Connect with us

अन्तर्राष्ट्रिय

बुम्राको नजरमा मलिंगा विश्वकै खतरनाक योर्कर बलर 

wesportz

Published

on

भारतका तिब्र गतिका बलर जस्प्रित बुम्राले श्रीलंकाका तिब्र गतिका बलर लथिस मलिंगालाई सबैभन्दा खतरनाक योर्कर बलरको संज्ञा दिएका छन् ।

त्यस्तै बुम्राले ‘मलिंगा विश्वको उत्कृस्ट योर्कर बलर’ पनि भनेका छन् । इन्डियन प्रिमिएर लिग (आईपीएल) मा दुबै मुम्बई इन्डियन्सका लागि खेल्ने गर्दछन् । उनीहरुको जोडी आईपीएलको उत्कृस्ट तिब्र गतिका बलरहरुको जोडी मध्य एक हुन् ।

आईपीएल टोली मुम्बईको इन्स्टाग्राम पोस्टमा राखिएको एक पोस्टमा बुम्राले भएका छन्, ‘मलिंगा विश्वका सबैभन्दा राम्रा र उत्कृस्ट योर्कर बलर हुन् । सबैभन्दा राम्रो पक्ष्य भनेको उनले यो खुबी लामो समय देखि प्रस्तुत गर्दै आएका छन् ।’

मलिंगा जस्तै बुम्रा पनि एक उदाउँदा योर्कर बलर हुन् । बुम्राले आईपीएलका समयमा आफुले मलिंगाबाट धेरै सिक्ने मौका पाएको पनि यस अघि बताउँदै आएका छन् ।

त्यस्तै बुम्राले कोरोना भाइरसका कारण लकडाउनका कारण आफुले अभ्यासलाई निरन्तरता दिए पनि खेलका क्रममा बलिङ कस्तो हुने भन्ने बारेमा भने सोच्ने गरेको पनि खुलासा गरेका छन् ।

Click to comment

Leave a Reply

Your email address will not be published. Required fields are marked *

IPL 2020

मन्दिप सिंह र क्रिस गेलको अर्धशतकमा पन्जाबको लगातार पाँचौं जित

wesportz

Published

on

मन्दिप सिंह र क्रिस गेलले अर्धशतक प्रहार गरे पछि कोलकाता नाइट राईडर्सलाई आठ विकेटले पराजित गरेको किंग्स ११ पन्जाबले १३औं संस्करणको इन्डियन प्रिमियर लिग (आईपीएल) मा लगातार पाँचौं जित दर्ता गराएको छ ।

१२औं खेलमा पन्जाबको यो छैठौं जित हो । यस जितसँगै पन्जाब कोलकातालाई पछि पार्दै अंक तालिकाको चौथों स्थानमा उक्लिएको छ । पहिलो लेगको अन्त्य सम्ममा सात खेल खेल्दै एक खेलमा मात्र जित दर्ता गराएको पन्जाबले पछिल्लो पाँच खेलमा भने शतप्रतिशत नतिजा आफ्नो पक्ष्यमा पार्न सफल भएको छ ।

जितका लागि १५० रनको लक्ष्य लिएर ब्याटिङमा आएको पन्जाबले १८ दशमलब पाँच ओभर खेल्दै दुई विकेटको नोक्सानीमा जित आत्मसाथ गर्यो ।

पन्जाबको जितमा ओपनिङमा ब्याटिङ गर्न आएका मन्दिप सिंहले अविजित रहँदै सर्वाधिक ६६ रन बनाए । ५६ बलको सामना गरेका उनले आठ चौका र दुई छक्का प्रहार गरे । पन्जाबको जितमा तेश्रो नम्बरमा ब्याटिङ गरेका क्रिस गेलले तुफानी पारी खेल्दै २९ बलमा दुई चौका र पाँच छक्काको मद्धतमा ५१ रन बनाए ।

त्यस्तै ओपनिङमा आएका कप्तान केएल राहुलले पनि ३५ बलको सामना गर्दै चार चौकाको मद्धतमा २८ रनको योगदान दिए भने निकोलस पुरण दुई रनमा अविजित रहे ।

कोलकाताका लुकी फर्गुसन र बरुण चक्रवर्थीले समान १-१ विकेट आफ्नो नाममा दर्ता गराउन सफल रहे ।

यस अघि शारजाह क्रिकेट रंगशालामा टस हारेर पहिले ब्याटिङ गरेको कोलकाताले पुरै २० ओभर खेल्दै नौं विकेटको नोक्सानीमा १४९ रन बनायो ।

कोलकाताको तर्फबाट ४५ बलको सामना गरेका ओपनर शुबमन गिलले तीन चौका र चार छक्काको मद्धतमा सर्वाधिक ५७ रन बनाए भने कप्तान ओइन मोर्गनले पनि २५ बलमा ४० रनको योगदान दिए । त्यस्तै अविजित रहेका लोकी फर्गुसनले १३ बलमा २४ रनको पारी खेले भने अन्य ब्याट्सम्यानले दोहोरो अंकमा रन जोड्न सकेनन् ।

कोलकाताका अर्का ओपनर नितिश राना गोल्डेन डक आउट, राहुल त्रिपाठी चार बलमा सात रन तथा दिनेश कार्तिक दुई बल खेल्दै डकआउट हुँदा एक दशमलब छ ओभरमा तीन विकेटको नोक्सानीमा १० रनको स्थितीमा खुम्चिन पुग्यो ।

मोर्गन र गिलले चौथों विकेटका लागि ४७ बलमा ८१ रनको साझेदारी गर्दै कोलकाताको पारी सम्हाले । तर नौं दशमलब पाँच ओभरमा कुल स्कोर ९१ रन हुँदा मोर्गन पनि पेभेलियन फर्किए । त्यस पछिका ब्याट्सम्यानहरु सुनिल नारायण र कमलेश नगरकोटी समान ६-६, प्याट कमिन्स एक रन बनाएर आउट भए ।

पन्जाबका मोहम्मद शामीले सर्वाधिक तीन विकेट लिए भने युवा लेग स्पिनर रवि बिश्नोइले किफायती बलिङ गर्ने क्रममा चार ओभरमा एक मेडन सहित २० रन खर्चिएर दुई विकेट आफ्नो नाममा दर्ता गराए । त्यस्तै क्रिस जोर्डनले पनि दुई विकेट नै हात पारे ।

यस अघि भएको पहिलो लेगमा कोलकाताले पन्जाबलाई दुई रनको झिनो अन्तरले पराजित गरेको थियो । पहिले ब्याटिङ गरेको कोलकाताले २० ओभरमा छ विकेट गुमाएर १६४ रनको मध्यम योगफल तयार पार्यो भने जवाफी ब्याटिङ गरेको पन्जाबले पुरै २० ओभर खेल्दै पाँच विकेटको नोक्सानीमा १६२ रन मात्र जोड्न सक्यो ।

Continue Reading

IPL 2020

गिलको अर्धशतकमा कोलकाताको मध्यम योगफल

wesportz

Published

on

दोश्रो ओभर भित्रमा तीन विकेट गुमाएर खराब सुरुवात गरे पनि ओपनर शुबमन गिलको अर्ध शतकमा इन्डियन प्रिमियर लिग (आईपीएल) अन्तर्गत ४६औं खेलमा कोलकाता नाइट राईडर्सले किंग्स ११ पन्जाबलाई १५० रनको मध्यम लक्ष्य दिएको छ ।

शारजाह क्रिकेट रंगशालामा टस हारेर पहिले ब्याटिङ गरेको कोलकाताले पुरै २० ओभर खेल्दै नौं विकेटको नोक्सानीमा १४९ रन बनायो ।

कोलकाताको तर्फबाट ४५ बलको सामना गरेका ओपनर शुबमन गिलले तीन चौका र चार छक्काको मद्धतमा सर्वाधिक ५७ रन बनाए भने कप्तान ओइन मोर्गनले पनि २५ बलमा ४० रनको योगदान दिए । त्यस्तै अविजित रहेका लोकी फर्गुसनले १३ बलमा २४ रनको पारी खेले भने अन्य ब्याट्सम्यानले दोहोरो अंकमा रन जोड्न सकेनन् ।

कोलकाताका अर्का ओपनर नितिश राना गोल्डेन डक आउट, राहुल त्रिपाठी चार बलमा सात रन तथा दिनेश कार्तिक दुई बल खेल्दै डकआउट हुँदा एक दशमलब छ ओभरमा तीन विकेटको नोक्सानीमा १० रनको स्थितीमा खुम्चिन पुग्यो ।

मोर्गन र गिलले चौथों विकेटका लागि ४७ बलमा ८१ रनको साझेदारी गर्दै कोलकाताको पारी सम्हाले । तर नौं दशमलब पाँच ओभरमा कुल स्कोर ९१ रन हुँदा मोर्गन पनि पेभेलियन फर्किए । त्यस पछिका ब्याट्सम्यानहरु सुनिल नारायण र कमलेश नगरकोटी समान ६-६, प्याट कमिन्स एक रन बनाएर आउट भए ।

पन्जाबका मोहम्मद शामीले सर्वाधिक तीन विकेट लिए भने युवा लेग स्पिनर रवि बिश्नोइले किफायती बलिङ गर्ने क्रममा चार ओभरमा एक मेडन सहित २० रन खर्चिएर दुई विकेट आफ्नो नाममा दर्ता गराए । त्यस्तै क्रिस जोर्डनले पनि दुई विकेट नै हात पारे ।

आजको खेलमा पन्जाब र कोलकाताले आफ्नो टोलीमा कुनै पनि परिवर्तन गरेका छैनन् ।

प्लेअफमा पुग्ने लक्ष्य राख्ने हो भने दुबै टोलीले आजको खेल जित्नै पर्ने हुन्छ । समान ११-११ खेल खेलेका कोलकाता र पन्जाब अंक तालिकामा क्रमश चौथों र पाँचौं स्थानमा रहेका छन् । ११ खेलमा कोलकाताले छ खेलमा जित हात पार्दा पन्जाबले पाँच खेलमा मात्र जित निकाल्न सकेको छ ।

पहिलो लेगको अन्त्य सम्ममा एक खेलमा मात्र जित दर्ता गराएको पन्जाबले पछिल्लो चार खेलमा भने शतप्रतिशत नतिजा आफ्नो पक्ष्यमा पार्न सफल भएको छ । कोलकाताले भने पछिल्लो चार खेल मध्य दुईमा जित दर्ता गराउँदा बाँकी दुई खेलमा हारको सामना गरेको छ ।

यस अघि भएको पहिलो लेगमा कोलकाताले पन्जाबलाई दुई रनको झिनो अन्तरले पराजित गरेको थियो । पहिले ब्याटिङ गरेको कोलकाताले २० ओभरमा छ विकेट गुमाएर १६४ रनको मध्यम योगफल तयार पार्यो भने जवाफी ब्याटिङ गरेको पन्जाबले पुरै २० ओभर खेल्दै पाँच विकेटको नोक्सानीमा १६२ रन मात्र जोड्न सक्यो ।

Continue Reading

Headline

आफ्नो करिअरमा थपिएका असिमित संकटले घेरिएका मेस्सी

wesportz

Published

on

फुटबलमा ‘संकट’ सबैभन्दा बढी प्रयोग हुने गरेको शब्द हो । निरन्तर तनाव उत्पन्न गर्न केही हातमा गन्न सकिने खेलकुद दैनिक पत्रिकाहरुले एक दुईवटा हारपछि नै आगो ओकल्ने गरेको स्पेनिस फुटबलमा बिशेषगरि संकट शब्दको प्रयोग तुलनात्मक रुपमा बढी हुने गरेको छ ।

यही कारण बार्सिलोनाको व्यवस्थापन गरेको चार बर्षपछि पेप ग्वार्डियोलाले एक बर्षको बिश्राम लिएका थिए । रियल म्याड्रिड छोडेको ९ महिनापछि नै जिनेदिन जिदान फर्कनु यसै संकटको अर्को एउटा अङ्ग थियो । तनाव कहिल्यै कम हुदैन भने शक्ति संघर्ष निरन्तर चलिरहन्छ ।

शनिबार सिजनको पहिलो एल क्लासिकोमा रियलसँग ३–१ ले पराजित भएपछि बार्साको अगाडी संकट छ । तथ्यगत रुपमा भन्ने हो भने धेरै नै संकट छ ।

समर्थकहरुको अुनपस्थितिमा खेलिएको पहिलो एल क्लासिकोबाट मौन अपेक्षा रहेको थियो । आम रुपमा यो खेल जनजातीयताको टकराव थियो, बिश्वका दुई ठूला र धनी क्लबबीचको भिडन्त तर कहिल्यै कमजोर नहुने स्वायत्तताको आवेगले भरिएको क्याटलन क्षेत्र र स्पेनको केन्द्रिय राजधानीबीचको संघर्ष पनि । तर खाली क्याम्प नोउमा त्यो वातावरण र आलोचनाको आवाज नहुने पक्का नै थियो ।

एल क्लासिकोका लागि उत्रदा २००३ पछि पहिलो पटक दुवै टोली ला लिगामा आ–आफ्नो पछिल्लो खेल हारेर आएका कारण यसमा सर्वश्रेष्ठ्ताको लडाईले नयाँ उचाई लिएको थियो ।

आफ्नो व्यवस्थापकीय उपलब्धिमा तीन वटा च्याम्पियन्स लिग जोड्नुका साथै अघिल्लो सिजन ला लिगा जितेपछि जिदान र बार्सिलोना प्रशिक्षक रोनाल्ड कोमनलाई किक अफ अघि देखि नै दवाब थियो । यसै सिजन माथिल्लो श्रेणीमा उक्लिएको काडिजसँग पराजित हुनुका साथै च्याम्पियन्स लिगमा प्रमुख १० खेलाडी नै अनुपस्थित रहेको युक्रेनी क्लब शख्तर दोनेस्कसँग ३–२ ले स्तब्ध हुन पुग्दा जिदान संकटबाट गुज्रिरहेका थिए ।

यता कोमन भने यस्तो बार्सा टोलीलाई सम्हाल्न आइपुगेका छन् जस माथि च्याम्पियन्स लिगमा बायर्न म्युनिखसँग ८–२ को लज्जास्पद पराजयपछि अस्तित्वको प्रश्न तेर्सिएको छ भने उसको उत्कृष्ट खेलाडी लियोनेल मेस्सीले असन्तोष हुनु पर्ने कारणहरुको लामो सुची तयार पार्दै क्लब छोड्ने असफल प्रयास गरेका थिए ।

एल क्लासिकोको परम्परा अनुसार जिदानले पछिल्ला परिणामहरुबाट क्षमा पाइसकेका छन् भने कोमनको संकट थप गहिरिएको छ । उनको काँधलाई अब समस्याको भारले थिच्न थालेको छ ।

प्राथमिक संकट भनेको बार्साको लिग फर्म नै हो । बार्सा अहिले अंक तालिकाको १२ औं स्थानमा रहेको छ । बढी कमाउने गरेका मेस्सीका साथीहरु लुईस सुवारेज, इभान राकिटिच र आर्टुरो भिडाललाई बिदाई गर्दै आर्थिक भार कम गर्ने र अफ सिजनमा युवा खेलाडीहरुलाई स्थान दिदै टिमको पुनर्ताजगी गर्ने हतारमा आएको परिणामहरुले बार्सा टुप्पोबाट भर्न थालेको छ ।

बार्सा सिजनको बीचमा प्रशिक्षकहरुलाई बर्खास्त गर्ने क्लबहरुमा पर्दैन । तर गत सिजन पूर्ण रुपमा प्रतिस्पर्धी प्रशिक्षक अर्नेस्टो भालभर्डेलाई बर्खास्त गर्दै किके सेटियनलाई नियुक्त गर्दाको परिणाम भयावह थियो । २००३ मा अर्का डच प्रशिक्षक लुईस भान हाललाई सिजनको बीचमा बर्खास्त गरेको बार्साले १६ बर्षमा पहिलो पटक यस्तो निर्णय लिएको थियो ।

गत हप्ता कोमनले मेस्सीलाई एक्ल्याउदै सार्वजनिक रुपमै उनको फर्ममाथि प्रश्न गर्ने दुस्साहस गर्दा बार्साले लगातार दुई सिजन यस्तो निर्णय नलिएला भन्न सकिदैन ।

र अर्को तर्फ भावुक मेस्सी छन् जो आफै सुस्त गतिमा चलिरहेका एक संकट भएका छन् । आफूले गरेको सम्झौताबिरुद्ध कानुनी उपाय अपनाउदै निकै घिनलाग्दो, महँगो र लामो प्रकृयाबाट गुज्रनु पर्ने भएको कारण मात्रै मेस्सी अहिले आफ्नो बाल्यकालको क्लबमा छन् । उनी बार्सामा बस्नै चाहदैनन् ।

सामान्यत इच्चाबिपरित खेलाडीहरुलाई क्लबमा राख्नु राम्रो आइडिया कदापी पनि होइन । ढल्कदो उमेरमा ठूलो छालसँग एउटा सानो टालो लिएर लडेजस्तै निकै कम सहयोगकाबीच टिमलाई उचाइमै राख्ने प्रयास गरिरहेका फुटबलका सर्वकालीन महान खेलाडीलाई जबर्जस्ती राख्न खोज्दा मेस्सी एक हताश क्लबको बन्दी भएको जस्तो देखिएका छन् ।

रियलबिरुद्धको एक मात्र गोलमा मेस्सीकै प्रमुख भुमिका रहेको थियो । उनले निकालेको टेपले नापेको जस्तो पासलाई जोर्डी आल्बाले कलेक्ट गर्दै अन्सु फातीलाई दिएपछि बार्साका उदीयमान युवा खेलाडी गोल गर्न सफल भएका थिए । तर बार्साको टोलीमा मेस्सी फेरि पनि एक मात्र खतराको रुपमा देखिएका थिए । यो हतारमा निकालिएको निष्कर्ष जस्तो सुनिएपनि ३३ बर्षको उमेरमा मेस्सीलाई पहिले जस्तो डिफेण्ड गर्न गाह्रो छैन । यो केही हदसम्म सहि पनि हो किन भने कोमनले बनाएको सिस्टममा मेस्सीले पहिले भन्दा बढी प्लेमेकरको भुमिका खेलिरहेका छन् । मैदानको बढी भाग कभर गर्दै अन्तिम बलमा मेस्सी आक्रमणका लागि जोडिनु पर्ने भएको छ ।

अन्तिम संकट ला लिगा आफै हो । ला लिगासँग अब आफू बिश्वकै उत्कृष्ट लिग रहेको भन्ने दाबी गर्ने आधार छैन । स्पष्ट रुपमा यो इङ्गलिस प्रिमियर लिग नै हो भने जर्मन बुन्डेसलिगा र इटालियन सिरी आ स्पेनिस लिगको स्तरका लागि अब खतरा बन्न थालिसकेका छन् ।

बर्तमान अवस्थामा बिश्वका उत्कृष्ट खेलाडीहरु ला लिगाको दुई प्रमुख टोली बार्सिलोना र रियल म्याड्रिडको मात्रै पछि लागिरहेका छैनन् । क्रिष्चियानो रोनाल्डोले रियल छोडेको तीन बर्ष हुदैछ तर उनको स्थानमा अन्य कोही आएका छैनन् । दुवै टोलीले यो सिजन कुनै ठूला खेलाडीलाई लिएन । बार्साको पछिल्ला ठूला अनुबन्धन शनिबार तेश्रो सब्स्टिच्युटको रुपमा मैदानमा प्रवेश गरेका थिए ।

कोमनले त शनिबार मेस्सीलाई १७ बर्षियहरुको घेराबन्दीमा राख्दै खेलको शुरुवात गरेका थिए । रियलको समस्या पनि उस्तै थियो । बार्साबिरुद्ध जिदानले गत सिजनका दुई महँगा खेलाडी लुका जोभिच र एडर मिलिटाओलाई बेञ्चमै राखेका थिए । दुवै टोलीमा प्रशस्त युवा प्रतिभा छन् तर आफ्नो धार गुमाइसकेका धेरै भेटेरानहरु पनि छन् । ती भेटेरानहरु केन्द्रिय भुमिकामा रहदा दुवै टोली बिगतमै वातावरणमा अड्किएको आभाष हुन्छ ।

रियलसँगको खेल अर्को पराजयमा टुँगिएपछि मेस्सीले त्यही पोज दिए जुन पछिल्लो केही सिजनदेखि परिचित बनिसकेको छ । उनी दुई हात कम्मरमा राख्दै एउटा खुट्टा केही अगाडी बढाउदै कुनै कुरालाई पनि नहेरे जस्तै हेर्दैथिए । उनको त्यो पोज बार्सिलोनाले टार्न नसक्ने पतनको प्रतिक बन्न थालिसकेको छ ।

मेस्सी आफूले लाउन नचाहेको जर्सी लगाउदै एक पछि अर्को संकट उत्पन्न भइरहेको करिअरको बन्दी बनेका छन्, यस्तो क्लबमा जसले उनलाई जान नै दिइरहेको छैन र यस्तो लिगमा जुन उनका लागि अब उपयुक्त पनि छैन ।

Continue Reading
IPL 20204 hours ago

मन्दिप सिंह र क्रिस गेलको अर्धशतकमा पन्जाबको लगातार पाँचौं जित

IPL 20206 hours ago

गिलको अर्धशतकमा कोलकाताको मध्यम योगफल

Headline7 hours ago

आफ्नो करिअरमा थपिएका असिमित संकटले घेरिएका मेस्सी

IPL 20208 hours ago

पन्जाब विरुद्ध कोलकाता पहिले ब्याटिङमा

Headline10 hours ago

बास्केटबल संघ र क्लबबाट आर्थिक मात्र हैन मानसिक सहयोग पनि पाइन : सबिता खड्का (भिडियो सहित)

IPL 202010 hours ago

जित्नै पर्ने खेलमा कोलकाता र पन्जाब भिड्दै

Headline15 hours ago

३० बर्षमै सन्यास घोषणा गरेका तनमयको सफल–असफल क्रिकेट कथा

Headline20 hours ago

युरोपियन राउण्ड अपः आर्सनल लेस्टरसँग पराजित, युभेन्टस रोकियो

IPL 20201 day ago

बेन स्टोक्सको शतकमा राजस्थानको रोमान्चक जित

Headline1 day ago

एवर्टनको अपराजित यात्रामा साउथह्याम्प्टनले लगायो पूर्णबिराम

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending