Connect with us

Headline

बिराट कोहली र रुबेल होसेनबीच एक दशकदेखिको ३६ को आँकडा

Published

on

अन्तर्राष्ट्रिय क्रिकेटमा स्लेजिङ्ग (बिपक्षीलाई मौखिक दुरुपयोग मार्फत होच्याउने) लाई एउटा राम्रो मनोबैज्ञानिक रणनीतिको रुपमा लिइने गरेको छ । यसलाई बिशेषगरि अष्ट्रेलिया र इङ्गल्याण्डका खेलाडीहरुले खेलको दौरान बिपक्षीको प्रदर्शनमा प्रभाव पार्नका लागि हतियारको रुपमा प्रयोग गर्ने गर्छन । यसले सधै काम गर्छ नै भन्ने चाही छैन । कुनै–कुनै खेलाडीहरुबीच भने लामो समयसम्म यसको प्रभाव रहन्छ र एक अर्कालाई होच्याउन कुनै मौका छोड्दैनन् ।

यस्तै लामो समयदेखि एक अर्काको शत्रुको रुपमा रहेका छन् भारतीय कप्तान बिराट कोहली र बङ्गलादेशी तिब्र गतिका बलर रुबेल होसेन । कोहली र होसेनबीचको ३६ को आकडा लामो समयदेखि नै चलि आएको छ ।

२०११ को क्रिकेट बिश्वकप होस या दक्षिण अफ्रिकामा भएको त्रिकोणात्मक श्रंखला, कोहली र होसेनबीचको घमासान कायम नै रहेको छ । २०११ को बिश्वकपमा भारत बङ्गलादेशबिरुद्ध ढाकामा खेलिरहेको थियो । त्यो समय टोलीको जुनियर खेलाडी नै रहेका कोहलीले तेश्रो विकेटका लागि ओपनर विरेन्दर सहवागसँग १ सय ३ रनको साझेदारी गरेका थिए ।

सहवागले १ सय ७० रन हानेपछि भारत पूर्ण रपमा हावी रहेको खेलमा बङ्गलादेशी बलरहरु हतोत्साहित भइसकेका थिए । होसेनको एउटा बललाई कोहलीले डिफेण्ड मात्रै गरे । बल सिधै होसेनको मा गयो र क्रिज छोडेको जस्तो देखिएका कोहलीको स्टम्पमा ताके । कोहलीले त्यसपछि होसेनलाई नराम्रो गाली गर्दै चुप लागेर बलिङ्ग गर्न भने ।

कोहलीले त्यो खेलमा नटआउट १ सय रन बनाएका थिए भने भारतले ३ सय ७० रन जोडेको थियो । खेलमा भारत ८७ रनले बिजयी भएको थियो ।

फिल्डमा निकै आक्रमक देखिने कोहलीको होसेनसँग त्यो पहिलो घट्ना भने थिएन । दुई खेलाडी अब फेरि एक अर्कासँग आपने सामने हुदा यसले अब १२ बर्ष पुरा गर्नेछ । हुसेनले हालै आफ्ना टिमका साथीहरुसँग गरिएको अन्तरकृयामा कोहलीसँग यो श्रंखला २००८ को अण्डर १९ बिश्वकप देखि चल्दै आएको बताए ।

“बिराट कोहलीबिरुद्ध मैले अण्डर १९ देखि खेल्दै आएको छु र यस्तै घट्ना अण्डर १९ बिश्वकपको दौरान पनि भइसकेको छ । उनले हाम्रो खेलाडीहरुलाई निकै धेरै स्लेजिङ्ग गर्ने गर्थे । अहिले त्यो कम हुन सक्छ,” भारतलाई कप्तानको रुपमा २००८ को अण्डर १९ बिश्वकप जिताएका कोहलीको बारेमा होसेनले सम्झिए ।

दक्षिण अफ्रिकामा एक पटक क्रिकोणात्मक श्रंखला अन्तर्गतको खेलमा कोहलीले निकै लामो समयसम्म स्लेजिङ्ग गरे । उनले निरन्तर हाम्रो ब्याट्स्म्यानहरुलाई गाली गरिरहेका थिए । हामीलाई थाहा छ त्यो कस्तो हुन्छ भनेर । मेरो कोहलीसँग झगडा नै पर्यो त्यसपछि अम्पायरहरु आएर रोक्नु परेको थियो, उनले भने ।

कोहलीलाई होच्याउने मौका होसेनले पनि छोडेका भने छैनन् । २०१५ को बिश्वकपमा होसेनले कोहलीलाई सस्तैमा पेभिलियन फर्काए । आफ्नो बदला पुरा गरेको महसुस गरेका होसेनले कोहलीतर्फ आक्रमक रुपले हेर्दै लामो समयसम्म खुशियाली मनाएका थिए ।

२०१९ को बिश्वकपमा पनि होसेनसँग बदला पुरा गर्ने मौका थियो जब उनले बर्मिङ्गममा मुस्तफिजुर रेहमानको बलमा कोहलीको क्याच समाते । तर यसपटक भने होसेनले सामान्य खुशियाली मात्र मनाएका थिए ।

Headline

नेपाली महिला खेलाडीको तलबमा भारी वृद्धि  

Published

on

नेपाल क्रिकेट संघ (क्यान) ले नेपाली राष्ट्रिय महिला टोलीको मासिक तलबमा भारी वृद्धि गरेको छ । क्यानको हालै बसेको बोर्ड बैठकले महिला खेलाडीहरुको तबल बढाउने निर्णय लिएको हो । क्यानका कार्यवाहक सचिव प्रशान्त बिक्रम मल्लले सेन्ट्रल कन्ट्रयाक्टमा रहेका नेपाली राष्ट्रिय महिला क्रिकेट टोलीका सदस्यहरुको तलबमा वृद्धि भएको पुष्टि गरेका छन् । 

मल्लका अनुसार क्यानले ग्रेड ए र बि का खेलाडीहरुको तलब समान ६-६ हजारले तथा ग्रेड सि का खेलाडीहरुको तलब पाँच हजारले बढाउने भएको छ । यस अघि ए ग्रेडका खेलाडीहरुले १५ हजार मासिक तलब बुझ्दै आएकोमा अब उनीहरुले २१ हजार बुझ्ने छन् भने १२ हजार थाप्दै आएका बि ग्रेडका खेलाडीहरुले १८ हजार थाप्ने छन् । त्यस्तै सि ग्रेडका खेलाडीहरुको तलब १० हजारबाट १५ हजार पुगेको छ ।   

यस्तै क्यानले पुरुष खेलाडीहरुको तलब पनि बढाउन लागेको मल्लले बताए । 

नेपाली राष्ट्रिय महिला टोलीले पहिलो पटक आफ्नो घरेलु मैदानमा ट्वान्टी ट्वान्टी शृंखला खेल्न लागेको हो । यस अघि नेपालले गत नोभेम्बरमा कतार भ्रमण गर्दै पहिलो पटक ट्वान्टी ट्वान्टी अन्तर्राष्ट्रिय शृंखला खेलेको थियो । घरेलु टोली विरुद्धको तीन खेलको शृंखलामा नेपालले क्लिन स्विप गरेको थियो ।

नेपालले आफ्नै घरेलु मैदानमा ट्वान्टी ट्वान्टी अन्तर्राष्ट्रिय खेल पछिल्लो पटक सन् २०१९ को अन्त्यमा आयोजना भएको दक्षिण एसियाली खेलकुद साग अन्तर्गत क्रिकेटमा खेलेको थियो ।

नेपाल र युगान्डा बीचको पाँच खेलको शृंखला अन्तर्गतको पहिलो खेल आज हुनेछ भने भोलि जेठ ३ मा दोश्रो खेल आयोजना हुनेछ । एक दिनको विश्राम पछि लगातार तीन खेल आयोजना हुने तालिका रहेको छ ।  

नेपाली टोली : रुबिना क्षेत्री (कप्तान), सिता राना मगर, इन्दु बर्मा, ज्योति पाण्डे, काजल श्रेष्ठ, कबिता कुँवर, अप्सरी बेगम, कबिता जोशी, डली भट्ट, अश्मिना कर्माचार्य, संगीता राई, सबनम राई, रोमा थापा, सरिता मगर, बिन्दु रावल, हिरनमायी रोय 

Continue Reading

Headline

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Published

on

लखनउ सुपर जायन्ट्स माथि २४ रनको फराकिलो जित निकाल्दै राजस्थान रोयल्स जारी इन्डियन प्रिमियर लिग (आईपीएल) को अंक तालिकाको दोश्रो स्थानमा उक्लिएको छ ।

समान १३-१३ खेल खेलेका राजस्थान र लखनउको समान १६-१६ अंक रहे पनि नेट रन रेटका आधारमा राजस्थान अंक तालिकाको दोश्रो स्थानमा तथा लखनउ तेश्रो स्थानमा छन् । लगातार दुई खेलमा पराजित हुँदा लखनउले प्लेअफमा पुग्नका लागि अन्तिम खेल सम्म कुर्न पर्ने भएको छ भने आजको जितले राजस्थानले पनि प्लेअफको सम्भावना कायमै राखेको छ ।

यस सिजन गुजरात पहिलो स्थानमा रहँदै प्लेअफमा पुग्ने पक्का भएको छ भने अझै पनि चेन्नाई र मुम्बई बाहेक बाँकी सात टोलीको प्लेअफको आशा जीवितै छ ।

प्लेअफमा स्थान सुरक्षित गर्नका लागि १७९ रनको चुनौतिपूर्ण लक्ष्य लिएर ब्याटिङमा आएको लखनउले पुरै २० ओभर खेले पनि आठ विकेट गुमाएर १५४ रन भन्दा जोड्न सकेन ।

लखनउका दिपक हूडाले ३९ बलमा ५९, मार्कस स्टोइनिसले १७ बलमा २७, कुर्नाल पान्ड्याले २५  तथा कप्तान केएल राहुलले १० रन बनाए भने अन्य ब्याटरले दोहोरो अंकमा रन जोड्न नसक्दा लखनउले खेलमा हारको मात्र सामना गरेन प्लेअफको लागि अर्को खेल सम्म कुर्न पर्ने भयो ।

लखनउलाई रोक्ने क्रममा ट्रेन्ट बोल्ट, प्रसिध कृष्णा र ओबेड म्याककोएले समान २-२ विकेट लिए भने युज्बेन्द्र चाहल र रविचन्द्रन अश्विनले पनि समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित ट्रेन्ट बोल्टले चार ओभरमा मात्र १८ रन दिए ।

यस अघि खेलमा टस जितेर पहिले ब्याटिङ गरेको राजस्थानले पुरै २० ओभर खेल्दै ६ विकेट गुमाएर १७८ रनको चुनौतिपूर्ण योगफल बनायो ।     

राजस्थानको तर्फबाट ओपनर जस बटलरले बाहेक सबै ब्याटरले दोहोरो अंकमा रन जोडे । राजस्थानका ओपनर यशस्वी जैसवालले २९ बलमा सर्वाधिक ४१ रन बनाए भने देवदत्त पड्डीकलले १८ बलमा आक्रामक ३९ तथा कप्तान सन्जु सामसनले ३२ रनको पारी खेले । 

Continue Reading

Headline

चेन्नाई माथि शीर्ष स्थानको गुजरातको सहज जित   

Published

on

ओपनर रिद्दिमन साहले अर्धशतक प्रहार गर्दा शीर्ष स्थानमा रहेको गुजरात टाइटान्सले  इन्डियन प्रिमियर लिग (आईपीएल) को जारी सिजनको आफ्नो १३ औँ खेलमा  यस अघि नै समुह चरणबाट नै बाहिरी सकेको चेन्नाई सुपर किंग्स माथि सात विकेटको सहज जित हात पारेको छ । आजको खेलमा जित निकाल्दै गुजरातले पहिलो स्थानमा आफ्नो पकड बनाएको छ । 

खेलमा टस जितेर पहिले ब्याटिङ गरेको चेन्नाईले २० ओभर खेल्दै पाँच विकेट गुमाएर १३३ रन भन्दा जोड्न सकेन भने गुजरातले तीन विकेटको क्षेतीमा पाँच बल अगावै लक्ष्य पार गर्यो ।

गुजरातको जितमा खेलको प्लेयर अफ द म्याच घोषित विकेट किपर तथा ओपनर रिद्दिमन साहले ५७ बल खेल्दै आठ चौका र एक छक्का सहित अविजित ६७ रन बनाए । त्यस बाहेक म्याथ्यु वेडले २०, ओपनर शुमबन गिलले १८ तथा डेविड मिलरले अविजित १५ रनको योगदान दिए ।

यस अघि रुतुराज गायकवाडले सर्वाधिक ५३, नारायण जगदिसनले अविजित ३९ तथा मोईन अलीले २१ रन बनाए पनि अन्य ब्याटरहरुले दोहोरो अंकमा रन जोड्न सक्दा चेन्नाई सानो योगफलमा नै रोकिन पुग्यो ।

चेन्नाईलाई सानो स्कोरमा रोक्ने क्रममा मोहम्मद शामीले चार ओभरमा १९ रन दिएर सर्वाधिक दुई विकेट लिए ।     

 

Continue Reading
Headline7 hours ago

नेपाली महिला खेलाडीको तलबमा भारी वृद्धि  

Headline14 hours ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline19 hours ago

चेन्नाई माथि शीर्ष स्थानको गुजरातको सहज जित   

Headline2 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL2 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline2 days ago

यु१९ टोलीकी रोय पहिलो पटक राष्ट्रिय टोलीमा

Headline3 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline4 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline5 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline5 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline6 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline7 days ago

पाँच पटकको च्याम्पियन मुम्बई फेरी पनि हार्यो  

Headline7 days ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline1 week ago

जिम्बाब्वे माथि नेपालको सहज जित 

Headline1 week ago

नेपाली बलर अघि घुँडा टेक्यो जिम्बाब्वेले

Headline1 week ago

साम्सले अन्तिम ओभरमा नौ रन रोक्दा मुम्बईको सनसनीपूर्ण जित 

Headline1 week ago

बलरहरू हाबी भए पनि खराब ब्याटिङका कारण हार्यो नेपाल 

Headline7 hours ago

नेपाली महिला खेलाडीको तलबमा भारी वृद्धि  

Headline14 hours ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline19 hours ago

चेन्नाई माथि शीर्ष स्थानको गुजरातको सहज जित   

Headline2 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL2 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline2 days ago

यु१९ टोलीकी रोय पहिलो पटक राष्ट्रिय टोलीमा

Headline3 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline4 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline5 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline5 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline6 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline7 days ago

पाँच पटकको च्याम्पियन मुम्बई फेरी पनि हार्यो  

Headline7 days ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline1 week ago

जिम्बाब्वे माथि नेपालको सहज जित 

Headline1 week ago

नेपाली बलर अघि घुँडा टेक्यो जिम्बाब्वेले

Headline1 week ago

साम्सले अन्तिम ओभरमा नौ रन रोक्दा मुम्बईको सनसनीपूर्ण जित 

Headline1 week ago

बलरहरू हाबी भए पनि खराब ब्याटिङका कारण हार्यो नेपाल 

Trending

error: Content is protected !!