Corona Virus
बुन्डेसलिगासँगै कडा सावधानीकाबीच युरोपमा फुटबल फर्कदै
Published
4 years agoon
By
wesportzकोरोना भाइरसका कारण रोकिएको जर्मन लिग बुन्डेसलिगा शनिबार फर्कदै युरोपमा सुचारु हुने माथिल्लो श्रेणीको पहिलो फुटबल प्रतियोगिता हुन गइरहेको छ ।
युरोपका अन्य ठूला देशहरुको तुलनामा जर्मनीमा कोरोना भाइरसका कारण कम मृत्यु भएको छ । जर्मन फुटबल लिगले चान्सलर एन्जेल मार्केलसहित अन्य क्षेत्रीय नेताहरुलाई संक्रमण रोक्नका लागि अत्यन्तै कडा निर्देशिका अपनाउदै प्रतियोगिता आयोजना गर्नेमा बिश्वस्त गराएपछि बुन्डेसलिगा फर्किरहेको हो ।
खेलाडीहरुको स्वर र रेफ्रिको सिठीबाहेक खाली रँगशालामा कुनै पनि आवाज सुनिने छैन । रुह्र डर्बी अन्तर्गत हुन गइरहेको शनिबारको खेलमा बोरुसिया डर्टमण्डले स्थानीय प्रतिद्वन्दी साल्केको सामना गर्न गइरहेको छ । डर्टमण्डको इडुना पार्कमा हुन गइरहेको खेलले सामान्यतया ८२ हजार दर्शक आकर्षित गर्ने गरेको छ तर शनिबार भने रँगशाला शुन्य रहनेछ ।
मार्चको दोश्रो साता लिग स्थगित हुनु अघि अंक तालिकामा चार अंकले शिर्ष स्थानमा रहेको बायर्न म्युनिखले भने आइतबार युनियन बर्लिनमा खेल्नेछ । बायर्न लगातार आठौं बुन्डेसलिगा उपाधि जित्ने दाउमा रहेको छ ।
अंकमाल गर्न नपाइने
संक्रमणको खतरा न्युनिकरण गर्नका लागि खेलाडी, टिम स्टाफ र अन्य पदाधिकारीहरुको लगातार परिक्षण गरिएको छ भने प्रत्येक क्लब आफ्नो खेल अगाडी एक हप्ते क्वारेन्टिनमा बस्ने गरेका छन् । सामाजिक दुरी कायम राख्नका लागि टिमहरुका लागि धेरै गाडीको प्रयोग गरिनेछ ।
मैदान छिरेपछि खेलाडीहरुलाई गोलको खुशीयलीमा पनि अंकमाल गर्न बन्देज लगाइएको छ । सब्स्टिच्युट खेलाडी र प्रशिक्षकहरुले बेञ्चमा मास्क लगाएर बस्नु पर्नेछ । कोही भने लगाइएको नयाँ नियमको शिकार पनि भइसकेका छन् ।
बिहिबार अस्बर्गका प्रशिक्षक हेको हेर्लिच क्वारेन्टिनको नियम तोड्दै दात माझ्ने मञ्जन खरिद गर्न नजिकको सुपर मार्केट पुगेपछि उनलाई पहिलो खेल खेलाउन प्रतिबन्ध लगाइएको छ । मार्चमा १० मा प्रशिक्षक नियुक्त भएका हेर्लिचको शनिबार उल्फ्सबर्गबिरुद्धको खेल क्लबका लागि उनको पहिलो हुने थियो ।
हेर्लिच आलोचित भइरहदा युनियन बर्लिनका प्रशिक्षक उर्स फिसरलाई भने सान्त्वना दिनु परेको थियो । आफ्नो परिवारका एक निकट सदस्यको मृत्यु भएपछि फिसर क्वारेन्टिन छोड्दै घर फर्किएका थिए । यसको मतलब फिसरले पनि शनिबार हुने बायर्नबिरुद्धको खेल छुटाउनेछन् ।
पुर्व चेल्सी स्ट्राइकर सलोमन कलउलाई केही दिनअघि उनको क्लब हर्था बर्लिनले खेलाडी साथहीहरुसँग हात मिलाउदै नियम तोडेको आरोपमा प्रतिबन्ध लगाएको थियो । बाभेरियन प्रान्तका प्रमुख मार्कस सोडरले नियम नमान्नेहरुले त्यसको सजाय भोग्नु पर्ने चेतावनी दिदै आएका छन् ।
तपाईहरुलाई स्वास्थ्य अधिकारीहरुले सुझाव दिएका छन् र लिगले पनि ठूलो जोखिम मोल्दै नियम बनाएको छ भने ती नियममा तपाइहरु बधिन आवश्यक छ, सोडरले भने । यदि तपाई त्यो नियम मान्नु हुदैन भने रेड कार्ड खानको लागि तयार रहनुहोला ।
कोरोना भाइरसका कारण जर्मनीमा ७ हजार ८ सयको मृत्यु भएको छ । भर्खरै गरिएको एक सर्वेक्षणमा ५६ प्रतिशत जर्मन सर्वसाधारण लिग सुचारु गर्ने बिरुद्धमा रहेका थिए भने खेलाडीहरुमाथि पनि सिँगो देशकै नजर रहेको भन्दै चेतावनी दिइएको थियो । हरेक खेलाडीलाई आफूले नियम मान्नु पर्ने कुरा थाहा छ, बायर्नका अध्यक्ष कार्ल–हाइन्ज रुमेनिगेले भने ।
फुटबल बिश्वकै नजर
इङ्गल्याण्ड, इटाली र स्पेनमा फुटबल अझै पनि लकडाउनमै रहिरहेको स्थितिमा बुन्डेसलिगाले फुटबल बिश्वकै ध्यान आकर्षित गर्नेछ । बुन्डेसलिगाका प्रमुख कार्यकारी क्रिष्चियन सेफर्टले फरक देखिने फुटबलको लागि तयार रहन भन्दै आएका छन् ।
छुट्टा–छुट्टै समुहमा प्रशिक्षण गर्दै आएका खेलाडीहरुले एकै ठाँउमा बसेर प्रशिक्षण गरेको एक हप्ता मात्र भएको छ । “म यसलाई अन्धो भएर उडिरहेको भन्न चाहन्छु । निकै कम समयको तयारीमा हामी प्रतिस्पर्धा गर्ने टोलीको रुपमा कहा उभ्भिएका छौं भन्न कठिन छ,” हर्था बर्लिनका प्रशिक्षक ब्रुनो लाबाडियाले भने ।
बायर्न फर्वार्ड थोमस मुलरले भने आफ्नो टोली मैदानमा भिड्नका लागि आतुर रहेको बताउछन् । “हामीले पछिल्लो केही दिन फुटबल प्रति जगाएको भावनाले प्रतिस्पर्धाका लागि हाम्रो भोक उदृत गर्छ,” मुलरले आफ्नो लिंक्डइनमा लेखेका छन् ।
टेलिभिन प्रशारण अधिकार मार्फत संयुक्त रुपमा आउने ३ सय २४ मिलियन डलर उठाउनका लागि क्लहरु लिगमा बाकी रहेका ९ खेल जुन ३० भित्र सक्काउन चाहन्छन् । कैयौं क्लबहरुले आफू गहिरो आर्थिक संकटमा परेको बताउदै आएका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
1 Comment
Leave a Reply
Cancel reply
भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।
सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।
“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।
“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।
भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।
Corona Virus
सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ
Published
3 years agoon
November 28, 2020By
wesportzनेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।
सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।
तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।
मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।
कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।
Corona Virus
राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ
Published
3 years agoon
November 25, 2020By
wesportzनेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।
नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।
ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।
क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।
थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।
Pingback: हामीले नदेखेको फुटबल: बुन्डेसलिगा सुचारु हुँदाका रोचक घटना – Talking Sports