Connect with us

Headline

आईपिएलको लागि एसिया कप सर्दैनः पाकिस्तान

wesportz

Published

on

पाकिस्तान क्रिकेट बोर्डका अध्यक्ष एहसान मनिले इन्डियन प्रिमिएर लिग (आईपिएल) का लागि भनेर एसिया कप नसार्ने बताएका छन् ।

हाल कोरोना भाइरसका कारण आईपिएल लगायत विभिन्न क्रिकेट गतिबिधि ठप्प भएका छन् । मार्च अन्तिमबाट शुरु गर्ने भनिएको आईपिएल पनि अनिश्चितकालका लागि स्थगित गरिएको छ । स्थिति सामान्य बन्दै गएको खण्डमा ट्वान्टी ट्वान्टी विश्वकप अघि सेप्टेम्बरमा आईपिएल आयोजना गर्न भारतीय क्रिकेट बोर्ड (बिसिसिआई) ले तयारी थालेको अपुष्ट समाचार बाहिर आएको छ ।

आईपिएल सेप्टेम्बरमा आयोजना हुने भनिए पछि एसियन क्रिकेट काउन्सिल (एसीसी) ले पनि एसिया कप सेप्टेम्बरबाट सारेर अन्य मिति तय गर्ने हल्ला चलेको छ । यसलाई खासै मतलब नगर्दै मनिले आईपिएलका लागि एसिया कप नसर्ने जनाएका हुन् ।

“यदि कोरोनाको प्रभाव कम भएर क्रिकेट गतिबिधि सुचारु गर्न सकिने अवस्था आयो भने एसिया कप आयोजना गर्नु महत्वपुर्ण बिषय हुनेछ । एसियाली क्रिकेटको विकास गर्ने हो भने एसिया कप गर्नु आवश्यक छ । एसीसीमा आबद्ध रहेका सबै देशका लागि भए पनि एसिया कपको आयोजना गर्नु जरुरी छ,” मनिले भने ।

“एसिया कपको आयोजना गर्ने बिषय भारत र पाकिस्तानसँग मात्र सम्बन्धित हैन । यो एसीसीमा आबद्ध अन्य देशको पनि हो । एसिया कपबाट आउने आम्दानीले नै एसीसीले अन्य साना देशमा क्रिकेट विकासको लागि लगानी गर्न सक्छ । अहिले गर्ने आम्दानीले अर्को दुई बर्ष हामीले साना देशलाई क्रिकेट आयोजना गर्नका लागि लगानी गर्न पर्ने हुन्छ,” मनिले स्पष्ट पारे ।

अहिले कोरोनाको प्रभाव रहेको समयमा सबै अन्तिम निर्णय रहदैन तर पनि आईपीएल भन्दा एसिया कप गर्नलाई प्राथमिकता दिनु पर्नेमा पिसिबी अध्यक्षले जोड दिए । भारतले पाकिस्तान भ्रमण गर्न नमाने पछि एसिया कप युएईमा सारिने भएको छ ।

Headline

दर्शनको दुई गोलमा एनआरटीको जित

wesportz

Published

on

दर्शन गुरुङले दुई गोल गरेपछि न्युरोड टिम (एनआरटी) जावलाखेल युथ क्लबलाई पराजित गर्दै शहीद स्मारक ए डिभिजन लिगको छैटौं स्थानमा उक्लिएको छ ।

सोमबार भएको एक मात्र खेलमा जावलाखेललाई २–० ले पराजित गर्दा दुवै गोल दर्शनले दोश्रो हाफमा गरेका थिए । खेल शुरु हुनु अघि नवौं स्थानमा रहेको एनआरटी जितसँगै ९ खेलपछि १३ अंकका साथ एनआरटी तीन स्थानमाथि उक्लिएको हो ।

एनआरटीको ९ खेलबाट १३ अंक भएको छ र शिर्ष तीनबाट मात्र चार अंकको दुरीमा छ । त्रिभुवन आर्मी क्लब १७ अंकका साथ तेश्रो स्थानमा छ भने थ्रि स्टार क्लबको १६ र संकटा क्लबको १४ अंक छ । शिर्ष स्थानको मच्छिन्द्र फुटबल क्लबको २३ र मनाङ मस्र्याङ्गदी क्लबको १९ अंक छ ।

जावलाखेल भने रेगिलेसन जोनबाट मात्रै तीन अंकको दुरीमा छ । जावलाखेल ८ अंक सहित १० औं स्थानमा छ । एक खेल कम खेलेका नेपाल पुलिस क्लबको ७ र रेलिगेसन जोनको च्यासल युथ क्लबको ५ अंक छ । फ्रेण्ड्स क्लब तीन अंकका साथ पुछारमा छ । ब्रिगेड बोइज क्लबको ६ अंक छ ।

दशरथ रँगशालामा सोमबार पहिलो हाफमा गोल हुन नसकेपछि एनआरटीले ६८ औं मिनेटमा अग्रता पायो । मेसुके ओलेमाउको पासमा दर्शनले जावलाखेल गोलकिपरलाई टेकेन्द्र थापालाई बिट गर्दै सहज जित गरेका थिए ।

दर्शनको दोश्रो गोलमा अर्का अफ्रिकी खेलाडी स्टेफन समिरको असिस्ट रहेको थियो ।

Continue Reading

Headline

सहज जितसँगै पुलिस प्रधानमन्त्री कपमा अपराजित

wesportz

Published

on

बलरहरुले संयुक्त प्रदर्शन दिएपछि नेपाल पुलिस क्लब प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगितामा लिग चरण अपराजित टोलीको रुपमा टुंग्याएको छ ।

पुलिसले सोमबार भएको अन्तिम लिग खेलमा प्रदेश १ लाई ६ विकेटले पराजित गर्यो । शनिबारका लागि तय भएको खेल प्रदेश १ का कप्तान सहित दुई खेलाडीलाई कोरोना संक्रमण भएपछि सोमबारका लागि स्थगित गरिएको थियो ।

त्रिवि मैदानमा पहिलो ब्याटिँग गरेको प्रदेश १ लाई मिनास थापाले एक्लै अद्र्धशतक प्रहार गरेपछि २० ओभरमा ८ विकेटको क्षतिमा १ सय १ रनको सानो योगफल बनायो । कुशल भुर्तेलले एक पटक फेरि आक्रमक इनिङ्गस खेलेपछि पुलिसले १३ दशमलव १ ओभरमै १ सय ५ रन जोडेको थियो ।

प्रतियोगितामा सर्वाधिक रन बटुल्ने खेलाडीहरुको सुचीमा शिर्ष स्थानमा पुग्ने क्रममा कुशलले २८ बलमै ४४ रन बनाएका थिए । उनले तीन छक्का र तीन चौका प्रहार गरे ।

कुशलले प्रतियोगिताका शुरुवाती चार खेलमै १ सय ८२ रन बनाएका छन् । दोश्रो स्थानमा लुम्बिनीका देव खनाल (१५८) र तेश्रो स्थानमा नेपाल एपिएफ क्लबका प्रदिप ऐरि (१४९) छन् । कुशलले पुलिस जित सहज बनाउने क्रममा तेश्रो विकेटका लागि अनिल साहसँग ५६ रनको साझेदारी गरेका थिए ।

अनिलले २४ बलमा २६ रन बनाए भने दिपेन्द्र सिँह ऐरिले १३ बलमा २० रन बनाएका थिए ।

यसअघि मिनासले प्रदेश १ को आधा भन्दा बढी रन बटुल्ने क्रममा ५९ बलमा ५९ रन बनाए । उनले ६ चौका र एक छक्का प्रहार गरे । त्यसबाहेक सर्वन यादव (१०) दोहोरो अंकमा रन बटुल्ने एक मात्र ब्याट्स्म्यान रहे ।
पुलिसका लागि आरिफ शेख, कप्तान मञ्जित श्रेष्ठ र दिपेन्द्रले २–२ विकेट लिए ।

मँगलवार हुने सेमिफाइनलमा अब पुलिसले बागमती र नेपाल एपिएफ क्लबले आर्मीको सामना गर्नेछ  । फाइनल बुधबार हुनेछ ।

Continue Reading

Headline

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

wesportz

Published

on

फिफा बरियतामा १ सय १४ स्थानमा रहेको इक्वेटोरियल गिनीसँग स्तब्ध बनेपछि डिफेन्डिँग च्याम्पियन अल्जेरिया अफ्रिका कप अफ नेसन्सको पहिलो चरणबाटै बाहिरिने खतरामा परेको छ ।

इक्वेटोरियल गिनीले अल्जेरियाको ३५ अन्तर्राष्ट्रिय खेलको अपराजित यात्रामा पूर्णबिराम पनि लगाएको हो । यो हारले इटालीले भर्खरै बनाएको ३७ अन्तर्राष्ट्रिय खेलमा अपराजित रहेको किर्तिमान तोड्ने आशामा पूर्णविराम पनि लगाएको छ ।

अल्जेरियाले अक्टोबर २०१८ यता पहिलो खेल हारेको हो । समुह इ कै अर्को खेलमा गोलकिपरको गल्तिको कारण आइभोरी कोस्ट सिएरा लियोनलाई पराजित गर्न असफल रह्यो ।

अंक तालिकामा आइभोरी कोस्ट चार अंक सहित शिर्ष स्थानमा रहेको छ भने इक्वेटोरियल गिनीको तीन अंक छ । सिएरा लियोनको दुई र अल्जेरिय एक अंकका साथ पुछारमा रहेको छ । नकआउट चरणमा प्रवेश गर्नका लागि अल्जेरियाले अब अन्तिम लिग खेलमा आइभोरी कोस्टलाई हराउनै पर्नेछ ।

स्पेनमा जन्मिएका इक्वेटोरियल गिनीका धेरै मध्येका एक इस्तेबान ओबियाँगले ७० औं मिनेटमा गोल गरेपछि अल्जेरियाको हार तय भएको थियो । सिएरा लियोनसँग गोलरहित बराबरीमा रोक्किएको अल्जेरियाले आइभोरी कोस्टलाई हराउन नसक्ने हो भने ६ कप अफ नेसन्स संस्करणमा पाचौं पटक पहिलो चरणबाटै बाहिरिनेछ ।

एक मात्र अपवादका दौरान अल्जेरियाले २०१९ मा उपाधि नै जितेर देखाएको थियो । इक्वेटोरियल गिनी भने मात्र तेश्रो पटक दोश्रो चरणमा प्रवेश गर्ने संघारमा रहेको छ । जापोमा स्टेडियममा गोलकिपर बाद्रा अली सानगारेले अन्तिम समयमा गल्ति गरेपछि आइभोरी कोस्ट सिएरा लियोनसँग २–२ गोलको बराबरीमा रोक्किएको थियो ।

२–१ को अग्रता रहेको स्थितिमा इन्जुरी समयको तेश्रो मिनेटमा कर्नर हुन नदिन आफ्नो डिफेन्डरको हेडबाट आएको ब्याकपासलाई समात्न पुगेका सानगारेले स्टेभन कल्करलाई निकाल्न पुग्दा उनको पासमा सब्स्टिच्युट अल्हाजी कमाराले बराबरी गोल गरेका थिए ।

अर्को खेलमा वाह्बी खज्रीले दुई गोल गरेपछि ट्युनिसिया मउरिटानियामाथि ४–० को फराकिलो जित हात पार्दै समुह एफमा पहिलो जित हात पार्न सफल भयो । माली र पहिलो पटक अफ्रिका कप अफ नेसन्स खेलिरहेको गाम्बियाले भने १–१ गोलको बराबरी खेले ।

Continue Reading
Headline13 mins ago

दर्शनको दुई गोलमा एनआरटीको जित

Headline4 hours ago

सहज जितसँगै पुलिस प्रधानमन्त्री कपमा अपराजित

Headline8 hours ago

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

Headline8 hours ago

मोड्रिच र बेन्जेमाको गोलमा रियललाई सुपर कप

Headline1 day ago

१९ खेलाडीमा कोरोना देखिएपछि च्यासल र पुलिसबीचको खेल स्थगित

Headline1 day ago

देव खनालको २१ बलमै अद्र्धशतक

Headline1 day ago

बिमल चम्किएपछि मच्छिन्द्रलाई लिगमा चार अंकको स्पष्ट अग्रता

Headline1 day ago

राजुले आकर्षक इनिङ्गस खेल्दै पुर्याए आफ्नो पुर्व क्लब आर्मीलाई सेमिफाइनलमा

Headline1 day ago

एमबाप्पेको गोलले पिएसजीलाई दोहोरो अंकको अग्रता

Headline1 day ago

अफ्रिका कप अफ नेसन्सः सलाह स्कोरसिटमा फर्किए, नाइजेरिया अन्तिम १६ मा

Trending

error: Content is protected !!