Connect with us

Headline

लिगको प्राविधिक पक्ष नै गायब भएको प्राविधिक प्रतिवेदन

Published

on

गौरव फुयाल

अखिल नेपाल फुटबल संघ (एन्फा) ले नेपाली फुटबल ईतिहासकै पहिलो प्रविधिक प्रतिवेदन दाबी गर्दै शुक्रबार शहीद स्मारक ए डिभिजन लिगको एउटा किताब सार्वजनिक गर्यो । खेलकुदको भाषामा यो प्रतिवेदनलाई टेक्निकल रिपोर्ट भन्ने गरिन्छ जुन कुनै पनि खेलकुद प्रतियोगिता शुरु हुनु अघि वा सकिएको केही दिनमै सार्वजनिक गर्ने गरिन्छ ।

यस्तो प्रतिवेदनमा प्रतियोगितामा के–कस्ता टोलीहरु खेलेका छन्, कस्तो खेल देखाएका छन् भन्ने कुरालाई तुलनात्मक बिश्लेषण सहित प्रस्तुत गर्ने गरिन्छ । तर एन्फाले यसलाई सार्वजनिक गर्न  ९८ दिन लगायो । यसअघि कहिले प्रकाशनमा नआएको प्रतिवेदन पहिलो पटक आएकै कारण दिन मतलब भएन । तर प्रतिवेदन भित्रको दस्तावेजले भने त्यसलाई प्राविधिक प्रतिवेदनको रुपमा स्विकार भने गर्न सकिदैन ।

मंसिर २९ गते देखी फागुन ३ गते सम्म चलेको लिगले सरस्वतीका कप्तान दिपेश श्रेष्ठको म्याच फिक्सिङ प्रस्ताव, मैदानमै मानङ मस्र्याङ्दी र मच्छिन्द्र क्लबबीचको झगडा देखी हिमालयन शेर्पाले मैदानमा १२ जना उतारेको घटनाहरुको साक्षी बनायो । एक टोलीमात्र रेलिगेट हुने प्रावधान रहेको लिग कमि कमजोरीहरु त थिए नै तर चार महिनामा प्रकाशित भएको प्रविधिक प्रतिवेदनले पनि आफ्नो नाम अनुसारको काम गर्न सकेन ।

एन्फाले प्रतिवेदनमा उल्लेख गरेका धेरै तथ्यांकहरु उसकै आधिकारिक वेबसाइटमा देखाइएको खेलहरुको प्रत्यक्ष प्रशारणमै हेर्न मिल्ने थियो । लिगमा भएको राम्रो काम मध्ये त्यो एउटा थियो तर त्यसैलाई समेटेर एन्फाले प्रतिवेदन बनाएर प्रस्तुत गरिदियो । एक किसिमले यो एक कपि–पेस्ट काम भयो भने प्रविधिक दाबी गरिएको प्रतिवेदनमा प्रविधिक बिषय नै गायब गरियो ।

एन्फाले सर्वजनिक गरेको पुस्तकमा लिग अवधिका गोल, गोल गर्नलाई प्रहार गरिएका शट, अफसाइड, कार्ड, फउल र खेलाडीको उमेरलाई समेटिएको छ । तर अन्तर्राष्ट्रिय मान्यता अनुरुप लिगको प्राविधिक रिपोर्ट भने यस्तो हुदैन ।

प्रतिवेदनको एक मात्र राम्रो पक्ष स्वास्थ्यको रहेको छ । फिटनेस तर्फ रहेका चिकित्सकहरुको टोलीले खेलाडीको कमी कमजोरीलाई राम्रोसँग देखाएका छन् जसले गर्दा धेरै टोलीहरुले आफ्ना खेलाडीहरुको फिटनेसमा अबका लिगहरुमा ध्यान दिनु पर्ने अवस्था आएको छ । एन्फको प्रतिवेदनमा स्वास्थ्य बाहेक अन्य पक्ष भने निकै सामान्य रहेको छ ।

अन्तर्राष्ट्रिय फुटबलको प्रतिवेदनमा सामान्यत खेलमा भएका टोलीहरुको बलियो र कमजोर पक्षलाई हेर्दै रणनैतिक विश्लेषण गर्न जरुरी देखिन्छ । एन्फाको प्रतिवेदनमा खेलाडीले खेलेका समय, गरेका गोल र खेललाई मात्र क्लबको तथ्याङ्कमा राख्दा रणनीतिको हिसाबमा टिम फर्मेसन मात्र समेटिएको छ ।

प्रतिवेदन सर्वजनिक गर्दा लिग कमिटी सदस्य बिज्ञानराज शर्माले फुटबलको विकास, प्रशिक्षक र खेलाडीको स्तर बढाउनका लागि यस्ता प्रतिवेदन अपरिहार्य रहेको र यो एक शुरुवात भएको बताए । तर एन्फा शुरुवातमै चुकेको छ ।

तथ्याङ्कले मात्रै कहिल्यै खेलाडी र प्रशिक्षकको स्तर बढाउन मद्दत गर्दैन । स्तर बढाउने हो भने खेलको दर्शनलाई बुझेर लिग भरीका उत्कृष्ट खेलहरुको राणनैतिक विश्लेषण आवश्यक छ । सहभागी टोलीका प्रशिक्षकहरुले खेलाउने दृष्टिकोण समेट्दा नेपाली फुटबलमा प्रशिक्षकहरुको फिलोसोफिले पनि राम्रो स्थान पाउने थियो । लिग तथ्याङ्क बाहेक अन्य बिषय समेट्दा नयाँ आउने खेलाडी र प्रशिक्षकको पुस्तालाइ फुटबल बुझेर खेल्न र खेलाउन मद्दत गर्ने थियो ।

नेपाली फुटबललाई अन्तर्राष्ट्रिय स्तरमा लान आफू लागि परेको दाबी गर्दै आएको एन्फाले लिगका उत्कृष्ट खेलाडीहरुलाई पुरस्कार त दियो तर उनीहरु किन उत्कृष्ट भए यसको सुक्ष्म अध्ययन प्रतिवेदनमा छैन । खेलाडीहरु के आधारमा उत्कृष्ट भए ? उनीहरुको खेल्ने शैली कस्तो थियो ? कुन खेलमा कस्तो प्रदर्शन गरे ? तुलनात्मक रुपमा किन राम्रा थिए ? यी सब कुराहरु प्रतिवेदनमा उल्लेख गर्नु पर्छ भन्ने एन्फालाई लागेन ।

यसबाहेक कुन टोली कुन पोजिसनमा चुक्न पुगे ? कुन टोलीको कँहा बल पोजेसन लिए र मुभमेन्ट धेरै गराए ? कुन टोलिका खेलाडीले क्लबको लागी उत्कृष्ट प्रदर्शन गरे ? खेलमा कुन स्थानबाट धेरै गोल भए ? यी सबैको चित्रात्मक तस्वीरका साथ प्रतिवेदन पेस गर्न जरुरी देखिन्छ । मुख्य कुराहरु नै नअटाएको यो प्रतिवेदनलाई प्रविधिक भन्दा त्यो शब्द कै चिर हरण गरेको भान हुन्छ ।

यि त भए उल्लेख नै नभएका कुराहरु । तर यहा त तथ्याङ्कनै प्रकाशन गरेको तथ्याङ्क विवरणमा तथ्याङ्क नै गलत छन् ।

लिग खेलेका खेलाडी बाहेक टोलीमा भएका सम्पूर्ण खेलाडीको नाम पनि लेखिएको छैन । हरेक टोलीमा तीन गोलकिपर हुन आवश्यक नै देखिन्छ, उनीहरु नखेलेपनि नाम हुन जरुरी छ । लिगमा सब्स्टिच्युटमा भएका अन्य खेलाडी गायब छन । सरस्वती क्लबको प्रशिक्षकमा लिग शुरु हुने बेला अशोक केसी भए पनि प्रतिवेदनमा प्रदिप नेपाल देखिन्छन् । लिग भरी एक क्लबले १३ खेल खेले पनि च्यासलका दुई गोलकिपर एलेन न्यौपानेले १२ र अभिषेक बरालले १२ खेल खेलेका छन् ।

एन्फाले प्रतिवेदन मात्र निकाले पनि यो फुटबल प्रेमीहरुको लागि ठूलो कुरा हो । प्राविधिक अध्ययन भन्दा तथ्याङ्कले भरिएको प्रतिवेदन भए पनि हामी धेरै कुरामा चुकिरहेका छौं । वेबसाइटको लाइभ कमेन्ट्री वा खेलको बेला नै टिप्न सकिने यी तथ्याङ्कहरु भविष्यमा धेरै काम त लाग्ने छ तर आउने पुस्ताका लागि भने फुटबल बुझ्नका लागि पर्याप्त छैन ।

आधुनिक फुटबलमा नेपाल पछि पर्नुको एक कारण रणनैतिक हिसाबले खेललाई बुझ्न नसक्नु पनि हो । नेपालले युरोपेली ढँगको खेल पस्कन अहिल्यै सम्भव त छैन तर घरेलु फुटबलको मेरुदण्ड मानिने लिगलाई दक्ष जनशक्तिको सहयोगमा ट्यक्टिकल फुटबल को दर्शन अनुरुप प्रस्तुत गर्नु पर्ने लक्ष्य लिन आवश्यक छ ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!