Connect with us

Headline

च्याम्पियन्स लिगमा मेस्सीको नाममा रहेका पाँच किर्तिमान

wesportz

Published

on

अर्जेन्टिना र बार्सिलोना स्टार लियोनल मेस्सी विश्व फुटबल इतिहासकै उत्कृष्ट फुटबलरहरु मध्ये पर्ने दुई मत नै छनै । छ पटकका बालन डि ओर बिजेता मेस्सीको तुलना अर्जेन्टिनाका महान खेलाडी डिएगो म्याराडोना र ब्राजिलका महान खेलाडी पेलेसँग तुलना गर्ने गरिन्छ । त्यस्तै मेस्सी र पोर्चुगल तथा युभेन्टस स्टार क्रिष्चियानो रोनाल्डो बीच को उत्कृष्ट भन्ने बिवाद भने सधै चलि नै रहनेछ ।

मेस्सीले आफ्नो जादुमयी खेल कौशल प्रदर्शन गर्दै क्याटलन क्लब बार्सिलोनालाई चार पटक लिगको उपाधि दिलाउन सफल भएका छन् । त्यस्तै उनी बार्सिलोनाका लागि च्याम्पियन्स लिगमा सर्वाधिक गोल गर्ने खेलाडी समेत हुन् । मेस्सीको नाममा च्याम्पियन्स लिगका पाँच किर्तिमान के के छन् तः

 

१. एकै क्लबका लागि सर्वाधिक गोल

मेस्सीले व्यवसायिक फुटबल बार्सिलोनाबाट मात्र खेल्दै आएका छन् । उनले बार्सिलोनाको तर्फबाट च्याम्पियन्स लिगमा अहिले सम्म १ सय १४ गोल गरेका छन् । उनी एकै क्लबबाट खेल्दै सर्वाधिक गोल गर्ने खेलाडी हुन् ।

एउटै क्लबका लागि खेल्दै सर्वाधिक धेरै गोल गर्ने खेलाडीको सुचीको दोश्रो नम्बरमा क्रिष्चियानो रोनाल्डो रहेका छन् । हाल इटालियन क्लब युभेन्टसमा रहेका रोनाल्डोले रियल म्याड्रिडका लागि १ सय ५ गोल गर्न सफल भएका थिए ।

२. सर्वाधिक ह्याट्रिक

च्याम्पियन्स लिगमा सर्वाधिक ह्याट्रिक गर्ने खेलाडीको सुचीमा मेस्सी र रोनाल्डो समान पहिलो स्थानमा रहेका छन् । मेस्सीले च्याम्पियन्स लिगमा आठ पटक ह्याट्रिक पुरा गरेका छन् । रोनाल्डोको नाममा त्यति नै ह्याट्रिक रहेको छ ।

३. समुह चरणमा सर्वाधिक गोल

३२ बर्षिय मेस्सी च्याम्पियन्स लिग अन्तर्गत समुह चरणका खेलहरुमा सर्वाधिक गोल गर्ने खेलाडी हुन् । उनले बार्सिलोनाले खेलेका च्याम्पियन्स लिगको समुह चरणको खेलमा ६८ गोल आफ्नो नाममा लेखाई सकेका छन् ।

४. प्रि क्वार्टर फाइनलमा सर्वाधिक धेरै गोल

समुह चरण र च्याम्पियन्स लिगको इतिहासमा मात्र हैन यी १० नम्बर जर्सीका खेलाडी मेस्सीले अन्तिम १६ मा पनि सर्वाधिक गोल गर्ने किर्तिमान आफ्नो नाम लेखाउन सफल भएका छन् । उनले अन्तिम १६ को खेलमा २६ पटक बललाई जालीको दिशा दिइसकेका छन् ।

५. धेरै पटक सर्वाधिक गोलकर्ता

मेस्सीको नाममा एक सिजनमा सर्वाधिक गोल गर्ने खेलाडीको किर्तिमान पनि रहेको छ । उनी ६ पटक च्याम्पियन्स लिगको सर्वाधिक गोलकर्ता रहेका छन् । उनले २००८–०९, २००९–१०, २०१०–११, २०११–१२, २०१४–१५ तथा २०१८–१९ को च्याम्पियन्स लिगमा सर्वाधिक गोल गरिसकेका छन् ।

Headline

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

wesportz

Published

on

ग्लेन म्याक्सवेलको आक्रमक ब्याटिङ्ग र एस्टन एगरको घातक बलिङ्गपछि अष्ट्रेलियाले न्युजिल्याण्डबिरुद्धको ट्वान्टी ट्वान्टी अन्तर्राष्ट्रिय श्रृंखलामा सुखद पुनरागमन गरेको छ ।

वेलिँगटनमा भएको तेश्रो ट्वान्टीमा ट्वान्टीमा अष्ट्रेलियाले घरेलु टोलीमाथि ६४ रनको फराकिलो जित हात पार्यो । न्युजिल्याण्डले पहिलो दुई खेल जितेको थियो ।

म्याक्सवेलसँगै कप्तान आरोन फिन्चले पनि अद्र्धशतक प्रहार गरेपछि पहिलो ब्याटिङ्ग गरेको अष्ट्रेलियाले २० ओभरमा चार विकेटको क्षतिमा २ सय ८ रनको बिशाल योगफल खडा गर्यो । जवाफमा एगरले मिडल अर्डर र लोवर अर्डर ध्वस्त पारेपछि न्युजिल्याण्ड १७ दशमलव एक ओभरमा १ सय ४४ रनमै समेटियो ।

चार ओभरमा ३० रन खर्चिएका एगरले ट्वान्टी ट्वान्टी अन्तर्राष्ट्रियमा अष्ट्रेलियाका लागि सबैभन्दा सफल बलिङ्ग प्रदर्शन गरेका हुन् । डेभोन कन्वेको महत्वपूर्ण विकेट लिएका बायाँ हाते स्पिनर एगरबिरुद्ध ठूलो शट खेल्ने प्रयासमै न्युजिल्याण्डका ब्याट्स्म्यानहरुले आफ्नो विकेट गुमाएका थिए ।

न्युजिल्याण्डका लागि ओपनर मार्टिन गुप्टिलले २८ बलमा ४३ रन प्रहार गरे । उनको इनिङ्गसमा तीन छक्का र दुई चौका समावेश थियो । कन्वेले २७ बलमा पाँच चौका र एक छक्काको मद्दतमा ३८ रन बनाए । अष्ट्रेलियाका लागि राइली मेरडिथले पनि दुई विकेट लिएका थिए ।

यसअघि ओपनर म्याथ्यु वेडलाई दोश्रो ओभरमा नै गुमाएको अष्ट्रेलियालाई फिञ्चले सम्हालेका थिए । यसअघिका खेलहरुमा राम्रो प्रदर्शन गर्न नसकेपनि निकै आलोचना व्यहोरेका फिन्चले ४४ बलमा ६९ रन जोड्दै जोश फिलिपेसँग ८३ रनको साझेदारी गरेका थिए ।

फिलिपेले २७ बलमा ४३ रन बनाए । उनको इनिङ्गसमा तीन चौका र एक छक्का सामेल थियो । फिलिपेको विकेट पतनपछि म्याक्सवेलले पूर्ण रुपमा खेललाई नियन्त्रणमा लिएका थिए । उनले जेम्स निसमलाई एकै ओभरमा पाँच चौका र एक छक्का सहित २६ रन प्रहार गरेका थिए ।

म्याक्सवेलले ३१ बलमा नटआउट ७० रन बनाए । फिन्चको इनिङ्गसमा ८ चौका र दुई छक्का सामेल थियो । न्युजिल्याण्डका लागि इश सोधीले दुई विकेट लिए ।

Continue Reading

Headline

फुटसल लिगका सबै खेल कान्तिपुरमा लाइभ हुने

wesportz

Published

on

अखिल नेपाल फुटबल संघले आयोजना गर्ने नेसनल फुटसल लिग २०७८ का सबै खेलहरु कान्तिपुर टेलिभिजनले लाइभ गर्ने भएको छ ।

जेठ १ देखि २२ सम्म पोखरास्थित बहुउद्देश्यीय कभर्डहलमा आयोजना हुने राष्ट्रिय फुटबल लिगमा राउन्ड रोबिनका ४५ र नकआउट राउन्ड (इलिमिनेटर) का ४ खेल गरी सबै ४९ खेल कान्तिपुर टिभी र कान्तिपुर डिजिटल प्लेटफर्महरूबाट प्रत्यक्ष प्रसारण हुनेछन् ।

नेसनल फुटसल लिगको छनोट चरणका खेलहरू चैत १ देखि सुरु हुनेछ । प्रदेश १ को इटहरी, प्रदेश २ को हेटौंडा, वाग्मती प्रदेशको काठमाडौं, गण्डकी प्रदेशका पोखरा तथा लुम्बिनी, कर्णाली र सुदूरपश्चिम प्रदेशको दाङमा छनोट चरणका खेल हुनेछन् ।

छनोट चरणपश्चात प्रदेश १ बाट २, प्रदेश २ बाट १, वाग्मती प्रदेशबाट ४, गण्डकी प्रदेशबाट २ तथा लुम्बिनी, कर्णाली र सुदूरपश्चिमबाट मिलाएर १ टोली गरी १० क्लबले नेसनल फुटसल लिगमा प्रतिस्पर्धा गर्नेछन् ।

नेसनल फुटसल लिग विजेताले १० लाख र उप विजेताले ५ लाख रुपैया नगद पुरस्कार पाउनेछन् ।

Continue Reading

Headline

बि डिभिजन: नयाँ बस्ती र टुसालबीचको खेल बराबरीमा समाप्त

wesportz

Published

on

बि डिभिजन लिग अन्तर्गत बुधबार भएको पहिलो खेलमा नयाँबस्ती युवा क्लबले टुसाल युथ क्लबसँग १-१ को बराबरी खेलेको छ ।

टुसालका लागि अलोन राई र नयाँ बस्तीका लागि बिवेक गुरुङले गोल गरेका थिए ।

खेलमा पहिलो गोल नयाँ बस्तीले गरेको थियो । नयाँ बस्तीका लागि ३९ औँ मिनेटमा पहिलो गोल गरेको थियो । बिवेक गुरुङले गोल गर्दै नयाँ बस्तीले अग्रता बनाएको थियो ।

पहिलो हाफमा १-० ले अगाडि रहे पनि नयाँबस्तीले दोस्रो हाफमा गोल खान पुगेको थियो । ७१ औँ मिनेटमा टुसालका लागि अलोन राईले गोल गरेका थिए । डिबक्स बहिरबाट वान अन वानमा पाएको मौकालाई अलोन राईले उत्कृष्ट गोल गरेका थिए ।

बराबरीसँगै टुसाल ८ अंक सहित सातौँ र १२ अंक सहित नयाँबस्ती छैँठौ स्थानमा रहेको छ ।

Continue Reading
Headline1 hour ago

न्युजिल्याण्डबिरुद्धको ट्वान्टी ट्वान्टी श्रृंखलामा अष्ट्रेलियाको उत्कृष्ट पुनरागमन

Headline2 hours ago

फुटसल लिगका सबै खेल कान्तिपुरमा लाइभ हुने

Headline3 hours ago

बि डिभिजन: नयाँ बस्ती र टुसालबीचको खेल बराबरीमा समाप्त

Headline3 hours ago

ज्लाटन इब्राहिमोभिच र लेब्रोन जेम्सको वाक युद्ध

Headline8 hours ago

सान्चोको गोलले डर्टमण्ड जर्मन कपको सेमिफाइनलमा

Headline9 hours ago

प्रिमियर लिगको उपाधि दौडलाई सामान्य प्रकृयामा परिणत गर्दै सिटी

Headline10 hours ago

६ सयौं लिग खेलको कोशेढुँगामा रोनाल्डोको गोल

Headline11 hours ago

२०११ मा बिश्वकप फाइनल, २०२१ मा अष्ट्रेलियामा बस ड्राइभर

Headline20 hours ago

चार नेपाली महिला फुटबलरहरुले पाकिस्तानमा खेल्ने

Headline23 hours ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending