Connect with us

Headline

१ सय ४ दिनको सकसपछि वुहान फर्कियो चाइनिज सुपर लिग टोली

wesportz

Published

on

आफ्नो परिवासँग तीन महिनादेखि बिछडिएका चाइनिज सुपर लिग टोली वुहान जालका खेलाडीहरु भावनात्मक स्वागतकाबीच कोरोना भाइरस महामारीको केन्द्रबिन्दु वुहान शहर फर्किएका छन् ।

वुहान जाल १ सय ४ दिन यता कोरोना भाइरसको महामारीका कारण बाटोमै अलपत्र परेको थियो । कोरोना संक्रमणपछि चिन सरकारले वुहान शहरलाई नै लकडाउन गरेपछि वुहान जालका खेलाडीहरुको बिचल्ली भएको थियो । यस क्रममा उनीहरुले स्पेनमा पनि केही दिन बिताउनु परेको थियो ।

चिन र इरानपछि कोरोना भाइरस युरोपमा फैलदा यसले सबैभन्दा बढी असर इटाली र स्पेनलाई नै गरेको छ । अमेरिकामा ३९ हजारले ज्यान गुमाइसकेको कोरोना भाइरसका कारण अहिले बिश्वभर १ लाख ६० हजारभन्दा बढीको मृत्यु भइसकेको छ ।

वुहान शहर महिनौ देखिको लकडाउनपछि बिस्तारै तङ्गरिदै आएको छ । वुहान जालका खेलाडीहरु शनिबार राति वुहान ट्रेन स्टेसनमा पुग्दा सयौं समर्थकहरुले स्वागत गरेको चिनिया सरकारी सञ्चार माध्यमले जनाएको छ । मास्क लगाएर क्लबको सुन्तला रँगको जर्सिमा उभिएका वुहान जालका खेलाडीहरुलाई समर्थकले फुलको गुच्छा दिएका थिए भने ब्यानर लिएर गित पनि गाएका थिए ।

“तीन महिना दिशाहीन भएर घुमेपछि घर पुग्न आतुर वुहान जाल टोली अन्त्यमा आफ्नो घरेलु शहर फर्किएको छ,” ट्विटरको चिनिया रुप वेबोमा वुहान जालले आफ्नो अकाउण्टमा लेखेको थियो । स्पेनका होजे गोन्जालेज प्रशिक्षक रहेको वहान टोलीले अब केही दिनको बिश्रामपछि बुधबारदेखि प्रशिक्षण सुचारु गर्नेछ ।

गत सिजन चाइनिज सुपर लिगमा छैटौं स्थानमा सक्काएको वुहान जालको आफ्नै घर फर्किदाको कथा संघर्षपूर्ण छ । जनवरीमा लिग अनिश्चितकालका लागि स्थगित गरिएपछि वुहान जालले अर्को शहर ग्वाङजाउमा प्रशिक्षण गर्दै आएको थियो ।

क्लब जनवरीको अन्त्यमा स्पेनको मालागा पुगेपछि वुहानको १ करोड १० लाख जनसँख्या कोरोनाले भयावह रुप लिएपछि घरभित्रै बस्न बाध्य भयो । प्रशिक्षक गोन्जालेजले त्यो समय स्पेनका मिडियालाई “वुहानका खेलाडीहरु मानवरुपी भाइरस नभइ, खेलाडी भएको र उनीहरुलाई थप पिडा नदिनुहोला” भन्दै आग्रह गर्नुपरेको थियो ।

मार्चमा कोरोना भाइरसले स्पेनमा पनि जरा गाड्न थालेपछि गोन्जालेजले खेलाडीहरु वुहान फर्किने व्यवस्था मिलाएका थिए । त्यति बेलासम्म चिनमा मर्नेहरुको संख्या निकै कम हुन थालिसकेको थियो । यद्दपि वुहान शहर अझै पनि लकडाउनमै रहेको कारण खेलाडीहरु जर्मनीमा लामो ट्रान्जिट लिदै मार्च १६ मा दक्षिणी शहर सेन्जेन पुगेका थिए ।

सेन्जेनमै तीन हप्ता क्वारेन्टिनमा बसेपछि नजिकैको शहर फोसानमा उनीहरुले प्रशिक्षण गरेका थिए । त्यसपछि ग्वाङजाउबाट हाइस्पिड ट्रेन लिदै खेलाडीहरु शनिबार वुहान पुगेका थिए । वुहान जालले मिति तय नभएको नयाँ सिजनका लागि तयारी गरिरहेका छन् ।

चाइनिज लिग फेब्रुवरी २२ मा शुरु हुने तय भएको थियो तर कोरोनाले स्थगित हुन पुग्दा अब जुनमा शुरु हुने अपेक्षा गरिएको छ । चिन सरकारले कोरोना भाइरसलाई नियन्त्रणमा लिइसकेको जनाएको छ ।

Headline

माल्मोबिरुद्धको फराकिलो जितमा चेल्सीले लुकाकु र वेर्नरलाई गुमायो

wesportz

Published

on

डिफेन्डिङ्ग च्याम्पियन चेल्सीले स्विडिस क्लब माल्मोलाई ४–० ले पराजित गर्दै च्याम्पियन्स लिगमा पुनरागमन गरेको छ । स्ट्यामफोर्ड ब्रिजमा फराकिलो जित हात पारे पनि चेल्सीलाई स्ट्राइकरद्वय रोमेलु लुकाकु र टिमो वेर्नरको चोटको चिन्ताले भने सताएको छ ।

यसअघिको खेलमा युभेन्टससँग टुरिनमा पराजित चेल्सीले घरेलु मैदानमा भने कुनै गल्ति गरेन । आन्द्रेस क्रिष्चेन्सन थियागो सिल्भाको पासमा खेलको नवौं मिनेटमै चेल्सीलाई अग्रता दिलाएका थिए । क्रिष्चेन्सनले १ सय ३७ औं खेलमा पहिलो पटक चेल्सीका लागि गोल गरेका हुन् ।

जोर्गिन्होले २१ औं मिनेटमा पेनाल्टी मार्फत गोल गर्दै अग्रतालाई दोब्बर बनाएका थिए । लासे निएल्सनले लुकाकुमाथि फउल गरेपछि चेल्सीले पेनाल्टी पाएको थियो । चोट बोकेका लुकाकुले त्यसपछि खेल छोडेका थिए ।

ह्यामस्ट्रिँग समस्यका कारण वेर्नर पनि पहिलो हाफ अघि नै निस्किए तर उनको स्थानमा आएका क्यालम हट्सन–ओडोइको असिस्टमा काइ ह्याभर्ट्जले चेल्सीका लागि दोश्रो हाफको शुरुवातमै तेश्रो गोल गरे ।

एरिक लार्सनले एन्टोनियो रुडिगरमाथि फउल गरेपछि प्राप्त अर्को पेनाल्टीमा जोर्गिन्होले दोश्रो गोल गर्दै चेल्सीको जितलाई अझै फराकिलो बनाएका थिए ।

चेल्सी ६ अंक सहित दोश्रो स्थानमा छ भने रुसी क्लब जेनिट सेन्ट पिटर्सबर्गलाई हराएको युभेन्टस लगातार तीन जित सहित समुह एचको अंक तालिकामा पहिलो स्थानमा छ ।

Continue Reading

Headline

च्याम्पियन्स लिगः रोनाल्डोको गोलमा युनाइटेडको सनसनीपूर्ण पुनरागमन

wesportz

Published

on

क्रिष्चियानो रोनाल्डोले निर्णायक गोल गरेपछि म्यानचेस्टर युनाइटेडले च्याम्पियन्स लिगमा सनसनीपूर्ण पुनरागमन गर्दै एटलान्टालाई ३–२ ले हराएको छ ।

ओल्ड ट्राफोर्डमा पहिलो हाफमै दुई गोलले पछि पर्दा ओले गुनर सोल्सायरको टोलीलाई आफ्नै घरेलु समर्थकले धुत्कारेका थिए । मारियो पासालिचले १५ औं मिनेटमा गोल गर्दै इटालियन क्लबलाई अग्रता दिलाएका थिए भने मेरिह डेमिरलले २८ औं मिनेटमा ओल्ड ट्राफोर्डलाई स्तब्ध पारे ।

तर दोश्रो हाफको शुरुवातसँगै दर्शकले पनि साथ दिएको युनाइटेड जुर्मुरायो । मार्कस रासफोर्ड ५३ औं मिनेटमा घरेलु टोलीलाई खेलमा फर्काए भने ह्यारी मग्वायरले ७५ औं मिनेटमा दोश्रो गोल गरे ।

तीन हप्ता अगाडी भिलारियलबिरुद्ध अन्तिम समयमा गोल गर्दै टिमको उद्दार गरेका रोनाल्डो एक पटक फेरि युनाइटेडको संकट मोचक भए । खेल सकिन ९ मिनेट बाकी हुँदा ल्युक स को क्रसमा आफ्नो ट्रेडमार्क हेडरमार्फत जालीको कुना चुमाएका रोनाल्डोले युनाइेटडलाई उत्कृष्ट जित दिलाए ।

जितपछि युनाइटेड समुह एफको शिर्ष स्थानमा उक्लिएको छ । स्विस टोली यँग बोइजसँग स्तब्ध युनाइटेडको तीन खेलबाट ६ अंक भएको छ भने एटलान्टा र भिलारियालको समान ४ अंक छ ।

अर्को खेलमा भिलारियालले यँग बोइजलाई ४–१ को फराकिलो अन्तरले पराजित गर्यो ।

Continue Reading

Headline

ट्वान्टी ट्वान्टी बिश्वकपः बलिँग र ब्याटिंँगमा पुनरागमनपछि श्रीलंका सुपर १२ मा

wesportz

Published

on

ब्याटिँगपछि बलिँगमा पनि पुनरागमन गर्दै श्रीलंका आईसीसी ट्वान्टी ट्वान्टी बिश्वकपको सुपर १२ मा प्रवेश गरेको छ । अबु धाबीमा समुह ए को खेलमा लगातार दोश्रो जित हात पार्ने क्रममा श्रीलंकाले आयरल्याण्डलाई ७० रनको फराकिलो अन्तरले पराजित गर्यो ।

पहिलो दुई खेलपछि श्रीलंकाको चार अंक भएको छ । श्रीलंकाको जितसँगै नेदरल्याण्ड्स भने बाहिरिएको छ । अब समुहबाट सुपर १२ प्रवेश गर्नका लागि एक मात्र स्थानका लागि नामिबिया र आयरल्याण्ड भिड्ने छन् । नेदरल्याण्ड्सलाई पराजित गरेका दुवैको २–२ अंक रहेको छ ।

अन्तिम खेलमा श्रीलंका र नेदरल्याण्ड्स खेल्ने छन् भने आयरल्याण्ड र शनिबार डच टोलीलाई स्तब्ध गरेको नामिबियाबीचको खेल निर्णायक बन्नेछ । जोश लिटलले चार विकेट लिएपछि आयरल्याण्डले श्रीलंकाको उत्कृष्ट पुनरागमनमा ब्रेक लगाउदै एक पटकको ट्वान्टी ट्वान्टी बिश्वकप बिजेतालाई १ सय ७१ रनमा रोकेको थियो ।

यसअघि बिश्वकपका खेलहरुमा ठूलो टिमहरुको शिकार गर्दै आनो उपस्थिति जनाउदै आएको आयरल्याण्ड श्रीलंकाबिरुद्ध भने असफल रह्यो । आयरल्याण्ड १८ दशमलव ३ ओभरमा ९ विकेट गुमाउदै १ सय १ रनमात्र बनाउन सफल भयो ।

पहिलो तीन विकेट ३२ रनमै गुमाएको आयरल्याण्डलाई कर्टिस क्याम्फर र कप्तान एण्डी बालबर्नीले ५३ रनको साझेदारी गर्दै सम्हाल्ने प्रयास गरेका थिए । तर दुवै ब्याट्स्म्यान आउट भएपछि आयरल्याण्डको इनिङ्गस धराशायी बन्यो ।

आयरल्याण्डले आफ्नो अन्तिम ७ विकेट मात्रै १६ रनमा गुमाएको थियो । श्रीलंकाका लागि महिस थिक्सानाले चार ओभरमा मात्र १७ रन खर्चदै तीन विकेट लिएका थिए । यस्तै लाहिरु कुमारा र चमिका करुणारत्नेले २–२ विकेट लिएका थिए ।

बालबर्नीले ३९ बलमा दुई छक्का र दुई चौकाको मद्दतमा ४१ रन बनाए भने क्याम्फरले २८ बलमा २४ रन जोडे । अन्य कुनै ब्याट्स्म्यानहरुले दोहोरो अंकमा रन जोड्न सकेनन् ।

यसअघि ओपनर पाथुम निसांका र वानिन्दु हसरँगा डि सिल्भाले शतकीय साझेदारी गर्दै श्रींलकालाई पनरागमन गराएका थिए । आयरल्याण्ड अन्तिम पाँच ओभर खेलमा फर्कदै श्रीलंकालाई ४० रनमै रोक्न सफल भएपनि उसको लागि लक्ष्य भने बिशाल बन्न पुग्यो ।

पहिलो ओभरको दोश्रो बलमै कुशल पेरेरा (शुन्य) पल स्टर्लिङ्गको बलमा आउट भएपछि दोश्रो ओभरमा जोश लिटलले पुर्व कप्तान दिनेश चण्डिमाल (६) र अभिष्का फर्नाण्डोलाई लगातार बलमा पेभिलियन फर्काएका थिए । त्यसपछि निसांका र डि सिल्भाले उत्कृष्ट पुनरागमन गर्दै ट्वान्टी ट्वान्टी अन्तर्राष्ट्रियमा क्रमश आफ्नो करिअरको उच्च योगफल बनाउदै श्रीलंकालाई बलियो स्थानमा पुर्याएका थिए ।

१ सय २३ रनको साझेदारीमा आक्रमक देखिएका डि सिल्भाले ४७ बलमा ७१ रन जोडे । उनले १० चौका र एक छक्का प्रहार गरे । १६ औं ओभरको शुरुवातमा १ सय ३१ रन बनाउनुका साथै ७ विकेट हातमै रहेपनि श्रीलंकाले डि सिल्भाको विकेट पतनपछि शतकीय साझेदारीलाई बिशाल योगफलमा परिणत गर्न सकेन ।

लिटलले निसांकाको पनि विकेट लिदा श्रीलंकन ओपनरले ४७ बलमा ६१ रन बनाउदै ६ चौका र एक छक्का हिर्काए । यस बाहेक कप्तान दासुन सनाकाले ११ बलमा २१ रन जोडे । लिटलले चार ओभरमा २३ रन खर्चिए भने मार्क अडेयरले उत्तिकै ओभरमा ३५ रन दिदै दुई विकेट लिए ।

Continue Reading
Headline7 hours ago

माल्मोबिरुद्धको फराकिलो जितमा चेल्सीले लुकाकु र वेर्नरलाई गुमायो

Headline8 hours ago

च्याम्पियन्स लिगः रोनाल्डोको गोलमा युनाइटेडको सनसनीपूर्ण पुनरागमन

Headline16 hours ago

ट्वान्टी ट्वान्टी बिश्वकपः बलिँग र ब्याटिंँगमा पुनरागमनपछि श्रीलंका सुपर १२ मा

Headline18 hours ago

ट्वान्टी ट्वान्टी विश्वकपः श्रीलंकाको पुनरागमनलाई आयरल्याण्डको जवाफ

T20 World Cup 202120 hours ago

ट्वान्टी ट्वान्टी विश्वकप : रोहित शर्माको अर्धशतकमा अष्ट्रेलिया माथि भारतको सहज जित 

Headline20 hours ago

ट्वान्टी ट्वान्टी बिश्वकपः नेदरल्याण्ड्सलाई स्तब्ध पार्दै नामिबियाको ऐतिहासिक जित

Headline1 day ago

निस्वार्थ मेस्सी र एमबाप्पेको पेनाल्टी आदन प्रदानको चर्चा

Headline1 day ago

सलाहको उच्च लयमा लिभपुरको एट्लेटिकोमाथि सनसनीपूर्ण जित

Headline1 day ago

अदालतमा सुनुवाइ अघि बेन्जेमाको गोल

Headline1 day ago

एकपछि अर्को किर्तिमान बनाइरहेका हालरको छैटौं च्याम्पियन्स लिग गोल

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!