Connect with us

Headline

इन्स्टाग्रामको एक पोस्टका लागि कति लिन्छन् बिराट कोहली ?

wesportz

Published

on

कप्तान बिराट कोहली अहिले भारतीय क्रिकेटकै अनुहार भएर बसेका छन् । भारतमा क्रिकेट र कोहलीको क्रेज निकै राम्रो छ ।

इन्डियन प्रिमियर लिगका सबैभन्दा महँगा खेलाडी कोहलीले रोयल च्यालेन्जर्स बेंगलोरको लागि एक सिजनको १७ करोड भारतीय रुपैयाँ लिने गर्छन्न् ।

कोहली इन्स्टाग्रामको पोस्ट मार्फत सर्वाधिक धेरै कमाई गर्ने १०० जना खेलाडीको सुचीमा रहेका एक मात्र भारतीय खेलाडी हुन् । त्यस्तै सर्वाधिक धेरै कमाई गर्ने १० खेलाडीको खेलाडीको सुचीमा कोहली एक मात्र क्रिकेटर हुन् ।

कोहलीको इन्स्टाग्राममा लगभग ६० मिलियन फलोअर छन् भने उनले विज्ञापन राखे बापत एक पोस्टको १ लाख ९६ हजार डलर लिने गर्दछन् ।

सर्वाधिक धेरै कमाई गर्ने खेलाडीको सुचीमा भने युभेन्टस र पोर्चुगलका स्टार क्रिष्चियानो रोनाल्डो रहेका छन् । बिश्व चर्चित फुटबलर रोनाल्डोको इन्स्टाग्राममा दुई सय २० मिलियन फलोअर छन् भने उनले एक पोस्ट बापत ९ लाख ७५ हजार अमेरिकी डलर लिने गर्छन् ।

Headline

लेस्टरसँगको हारपछि चेल्सी व्यवस्थापक लाम्पार्ड थप दवाबमा

wesportz

Published

on

लेस्टर सिटीसँग पराजित हुंदै इङ्गलिस प्रिमियर लिगको आठौं स्थानमा झरेपछि चेल्सी व्यवस्थापक फ्रांक लाम्पार्डमाथि थप दवाब बढेको छ ।

मङ्गलवार घरेलु मैदानमा भएको खेलमा लेस्टरले चेल्सीलाई २–० ले पराजित गर्यो । जितपछि लेस्टर भने प्रिमियर लिगको शिर्ष स्थानमा उक्लिएको छ । ३८ अंक जोड्दै लेस्टरले एक खेल कम खेलेको म्यानचेस्टर युनाइटेडसँग एक र दुई खेल कम खेलेको म्यानचेस्टर सिटीसँग दुई अंकको अग्रता लिएको छ ।

अंक तालिकाको पहिलो हाफसम्मै तिब्र प्रतिस्पर्धा रहदा लिभरपुलको ३४, टोटेन्ह्यामको ३३ तथा एभर्टन र वेष्ट ह्यामको समान ३२ अंक रहेको छ । सिजनमा उत्कृष्ट शुरुवात गर्दै शिर्ष स्थानको पनि अनुभव गरिसकेको चेल्सी भने २९ अंकका साथ आठौं स्थानमा रहेको छ ।

लेस्टरले छैटौं मिनेटमै विल्फ्रेड एनडिडिको गोलमार्फत अग्रता लिएको थियो । पहिलो हाफमा चेल्सीले बनाएको खतरा मुभमा क्रिष्चियन पुलिसिच लड्दा भारको सहयोगमा उसलाई पेनाल्टी दिइएको थिएन । ४१ औ मिनेटमा जेम्स म्याडिसनले गोल गरेपछि लेस्टरले पहिलो हाफमै खेललाई आफ्नो नियन्त्रणमा राखेको थियो ।

मङ्गलवार नै भएको अर्को खेलमा वेष्ट ह्यामले वेस्ट ब्रोमलाई २–१ ले पराजित गर्यो । रेलिगेसन जोनमा रहेको वेस्ट ब्रोमको ११ अंक रहेको छ ।

Continue Reading

Headline

एन्फाको १९ औँ साधारण सभा सम्पन्न, मनोनयनको ब्यवस्था खारेज

wesportz

Published

on

अखिल नेपाल फुटबल संघ (एन्फा) को मंङ्गलबार १९ औँ साधारण सभा सम्पन्न भएको छ । २०७६ मा कोरोनाका कारण रोकिएको साधारण सभा यो बर्ष गरिएको हो ।

एन्फाले साधारण सभा मार्फत मङ्गलबार पदाधिकारी मनोनयनको ब्यवस्थालाई पनि खारेज गरेको छ । एन्फा साधारण सभाले संघमा मनोनयनको ब्यवस्थालाई खारेज गर्दै २१ सदस्यीय नयाँ कार्यसमिति बनाउने निर्णय समेत गरेको हो । अर्को साधारण सभाको कार्यसमितिमा संशोधित विधान लागु हुने एन्फा प्रवक्ता किरण राइले बताएका थिए । यस्तै निर्वाचनबाट आउने २१ सदस्यीय नयाँ कार्यसमितिमा २ जना महिला सदस्य हुनै पर्ने छ ।

राष्ट्रिय लिग सहितका एन्फाको ८२ करोड ६६ लाख ४२ हजार रुपैयाँको वार्षिक कार्यक्रमलाई पनि साधारण सभाले पारित गरेको छ । एन्फाले साधारण सभा मार्फत आफ्नो आर्थिक वर्षको खर्च र आम्दानी पनि निकालेको छ । प्रवक्ता राइका अनुसार एन्फाको अघिल्लो वर्षको खर्च ४१ करोड २६ लाख रुपैयाँ रहेको छ भने आम्दानी ४० करोड २६ लाख रहेको छ ।

यस्तै एन्फाले यही वर्ष चैतदेखि २०७८ वैशाखसम्म राष्ट्रिय लिग आयोजना गर्ने निर्णय गरेको छ । अघिल्लो पटक निकालेको २०७८ को वार्षिक क्यालेन्डरमा राष्ट्रिय लिग नभए पनि छलफल गर्दै २०७८ मा राष्ट्रिय लिग गर्ने एन्फाले बताएको हो । एन्फा साधारण सभाले २०७७ को बाँकी प्रतियोगिताको साथै २०७८ को वार्षिक क्यालेन्डर समेत साधारण सभाबाट पारित गरेको छ ।

यस्तै एन्फालेमनाङ, खोटाङ र नवलपरासी सुस्ता पूर्व जिल्लाहरुलाई पूर्ण एन्फा सदस्यता प्रदान गर्ने पनि निर्णय गरेको थियो ।

Continue Reading

Headline

ढँग नभएका क्रिकेट पदाधिकारीको हैकमवादी शैली

Avatar

Published

on

नेपालसँगै बिश्व खेलकुदले नै बसालेको संस्कृति हो पोस्ट म्याच कन्फेरेन्स । कुनै पनि खेल समाप्तिपछि पत्रकारहरुले सहभागिता जनाएको टोलीका कप्तान, राम्रो प्रदर्शन गर्ने खेलाडी वा प्रशिक्षकको प्रतिकृया लिने काम पोस्ट म्याच कन्फेरेन्समा हुन्छ । यसको बिशेष महत्व छ किनभने यसले पाठक, श्रोता वा दर्शकलाई खेलको परिणामबारे अझै नजिकबाट बिश्लेषण गर्ने मौका मिल्छ ।

नेपालमा भएका घरेलु अथवा अन्तर्राष्ट्रिय स्तरका प्रतियोगिताहरुमा पोस्ट म्याच कन्फेरेन्स संस्कृति लामो समयदेखि स्थापित हुदै आएको छ । र यसको रौनक पनि छुट्टै हुने गरेको छ ।

तर मङ्गलवार प्रधानमन्त्री कप राष्ट्रिय एकदिवसीय क्रिकेट प्रतियोगिता अन्तर्गत मुलपानी क्रिकेट मैदानमा भएको गण्डकी र कर्णाली प्रदेशबीचको खेलपछिको पोस्ट म्याच कन्फेरेन्स पत्रकारहरुले नसोचेकै हुन पुग्यो ।कारण थियो क्रिकेटका एक पदाधिकारीले आफ्नो सिमा मिचेर पत्रकारितामाथि बोलेको धावा ।

खेल समाप्तिपछि म लगायत अन्य पत्रकारहरुले कर्णाली कप्तान रविन्द्र जँग शाहीको अन्तर्वार्ता लिइसकेपछि कर्णालीका बिदेशी प्रशिक्षक पउल फरेरोको अन्तर्वाता लिन शुरु गर्यो । कर्णालीले प्रदेश संरचनामा गइसकेपछि राष्ट्रिय क्रिकेटमा पहिलो जित हात पार्दा फरेरोको भुमिका पनि मुख्य रहेको रविन्द्रले बताएपछि उनको अन्तर्वार्ता पनि महत्वपूर्ण हुने हामीलाई लागेको थियो ।

रविन्द्रलाई नै आग्रह गरेपछि फरेरो अन्तर्वार्ता दिन उत्सुकतापुर्वक नै उपस्थित भए । सुर्खेतमा तीन बर्ष देखि कफि खेति गर्दै कर्णालीको क्रिकेटसँग नजिक भएका दक्षिण अफ्रिकी फरेरोले आफ्नो देशमा बि डिभिजन क्रिकेट खेलेका रहेछन् । उनले निस्वार्थ भावनाले नै त्यहाको क्रिकेटमा मद्दत गर्दै आएका रहेछन् । उनले सबै प्रश्नको जवाफहरु उत्साहित भएरै दिइरहेका थिए ।

पाचौं प्रश्न सोध्दा एक व्यक्तिले सिधै हस्तक्षेप गर्दै डोमिनेट गर्ने शैलीमा हामीलाई भनेः “प्रश्न गर्या गरै नगरौ न उसलाई पनि टाइम दिउ है । कति वटा प्रश्न भयो ? १० वटा प्रश्न भयो ?”

ती व्यक्ति अजय बिर पाण्डे रहेछन् । बागमती प्रदेश क्रिकेट संघको केन्द्रिय सदस्य । उनलाई हामीले बिगत एक दशकदेखि कहिल्यै पनि क्रिकेटको कुनै पनि पोस्ट म्याच कन्फेरेन्समा देखेका थिएनौं । उनको भुमिका त्यहा के थियो हामी कसैलाई पनि थाहा थिएन ।

अन्तर्वार्ताको दौरान कहिल्यै रोकटोकको सामना नगरेका हामीलाई निकै अप्ठ्यारो महसुस भयो र सिधै क्यामेरा बन्द गर्यो । एक बिदेशी नागरिक र हामीसँगै पछाडी उभिएर सुनिरहेका खेलाडीहरुको बीचमा डोमिनेट गर्ने शैलिमा प्रस्तुत भएपछि हामीलाई अपमान भएको महसुस हुँदा हामीले सिधै क्यामेरा बन्द गरेका थियौं ।

आफूलाई एन्टी करप्सन युनिटको सदस्य भएको बताएका पाण्डेले त्यहा अपमान गर्ने आशयले नै व्यहार गरेको देखेपछि मैले ‘तपाईले यसरी अन्तर्वार्ता लिइरहेको समयमा हामीलाई रोक्न मिल्दैन’ भनेपछि उनी अझै डोमिनेट गर्ने मनसायले बोल्न थाले ।

शुरुमा प्लेयिङ्ग एरियामा अन्तर्वार्ता लिएको बहाना बनाउन खोजेका उनले हामी बाउण्डरी लाइन बाहिर पोस्ट म्याच प्रेजेन्टेसन हुने ठाँउमै उभिएको देखेपछि अन्य बाहना खोज्न थाले । बाउण्डरी लाइन भित्र भने अरु दुई ठाँउमा छुट्टै अन्तर्वार्ता चलिरहेकै थियो । पाण्डेले कहिले खेलाडीलाई खेलपछि समय चाहिएको त कहिले फरेराले उत्सुकतापुर्वक अन्तर्वार्ता दिएको देख्दा देख्दै पनि उनी थाकिसकेको भन्न थाले ।

हामीले ‘यदि म दिन्न भन्छन् भने हामी कसैलाई पनि अन्तर्वार्ताका लागि कर गर्दैनौं , उनी आफै तैयार भएका हुन्भ’ भन्दा भन्दै पनि पाण्डेको शैलि उस्तै थियो । पछि ‘म तपाईहरुको मिडिया म्यानेजरसँग कुरा गर्छु’ भन्दै फोन पनि झिक्दै चलाउन थालेका थिए ।

पाण्डेसँग बादविवादमा उत्रनु उचित नहुने देखेरै उनको प्रवृति बारे समाचार लेख्नै पर्ने भयो भनेर फोटो खिच्न लाग्दा उनले अर्का पत्रकार सुबास हुमागाईलाई ‘ल खिच्नुस, हेडसट आउने गरि नै खिच्नुस भन्दै मास्क उतार्दै’ उल्टै चुनौति दिन थाले ।

अन्य ठाँउमा अन्तर्वार्ता चले पनि नियमसंगतले नै बाउण्डरी लाइन बाहिर एक बिदेशी नागरिकको अन्तर्वार्ता भएको ठाँउमा उनले किन हस्तक्षेप गरे ? जबकी उनलाई दिइएको काममा यो पर्दै पर्दैन । मैदानमै अन्य पदाधिकारीले उनलाई सम्झाउन खोज्दा पनि पाण्डेमा कुनै ग्लानी भावना देखिएन । उनले धेरै लामो बाद बिवादपछि मात्रै आफूलाई ज्ञान नभएको स्विकारेका थिए ।

बिदेशी नागरिकको अगाडी गरिएको त्यो व्यवहारले उल्टै हामीलाई नै ग्लानी त भयो नै सँग–सँगै आफ्नो पेशालाई लिएर भएको अपमान दुःख लाग्दो थियो ।

Continue Reading
Headline4 hours ago

लेस्टरसँगको हारपछि चेल्सी व्यवस्थापक लाम्पार्ड थप दवाबमा

Headline14 hours ago

एन्फाको १९ औँ साधारण सभा सम्पन्न, मनोनयनको ब्यवस्था खारेज

Headline15 hours ago

ढँग नभएका क्रिकेट पदाधिकारीको हैकमवादी शैली

Headline17 hours ago

लुम्बिनीको जितमा सन्दिप, सौरभ, अनिल र बिक्रम नायक

Headline20 hours ago

कर्णाली प्रदेशको राष्ट्रिय क्रिकेटमा पहिलो जित

Headline22 hours ago

भारतको टेस्ट इतिहासकै उत्कृष्ट जित, लगभग दोश्रो रोजाईको टोलीसँग अष्ट्रेलिया हार्यो

Headline23 hours ago

गण्डकीको कर्णालीलाई चुनौतिपूर्ण लक्ष्य

Headline1 day ago

मिलानको जितमा दुवै गोल ज्लाटन इब्राहिमोभिचको

Headline1 day ago

औबामेयाङले गोलको खडेरी तोड्दा आर्सनलको अर्को जित

Headline2 days ago

बागमतीको सशक्त प्रदर्शन, सुदुरपश्चिम १ सय ८० रनले पराजित

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending