Corona Virus
खाली रंगशालाले प्रिमियर लिग सुचारु हुदा पार्ने ४ प्रभाव
Published
4 years agoon
By
wesportzइङ्गलिस प्रिमियर लिग जुन १७ मा सुचारु गर्नको लागि इङ्गल्याण्ड फुटबलले अब सरकारको स्विकृति मात्र कुरिरहेको छ । स्विकृति प्राप्त हुने हो भने पहिलो दिन म्यानचेस्टर सिटी र आर्सनलले खेल्नेछन् । अन्य कुनै पनि दिन यो खेलले ५० हजार भन्दा बढी दर्शक आकर्षित गर्ने थियो तर कोरोना भाइरस कायमै रहदाको संसारमा फुटबल परिवर्तन हुन गइरहेको छ ।
केही दिन अघी मात्रै खाली रँगशलामा जर्मन बुन्डेसलिगा शुरु भयो । फुटबल झन्डै तीन महिनापछि फर्कदा फुटबल प्रेमीहरु खुशी त देखिए तर खाली रंगशालाले परिणाममा पारेको प्रभाव कारण यसले खेलको असली रँग नै उडाउन भने थालेको छ ।
खेलमा बिना समर्थक खेल्दा फाईदा र बेफाईदा दुबै हुने गर्दछ । लामो समयपछि प्रिमियर लिग सुचारु हुँदा यसले प्रिमियर लिगमा पार्ने चार प्रभाव कस्ता हुनेछन् त ?
‘होम एड्भान्टेज’ को अन्त्य ?
घरेलु टोलीलाई समर्थन गर्न खेलमा समर्थकनै नहुने हो भने खेलिरहेको बिपक्षीलाई उतिकै फाईदा हुने गर्दछ । बुन्डेसलिगामा हाल सम्मको टोलीहरुले घरमा खेलेको खेल हेर्ने हो भने पनि २२ खेल सकिदा सम्म मात्र तीन टोलीले आफ्नो घरेलु मैदानमा जित्न सफल भएका छन् । गोलको पनि हिसाब गर्ने हो भने घरेलु टोली भन्दा बढी पाहुना टोलीले नै गर्न सफल भएका छन् ।
सिग्नल इडुना पार्कको बाघ भनेर चिनिने बोरुसिया डर्टमन्डले पनि घरमा खेल्दा फाइदा उठाउन पाएन । निकै नै महत्वपूर्ण लिग खेलमा शिर्ष स्थानको बायर्न म्युनिखसँग १–० को हार बेहोरेपछि डर्टमन्ड उपाधिको होडबाट लगभग बाहिरिन पुगेको छ । त्यही दिन भएको अर्को खेलमा पनि उल्फ्सवर्गले घरेलु टोली बायर लेभरकुसनलाई ४–१ ले स्तब्ध बनायो ।
प्रिमियर लिग न्युट्रल भेन्युमा हुने तयारी चलिरहेपनि धेरै जसो क्लबहरुले घरेलु मैदानमा खेल्दा थोरै भएपनी फाईदा हुने बताउदै आइरहेका छन् । वाटफोर्डका अध्यक्ष स्कट डक्सबरीले पनि घरेलु मैदान भिकारेज रोड भन्दा बाहिर गएर खेल्दा पाउने सम्मान र खेलमा हुने फाईदा गुमाउनु पर्ने बताएका थिए ।
गोल गरेपछिका अनौंठा कृयाकलापहरु
बुन्डेसलिगा शुरु भएकै दिन साल्के र डर्टमन्ड आमने–सामने थिए । खेल शुरु भएको २९ औँ मिनेटमा एर्लिङ हालान्डले गोल गरे । डट्र्मन्डले खेल ४–० ले आफ्नो हातमा पारे पनि त्यहाँ गोल गरेपछि मनाएको खुशियाली धेरै अनौठा देखिन पुगे । खेलाडीहरुले एक अर्काको कुहिनामा ठोक्काउदै मनाएको खुशियालीमा मात्रै उनीहरु सबैभन्दा बढी एक अर्काको नजिक भएका थिए ।
दर्शक नै नभएको खेल, झन त्यस माथि खेलाडीले नै बोलिएको प्रतिध्वनि सुनिने रङ्गशला र शान्त वातावरण, अनी गोल गरेपछि कायम गरिएको सामाजिक दुरीः यी कृयाकलाप फुटबलका लागि निकै नै अनौठा देखिन्थे । हालान्डले गोल गरे पछी सामाजिक दुरी कायम रख्दै अनौँठो पाराले नाचेका थिए भने बाकी खेलाडी साथीहरु ताली पिट्दै थिए ।
हर्था बर्लिनका फर्वार्ड वेडड इबिसेबिचले भने होफेनहाइमसँगको खेल ३–० ले जितेपछि आफ्ना टिममेटसँग टास्सिएरै खुशी साटेका थिए । तर उनलाई किन त्यसरी खुशी साट्नु भयो भन्ने प्रश्न तेर्सियो । इबेसिबिचले भने फुटबलर रोबोट नभई एक खेलाडी भएको र खेलाडीमा खेलको लागि जोश हुन आवश्यक रहेको बयान दिएका थिए ।
फ्राइबर्ग गोलरक्षक एलेक्जेन्डर स्क्वोलो भने समर्थक बिना खेल्दा फाईदाजनक हुने मान्छन् । फुटबल समर्थक बिना पूर्ण हुन त सक्दैन तर एउटा फाईदा के रहेछ भने हामीले एक अपसको आवाज आनन्दले सुन्न पाउने रहेछौं, लाइपजिगलाई १–१ गोलको बराबरीमा रोकेपछि उनले भनेका थिए ।
रेफ्रीहरुलाई कम दबाब
रँगशाला गुञ्जायमान बनाउने समर्थकहरुको अनुपास्थितीका कारण रेफ्रीले कम मात्रामै रातो र पहेंलो कार्ड देखाउलान जस्तो तपाईंहरुलाई लाग्ला तर बुन्डेसलिगामा भने यो सोचाइ उल्टिन पुग्यो । लिग पुन सञ्चालनमा आएको हप्ता २४ वटा कार्ड देखाएका रेफ्रीहरुले यो पटकको सातामा २५ वटा कार्ड देखाइ सकेका छन् ।
लिग रोकिनु भन्दा अगाडिको कुरा गर्ने हो भने मात्र २५ वटा पहेंलो कार्ड रेफ्रीहरुले देखाएका थिए । पहिलो सातामा एउटा पनि रातो कार्ड नदेखाइए पनि दोश्रोमा दुई रातो कार्ड उल्फ्सवर्ग र वर्डर ब्रेमेनका खेलाडीहरुले खाइ सकेका छन् । तर यही तथ्यांक पछिल्लो १२ साताका खेलहरुमा हेर्ने हो भने एउटा मात्र रातो कार्ड देखाइएको पाईन्छ ।
फुटबल विश्लेषक ग्यारी लिंनेकरले भने रेफ्रीका निर्णयहरु त्यती प्रभावकारी नभएको बताएका छन् । लिनेकरका अनुसार समय सक्काउन खेलाडीहरुले दर्शकको अगाडि देखाउने नाटक कम हुँदै गएको पनि बाताए ।
युवा खेलाडीलाई मौका
बुन्डेसलिगालाई युरोपकै उत्कृष्ट युवा खेलाडी उत्पादन गर्ने लिग मानिन्छ र पछिल्लो साताका धेरै खेलहरुलाई नियालेर हेर्दा यो साबित पनि हुन्छ । डर्टमण्डका १९ बर्षिय स्टार हालान्ड र बायर लेभरकुसनका २० बर्षिय काई ह्याभर्ट्जले बुन्डेसलिगामा आफ्नो खेलले सबैलाई प्रभावित पार्न सफल भईसकेका छन् । समर्थकको अनुपस्थितीको मौकामा कम दवाब हुने भएकाले युवा खेलाडीलाई चम्किने अवसरको रुपमा पनि हेर्न थालिएको छ ।
युवा खेलाडीहरुले न त विपक्षी टोलीका समर्थकले दिने गाली सुन्छन् न त साना–साना गल्तीमा आफ्नै समर्थकले कराएको आवाज । यस्तो मौकाको फाईदा उठाउदै धेरै क्लबहरुले युवा खेलाडीलाई तिखारिने मौका दिदै छन् । लेभरकुसनले पनि आफ्नो टोलीका कान्छो खेलाडी १७ वर्षिय फ्लोरियन व्रिट्जलाई मौका दिदै वर्डर ब्रेमेनसँगको खेलमा डेब्यु गराएको थियो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।
सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।
“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।
“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।
भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।
Corona Virus
सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ
Published
3 years agoon
November 28, 2020By
wesportzनेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।
सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।
तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।
मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।
कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।
Corona Virus
राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ
Published
3 years agoon
November 25, 2020By
wesportzनेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।
नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।
ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।
क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।
थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।