Trending