Connect with us

Headline

‘जस्टिस फर जर्ज’ अभियानमा साथ दिनेलाई कारवाही नगर्न फिफाको आग्रह

wesportz

Published

on

बिश्व फुटबलको सर्वोच्च निकाय फिफाका अध्यक्ष जियानी इन्फान्टिनोले अमेरिकी अश्वेत नागरिक जर्ज फ्लोएडका लागि न्याय माग्दै खेलका दौरान यो अभियानमा समर्थन जनाइरहेका जर्मन बुन्डेसलिगाका खेलाडीहरुमाथि कुनै कारवाही नगर्न आग्रह गरेका छन् ।

४६ बर्षिय फ्लोएडको मे २५ मा नियन्त्रणमा रहँदा गोरा प्रहरी डेरेक चभिनको ज्यादतीका कारण ज्यान गएको थियो । त्यसयता मिनेसोटा राज्यबाट शुरु भएको जस्टिस फर जर्ज (जर्जका लागि न्याय) अभियान बिश्वभर फैलिएको छ भने कोरोना भाइरसपछि सुचारु भएका युरोपियन फुटबल लिगहरुमा पनि खेलाडीहरुले उनका लागि न्यायको माग गरिरहेका छन् ।

जर्मन फुटबल संघले यो अभियानमा बुन्डेसलिगाका खेलहरु दौरान प्रदर्शन गरेको भन्दै अनुसन्धान शुरु गरेको छ । छानबिन गरिएका खेलाडीहरुमा बोरुसिया डर्टमण्डका जेडन साञ्चो र असरफ हकिमी, साल्केका अमेरिकी मिडफिल्डर वेस्टन म्याककेनी र बोरुसिया मोइचेनग्ल्याडब्याचका मार्कस थुराम रहेका छन् ।

फिफाको नियमावलीमा कुनै पनि राजनीतिक, धार्मिक वा व्यक्तिगत नारा अथवा सन्देश खेलका दौरान प्रदर्शन गर्न पाइदैन तर फ्लोएडको मुद्दामा भने फिफा आफैले पनि फुटबल संघहरुलाई लचकता देखाउन भन्दै आएको छ । फिफालाई यसैपनि फुटबलमा जारी रँगभेद अन्त्य गर्न महत्वपूर्ण कदमहरु नचालेको आरोप लाग्दै आएको छ ।

“बुन्डेसलिगाका खेलहरुमा खेलाडीले गरेको प्रदर्शन सजाय नभएर सराहनाको हकदार हो, यसमा कुनै दुई मत नै छैन,” इन्फान्टिनोले एक प्रेस बिज्ञप्ति मार्फत भने । “हामीले रँगभेदलाई नाइ भन्नै पर्छ र कुनै किसिमको भेदभाव कायम रहन दिनु हुदैन । हामीले कुनै किसिमको हिंसालाई पनि समर्थन गर्नु हुदैन ।”

यसअघि फिफाले संघहरुलाई फ्लोएडका लागि मागिएको न्यायका बिषयमा व्यवहारिक भएर सोच्न पनि आग्रह गरेको थियो । “फिफालाई जर्ज फ्लोएडको दुखद घटनालाई लिएर खेलाडीहरुले देखाएको चासो र यसको गहिराइको बारेमा राम्रो ज्ञान छ,” फिफाले भनेको थियो ।

प्रशिक्षणका दौरान मैदानमा घुँडा राख्दै चेल्सीका खेलाडीहरु

प्रिमियर लिगले अनुमति दिने

फ्लोएडका लागि न्याय माग्दै सोमबार लिभरपुल र मँगलबार चेल्सीका खेलाडीहरुले आ–आफ्नो प्रशिक्षण मैदानमा गोलो बनाएर घुँडा टेक्दै प्रदर्शन गरेका थिए । फिफाले यस बिषयमा लचकता अपनाउन आग्रह गरे लगत्तै इङ्गलिस फुटबल एशोसिएसनले प्रिमियर लिगका दौरान फ्लोएडका लागि न्याय माग्दै प्रदर्शन गर्न अनुमति दिएको छ ।

इङ्गलिस एफएले यस बिषयमा व्यहारिक नीति अवलम्बन गर्न गइरहेको बताउदै खेलाडीलाई मैदानमा घुँडा राख्न अथवा कुनै पनि सन्देश प्रवाह गर्नबाट नरोकिने बताएको छ । फ्लोएडमाथि एक गोरा प्रहरीले गरेको अन्यायबिरुद्ध अहिले बिश्व खेलकुद नै एक भएको छ । यसमा अश्वेत खेलाडीहरु मात्र नभएर श्वेत खेलाडीहरुले पनि एैक्यबद्धता जाहेर गर्दै आएका छन् ।

मङ्गलबार अन्तर्राष्ट्रिय खेलाडी, क्लब र खेल संस्थाहरुले सामाजिक सञ्जालमा यसको बिरोधमा कालो तस्विर पोस्ट गरेका छन् । यसलाई ब्ल्याकआउट टुइजडे –मँगलबार) नाम दिइएको छ । झण्डै सम्पुर्ण खेलका खेलाडीहरुले यसमा समर्थन जनाएका छन् ।

Headline

बार्साको बोर्डमा फर्किए लापोर्टा, दिए मेस्सीलाई बिशेष सन्देश

wesportz

Published

on

क्लबमा व्याप्त संस्थागत र आर्थिक संकटबाट उकास्न बार्सिलोना सदस्यहरुले जोआन लापोर्टालाई नयाँ अध्यक्षमा निर्वाचित गरेका छन् । लापार्टोले नै बार्सिलोनाको भाग्यलाई चम्काउदै बिश्व फुटबलको एक सशक्त क्लब बनाउन प्रमुख भुमिका खेलेका थिए ।

सन् २००३ देखि २०१० सम्म सात बर्ष नेतृत्व सम्हालेका लापोर्टाले आइतबार भएको चुनावमा ५४ दशमलव २८ प्रतिशत मत पाएका थिए । उनका निकटतम प्रतिद्वन्दी भिक्टर फन्टले २९ दशमलव ९९ र टोनी फ्रेक्जियाले ८ दशमलव ५८ प्रतिशत भोट ल्याएका थिए ।

गत अगष्टमा लियोनल मेस्सीले क्लब छोड्ने अथक प्रयास गर्दा उनको बिरुद्धमा रहेका सदस्यहरुबाट अविश्वासको प्रस्ताव आउने देखिएपछि अक्टोबरमा योसेप मारिया बार्तोमेउले राजीनामा दिएका थिए । ओसासुनालाई २–० ले पराजित गर्दै दोश्रो स्थानमा उक्लिएपछि मेस्सी लगायत अन्य धेरै खेलाडीहरुले मतदान गरेका थिए ।

५१ हजार ७ सय ६५ जना योग्य मतदाताहरु मध्ये ३० हजार १ सय ८४ ले लापोर्टाको पक्षमा मतदान गरेका थिए । जितपछि क्लब एन्थम गाँउदै स्याम्पेनका साथ खुशीयाली मनाएका लापोर्टाले आफ्नो भाषणमा मेस्सीको बिषयमा पनि बोलेका थिए ।

“२० बर्षअघि बार्साको युथ टिमका लागि २० बषिर्य लियो मेस्सी नाम गरेका सानो केटाले डेब्यु गरेका थिए । बिश्वकै उत्कृष्ट खेलाडी आज भोट गर्न आउदा के स्पष्ट हुन्छ भने मेस्सी बार्सालाई माया गर्छन् । म आशा गर्छु उनी सबैले चाहे जस्तै क्लबै रहनेछन्,” क्लबमा चार महिनाको मात्र सम्झौता बाकी रहेको मेस्सी बारे लापोर्टाले भने ।

लापोर्टाको यसअघिको कार्यकालमा बार्साले चार स्पेनिस ला लिगा र दुई च्याम्पियन्स लिगको उपाधि जितेको थियो ।

Continue Reading

Headline

२१ खेलपछि सिटीको म्यानचेस्टर डर्बीमा हार

wesportz

Published

on

म्यानचेस्टर डर्बीमा २–० को जित हात पार्दै सिटीको २१ खेलको बिजयी यात्रामा पूर्णबिराम लगाएपनि युनाइटेड व्यवस्थापक ओले गुनर सोल्सायरले आफू उपाधि नपछ्याइरहेको बताएका छन् ।

एतिहाद स्टेडियममा भएको डर्बी खेलमा पराजित हुँदा पनि सिटीसँग शिर्ष स्थानमा अझै पनि ११ अंकको स्पष्ट अग्रता रहेको छ । सिटी तेश्रो स्थानको लेस्टर भन्दा १२ र चेल्सीभन्दा १८ अंकले अगाडी रहेको छ ।

तर जुन तरिकाले रोक्नै असम्भव जस्तो देखिएको सिटीलाई युनाइटेडले उसकै घरमा हरायो, यसले सोल्सयारको टोलीलाई अबका खेलमा भने भरपुर आत्मबिश्वास भने दिनेछ ।

१४ जितसहित पछिल्लो २२ अवे लिग खेलमा अपराजित रहेको युनाइटेडले आफ्नो गतिबाट सिटीलाई अचम्ममा पार्दै ३० सेकेण्ड भित्रै पेनाल्टी पाएको थियो । ग्याब्रियल जिजसले एन्थोनी मार्सियललाई लडाएपछि प्राप्त पेनाल्टीमा फर्नान्डेजले गोल गरेका थिए ।

ल्युक स ले ५० औं मिनेटमा दोश्रो गोल गर्दा नोभेम्बर २१ मा टोटेन्ह्यामसँग २–० ले हरोयता सिटीले पहिलो पराजय व्यहोर्यो । पछिल्लो तीन खेलमा गोल गर्न नसकेको युनाइटेड निकै नै टाइट रहेको टप फोरको फाइटमा लेस्टरलाई पछि पार्दै दोश्रो स्थानमा उक्लिएको हो ।

उनीहरु यति अगाडी छन् की अहिले आफ्नो खेल जित्दै गत बर्षभन्दा राम्रो खेल्ने बाहेक अरु केही सोच्नै सकिदैन । हामी गत सिजन तेश्रो स्थानमा थियौं र निश्चयपनि यो सिजन त्यो भन्दा राम्रो गर्न चाहन्छौं, सोल्सायरले खेलपछि भने ।

आइतबार नै ग्यारेथ बेल र ह्यारी केनले दुई–दुई गोल गरेपछि स्पर्स क्रिष्टल प्यालेसलाई ४–१ ले हराउदै छैटौं स्थानमा उक्लियो । बेललाई दुवै गोलका लागि केनले असिस्ट गरेका थिए ।

Continue Reading

Headline

बेन्जेमाको गोलले मड्रिड डर्बीमा पराजित हुनबाट बच्यो रियल

wesportz

Published

on

करीम बेन्जेमाले खेलको अन्तिम समयमा गोल गरे पछि रियल म्याड्रिड एट्लेटिको म्याड्रिडसँग २०१६ पछि पहिलो पटक पराजित हुनबाट बचेको छ । १-१ को बराबरीमा सकिएको खेलमा एट्लेटिको लागि भने लुइस स्वारेजले गोल गरेका थिए ।

खेलमा पहिलो गोल एट्लेटिकोका लागि स्वारेजले गरेका थिए । फेर्नान्डो लोरेन्टेले दिएको थ्रु बलमा रफाइल भराने र केसेमेरो र लुकास भास्क्वेजलाई बिट गर्दै स्वारेजले गोल गरेका थिए । पहिलो गोल गर्ने बितिकै डिफेन्सीभ खेलेको एट्लेटिकोले पहिलो हाफमा रियललाई आक्रमणको धेरै मौका पनि दिएको थिएन ।

तर दोस्रो हाफको शुरुवात देखी नै आक्रमक देखिएको एट्लेटिकोका लागि ५३ औँ मिनेटमा स्वारेज चुक्न पुगे । यन्निक करास्कोले दिएको पासलाई स्वारेजले गरेको प्रहर टिबो कोर्टुवाले बचाएका थिए । फेरी ५७ औँ मिनेटमा स्वारेजकै प्रहरलाई कोर्टुवाले अर्को उत्कृष्ट बचाउ गरे ।

मुभहरु बनाए पनि एट्लेटिकोको पेनाल्टी क्षेत्रमा धेरै पोजेसन नराखेको रियलका लागि ८८ औँ मिनेटमा भने करीम बेन्जेमाले गोल गर्दै पराजित हुनबाट बचाए । केसेमेरोले एट्लेटिकोका डिफेन्डरहरुलाई कटाउदै दिएको पासलाई बेन्जेमाले ट्याप इन गर्दै गोल गरेका थिए ।

बराबरीसँगै एट्लेटिको ५९ अंकका साथ शिर्ष स्थानमा छ भने एक खेल बढी खेलेको बार्सिलोना ५६ अंक सहित दोस्रो र रियल म्याड्रिड ५४ अंक सहित तेस्रो स्थानमा रहेको छ ।

Continue Reading
Headline1 hour ago

बार्साको बोर्डमा फर्किए लापोर्टा, दिए मेस्सीलाई बिशेष सन्देश

Headline2 hours ago

२१ खेलपछि सिटीको म्यानचेस्टर डर्बीमा हार

Headline9 hours ago

बेन्जेमाको गोलले मड्रिड डर्बीमा पराजित हुनबाट बच्यो रियल

Headline12 hours ago

जेराडको रेन्जर्स स्कटिश लिग च्याम्पियन

Headline13 hours ago

‘म्यानचेस्टर युनाइटेड फर्नानडेजमा मात्रै निर्भर छ’

Headline15 hours ago

बि डिभिजन: बाँसबारीले झम्शीखेललाई हराए पछि खुमलटारलाई दवाब

Headline17 hours ago

बागमतिको लगातार दोश्रो हार, सन्दिपको अलराउण्ड प्रदर्शन

Headline19 hours ago

बि डिभिजन: श्री कुमारीसँग नयाँ बस्ती पराजित

Headline19 hours ago

मेयर ११ ले मुलपानीमा बागमतीलाई दियो २ सय ४४ रनको चुनौतिपूर्ण लक्ष्य

Headline20 hours ago

दिपेन्द्र सिँह ऐरिको करिअरकै पहिलो शतक

Headline3 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline9 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending