Corona Virus
महामारी अन्त्य नभएसम्म टेनिस नखेल्ने निर्णयमा नाडाल
Published
4 years agoon
By
wesportzविश्व नम्बर २ टेनिस खेलाडी राफेल नाडालले कोरोना भाइरसको प्रकोप पूर्ण रुपमा अन्त्य नभएसम्म आफू कुनै पनि टेनिस प्रतियोगितामा भाग नलिने निर्णय लिएका छन् ।
चार पटकका युएस ओपन बिजेता नाडालले युएस ओपन शुरु हुने महिनाको पहिलो हप्ता पनि कोरोनोका महामारी कायमै रहे सहभागिता नजनाउने बताए । युएस ओपन अगष्ट ३१ देखि शुरु हुन गइरहेको छ भने अमेरिका कोरानाका कारण सबैभन्दा बढी संक्रमित देश रहेको छ ।
अमेरिकामा अहिलेसम्म २० लाख संक्रमित पुग्न लागिसकेका छन् भने १ लाख १२ हजारले ज्यान गुमाएका छन् ।
“हामीहरुले यस्तो अवस्थामा खेलहरु शुरु गर्न हुदैन । जब सम्म कोरोनाको प्रभाब अन्त्य हुदैन तब सम्म खेल शुरु गर्न हुँदैन । सबैभन्दा ठूलो भनेको खेलाडीको स्वास्थ हो, १९ पटकका ग्रान्ड स्ल्याम बिजेता नाडालले भने ।
“यदि तपाईले मलाई युएस ओपन खेल्न भन्नु भयो भने म सिधैं नाईं भन्छु । अबको केहि महिनामा के हुन्छ मलाई केहि थाहा छैन । तर म आशाबादी छु । हामीले सबै कुरा सामान्य हुँदा सम्म कुर्न पर्छ । भाइरसले पनि के कस्तो रुप लिन्छ हेर्न बाँकी नै छ,” नाडालले आफ्नो बिचार राखे ।
गत मार्चबाट रोकिएको टेनिस प्रतियोगिताहरु जुलाईको अन्त्य सम्मका लागि रोकिएको छ । कोरोनाकै कारण विम्बल्डन दोश्रो विश्व युद्ध पछि पहिलो पटक स्थगित भैसकेको छ भने मे र जुनका लागि तय गरिएको फ्रेन्च ओपन पनि सेप्टेम्बर र अक्टोबर सम्मका लागि स्थगित भएको छ ।
युएस ओपन हालसम्म तोकिएकै मितिमा गर्ने भनिए पनि संक्रमणका कारण यसको टुँगो लाग्न सकेको छैन । अमेरिकन टेनिसले यसका लागि नयाँ मिति पनि अहिलेसम्म तय गरेको छैन ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।
सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।
“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।
“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।
भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।
Corona Virus
सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ
Published
3 years agoon
November 28, 2020By
wesportzनेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।
सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।
तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।
मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।
कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।
Corona Virus
राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ
Published
3 years agoon
November 25, 2020By
wesportzनेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।
नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।
ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।
क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।
थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।