Headline
कोरोनाका कारण कठिन निर्णय लिनु पर्ने दवाबमा एन्फा
Published
4 years agoon
By
wesportzगौरव फुयाल,
संक्रमितको संख्या अन्य देशको तुलनामा कम भए पनि कोरोना भाइरस (कोभिड–१९) ले नेपाली खेलकुद गतिविधिलाई पनि ठप्प बनाइसकेको छ । एकपछि अर्को गर्दै प्रतियोगिताहरु रद्द भएपछि अब महामारीको अन्त्यको प्रतिक्षा मात्र रहेको छ ।
चिनको वुहान र इरानमा संक्रमण फैलिएपछि कोरोनाको कहरले युरोपलाई पनि बिस्तारै निल्दै गर्दा विश्वभर नै सबै खेलकुद गतिविधि ठप्प भइसकेका थिए । नेपालमा पनि अन्य मोफसल प्रतियोगिताहरु रोकिएको अवस्थामा बि डिभिजन भने चल्दै थियो ।
नेपाली खेलकुदको सर्वोच्च निकाय राष्ट्रिय खेलकुद परिषद (राखेप) र खेलकुद मन्त्रालयले समेत सबै संघ संगठनहरूलाई खेल गतिविधि स्थगित गर्न निर्देशन दिएपनि एन्फाले भने बि डिभिजन लिग सञ्चालन गरिरहेको थियो ।
तर लगातारको दवाबपछि चैत्र ४ गते अन्तरिक बैठक बस्दै एन्फाले लिगलाई रोक्ने निर्णय लिएको थियो ।
सातदोबाटो युथ क्लब र झम्शिखेल युथ क्लबको खेल चलिरहदा आएको आदेशले खेल सकिएपछि एन्फा क्लम्प्लेक्सको एस्ट्रो टर्फमा झम्शिखेलका प्रतिनिधी साथै अन्य क्लबका सदस्यहरुले बिना सुचना लिग स्थगित गरेको भन्दै आक्रोस पनि पोखेका थिए ।
लिग रोकिएको एक महिना बढी भइसकेको छ । ११ चरणसम्म चल्ने लिगमा पाचौँ चरणका खेलहरु समेत नसकिएको अवस्थामा अब एन्फाले आफ्नो वार्षिक क्यालेन्डर तयार गर्न के कस्ता फेर–बदल गर्ने छ त्यो हेर्न बाकी नै छ । विश्वका अधिकांश लिगहरु यथास्थितिमै समाप्त गर्ने तयारी रहदा एन्फाले बि डिभिजनका खेललाई निरन्तरता दिने हो या लिग यही अंकमा सकाउने हो शायद एन्फाकै बैठकले निर्णय गर्ला ।
तर एन्फालाई निर्णय त्यति सहज भने हुने छैन । लगातार आलोचनाको शिकार बन्दै आएको एन्फा एक पटक फेरि अर्को दवाबकाबीच निर्णय गर्न बाध्य हुने तय नै छ ।
बि डिभिजन लिगमा सातदोबाटो युथ क्लब १५ अंकका साथ पहिलो खुमल्टार १३ अंकका साथ दोस्रो र बाँसबारी क्लब ११ अंकका साथ तेस्रो स्थानमा छ भने मध्धपुर युथ एसोसिएसन १ अंकका साथ पुछरमा रहदै रेलिगेसन जोनमा रहेको छ । यस्तो अवस्थामा लिग सकाउदा शिर्ष स्थानमा रहेको टोलीलाई मात्र फाईदा हुने देखिन्छ ।
तर कुनै पनि लिग यथास्थितिमा सकाउने निर्णय लिनु पर्दा क्लबहरु को बहुमतको आवश्यक पर्ने भएकाले एन्फालाई क्लबहरुलाई राजी गराउन हम्मे–हम्मे पर्ने लगभग निश्चित छ । यो सिजन रेलिगेसन सहितको लिग भएकाले यसलाई पूर्णता दिनै पर्ने पनि देखिन्छ । ए डिभिजन बाट सरस्वती क्लब बि डिभिजनमा झरिसकेको छ भने बि बाट एउटा टोली ए मा जाने प्रावधान छ । एक टोली रेलिगेसन हुँदै सी डिभिजनमा जाने छ ।
पिरामिड लिगको हिसाबले यो क्रमले निरन्तर्ता पाउनु जरुरी देखिन्छ । सोही क्रममा हेर्ने हो भने सी डिभिजन पनि तोकिएको समयमा नहुने देखिन्छ । यस्ले घरेलु फुटबल त उथल–पुथल त हुने नै छ साथ–साथै राष्ट्रिय टोलीले खेल्ने अन्तरर्राष्ट्रिय खेलहरुमा पनि असर पर्ने देखिन्छ ।
एन्फाले बनाउदै आउने वार्षिक क्यालेन्डरलाई कसरी प्राथमिकतामा राख्ने छ त्यसमा एन्फा आफै जिमेवार हुने छ । एक बर्षमा बाँकी रहेको प्रतियोगिता गराइ अर्को बर्ष मात्र नयाँ क्यालेन्डर बनाउने वा सबै प्रतियोगिता छोटो समयमा सकाउदै नयाँ क्यालेन्डर यही बर्ष सुरु गर्नेमा पनि एन्फा सजग हुनु जरुरी देखिछ ।
यता मोफसलका प्रतियोगिताहरु पनि कोरोनाको सिकार भएका छन् । कुल २५ नकआउट प्रतियोगिता मध्ये ९ वटा मात्र सम्पन्न भएका छन् । कोरोनाको असरले यो सिजन १६ प्रतियोगिता रद्ध हुने सम्भावना बलियो देखिन्छ ।
You may like
-
थ्री नेसन्स कपका बिजेता खेलाडी प्रधानमन्त्री द्वारा सम्मानित
-
एन्फाले गर्यो मुख्य प्रशिक्षक अल्मुताइरीको सम्झौता नविकरण
-
एएफसी यु-२३ एसियन कप छनोट: कठिन समुहमा नेपाली टोली
-
रोक्किएको राष्ट्रिय फुटबल टोलीको प्रशिक्षण सुरु
-
युवा मिड्फिल्डर श्यान्शु सातदोबाटो क्लबमा
-
साफ च्याम्पियनशिप अझै अनिश्चित, भुटान नाम फिर्ता लिँदै
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।