Corona Virus
‘दर्शक नभइ क्रिकेट खेल्नु दुलहीबिना बिहे गर्नु जस्तो’
Published
4 years agoon
By
wesportzपाकिस्तानका पुर्व तिब्र गतिका बलर शोएब अख्तरले खाली रँगशालामा क्रिकेट खेल्नु दलहीबिना बिहे गर्नु जस्तै भएको बताएका छन् ।
कोरोना भाइरसको कारण स्थगित भएका कतिपय प्रतियोगिता दर्शकबिना सुचारु हुन थालेका छन् भने क्रिकेट पनि अब केही समयका लागि खाली रँगशालामै खेलाइने निश्चित नै छ । खेलको रोमाञ्च फर्काउन र क्रिकेटलाई चलायमान बनाउन कतिपय कोरोना प्रभावित राष्ट्रहरु खाली रँगशालामै प्रतियोगिता गराउन तयारी गरिरहेका छन् तर अख्तरलाई भने यो चित्त बुझेको छैन ।
“क्रिकेट बोर्डहरुको लागि खाली रँगशालामा प्रतियोगिता गराउनु उचित र टिकाउ लाग्न सक्छ । तर हामीले यसलाई बजार दिन सक्छौं जस्तो मलाई लाग्दैन । यो तर दुलहीबिना बिहे गर्न गइरहेको जस्तो स्थिति हो । हामीलाई खेल्नका लागि दर्शक चाहिन्छ । आशा गरौ कोरोनाको कहर समाप्त हुदै एक बर्ष भित्र स्थिति सामान्य बन्नेछ,” अख्तरले हेलो लाइभमा भनेका छन् ।
यसअघि भारतीय कप्तान बिराट कोहलीले पनि दर्शकले भरिएको रँगशालामा देखिने गरेको खेलको जादु र उत्साह खाली स्टेडियममा हुनै नसक्ने बताएका थिए ।
सोमबार भएको प्रत्यक्ष अन्तरकृयामा अख्तरले २००३ को बिश्वकपमा भारतीय ब्याटिङ्ग लिजेण्ड सचिन तेन्दुल्करले पाकिस्तानबिरुद्धको खेलमा आफ्नो शतक पुरा गरुन भन्ने चाहेको पनि बताए । दक्षिण अफ्रिकाको सेन्चुरियनमा भएको उक्त खेलमा उत्कृष्ट लयमा ब्याटिङ्ग गरिरहेका सचिन ९८ रनमा अख्तरकै बलमा आउट भएका थिए ।
यद्दपी खेल भने भारतले नै ६ विकेटले जितेको थियो । “जब सचिन आउट भए म निकै दुखी भएको थिए । त्यो एउटा बिशेष इनिङ्गस थियो र सचिनले शतक पुरा गर्नुपर्ने थियो । मैले उनले शतक पुरा गरुन भनेर नै सोचेको थियो । मैले फालेको बलमा उनले पहिले जस्तै छक्का हानुन भनेर सोचेको थिए तर आउट हुन पुगे,” अख्तरले भने ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।
सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।
“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।
“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।
भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।
Corona Virus
सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ
Published
3 years agoon
November 28, 2020By
wesportzनेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।
सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।
तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।
मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।
कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।
Corona Virus
राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ
Published
3 years agoon
November 25, 2020By
wesportzनेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।
नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।
ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।
क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।
थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।