Connect with us

Corona Virus

‘टाइटल डिसाइडर’ मा बायर्न र डर्टमण्ड भिड्दै

wesportz

Published

on

बायर्न म्युनिखले आफ्नो लयलाई कायम राख्दै कोरोना भाईरसका कारण तीन महिनापछि भईरहेको बुन्डेसलिगामा मंगलबार बोरुसिया डर्टमण्डको समना गर्दै छ । टाइटल डिसाइडर मानिएको यो खेलमा बायर्न उपाधिको अर्को प्रबल दाबेदारसँग अवे खेलमा सिग्नल इडुना पार्कमा भिड्दै छ ।

बायर्नका लागि सुखद कुरा के हो भने कोरोनाका कारण बन्द रहने रंगशालामा जर्मनीको सबैभन्दा बिशाल दर्शक रहने इडुना पार्क शान्त रहनेछ । डर्टमण्डका लागि घरेल माहौल नै शुन्य रहनेछ । लगातार आठौँ पटक बुन्डेसलिगा उपाधिको नजिक रहेको बायर्नका लागि उसको तगारो डर्टमण्ड नै हो । दोस्रो स्थानमा रहेको डर्टमण्ड भन्दा बायर्न चार अंक अगाडि रहेको छ ।

यो खेलको महत्वलाई लिएर बायर्न फर्वार्ड थोमस मुलरसँग राम्रो ज्ञान छ । “यो हाम्रो लागि निकै महत्वपूर्ण खेल हो । हामी यसलाई लिएर निकै स्पष्ट छौं । यो खेल जित्दै हामी बुन्डेसलिगा उपाधि तर्फ एउटा लामो कदम अघि बढाउने छौं,” मुलरले भने ।

बायर्नले पछिल्लो खेलमा ऐन्ट्राच्ट फ्रांकफर्टलाई ५–२ ले हराएको थियो भने आउने हप्ता रेलिगेसन जोनमा रहेको फोर्टुना डसेलडर्फसँग घरमा खेल्दैछ । कोरोना भाइरसले रोकएपछि केही दिन अघि मात्र सुचारु गरिएको बुन्डेसलिगामा खेलिएका १८ मध्ये १० खेल अवे टोलीले जितेका छन ।

बायर्न, डर्टमण्ड र युनियन बर्लिनलाई ४–० ले हराएको हर्था बर्लिन मात्र ति तीन टोली हुन् जसले आफ्नो घरमा एक खेल पनि हारेका छैनन् । हान्सी फ्लिकको बायर्न फेरी पनि डर्टमण्डलाई पाखा लगाउन उत्सुक देखिन्छ । लिगको पहिलो चरणमा म्युनिखको अलायञ्ज अरिनामा खेलिएको खेलमा बायर्नले डर्टमण्डलाई ४–० ले ध्वस्त पारेको थियो ।

“हामी डर्टमण्डसँगको खेलको लागि तयार छौ । उनीहरुलाई हराएर हामी किन डर्टमण्ड भन्दा राम्रो छौ भनेर देखाउन चाहन्छौ,” मुलरले थपे । कोरोनाको प्रकोप नभएको भए मङ्गलबारको बायर्न र डर्टमण्डबीचको भिडन्त ८२, ००० दर्शकको साक्षी रहने थियो । दर्शक बिना पनि मुलरले डर्टमण्डसँगको खेल सोचे अनुरुप सजिलो नहुने पनि बाताएका छन् ।

बायर्नबिरुद्धको खेलका लागि डर्टमण्डको मुख्य हतियार हुनेछन् एर्लिङ हालान्ड । १९ बर्षिय हालान्डले लिगमा १० गोल गरिसकेका छन् । बायर्न स्ट्राइकर रोबर्ट लेवानडोस्कीको सबै खाले प्रतियोगिताको ३५ खेलबाट ४१ गोलको किर्तिमानको बराबरी गरेका हालान्ड बायर्नसँगको खेलमा शुरुवाती ११ मा खेल्ने निश्चित नै छ ।

२० बर्षिय इङ्गल्याण्ड स्टार जेडेन सान्चो पनि यो खेलको सुरुवाती समयमै मैदानमा देखिने संकेत प्रशिक्षक लुसियन फाभ्रेले दिइसकेका छन् ।

Corona Virus

महामारीले ब्राजिलियन फुटबल मार्केट ध्वस्त

wesportz

Published

on

बिश्वमा ब्राजिलले अन्य देशहरुभन्दा सबैभन्दा बढी निर्यात गर्ने गरेको छ तर कोरोना भाइरसको महामारीका कारण अन्तर्राष्ट्रिय ट्रान्सफरमा भारी गिरावट आउदा युवा खेलाडीहरुको सम्झौताबाट कमाउने त्यहाका क्लबहरुमा आर्थिक संकट उत्पन्न हुन थालेको छ ।

ट्रान्सफरमार्केट वेबसाइटको तथ्यांकलाई आधार मान्दै गरिएको एक अध्ययनमा यो सिजनको युरोपियन ट्रान्सफर विन्डोमा ब्राजिलबाट बिदेशी क्लबमा स्थानान्तरण हुने खेलाडीहरुमा ६२ प्रतिशतको गिरावट आएको छ । गत बर्ष जुन १ देखि सेप्टेम्बर ८ सम्मको अवधिमा १ सय ९४ ब्राजिलियन खेलाडीहरुले ब्राजिलियन क्लब छोड्दै लोन या त ट्रान्सफरमा बिदेश खेल्न गएका थिए ।

यो बर्ष जम्मा ७४ खेलाडीमात्र ब्राजिलबाट बाहिरिएका छन् । “ट्रान्सफर मार्केट सुस्ताएको छ । सबैको आर्थिक अवस्था निकै जटिल बनेको कारण क्लबहरुले धेरै पैसा खर्च गरिरहेका छैनन्,” इएसपिएन कमेन्टेटर गुस्ताभो होफम्यान भन्छन् ।

बिदेशी भुमिमा फुटबल खेल्ने खेलाडीहरुको सुचिमा ब्राजिल २ हजार ७ सय ४२ खेलाडीसहित अग्रस्थानमा रहेको छ । स्विट्जस्ल्याण्डको इन्टरन्यासनल सेन्टर फर स्पोर्ट्स स्टडिजले मे महिनामा निकालेको तथ्यांक अनुसार २ हजार ३ सय ३० खेलाडीसहित अर्जेन्टिना दोश्रो र एक हजार सात सय ४० फुटबलरसहित फ्रान्स तेश्रो स्थानमा रहेको छ ।

पेले, नेमार, रोनाल्डो, रोनाल्डिन्हो लगायत सयौं फुटबल हस्तीहरु जन्माएको ब्राजिलका क्लबहरुको एक चौथाई आम्दानी खेलाडीको ट्रान्सफरबाटै हुने गरेको छ । टेलिभिन प्रशारण अधिकारबाट प्राप्त हुने आम्दानीबाट यो केही कम मात्रै हो ।

ब्राजिलमा ट्रान्सफरको संख्यमा गिरावट आएको मात्रै होइन । कोभिड–१९ को आर्थिक अनिश्चितताका कारण सम्झौतामा संलग्न हुदै आएको पैसामा पनि भारी गिरावट आएको छ ।

गत बर्ष तीन ठूला अन्तर्राष्ट्रिय ट्रान्सफरहरुबाट ब्राजिलियन क्लबहरुले ९१ दशमलव चार मिलियन डलर कमाएका थिए । यसमा रियल म्याड्रिड र ब्राजिलियन क्लब सान्तोसबीच युवा विङ्गर रोद्रिगोका लागि भएको ४५ मिलियन युरोको सम्झौता प्रमुख रहेको थियो ।

