Connect with us

Headline

एकदिवसीय खेलमा बनेका सात तिब्र शतक

wesportz

Published

on

एकदिवसीय क्रिकेटमा शतक बन्नु आफैमा कुनै पनि ब्याट्सम्यानका लागि ठुलो उपलब्धि हो । झन् त्यस माथि खेलाडीले तिब्र गतिमा रन प्रहार गर्दै आफ्नो नाममा किर्तिमान लेखाउँछ त्यो झनै ठुलो हुन्छ ।त्यती मात्र नभएर उसको शतकले आफ्नो टोलीलाई जीत तर्फ पुर्याउने गर्दछ ।

कतिपय खेलाडीहरु लामो समय सम्म टोलीमा अटाउन नसक्दा पनि तिब्र शतकको किर्तिमान बनाउन सफल भएका छन् भने कतिपय नाम चेलेका खेलाडीहरु तिब्र शतक बनाउने खेलाडीको सुचीमा अटाउन सकेका छैनन् ।

एकदिवसीय क्रिकेटमा बनेका तिब्र शतकहरु मध्य हामी आज यहाँ सात शतकको बारेमा कुरा गर्दैछौं ।

७. जेसी राइडर

सन् २०१४ जनावारी एक तारिखका दिन न्युजिल्याण्डका अलराउण्डर जेसी राइडरले आक्रमक खेल खेल्दै वेस्ट इण्डिज बिरुद्ध शतक प्रहार गरे । आफ्नो खेल जीवनको नै उत्कृस्ट पारी खेलेका पाहुना टोली बिरुद्ध राइडरले मात्र ४६ बलमा शतक पुरा गरेका हुन् ।

उनले आफ्नो नाम सबैभन्दा छिटो शतक बनाउने खेलाडीको किर्तिमान लेखाउने क्रममा १२ चौका र पाँच छक्का प्रहार गरेका थिए । ओपनिङमा आएका राइडरले ५१ बल खेल्दै १०४ रन बनाएर आउट भएका थिए ।

६. शहिद अफ्रिदी

कुनै समय सबैभन्दा छिटो शतक बनाउने खेलाडीको किर्तिमान राखेका पाकिस्तान टोलीका पुर्व कप्तान तथा आक्रमक ब्याट्सम्यान शहिद अफ्रिदीले सन् २००५ मा भारत बिरुद्धको खेलमा ४५ बलमा नै शतक पुरा गरे ।

घरेलु टोली भारत बिरुद्ध कानपुरमा भएको पाँचौं तथा अन्तिम एकदिवसीय खेलमा ओपनिङमा आएका अफ्रिदीले शतक प्रहार गर्ने क्रममा १० चौका र नौं छक्का प्रहार गरेका थिए । तर शतक प्रहार गरेको अर्को बलमा हरभजन सिंहको शिकार भएका अफ्रिदीले १०२ रन प्रहार गरेका थिए ।

५. ब्रायन लारा

विश्व क्रिकेटका सफल तथा उत्कृस्ट ब्याट्सम्यान हुन् ब्रायन लारा । सन् १९९९ मा बंगलादेश बिरुद्धको खेलमा ४५ बलमा शतक पुरा गरेका वेस्ट इण्डिजका पुर्व कप्तान लारा सबैभन्दा छिटो शतक पुरा गर्ने खेलाडीको सुचीमा पाँचौं स्थानमा रहेका छन् ।

बंगलादेश भ्रमणको दोश्रो एकदिवसीय खेलमा ४५ बलमा शतक प्रहार गर्ने क्रममा लाराले १७ चौका र चार छक्का प्रहार गरेका थिए । ओपनिङमा आएका लाराले उक्त खेलमा ६२ बल खेल्दै एक सय १७ रन प्रहार गरेका थिए ।

४. मार्क बाउचर

कुनै समयको सबैभन्दा छिटो शतक प्रहार प्रहार गर्ने खेलाडीको सुचीमा दोश्रो स्थानमा रहेका दक्षिण अफ्रिकाका पुर्व विकेट किपर ब्याट्सम्यान मार्क बाउचरले सन् २००६ मा मात्र ४४ बलमा आफ्नो शतक प्रहार गरेका थिए ।

जिम्बाब्बे बिरुद्धको तेश्रो एकदिवसीय खेलका क्रममा चौथों नम्बरमा ब्याटिंङ गर्न आएका बाउचरले आफ्नो शतक पुरा गर्ने क्रममा पाँच चौका र आठ छक्का प्रहार गरेका थिए । उक्त खेलमा उनले कुल ५९ बलको सामना गर्दै १० छक्का र आठ चौकाको मद्धतमा अविजित एक सय ४७ रन बनाएका थिए ।

३. शाहिद अफ्रिदी

कुनै समय सबैभन्दा छिटो शतक प्रहार गर्ने खेलाडीको सुचीमा पहिलो स्थानमा रहेका शहिद अफ्रिदी हालको अवस्थामा भने तेश्रो स्थानमा रहेका छन् । पाकिस्तान टोलीका युवा ब्याट्सम्यान अफ्रिदीले श्रीलंका बिरुद्ध सन् १९९६ मा बनाएको सबैभन्दा छिटो शतकको किर्तिमान करिब १८ बर्ष उनकै नाममा रहेको थियो ।

अफ्रिदीले केन्यामा भएको खेलमा मात्र ३७ बलमा आफ्नो शतक पुरा गरेका हुन् । १६ बर्षको उमेरमा ३७ बलमा नै शतक प्रहार गर्ने क्रममा तेश्रो नम्बरमा ब्याटिंङ गर्न आएका अफ्रिदीले छ चौका र ११ छक्का प्रहार गरेका थिए । उनले उक्त खेलमा कुल ४० बल खेल्दै एक सय दुई रन बनाएर पेभेलियन फर्किएका थिए ।

२. कोरे एन्डरसन

१८ बर्ष देखि पाकिस्तानका शहिद अफ्रिदीको नाममा रहेको सबैभन्दा तिब्र शतकको किर्तिमान आफ्नो नाममा लेखाउने क्रममा न्युजिल्याण्डका कोरे एन्डरसनले मात्र ३६ बलको सामना गरेका थिए जुन अफ्रिदीको भन्दा एक बल कम हो ।

जनावरी १, २०१४ मा उनले वेस्ट इण्डिज बिरुद्ध शतक प्रहार गर्ने क्रममा पाँचौं नम्बरमा ब्याटिंङ गर्दै चार चौका र १२ छक्का प्रहार गरेका थिए । उनले उक्त खेलमा ४७ बल खेलाडी अविजित एक सय ३१ रन बनाएका थिए ।

सोही खेलमा अलराउण्डर जेसी राइडरले पनि आक्रमक खेल खेल्दै मात्र ४६ बलमा शतक पुरा गरेका थिए जुन तिब्र शतकको सातौं नम्बरमा रहेको छ ।

१. एबी डी भिलियर्स

३६० डिग्रीको उपनामले परिचित एबी डी भिलियर्सले सन् २०१५ मा सबैभन्दा तिब्र शतकको किर्तिमान आफ्नो नाममा लेखाएका हुन् ।

सन् २०१५ मा वेस्ट इण्डिज बिरुद्ध घरेलु मैदानमा भएको खेलमा मात्र ३१ बलमा शतक प्रहार गर्दै दक्षिण अफ्रिकाका कप्तान भिलियर्सले एकदिवसीय खेलमा सर्वाधिक छिटो शतक प्रहार गर्ने किर्तिमान बनाएका हुन् ।

चौथों नम्बरमा ब्याटिंङ गर्न आएका डी भिलियर्सले आठ चौका र १० छक्काको मद्धतमा शतक पुरा गरेका थिए । डी भिलियर्सले उक्त खेलमा कुल १६ छक्का र नौं चौकाको मद्धतमा ४४ बलमा एक सय ४९ रनको तुफानी पारी खेलेका थिए ।

Headline

अण्डर–२३ एसियन कप क्वालिफायर्सः नेपाल इरानसँग ४–० ले पराजित

wesportz

Published

on

नेपाल एएफसी अण्डर–२३ एसियन कप क्वालिफायर्स अन्तर्गत सोमबार आफ्नो पहिलो खेलमा ४–० ले पराजित भएको छ ।

पहिलो हाफमा इरानलाई बराबरीमा रोक्न सफल नेपालले तीन वटै गोल दोश्रो हाफमा खान पुगेको थियो । पहिलो हाफको १७ औं मिनेटमा पेनाल्टी मिस गरेको इरानले दोश्रो हाफको शुरुवातमै गोल गर्दै खेलमा अग्रता लिएको थियो ।

त्यसपछि नेपालले इरानलाई आधा घण्टासम्म रोकेपनि उसले दुई मिनेटमा दुई गोल गर्दै जित सुनिश्चित गरेको थियो । इन्जुरी समयमा इरानले चौथो गोल गरेको थियो ।

नेपालले अब आफ्नो दोश्रो खेलमा अक्टोबर २८ मा आयोजक ताजिकिस्तानको सामना गर्नेछ भने अक्टोबर ३१ मा लेबनानबिरुद्ध खेल्नेछ ।

२०२२ को अण्डर–२३ एसियन कप आयोजक उज्वेकिस्तान प्रतियोगिताका लागि छनौट भइसकेको छ । छनोट चरणमार्फत ११ समुह बिजेताले उज्वेकिस्तानको टिकट काट्ने छन् भने सबै समुहबाट चार उत्कृष्ट समुह बिजेताले १६ टिम सम्मिलित फाइनलमा स्थान बनाउने छन् ।

Continue Reading

Headline

अण्डर–२३ एसियन कप क्वालिफायर्सः बलियो इरानको सामना गर्दै नेपाल

wesportz

Published

on

नेपालले एएफसी अण्डर–२३ एसियन कप क्वालिफायर्स अन्तर्गत सोमबार आफ्नो पहिलो खेलमा बलियो इरानको सामना गरिरहेको छ ।

ताजकिस्तानको दुसान्बेमा हुन गइरहेको पहिलो खेल साँझ ४:४५ मा पामिर स्टेडियममा हुनेछ । समुह बीमा रहेको नेपालले आयोजक ताजिकिस्तान र लेबनानको पनि सामना गर्नु पर्ने भएका कारण नेपालको लागि समुह चरण निकै कठिन रहेको छ ।

२०२२ को अण्डर–२३ एसियन कप आयोजक उज्वेकिस्तान प्रतियोगिताका लागि छनौट भइसकेको छ । छनोट चरणमार्फत ११ समुह बिजेताले उज्वेकिस्तानको टिकट काट्ने छन् भने सबै समुहबाट चार उत्कृष्ट समुह बिजेताले १६ टिम सम्मिलित फाइनलमा स्थान बनाउने छन् ।

हालै साफ च्याम्पियनसिप उपबिजेता टोलीबाट ६ खेलाडी लिएर गएको नेपाली टोलीका लागि इरानसँग बराबरीले पनि ठूलो महत्व राख्न सक्छ । मनिष डाँगी, आयुष घलान, सुमन अर्याल, गौतम श्रेष्ठ, नितिन थापा र सुरज जेउ ठकुरीले माल्दिभ्समा नेपालका लागि साफ च्याम्पियनसिप खेलेका थिए ।

यी पाँच खेलाडीको आगमनले नेपाली टोलीको आत्मबिश्वास बढेको देखिन्छ । यसबाहेक अभिषेक रिजाल र एरिक बिष्टले पनि राष्ट्रिय टोलीबाट खेलिसकेको कारण नेपाली टिमलाई अनुभवी मान्न सकिन्छ ।

नेपालले प्रतियोगिता अघि भएको मैत्रीपूर्ण खेलमा इन्डोनेसियाको अण्डर–२३ टोलीसँग २–० को हार व्यहोरेको थियो । इरानसँग कम्तिमा पनि बराबरी गर्दै प्रतियोगिताको शुरुवात गर्ने प्रशिक्षक बालगोपाल महर्जनको लक्ष्य रहनेछ ।

बालगोपालले टिमको रुपमा प्रशिक्षण गर्न थोरै समय भएपनि आफ्नो टोलीले सक्दो राम्रो गर्ने बताएका छन् ।

“प्रशिक्षककै रुपमा पनि मैले तैयारीका लागि थोरै समय पाएको थिए । केही केटाहरु साफ च्याम्पियनसिपमा व्यस्त रहेको कारण पनि टिमको रुपमा प्रशिक्षणका लागि थोरै समय थियो । सबै टोली निकै राम्रा छन् र हामी राम्रो परिणामको अपेक्षा गरिरहेका छौं,” बालगोपालले भने ।

नेपालले अक्टोबर २८ मा ताजिकिस्तान र अक्टोबर ३१ मा लेबनानबिरुद्ध खेल्नेछ ।

Continue Reading

Headline

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

wesportz

Published

on

सिजनको पहिलो एल क्लासिकोमा बार्सिलोनालाई २–१ ले पराजित गर्दै रियल म्याड्रिडले आफ्नो निकटतम प्रतिद्वन्दी र उसको प्रशिक्षक रोनाल्ड कोमनमाथि थप दवाब बनाएको छ ।

क्याम्प नोउमा डेभिड आलाबाको उत्कृष्ट गोलमार्फत ३२ औं मिनेटमा अग्रता पाएको रियलको जितलाई लुकास भास्केजले दोश्रो हाफको इन्जुरी समयको तेश्रो मिनेटमा सुनिश्चित पारेका थिए ।

सर्जियो अगुएरोले खेल सकिन केही सेकेण्ड मात्र बाँकी हुँदा बार्साका लागि एक गोल फर्काएका थिए । उनले बार्साको लागि पहिलो गोल गरेका हुन् ।

सांघुरो हारमा पनि बार्सिलोनाको अवस्था नाजुक बन्ने निश्चितप्राय भने छ । बार्साले १९६५ पछि पहिलो पटक लगातार चार वटा एल क्लासिकोमा पराजय व्यहोरेको हो ।

रियल २० अंकका साथ पहिलो स्थानमा उक्लदा बार्सिलोना भने नवौं स्थानमा झरेको छ । यद्दपि यो सिजन शिर्ष स्थानमा निकै तिब्र प्रतिस्पर्धा हुँदा रियल, सेभिया र रियल सोसिडाडको समान २० अंक रहेको छ । बार्सिलोना मात्र ५ अंक पछाडी छ ।

गत साता ला लिगामा भ्यालेन्सिया र च्याम्पियन्स लिगमा डाइनामो किभलाई हराउदै पुनरागमन गरेको कोमनका लागि यो अर्को झड्का हो । यसले उनको भविष्यलाई पनि अन्धकारमा पार्ने डर कायम रहनेछ ।

६५ बर्षमा पहिलो पटक ६ खेलाडी २२ बर्ष भन्दा कमका रहे भने १७ बर्षिय बार्सिलोना मिडफिल्डर गाभी झण्डै एक शताब्दीमा क्लबका लागि एल क्लासिकोमा शुरुवात गर्ने सबैभन्दा कान्छा खेलाडी बने ।

Continue Reading
Headline11 mins ago

अण्डर–२३ एसियन कप क्वालिफायर्सः नेपाल इरानसँग ४–० ले पराजित

Headline7 hours ago

अण्डर–२३ एसियन कप क्वालिफायर्सः बलियो इरानको सामना गर्दै नेपाल

Headline19 hours ago

बार्सिलोना ५६ बर्षपछि पहिलो पटक लगातार चार एल क्लासिकोमा पराजित

T20 World Cup 202120 hours ago

पाकिस्तानले पहिलो पटक बिश्वकपमा भारतलाई घुँडा टेकायो

Headline20 hours ago

सलाहको ह्याट्रिकमा युनाइेटडले ओल्ड ट्राफोर्डमै लिभपुलसँग पाँच खायो

Headline21 hours ago

लिभरपुलबिरुद्ध युनाइटेड पहिलो हाफमा ओल्ड ट्राफोर्डमै ४–० ले पछाडी

T20 World Cup 202121 hours ago

ट्वान्टी ट्वान्टी विश्वकप : कोहलीको अर्धशतकमा पाकिस्तानलाई १५२ रनको मध्यम लक्ष्य

T20 World Cup 202123 hours ago

ट्वान्टी ट्वान्टी विश्वकप – असलंका र राजापक्षाको अर्धशतकमा बंगलादेश माथि श्रीलंकाको सहज जित 

Headline1 day ago

‘फलन जायन्ट्स’ को एल क्लासिकोमा बर्तमान र भविष्य पस्कदै बार्सा र रियल

Headline1 day ago

ट्वान्टी ट्वान्टी विश्वकपमा भारत र पाकिस्तान बीचका चर्चित भिडन्तहरु

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!