Connect with us

Corona Virus

हामीले नदेखेको फुटबल: बुन्डेसलिगा सुचारु हुँदाका रोचक घटना

Published

on

जर्मनीले लामो समयदेखि प्रतिस्पर्धा नभएका कारण बिरक्तिएका फुटबल समर्थकहरुलाई शनिबार राहत दियो । ठूलो कसरत र सावधानीकाबीच जर्मन फुटबल लिगले दुई महिनाभन्दा बढी समय देखि रोकिएको बुन्डेसलिगा सुचारु गर्यो ।

दिनको पहिलो खेलमा बोरुसिया डर्टमन्डले साल्केलाई ४–० को फराकिलो अन्तरले पराजित गर्यो । जितपछि डर्टमन्ड शिर्ष स्थानमा रहेको बायर्न म्युनिखसँगको दुरी १ अंकमा छोट्यायो । तर फुटबल त्यही थिएन । कोरोना भाइरसपछि शुरु भएको लिग फुटबल बदलिएको छ, र खेल चल्ने तरिका पनि । शनिबार यस्ता रोचक क्षणहरु थिए जुन कोरोना महामारीका अघि फुटबलमा देखिएको थिएन ।

पाँच सब्स्टिच्युट

फिफाले कोरोना भाइरसलाई मध्येनजर गर्दै केही दिन अघि फुटबलमा तीन नभएर पाँच खेलाडीसम्म सब्स्टिच्युट गर्न पाउने नियम ल्याएको थियो । र साल्के त्यो नियमको उपयोग गर्ने पहिलो टोली बन्यो । साल्केका प्रशिक्षक डेभिड वेग्नरले पाँच खेलाडीलाई स्थानान्तरण गरेका थिए ।

टिमो बेकर खेल सकिन तीन मिनेट अघि मैदान उत्रने साल्केका पाचौं सब्स्टिच्युट खेलाडी थिए । उनले एभर्टनबाट लोनमा आएका जोन्जो केनीको स्थान लिएका थिए । डर्टमन्डका प्रशिक्षक लुसियन फाभ्रेले भने चार सब्स्टिच्युट प्रयोग गरेका थिए । खेलको अन्त्यतिर म्यान अफ द म्याच राफेल गरेरोको स्थानमा फाभ्रेले मार्सेल स्मेल्जरलाई चौथौ स्थानान्तरण खेलाडीको रुपमा प्रयोग गरेका थिए ।

दुई महिनाको लामो अन्तरालपछि प्रतिस्पर्धामा फर्किएका खेलाडी घाइते हुने खतरा रहेकाले जर्मन फुटबल लिगले नयाँ नियम अपनाएको हो ।

हालान्डले कायम गरेको सामाजिक दुरी

नर्वेका टिन स्ट्राइकर एर्लिङ्ग हालान्डले लिग रोकिुनअघिको आफ्नो उत्कृष्ट लयलाई दुई महिनापछि पनि दुरुस्त नै राख्दै डर्टमन्डलाई शनिबार पहिलो अग्रता दिलाएका थिए । थोर्गन हजार्डको लो क्रसमा गोल गर्दै १९ बर्षिय हालान्डले ९ बुन्डेसलिगा खेलमा आफ्नो १० औं गोल गर्न सफल भए ।

तर गोल गरिसकेपछि उनी डर्टमन्डका खेलाडी साथीहरुको भिडमा भने थिएनन् । गोलको खुशीयाली मनाउने क्रममा अन्य खेलाडीहरुबाट अलि टाढै बस्दै केही क्षण उनले खुशीयाली मनाए । हालान्डसँगै दुरी कायम गरेका खेलाडीहरु त्यसपछि पुन खेलमा फर्किए । बुन्डेसलिगा शुरु गर्ने शर्त मध्येको एक खेलाडीहरुलाई गोलको खुशीयाली मनाउनका लागि अंकमाल गर्नबाट लगाइएको बन्देज पनि थियो ।

फुटबल गिभ्स लाइफ, योर बिजनेस इज सिक

दुई महिनापछि उच्च प्रतिस्पर्धात्मक फुटबलको आनन्द उठाउन पाउदा संसार भर रहेका फुटबल समर्थकहरु खुशी भएपनि अस्बर्गका समर्थकहरुले भने लिग सुचारु गर्नुको औचित्यमा प्रश्न गरेका छन् । उल्फ्सबर्गबिरुद्धको खेलमा खाली रँगशालाको एक ठाँउमा अस्बर्गका समर्थकहरुले एउटा ब्यानर राखेर छोडिदिएका थिए जसमा लेखेको थियोः फुटबल गिभ्स लाइभ्स, योर बिजेनस इज सिक (फुटबलले जिन्दगी दिन्छ, तिमीहरुको व्यापार बिरामी छ) ।

युरोपका अन्य देशहरुमा हजारौंको संख्यामा महामारीका कारण ज्यान जादै गर्दा फुटबल सुचारु गरेको बिरोधमा त्यो ब्यानर राखिएको थियो । घरेलु मैदानमा खेलिएको खेलमा भने अस्बर्गले २–१ को जित हात पारेको थियो । हारपछि उल्फ्सबर्ग थप रेलिगेसनको खतरामा परेको छ ।

एक कदम अगाडी लाइपजिग

बेञ्चमा खेलाडीहरु १ दशमलव ५ मिटरको दुरीमा बस्नुपर्ने नियम पालना गर्नका लागि आरबि लाइपजिगले अनौठो उपाय निकालेको थियो । बे ञ्चमा १ दशमलव ५ मिटरको दुरीमा खेलाडीहरु राख्नका लागि पर्याप्त स्थान नभएपछि केही खेलाडीहरुलाई लाइपजिगले बेञ्चको सतह देखि तीन मिटर माथि रहेको स्ट्यान्डमा राख्ने बिचार गर्यो । खेलाडीहरुलाई माथि राख्नका लागि लाइपजिगले नजिकैको एयरपोर्टबाट बिमानमा यात्रु चढाउन र ओराल्न प्रयोग हुने भर्याङ्ग नै रँगशालामा लिएर आएको थियो ।

बिशेष स्थितिमा बिशेष उपायको आवश्यक पर्छ । हामी मद्दत गर्न पाउदा निकै खुशी छौं, बिमानस्थलका प्रवक्ता उवे सुवार्टले जर्मन पत्रिका बिल्डलाई भने ।

डगआउटमा मास्कधारी

सामान्यतय ८२ हजार समर्थक आकर्षित गर्ने डर्टमन्डको इडुना पार्क दर्शकको हल्लाको अुनपस्थितिमा शुन्य त थियो नै, टेलिभिनजमा प्रत्यक्ष प्रशारण हेरेका समर्थकहरुले बेञ्चमा मास्क लगाएर बसेका खेलाडीहरु देख्न पाएका थिए । साल्केले सामाजिक दुरी कायम राख्नका लागि खेलाडीहरुलाई कुर्सी छोड्दै डगआउटमा राखेको थियो । तर मैदानमा भने कन्ट्याक्ट खेल जारी रहेको थियो ।

खाली भित्तालाई सलाम

साल्केबिरुद्ध अन्य समयमा बिशाल अन्तरको जित हात पारेको स्थितिमा डर्टमन्ड खेलाडीहरुले इडुना पार्कको गोलपोस्ट पछाडी रहेको ठूलो पहेलो भित्ताको अगाडी खुशीयाली मनाएको देख्न सकिन्थ्यो । त्यो भित्तामाथिको बार्दलीमा २५ हजार समर्थक हुने गर्दछन् । शनिबार डर्टमन्डले बिशाल जित त हात पार्यो तर रँगशालामा खेलाडी र प्रशिक्षकहरुको तालीको आवाज मात्र थियो । तैपनि डर्टमन्डका खेलाडीले आफ्ना समर्थकहरुलाई याद गर्दै त्यही भित्ता अघि गएर सलाम गरेका थिए ।

कृपया बल सफा गरिदिनु होला

जर्मनी फुटबल सुचारु गर्नका लागि बेञ्चका खेलाडीले मास्क लगाउनुपर्ने, खेलपछिको पत्रकार सम्मेलनमा उत्तर दिनका लागि खेलाडी र प्रशिक्षकहरु शिशा पछाडी रहने लगायतका धेरै नै नियमहरु अपनाइएको छ । अर्को एक नियम रहेको छ लगातार बल सफल गर्ने । खेल जारी रहदा बाहिर आउने गरेका बलहरुलाई पञ्जा लगाएर बसेका स्टाफहरुले स्प्रेबाट औषधिको प्रयोग गर्दै बल सफल गर्ने गरेको पनि देखिएको थियो ।

4 Comments

Corona Virus

सचिन तेन्दुल्करलाई कोरोना भाइरस

Published

on

भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।

सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।

“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।

“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।

भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।

Continue Reading

Corona Virus

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

Published

on

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।

Continue Reading

Corona Virus

राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ

Published

on

नेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।

नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।

ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।

क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।

थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!