यो बर्षका तीन ठूला ट्रान्सफरबाट ब्राजिलियन क्लबहरुले ६२ मिलियन युरो भन्दा कम कमाएका छन् । यसमा पोचुगिज क्लब बेन्फिकाले ग्रेमियोका फर्वार्ड तथा राष्ट्रिय टोलीका उत्कृष्ट खेलाडी एभर्टनका लागि दिएको २८ मियिन युरो समावेश छ । बेन्फिकाले नै कोरिन्थियनका एट्याकिङ्ग मिडफिल्डर पेद्रिन्होका लागि १८ मिलियन युरो तिरेको छ ।

अन्य कुनै बर्ष भएको भए एभर्टनले ग्रेमियोका लागि बेन्फिकाबाट त्यो भन्दा भारी रकम ल्याउन सक्ने थिए, होफम्यानले भने ।

यसैपनि भारी ऋणमा रहेका ब्राजिलियन क्बलहरुका लागि यो गिरावट सबैभन्दा खराब समयमा आइपरेको हो । अमेरिकापछि कोभिड–१९ को सबैभन्दा बढी मृतक संख्या रहेको ब्राजिल सिँगो देशको रुपमा नै आर्थिक मन्दी तर्पm धकेलिसकेको छ ।

“महामारीका कारण नै क्लबहरु आर्थिक रुपले कमजोर बन्दै गइरहेका छन्,” ब्राजिलको सबैभन्दा ठूलो मिडिया मध्येको एक ग्लोबोका खेलकुद व्यवसाय पत्रकार रोद्रिगो कपेलो भन्छन् । महामारीका कारण झण्डै चार महिना फुटबल ठप्प गर्न कर लाग्दा क्लबहरुलाई प्रायोजन, टेलिभिज र टिकटबाट हुने आम्दानीमा नराम्ररी धक्का लाग्न पुगेको छ ।

डलर र युरोको बिरुद्ध ब्राजिलियन नोट रियल कमजोर बन्दा आर्थिक मन्दीले अन्तर्राष्ट्रिय ट्रान्सफरलाई आकर्षक बनाएको छ । आम्दानीको अन्य स्रोत कम्जोर बन्दै जादा ब्राजिलियन क्लबहरुका लागि घर ल्याउने मुल्य भने बढेको छ । “तर महामारीले निम्त्याएको आर्थिक अनिश्चितताका कारण युरोपियन क्लबहरु अहिले शतर्क भएर खर्च गरिरहेका छन्,” अन्तर्राष्ट्रिय एजेन्ट एड्गार्डो अगिलार भन्छन् ।

अगिलारको कम्पनी सकर स्पोर्ट्स ग्रुपले सम्हाल्ने गरेको ट्रान्सफरहरुको मुल्यमा ७० प्रतिशतले गिरावट आएको छ ।

महामारिको यो प्रभाव सिँगो दक्षिण अमेरिकामै देखिएको छ । ब्राजिलियन क्लबहरुले अन्य दक्षिण अमेरिकी राष्ट्रहरु उरुग्वे, पेरु र कोलम्बिायबाट पनि खेलाडीहरुको आयातमा नियन्त्रण गरेको छ । “ब्राजिलको मार्केटमा यसअघि नै रहेका खेलाडीहरुसँग मात्र उनीहरुले सम्झौता गर्दैछन्,” वल्र्ड स्पोर्ट्स म्यानेजमेन्टका कोलम्बियन एजेन्ट कार्लोस कलेरोले बताए ।

दक्षिण अमेरिकाका अन्य देशहरुबाट ब्राजिलमा हरेक सिजन कम्तिमा तीन खेलाडीहरुको सम्झौता गर्दै आएका कलेरोले यो बर्ष एक जनाको पनि सम्झौता गर्न सकेका छन् ।

Continue Reading

Corona Virus

पिएसजी स्टार नेमारलाई कोरोना भाईरस

wesportz

Published

on

फ्रेन्च क्लब पेरिस सेन्ट जर्माइनका स्टार खेलाडी नेमारलाई कोरोना संक्रमण देखिएको छ। उनीसँगै अन्य २ खेलाडीलाई नि संक्रमण देखिएको पिएसजीले बताएको छ।

पिएसजीले खेलाडीहरुको नाम नखुलाए पनि फ्रेन्च मिडिया लुपुके  ले भने तीन खेलाडीमा एक खेलाडी नेमार भएको बताएको छ। च्याम्पियन्स लिग फाइनलमा बायर्न म्युनिखसँगको १-० हार पछि नेमार स्पेनी द्वप इबिजामा छुट्टी मनाउन पुगेका थिए। लुपुकेकै अनुसार अन्य दुई खेलाडी एन्जल डि मरिया र लेयनार्डो पारेडेस भएको बताएको छ।

लिग वानको नयाँ सिजन सुरु भईसके पनि पिएसजीलाई भने च्याम्पियन्स लिगमा फाइनल सम्म पुगेको कारण ब्रेक दिइएको छ। पिएसजीले लिगना  आफ्नो पहिलो खेल भने सेप्टेम्बर ११ मा लेन्स विरुद्ध खेल्ने छ।

कोरोना संक्रमण भएका खेलाडीहरुलाई भने क्लबले सेल्फ आइसोलेसनमा बस्न आग्रह गरेको छ। नेमार,मारिया र पारेडेसले हने सिजनको पहिलो खेल गुमाउने निश्चित देखिन्छ।

Continue Reading

Corona Virus

राष्ट्रिय टोलीको क्याम्प मा रहेका एरिक कोरोना मुक्त

wesportz

Published

on

अखिल नेपाल फुटबल संघले राष्ट्रिय टोलीको क्लोज क्याम्पका लागि खेलाडीहरुको पिसीआर गराएको थियो । जस्मा राष्ट्रिय टोलीमा पहिलो पटक स्थान बनाएका एनआरटीका मिड्फिल्डर एरिक बिष्टको रिपोर्ट शंकास्पद आयो । पुन: स्वाब परीक्षण गराए पछि एरिकको रिपोर्ट पोजेटिभ आएको थियो ।

त्यसपछि घर मै आइसोलेसनमा बसेका एरिक बुधबार १४ दिन भन्दा बढीको समय पछि कोरोना मुक्त  भएका छन् । उनले वुधबार आफ्नो फेसबुक वालमा कोरोना मुक्त भएको र सबैलाई त्यस समयमा दिएको साथको लागि धन्यवाद लेख्दै पोस्ट गरेका थिए ।

उनले आफ्नो फेसबुक पोस्टमा आफुलाई संक्रमित हुँदा भाईरसले मात्र नभइ अन्य व्यक्तीको मानसिकतामा पनि गार्हो भएको बाताए । “भाईरसको मात्र नभइ अन्य व्यक्तीहरुको मानसिक सिकार हुँदा कती गार्हो हुन्छ भने मैले आज थाहा पाएको छुँ,” एरिक लेख्छन् ।

“यो भाईरसले मलाई धेरै कुरा सिकाएको छ । अहिले मानसिक तनाव केही पनि छैन अब यसरी नै म आफ्नो शारिरिक पनि राम्रो गर्छु।”

रिपोर्ट शंकास्पद भए सँगै अन्य ठाउँमा नि स्वाब दिएका एरिकको रिपोर्ट उनको हातमा नपर्दै सामाजिक संजालमा केही वेब्साइटहरुको समाचार बनिसकेका थिए । त्यसैले गर्दा पनि एरिक आफुलाई मानसिक तनाव भएको बताउछन् ।

” पोसेटिभ रिपोर्ट आएको दुइ दिन सम्म त त्यही कुराले पिरोली रह्यो तर आँफैलाई अब जे भयो भयो भनेर सकरात्मक राख्न खोजे,” एरिक सम्झिन्छन्।”

“दिनहरु कट्दै गए र मैले आफुलाई सधैं साकारत्मक नै राखे नकरात्मक त केही पनि गरिन । फ्लिम, गित, सिरिज सबै सकरत्मक उर्जा दिने नै हेर्थे । शरिरिक अभ्यास र आफुलाई जहिले आत्मविश्वासी बनाए र  अहिले रिपोर्ट नेगेटिभ आएको छ ।”

 

Continue Reading
Headline1 month ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline1 week ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending