Headline
नेपाली राष्ट्रिय फुटबल टोलीको ५ सम्झन लायक खेल
Published
4 years agoon
By
wesportzनेपाली राष्ट्रिय टोली अहिले दक्षिण एसियाको शक्तिशाली फुटबल राष्ट्रमा पर्दैन । भारतको उपस्थिति सधै यस क्षेत्रका अन्य राष्ट्रहरुलाई दोश्रो स्थानमै सिमित गर्दै आइरहेको छ । कुनै समय नेपाली टोली निकै राम्रो हुने गथ्र्यो । तैपनि नेपालका बिशेष उपलब्धिहरु भने औलामा गन्न सकिने संख्यामा छ । सन् १९९३ को दक्षिण एसियाली खेलकुदको स्वर्ण र २०११–१२ मा ग्राहम रोबर्ट्स प्रशिक्षणमा प्राप्त फिफा बरियताको १ सय २१ औं स्थान नेपाली फुटबलले देखेको सबैभन्दा ठूलो सफलता मान्न सकिन्छ ।
प्रतिद्वन्दीका हिसाबले नेपालको लागि अझै पनि १९९३ को स्वर्ण पदक नै सबैभन्दा ठूलो उपलब्धि हो किनभने त्यो समय सबै सार्क राष्ट्रका सिनियर टोलीको सहभागिता रहने गथ्र्यो । दक्षिण एसिया बाहिर नेपालको उपलब्धि २०१६ को एफसी सोलीडारिटी कपको उपाधि हो । सोलिडारीटी कप एसियाको तेश्रो श्रेणीका राष्ट्रहरुबीचको प्रतियोगिता थियो ।
उपलब्धिका हिसाबले इतिहास गर्विलो नभएपनि नेपालमा फुटबलको क्रेज दक्षिण एसियामै तारिफ गर्न योग्य छ, यसको कारण हो अन्य स्थापित राष्ट्रमा फुटबललाई क्रिकेटले १ नम्बरको खेलकुदको रुपमा स्थानान्तरण गर्दै जानु । अण्डर २३ फुटबल नै भए पनि गत बर्ष भएको दक्षिण एसियाली खेलकुदको फाइनलमा १० हजार दर्शक दशरथ रंगशाला बाहिरको ठूलो स्क्रिनमा हेर्दै ट्राफिक नै रोकिनु यसको ज्वलन्त उदाहरण हो । नेपालले २०१६ मा भने आफूले कुनै खेल पनि हारेको थिएन । त्यो यस्तो समय थियो जब नेपालले लगातार तीन उपाधि जितेको थियो ।
यसै सन्दर्भमा विस्पोर्ट्जका गौरव फुयाल नेपालको सम्झन लायक ५ खेलहरुको बारेमा चर्चा गर्नेछन् ।
५. जोर्डनसँग १–१ ड्र (२०११ बिश्वकप तथा एसियाली खेलकुद छनोट, दशरथ रंगशाला)
२०१४ को बिश्वकप छनोटको खेलमा जोर्डनले नेपालसँग अम्मान स्टेडियममा खेल्दै थियो । अघिल्लो चरणमा टिमोर लेस्टेलाई सहज पराजित गरेको नेपालले प्रशिक्षक रोबर्टसको अत्यन्तै आत्मबिश्वासी अभिव्यक्तिपछि राम्रै परिणामको अपेक्षा राखेको थियो । तर नेपाली फुटबल समर्थक ९० मिनेटको खेलमा सिधै धरातलमा आईपुगेका थिए । १७ हजार घरेलु समर्थकको अगाडी नेपाल जोर्डनसँग ९–० को लज्जास्पद पराजय बेहोर्न पुग्यो ।
अवे खेलमा इज्जत गुमाएको नेपाली टोलीबाट होम खेलमा कमै आशा राखेका थिए । जुलाई २८ मा जोर्डन दशरथ रंगशालामा उत्रियो । ९–० को पराजय बिर्सदै टिमलाई पूर्ण समर्थन गर्न रंगशाला एक पटक फेरि खचाखच दर्शकले भरियो, लगातार परिरहेको पानीको कसैलाई वास्ता थिएन । पहिलो हाफ नबीत्दै बर्षाले उग्र रुप लियो र मैदान हिलाम्मे हुन पुग्यो ।
नेपालले सधैं पानि परेको बेला राम्रो खेल्छ भन्ने गरेको पाईन्छ र पहिलो हाफमा नेपालले जोर्डनलाई गोलरहित बराबरीमा रोक्यो पनि । तर दोस्रो हाफ शुरु भएको १० मिनेट नबित्दै जोर्डनका सइद अल मुज्रनले जोर्डनलाई १–० को अग्रता दिलाए । जोर्डनलाई रोक्न आफ्नै हाफमा बढी समय बिताएको नेपालले ८० औँ मिनेटमा भने भरत खवासको उत्कृष्ट प्रहारबाट रंगशालालाई गुञ्जायमान बनाए । सन्तोष साहुखलले दाँया बाट दिएको पासलाई भरतले सशक्त प्रहार गर्दै उत्कृष्ट गोल गरेका थिए । बाँकी को १० मिनेट जोर्डनलाई रोकेर खेलेको यो १–१ बराबरी एउटा बलियो टोलीबिरुद्धको सम्झन लायक खेल हो ।
२. भारतलाई टाइ ब्रेकरमा हराउदै स्वर्ण (१९९३ दक्षिण एसियली खेल्कुद, बङबन्धु रंगशला)
नेपालले अन्तर्राष्ट्रिय फुटबलमा पहिलो अधिकारिक उपाधि बिदेशी भुमिमा जितेको थियो । यो यसकारण पनि बिशेष छ किनभने त्यो समय दक्षिण एसियाली खेलकुदको फुटबलमा सिनियर टोलीकै सहभागिता रहन्थ्यो । १९९३ मा ढाकामा भएको फाइनल निर्धारित र ३० मिनेटको अतिरिक्त समय २–२ गोलको बराबरीमा टुँगिएको थियो । नेपाली फुटबलको स्वर्ण युगको रुपमा हेरिएको यो बर्षमा राजुकाजी शाक्य, बालगोपाल महर्जन, उपेन्द्र मान सिंह, दिपक अमात्य र मणी शाह जस्ता दिग्गज फुटबलरहरुले राष्ट्रिय टोलीका लागि खेलेका थिए ।
बङ्गलादेश, मल्दिभ्स र भुटानलाई पन्छाउदै नेपाल फाइनल प्रवेश गरेको थियो । पेनाल्टी शुटआउटमा नेपालले भारतलाई ६–५ ले हराउदै इतिहास रच्न सफल भएको थियो । स्वदेश फर्केपछि नेपाली टोलीले बिशेष सम्मान पनि पाएको थियो ।
३. भारतबिरुद्ध २–१ ले बिजयी (२०१३ साफ च्याम्पियनसिप, दशरथ रंगशाला)
नेपालले झन्डै १६ बर्ष पछि साफ च्याम्पियनसिपको आयोजना गर्दै थियो । २०१३ मा १० औँ संस्करण आयोजना गरेको नेपाल समुह ए मा थियो । कठिन मानिएको समुहमा भारत, पाकिस्तान र बङ्गलादेश रहेका थिए । नेपालले आफ्नो पहिलो खेलमा बङ्गलादेशलाई २–० ले हराउदै शान्दार शुरुवात गरेको थियो । दोस्रो खेलमा पाकिस्तानलाई बिमल घर्ति मगरको अन्तिम मिनेटको गोलमा १–१ गोलको बराबरीमा रोकेको नेपालले अन्तिम खेल भारतसँग खेलेको थियो ।
तीन खेल खेलेको पस्किस्तान र दुई खेल खेलेको भरत र नेपालको समान चार अंक थियो । सेमिफाइनल प्रवेशका लागि नेपाललाई अन्तिम खेल जित्नै पर्ने दवाब थियो । २० हजार घरेलु दर्शक सामु भएको खेलमा नेपालले भरतलाई नमिठो हार चखायो । १९९८ यता नेपालसँग एक खेल पनि नहारेको भारतलाई नेपालले झण्डै डेढ दशकमा पहिलो पटक पराजयको स्वाद चखाएको थियो ।
पहिलो हाफ बाराबरी खेलेको नेपालले दोस्रो हाफमा भने रंगशाला तताएको थियो । ७० औँ मिनेटमा अनिल गुरुङले नेपाललाई अग्रता दिलाएका थिए । त्यसपछि लगातार प्रयास गरेको नेपालले १० मिनेट नबित्दै जुमनु राइको गोलमा अग्रता दोब्बर पार्यो । रबिन श्रेष्ठले बायाँबाट लगेको बलमा जुमानुले गरेको गोल टिम प्रयासको उत्कृष्ट नमुना थियो ।
भारतीय फर्वार्ड रविन सिँहले थपिएको अतिरिक्त समयमा सान्त्वना गोल फर्काए तर नेपालालई सेमिफाइनल प्रवेशबाट रोक्न त्यो पर्याप्त थिएन । लामो समयपछि भारतलाई आफ्नै भुमिमा पराजित गर्दा दर्शक रँगशाला बहिर चाड पर्वको माहौल बनेको थियो ।
४. बङ्गलादेशबिरुद्ध १–० को जित (२०११ साफ च्याम्पियनसिप, जवहरलाल नेहरु स्टेडियम)
यो खेल नेपालको लागि भएको एक मात्र बिजयी गोलका लागि सम्झनलायक छ । नेपालले २०११ को साफ च्याम्पियनसिपमा सजिलो समुह पाएको थियो । मल्दिभ्स, पाकिस्तान र बाङ्लादेश भएको समुहमा नेपालको सेमफाइनल यात्रा सजिलो मानिएको थियो । तर पहिलो खेलमै नेपाल मल्दिभ्ससँग १–१ को बाराबरी रोकियो । बङ्गलादेश समुहमा बलियो टोली मानिएको थियो र त्यही अनुरुप खेल अगाडी बढ्दै गयो ।
नेपालले पहिलो हाफ धेरै मौका श्रृजना गरे पनि गोल गर्न सकेको थिएन । ३ अंक आवश्यक रहेको नेपाली टोलीमा गोल गर्न नसक्दाको हतोत्साह स्पष्ट देखिन्थ्यो । ९० मिनेट भएपछि पाँच मिनेटको इन्जुरी समय थपियो । बङ्गलादेशी खेलाडीले थपिएको पाँच मिनेटको अन्तिम समयमा नेपाली डिफेन्डर रविन श्रेष्ठलाई लडाउदै सेन्टरबाट थोरै अगाडीमात्र फ्रि–किक दिए ।
फ्रि–किक प्रहारका लागि कप्तान सागर थापा । सबै खेलाडी डि–बक्समा पुगिसकेका करण सागरले बललाई सिधै पोस्टमा प्रहार गरे। बल धेरै माथि गएपछि बङ्गलादेशी गोलकिपर शाहीदुल आलमले बहिर जाने अन्दाज गर्दै आफ्नो पोजिसन छोड्दै बाहिर निक्एि । तर बलले दिशा परिवर्तन गर्दै घुमेर जाली चुम्न सफल भयो । त्यो अविश्वसनीय बिश्वस्तरीय गोल थियो जसलाई सामाजिक सञ्जालमा लाखौं पटक हेरिएको थियो ।
१. मकाउलाई हराउदै उपाधि (२०१५ एएफसी सोलिड्यारिटी कप, सारावक स्टेडियम)
एएफसीले पहिलो पटक आयोजना गरेको यो प्रतियोगिता नेपालको लागि सम्झन लायक रह्यो किनभने नेपाल पहिलो संस्करणमै च्याम्पियन बन्न पुग्यो । टेलिभिजन ब्रोडकास्टिङ्गको लागि खर्च उठाउन गरेको प्रतियोगिता भएपनि नेपालले यसको भरपुर फाईदा उठायो । २०१६ मा एक खेल पनि नहार्दै जितेको यो प्रतियोगितामा नेपालले फाइनलमा मकाउलाई १–० ले पराजित गरेको थियो ।
पानी परेकाले हिलाम्मे मैदानमा नेपालको लागि एक मात्र बिजयी गोल सुजल श्रेष्ठले खेलको २९ औँ मिनेटमा गरेका थिए । भरत खवासको क्रसमा गोल गर्दै सुजलले नेपाललाई उपाधि थमाएका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।