Connect with us

Headline

रोहित शर्माको नाममा रहेको तीन किर्तिमान जुन सायदै तोडिएला 

Published

on

भारतीय क्रिकेट टोलीका उपकप्तान हुन् रोहित शर्मा । सन् २०११ को विश्वकपमा टोलीमा स्थान बनाउन असफल भए देखि सन् २०१९ को विश्वकप सम्मको यात्रा तय गरेका ३२ बर्षिय शर्मा भारतीय टोलीका प्रमुख ब्याट्सम्यान भएर आएका छन् पछिल्लो आठ बर्षमा ।
उनले अहिले सम्म भारतका लागि दुई सय २४ एकदिवसीय खेल खेल्दै ४९ दशमलब दुई सातको औसतमा नौं हजार एक सय १५ रन बनाएका छन् । जसमा उनले २९ शतक र ४३ अर्धशतक पनि बनाएका छन् । त्यस्तै उनले ट्वान्टी ट्वान्टीमा १०७ खेलमा चार शतक र २० अर्धशतक सहित कुल दुई हजार सात सय १३ रन बनाएका छन् ।
आज हामी उनको नाममा रहेको तीनवटा विश्व किर्तिमान लिएर आएका छौं जुन सायदै तोडिएला ।
१. एकदिवसीयमा सर्वाधिक व्यक्तिगत स्कोर 
सन् २०१४ मा श्रीलंका बिरुद्धको ट्वान्टी ट्वान्टी खेलमा रोहितले एक सय ७३ बलको सामना गर्दै दुई सय ६४ रन बनाए । यो नै एकदिवसीय खेलमा सर्वाधिक व्यक्तिगत स्कोर हो ।
उक्त खेलमा चार रनको अवस्थामा जीवन दान पाएका उनले सुस्त शुरुवात गरेता पनि १०० बलमा आफ्नो शतक पुरा गरे । तर शतक प्रहार गरेसंगै उनी आक्रमक खेल थाले र पछिल्लो १६४ रन मात्र ७३ बलमा पुरा गरे । रोहितले आफ्नो पारीमा ३३ चौका र नौं छक्का प्रहार गरे ।
 
२. एकदिवसीयमा तीनवटा दोहोरो शतक 
टेस्टमा समेत दोहोरो शतक बनाउनु भनेको चानचुने कुरा हैन । पहिले एकदिवसीय खेलमा दोश्रो शतक बनाउन सकिन्छ भन्दा कसैले विश्वास नै गर्दैन थियो । तर जब मास्टर ब्लास्टर सचिन तेन्दुलकरले सन् २०१० मा पहिलो दोश्रो शतक प्रहार गरे त्यस पछि पछिल्लो १० बर्षमा एकदिवसीय खेलमा छ खेलाडीको नाममा आठवटा दोहोरो शतक रहेको छ । तीन मध्य रोहित शर्मा यस्ता खेलाडी हुन् जसले तीनवटा दोहोरो शतक प्रहार गरिसकेका छन् । अन्य पाँच जना खेलाडीको नाममा १-१ दोश्रो शतक रहेको छ ।

रोहितले आफ्नो पहिलो दोहोरो शतक सन् २०१३ मा बनाएका थिए । अस्ट्रेलिया बिरुद्ध बेङ्गलुरुमा भएको खेलमा रोहितले १५८ बल खेल्दै १२ चौका र १६ छक्काको मद्धतमा २०९ नौं रन बनाएर आउट भए ।
उनले आफ्नो दोश्रो र तेश्रो दोहोरो शतक श्रीलंका बिरुद्धको खेलमा बनाएका हुन् । दोश्रो दोहोरो शतक उनले सन् २०१४ मा तथा तेश्रो दोहोरो शतक सन् २०१७ मा आफ्नै घरेलु मैदानमा बनाएका हुन् ।
 
३. विश्वकपको एक संस्करणमा सर्वाधिक शतक 
कुनै पनि खेलाडीलाई विश्वकपमा राम्रो प्रदर्शन गर्ने इच्छा हुन्छ । यस मामला हिटम्यानका नामले परिचित रोहित सन् २०१९ मा इंग्ल्यान्ड र वेल्समा सम्पन्न एकदिवसीय विश्वकपमा निकै अघि रहे । उनले विश्वकपमा उत्कृस्ट प्रदर्शन मात्र गरेनन् आफ्नो नाममा क्रितिमान पनि लेखाए ।
श्रीलंकाका पुर्व कप्तान कुमार संगाकाराले सन् २०१५ मा अस्ट्रेलिया र न्युजिल्याण्डमा सम्पन्न विश्वकपको एकै संस्करणमा चार शतक प्रहार गरेका थिए, जुन त्यस समयको किर्तिमान रहेको थियो ।तर रोहितले सन् २०१९ मा पाँच शतक प्रहार गरे । उनले दक्षिण अफ्रिका, पाकिस्तान, इंग्ल्यान्ड, बंगलादेश र श्रीलंका बिरुद्ध शतक प्रहार गरेका थिए ।

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline1 month ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline1 month ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline1 month ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline1 month ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline1 month ago

बढ्यो नेपाली खेलाडीको तलब 

Headline1 month ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!