Connect with us

Headline

बास्केटबलका ‘फ्युचर स्टार’, जसलाई थाहा छ भविष्य उज्यालो छैन

Published

on

आदर्श ढकाल, काठमाडौं

दिव्येश्वर साह ६ फिट, ६ इन्च अग्ला छन् । नेपाली बास्केटबलमा उनी सबैभन्दा अग्ला खेलाडी हुन् । नेपालले पहिलो अन्तर्राष्ट्रिय बास्केटबल प्रतियोगिता (साबा च्याम्पियनसिप) खेलेको करिब डेढ दशकपछि दिभ्वेश्वर सबैभन्दा अग्ला खेलाडीको रुपमा अगाडी आएका हुन् । उनी आफै र बास्केटबललाई गम्भिर रुपले लिने देश हुने हो भने उनको दायरा नेपालमा मात्रै सिमित हुदैन ।

नेपालले घरेलु कोर्टमै १३ औं दक्षिण एसियाली खेलकुद अन्तर्गत फुल कोर्ट बास्केटबलमा सेमिफाइनलसम्मको यात्रा तय गर्दा दिव्येश्वर प्रतियोगिताकै कान्छा मध्येका एक खेलाडी थिए । १९ बर्षिय उनी नेपाली सिनियर बास्केटबल टोलीका लागि दोश्रो अन्तर्राष्ट्रिय प्रतियोगिता खेलिरहेका थिए ।

नेपाल बास्केटबल लिगको पहिलो सिजनमा सहभागिता जनाएपछि दिव्येश्वरले पहिलो पटक नेपालका लागि जुन २०१८ मा बङ्गलादेशमा सम्पन्न फिबा एसिया कप २०२१ को साबा प्रि–क्वालिफायर्समा खेलेका थिए । नेपाली सिनियर टोलीले आफ्नो बास्केटबल इतिहासमा अहिलेसम्मकै खराब प्रदर्शन त्यही प्रतियोगितामा गरेको थियो ।

नेपाली बास्केटबलमा पुस्ता हस्तान्तरण हुदै गर्दा केही नयाँ अनुहार समेटिएको नेपाली टोलीले एक खेल पनि जित्न सकेको थिएन । भारत अनुपस्थित रहेको स्थितिमा नेपाललाई बङ्गलादेशमा पहिलो स्थान हासिल गर्दै अर्को चरणको क्वालिफायरमा स्थान बनाउदै सबैभन्दा कठिन प्रतियोगिता खेल्ने अवसर थियो तर गुमाउन पुग्यो । नेपाल माल्दिभ्स र भुटानसँग समेत हार्न पुग्यो ।

यसै बर्ष नेपालमा भएको सागमा दिव्येश्वरले सिनियर टोलीका लागि दोश्रो ठूलो प्रतियोगिता खेले तर अनुभवको कमी कारण उनी फस्र्ट फाइभमा अटाएनन् । यद्दपी उनको प्रदर्शन भने सुधारिएको थियो । यही फेब्रुवरी १ मा स्पोर्ट फर द वल्र्ड नामक अन्तर्राष्ट्रिय च्यारिटी संस्थाले बिश्वमा ख्याति कमाएका डंकर (बास्केटलको रिँगमा झुण्डिएर बिभिन्न तरिकाले स्कोर गर्ने) मार्कि स्मिथलाई नेपाल ल्याएको थियो ।

नेपाली घरेलु बास्केटबलमा डंक बिरलै देखिने गर्छ । बास्केटबल फर द वल्र्ड नाम दिइएको उक्त कार्यक्रममा स्मिथको डंक प्रदर्शनीले निकै सानो रहेको नेपाली बास्केटबल बृत्तलाई भरपुर मनोरञ्जन दिएको थियो । स्मिथको बिभिन्न डंक हान्ने तरिकाले सबैलाई मोहित त गर्यो नै, उनको भिडियोहरुमा पनि राम्रै भ्युज आएको थियो ।

त्यही दिन कभर्ड हलमा दिव्येश्वरले पनि आफ्नो डंक हान्ने कौशल देखाए । चार बर्षअघि मात्र बास्केटबल खेल्न शुरु गरेका दिव्येश्वर अहिले मज्जाले डिफेन्स चिर्न सक्छन् । प्रदर्शनी खेलमा उनले बल ड्राइभ गर्दै डंक हानेका थिए । यो नेपाली बास्केटबलको लागि राम्रो संकेत हो ।

एक समय निकै नै दुब्ला रहेका दिव्येश्वरको ज्यान अहिले बास्केटबल खेलाडीका लागि चाहिए जत्तिकै बनेको छ । उचाई त उनीसँग पहिले देखि थियो नै । प्रशस्त प्रशिक्षण र खेल्ने मौका मिल्ने हो भने उनी केही समयमै नेपाली बास्केटबलका उत्कृष्ट खेलाडी बन्न सक्छन् ।

दक्षिण एसियाको सानो दायरा नाघ्नका लागि नेपाललाई दुई तीन वटा अरु दिव्येश्वर चाहिन्छ । नेपाली राष्ट्रिय बास्केटबलमा उनको कदका खेलाडी हुन नसक्नु नै मुख्य समस्या हो । “हामीले अहिले सानो कदका कुनै पनि खेलाडी राखिरहेका छैनौं । अहिले टिममा रहेका होचो कदका खेलाडीलाई पनि अब फाल्दैछौं,” नेपालमा स्वर्ण पदक जितेका भारतीय बास्केटबल टिमका सर्बियन प्रशिक्षक भेसेलिन माटिचले विस्पोर्टजलाई भनेका थिए ।

माटिचले इरानलाई सन् २०१० मा चिनमा भएको एसियन गेम्सको बास्केटबलमा कास्य पदक जिताएका थिए । उनीलाई थाहा छ बास्केटबलमा कुन स्तरको खेलाडी आवश्यक छ । नेपालमा दिव्येश्वरको कद काठीको खेलाडी उत्पादन गर्ने दायित्व नेपाल बास्केटबल संघ (नेबा) कै हो । तर अहिले रहेका एक मात्र दिव्येश्वर पनि नेपालमा बस्दैनन् ।

“किन बस्ने ?”

यो दिव्येश्वरसँगै बास्केटबलमा लागेका सबै खेलाडी र उनीहरुको परिवारमा उठ्ने गरेको प्रश्न हो । नेपाली बास्केटबल खेलाडीको संख्या अहिले स्वदेश भन्दा बिदेशमा धेरै छ । कति खेलाडी बिदेश पलायन भएका छन् यसको तथ्यांक राख्न पनि सकिदैन ।

दिव्येश्वर उच्च शिक्षाका लागि देहरादुनको उत्तराखण्ड टेक्निकल युनिभर्सिटी आबद्ध टुलास इस्टिच्युटमा इन्जिनियरिङ्ग गर्दै छन् । नेपाली बास्केटबलबाट टाढा हुन नसकेर नै उनी नजिक छन् । “मैले यो कलेज रोजेको कारण नै यहा बास्केटबल खेलाडी राम्रो हुने भएर हो । नेपालमा मेरो उचाइको खेलाडी छैनन । यहा खेल्दा मैले राम्रै प्रतिस्पर्धा पाउने गर्छु,” दिव्येश्वर भन्छन् ।

पहिलो संस्करणको नेपाल बास्केटबल लिग किर्तिपुर बास्केटबल टिमबाट खेलेका दिव्येश्वर दोश्रो संस्करण पनि खेल्न चाहन्थे तर कलेजले बिदा स्किृत नगरेपछि उनी आउन सकेनन् । बिल मक्यामन प्रशिक्षक रहदा नेपाली टोलीले उनलाई सागका लागि बोलायो । उनी उपस्थित भए र खेले पनि । उनलाई यसको महत्व राम्रोसँग थाहा छ ।

“नेपालको लागि खेल्नु निकै गर्वको कुरा हो । म यो सधै होस भन्ने चाहन्छु । तर बास्केटबलमा लागेर मात्रै केही हुदैन । मलाई थाहा छैन बास्केटबलमा लागेर के हुन्छ ? बास्केटबल मात्र होइन नेपालमा खेलकुदमा लागेर केही हुदैन । क्रिकेटमा केही राम्रो भएको छ तर यो सधै नरहन पनि सक्छ,” ९ बर्ष अघि परिवारसँगै जनकपुरबाट आएपछि जेम्स स्कुलमा प्लस टु पढ्दा बास्केटबल सिकेका दिव्येश्वरले भने ।

अन्तर्राष्ट्रिय प्रतियोगितामा नेपाली जर्सी लगाउदै खेल्ने दिव्येश्वरको चाहना असिमित छ । तर उनले चाहेर मात्र हुदैन । उनको चाहना बिपरित नेपाल बास्केटबल संघ छ । झण्डै १४ बर्ष नेपाल बास्केटबल संघको अध्यक्ष रहेका लामा टेन्डी शेर्पा लामै समयदेखि अस्वस्थ छन् । नेपाली बास्केटबल यसअघि नै अस्वस्थ थियो । खेलाडीलाई बिदेशीन बाट रोक्न नसक्नु संघ मात्र नभएर सरकारको पनि लाचारी हो ।

अहिले टेन्डीको अनुपस्थितिमा संघ हेरिरहेका महासचिव नरेन्द्र थापाले अबको कार्यक्रम भन्दा नै स्पष्ट हुन्छ नेपालमा कसरी बास्केटबल चलिरहेका छ । “हामीलाई फिबा एसियाले अब यो कार्यक्रम गर्नुपर्छ भनेको छ,” नेपाल बास्केटबल लिगको दोश्रो संस्करणका दौरान भारतमा फिबा एसियाको बैठकमा सहभागी भएर आएपछि थापाले भनेका थिए । संघको कार्यक्रम के हुन्छ उनीसँग यसको जवाफ छैन ।

नेपाल बास्केटबल लिग आफै पनि संघको कार्यक्रमा होइन । तर नेपाली बास्केटबल खेलाडीको लागि एक मात्र उत्साहजनक कार्यक्रम यही एउटा हो । भर्खरै नेबाले अण्डर १८ राष्ट्रिय प्रतियोगिता गर्यो । तर त्यो समयको माग थियो । संघलाई यसै बर्ष हुने साबा अण्डर १८ च्याम्पियनसिपको लागि खेलाडी चयन गर्नु थियो । त्यही कारण राष्ट्रिय प्रतियोगिता आयोजना गर्नु पर्यो ।

कुनै समय नेबाले ट्यालेन्ट हन्टको आयोजन गथ्र्यो । त्यही ट्यालेन्ट हन्टबाट दिव्येश्वर आएका हुन् । अहिले त्यो कार्यक्रम पनि बन्द भइसकेको छ ।

Headline

एनसिसिएस–सिप्यान क्रिकेट अवार्डको सबै पैसा राहत कोषमा

Published

on

क्रिकेट खेलाडी संघ नेपाल (सिप्यान) ले यो बर्ष आयोजना गर्ने भनेको एनसिसिएस–सिप्यान क्रिकेट अवार्डमा खेलाडीलाई पुरस्कृत गर्ने सबै रकम कोरोना भाइरस (कोभिड–१९) बिरुद्ध लड्न खडा गरेको कोषमा उपलब्ध गराउने भएको छ ।

यसअघि कोरोना भाइरसका कारण यस बर्षको पुरस्कार अनिश्चितकालका लागि स्थगित गरेको सिप्यानले नयाँ निर्णय लिएर आएको हो । सिप्यानले गत बर्ष देखि नेपाली क्रिकेटका उत्कृष्ट खेलाडी र व्यक्तित्वहरुलाई पुरस्कृत गर्न थालेको हो । दोश्रो संस्करण अब २०२१ मा मात्र हुने भएको छ ।

सिप्यानले बर्ष क्रिकेट खेलाडी पुरुष र महिलासँगै, उदीयमान खेलाडी, लाइफटाइम अचिभमेन्ट अवार्ड र बर्षको उत्कृष्ट क्षण गरि पाँच बिधामा सम्मान गर्ने गरेको छ । खेलाडीहरुको पुरस्कारका लागि छुट्टिएको रकम ४ लाख ६२ हजार रहेको छ । सबै रकम कोभिड–१९ संक्रमण रोकथाम, नियन्त्रण तथा उपचारका लागि खडा गरिएको कोषमा जाने भएको छ ।

अवार्डसको मुख्य प्रायोजकको रुपमा न्यासनल कलेज अफ कम्प्युटर स्टडिज रहेको छ ।

Continue Reading

Headline

एक बर्षका कालिन

Published

on

गौरव फुयाल

नेपाली राष्ट्रिय टोलीले २०१९ को मार्च २१ मा कुवेतबिरुद्ध आफ्नो बर्षको पहिलो खेल खेल्यो । नेपाली राष्ट्रिय टोलीका मुख्य प्रशिक्षक योहान कालिनका लागि पनि त्यो पहिलो खेल नै थियो ।

कालिनले नेपाली टोली हेरेको एक बर्ष पुरा भएको छ यस क्रममा नेपालले ११ अन्तर्राष्ट्रिय खेल खेल्यो जसमा चाइनिज ताइपेइबिरुद्धको एक मात्र जित उनी मातहत नेपालले पाएको एक मात्र सफलता थियो । तर यो नै उनको एक बर्षको कार्यकालको बिश्लेषणको निष्कर्ष भने होइन ।

कालिनका लागि नेपाली फुटबल नौलो थिएन । २०१३–२०१४ को शहीद स्मारक ए डिभिजन लिगमा मच्छिन्द्र क्लबलाई दोस्रो सम्म बनाएका कालिनलाई नेपाली फुटबल प्रदर्शन र घरेलु संरचनाका आधारमा कुन स्तरमा छ कसैले सुझाइ राख्नु पर्दैन थियो । दुई बर्षअघि बङ्गलादेशमा सम्पन्न साफ च्याम्पियनसिपको सेमिफाइनलमा माल्दिभ्ससँग भोगेको ३–० को हारपछि नेपाली फुटबल कता मोडिने हो यसको टुङ्गो थिएन ।

२०१६ मा बङ्गबन्धु गोल्डकप, दक्षिण एसियाली खेलकुदको स्वर्ण र एएफसी सोलिड्यारीटी कपको उपाधि जितेपछि समर्थकहरुमा नेपाली टोलीलाई लिएर उत्साह सँगै अपेक्षा पनि उत्तिकै थियो । त्यही अपेक्षाको बोझलाई हलुका बनाउन कर्मा छिरिङ्ग शेर्पाको नयाँ नेतृत्वले कालिनलाई टोलीको जिम्मेवारी सुम्पियो ।

बलियो टोली कुवेतसँग भएको मैत्रिपूर्ण खेलमा नेपालले गोलरहित बराबरी खेल्यो । कुवेतमै भएको खेलमा नेपालले बलियो घरेलु टोलीलाई रोक्नु ठूलै उपलब्धि थियो । उनको शुरुवात एक हिसाबले उत्कृष्ट नै रह्यो । यो परिणाम कालिन आफ्नै लागि पनि खेलाडीको स्तर मापन गर्ने राम्रो माध्य बन्यो ।

अधिकांश नयाँ तथा युवा खेलाडी उतारिएको खेलमा नेपालले प्रशंसा त बटुल्यो नै, कालिनबाट भने थप अपेक्षा गरियो । कुवेतलाई बराबरीमा रोकेको नेपाली टोली ३ महिना पछि मलेशियासँग भने २–० ले पराजित हुन पुग्यो । नेपालमा लिग नभएको अवस्थामा कालिन आफै मोफसलमा भएका बिभिन्न प्रतियोगितामा गएर खेलाडीको छनोट गरेका थिए । बुकित जलील रगंशालामा नेपाल गोल गर्न चुक्यो ।

कालिनले खेलाडी बिकासका लागि मैत्रीपूर्ण खेल खेलाउनु पर्ने दबाब दिदा एन्फाले चाइनिज ताइपेईविरुद्ध एक खेलको प्रबन्ध गर्यो । विश्वकप र एसियन कप छनोट आउनु अघिको खेलमा नेपालले १–१ को बराबरी खेलेको थियो । विश्वकप छनोटमा सिधै दोश्रो चरणमा स्थान बनाएको नेपाली टोलीले आफ्नो पहिलो खेल कुवेत सँग खेल्दै थियो ।

पहिले पनि कुवेतलाई बराबरीमा रोकेको नेपालले कम्तिमा पनि बराबरी गर्ने आशा गरिएको थियो तर नेपालको प्रदर्शन बिर्सनलायक रह्यो । कालिनले पहिलो पटक नेपाली टोलीको प्रशिक्षक रहदाको दवाब बुझे । नेपालले ७ गोल खायो र कालिनले भनेः “हामीले धेरै मेहेनत गर्नु पर्ने देखिन्छ । रोक्नुपर्ने गोलहरु रोक्न सकेनौँ । अब राम्रो तयारी गर्नुपर्ने आवश्यकता छ ।”

विश्वकप छनोटकै अर्को खेलमा नेपालले चाइनिज ताइपेइलाई २–० ले हरायो । कुवेतसँगको फराकिलो हारले बोकेको चोटमा केही मलम त लाग्यो तर नेपालको लागि अगाडी चुनौतिको चाँग थियो । त्यो खेलमा सोचे अनुरुप खेल्न सकेको थियौं, कालिनको अनुहारमा केही राहत देखिन्थ्यो ।

नेपालको अर्को प्रतिद्वन्दी थियो बिश्वकपको स्थानका लागि दावेदार अष्ट्रेलिया । कुवेतसँग फराकिलो अन्तरले पराजित नेपालले गोलको भारी बोकेर फर्किने अपेक्षा गरिएपनि मेलबर्नमा पाँच गोल मात्रै खाएर फर्कियो । नेपालले विश्वकप छनौटका दौरान खेलेको सबैभन्दा राम्रो खेल त्यही देखिन्थ्यो । रक्षात्मक खेल खेलाएका कालिनलाई त्यो परिणाम स्विकार्य थियो ।

“खेल हारे पनि म खेलाडीहरु देखी खुशी छु । उनीहरुले देखाएको प्रदर्शनलाई सम्मान गर्छु,” कालिनले खेल पछी भनेका थिए । पाँच दिन पछि नै जोर्डन पुगेको नेपालले ३–० को पराजय बेहोर्यो । यसअघि ९ गोल खाएको जोर्डनलाई ३ गोलमा रोकेको कारणले नै नेपाली टोली आलोचनाबाट बचेको थियो । खेलमा एउटा पनि राम्रो मौका नबनाएको नेपालले थकान कारण पूर्ण दिन सकेको थिएन ।

कुवेतसँग दोश्रो लेगको खेल खेल्नका लागि भुटान जानु अघि उनले केही कठिन निर्णय पनि लिए । एक दिन अघि नाइट क्लाब चाहारेको भन्दै कालिनले बिमल घर्ती मगर, अञ्जन बिष्ट, दिनेश राजबंशी र सन्तोष तामाङलाई टिमबाट निकालिदिए । त्यसको मुल्य चारै जना खेलाडीहरुले चुकाउनु परेको थियो ।

यसअघि पनि सिनियर खेलाडीहरुलाई टिममा नराख्ने निर्णय गरेका कालिनले नेपालमा रहदा आफूले के गर्न चाहेको स्पष्ट पारिसकेका थिए । उनी नेपाली टोलीलाई राम्रो बनाउन आएको र यसका लागि कुनै पनि मुल्य चुकाउन तयार रहेका छन् ।

कालिनले बिस्तारै भएपनि नेपाली राष्ट्रिय टोलीमा केही परिवर्तन भने ल्याएका छन् । रक्षात्मक खेल देखी बिपरित पोस्टमा दवाब कायम गरेर खेल्नै शैलिको प्रयास राष्ट्रिय टोलीमा देखिन्छ । नेपालले विश्वकप छनोटको दोस्रो चरणको खेल खेल्नु अघि म्यानमारसँग मैत्रिपूर्ण खेल पनि खेल्यो । त्यसमा पनि हारको सामना गर्यो ।

आफू भन्दा माथिल्लो स्तरको टोलीसँग खेल्न गाह्रो त हुन्छ नै तर नेपालले गोल गर्न भने सकिरहेको छैन । भुटानमा कुवेतबिरुद्ध दोश्रो लेगमा उत्रदा ४–३–३ को रणनीतिमा खेल्यो । नतिजा १–० ले सम्पिए पनि नेपालले अब्बल प्रदर्शन गरेको थियो । थिम्फुको एस्ट्रो टर्फको फाइदा उठाएको नेपालले पासिङ र आक्रमक शैलीमा खेल्न सफल भएको थियो ।

कोरोना भाइरसको चपेटामा बिश्व नै परेपछि नेपालले अष्ट्रेलिया, चाइनिज ताइपेइ र जोर्डनबिरुद्धका घरेलु खेलहरु स्थगित गरिएको छ । लिग भर्खरै सकिएको स्थितिमा नेपालले खेलाडीहरु सकृय रहेको समयमै कालिन बन्द प्रशिक्षणको तयारीमा रहेका थिए । उनी ती खेलहरु अघि मैत्रीपूर्ण खेलहरु पनि खेल्न चाहन्थे तर अब उनले लामो समय कुर्नु पर्ने भएको छ ।

कालिनले एक बर्ष शायद आफ्नै लागि परिक्षण कालको रुपमा लिएका थिए र अब उनले पछिल्लो एक बर्षदेखि गर्दै आएको मिहिनेत र नेपाली फुटबलरहरुलाई बुझेको ज्ञानलाई मैदानमा उत्रनु पर्ने स्थितिमा रहेका छन् । फुटबल पुन सुचारु हुनका लागि उनी पनि व्यग्र प्रतिक्षमै रहेका छन् ।

Continue Reading

Headline

लकडाउन ?? खेलकुदका यी पाँच उत्कृष्ट चलचित्र हेर्नुहोस त्यसोभए

Published

on

वुहानबाट फैलिएको कोरोना भाइरसबाट चिन तग्रिंदै गरेपनि यसले बिश्वव्यापी रुपमा भने अहिले चरम संकट उत्पन्न गरिरहेको छ । कोरोनाको मारमा युरोपसँगै अमेरिका पनि परेको छ । इटालीमा ८ हजार र स्पेनमा चार हजारभन्दा बढीले ज्यान गुमाउदा युरोपमा मात्रै १५ हजार मारिइसकेका छन् ।

एक व्यक्तिबाट अर्कोमा सर्ने यो भाइरसबाट बच्नका लागि नेपाल सरकारले पनि सतर्कता अपनाउदै सिँगो देशलाई लकडाउन (घरबाट ननिस्कने) को नियम लगाएको छ । दिन कटाउन मुस्किल हुने दिक्क लाग्दो समयमा हामीले खेलकुदका पाँच उत्कृष्ट चलचित्रको बारे बताउने छौं । यी चलचित्र तपाइले हेर्दै दिन काट्न केही राहत मिल्नेछ ।

हूप ड्रिम्स – १९९४ (Hoop Dreams)

An oral history of Hoop Dreams, 20 years after its première / The ...

अमेरिकाको शिकागोका दुई किशोर, विलियम गेट्स र आर्थर एजी एनबीए खेल्ने सपनाको पछि लाग्छन् । स्टिभ जेम्सद्वारा निर्देशित यो तीन घण्टाको चलचित्रले क्षणिक सफलताको कहानी मात्र दर्शाएको छैन । यसमा गरिबी, टुक्रिएको परिवार, एक असफल शिक्षा प्रणाली र अमेरिकामा लामो समय देखिको रङ्गभेद पनि स्पष्ट नै देखिन्छ ।

अली – २००१ (Ali)

यो चलचित्र अमेरिकन बक्सर मोहमद अलीको जीवनमा आधारित छ । अली विश्वकै प्रख्यात बक्सरमा पर्छन । ओस्कार जितेको डकुमेन्ट्री ह्वेन वि वेर किंग्स ले पहिले नै उनको विरासत पर्याप्त रूपमा समेटेकाले माइकल म्यानलाई फेरि अर्को डकुमेन्ट्री किन बनाउनु पर्यो भनेर धेरैले भनेका पनि थिए । के विल स्मिथले सम्भवतः महान बक्सरको आत्मा र उनको शैलिलाई सटिक ढँगले प्रस्तुत गर्न सक्लान त भन्ने प्रश्न पनि उब्जिएको थियो । दुई दशक पछि पनि स्मिथले सबै शंकालाई चिर्न सफल भएका छन् ।

हाइक्यु – २०१४–२०२० (Haikyuu)

Haikyuu Season 5 release date: Predictions and spoilers

हाइक्यु एक चलचित्र नभै एक टेलि श्रृंखला हो । भलिबलमा आधारित हाइक्यु जापानी कमिक्स बाट साभार गरिएको एनिमेटेड चलचित्र हो । एक सानो माध्यमिक विद्यालयका छात्र हिनाता सोयु टिभीमा राष्ट्रिय प्रतियोगिता हेरे पछि आफ्नो सपना बुन्न थाल्छन् । च्याम्पियनसिपमा लिटल मोन्स्टर (सानो राक्षश) नाम दिइउका सर खेलाडी जस्तो हुन कटिबद्ध सोयउ आफ्नो स्कुलको भलिबल क्लबमा सामेल हुन्छन् ।

दुर्भाग्यवश, राम्रो खेल्ने उनी एक मात्र खेलाडी हुन पुग्छन् भने क्लबसँग अभ्यास गर्ने ठाउँ पनि हुँदैन । यद्यपि उनलाई त्यसले खासै फरक पर्दैन र अन्त्यमा अन्य खेलाडीहरूको साथ र विश्वास प्राप्त गरिसके पछि वास्तविक प्रतियोगितामा प्रतिस्पर्धा गर्न सक्षम हुँदै आफ्नो टोलीलाई राष्ट्रिय च्याम्पियनसिप नै जिताउन तत्पर बन्छन् ।

द ड्याम्ड युनाइटेड – २००९ (The Damned United)

The Damned United Poster Unveiled - FilmoFilia

शाही परिवारको कहानीको पछि नलाग्दा पटकथा लेखक पिटर मोर्गनको नजर खेलकुद व्यक्तित्वतर्फ जाने गर्छ । उनले लेखेका रसका साथ–साथै ड्याम्ड युनाइटेड एउटा वास्तविक कथा हो जुन फुटबल प्रशिक्षक ब्रायन क्लफको बारेमा थियो । मध्य १९७० को दशकमा क्लफलाई लिड्स युनाइटेड क्लब हेर्ने जिम्मेवारी दिइएको हुन्छ । टम हूपर द्वारा निर्देशित ड्याम्ड युनाइटेड क्लफको चरित्र अध्ययन हो । क्लब हेर्ने क्रममा क्लफको जिन्दगी कसरी परिवर्तन हुन्छ यो चित्रण गरिएको छ ।

मनिबल – २०११ (Moneyball)

MB poster | Dewitt Shotts Direct Response

डिजिटल युगमा बेसबलबारे चलचित्र मनिबल को भोको हृदय भएका बिली बिन नाम गरेका खेलाडीको कथा हो । ब्राड पिट मुख्य भूमिकामा रहेको यो चलचित्रमा दर्शकले ?चाउने पटकथा रहेको छ । नयाँ खेल खेल्नका लागि एक अन्डरडग हुनु पर्छ भन्ने भावना बोकेको यो चलचित्रले खेलको रमाइलो पाटो देखाउछ । मनिबलमा खेल गुमाउने र खेल जित्नेमा धेरै कथा घुमेयता पनि यो एक उत्कृष्ट खेल चलचित्र हो ।

Continue Reading

Follow us

Advertisement HSEB NOTES Nepal :- Sabnotes
Headline2 days ago

एनसिसिएस–सिप्यान क्रिकेट अवार्डको सबै पैसा राहत कोषमा

Headline4 days ago

एक बर्षका कालिन

Headline5 days ago

लकडाउन ?? खेलकुदका यी पाँच उत्कृष्ट चलचित्र हेर्नुहोस त्यसोभए

Headline6 days ago

एट्लान्टा–भ्यालेन्सियाको म्याच कोरोना भाइरस ‘जैविक बम’

Headline1 week ago

कोरोना भाईरस: टोकियो ओलम्पिक एक बर्षको लागि स्थगित

Headline2 weeks ago

टियु क्रिकेट मैदानमा कार्यरत सेते दाईलाई क्रिकेट खेलाडीको सहयोग 

Trending2 weeks ago

कार्डिफका पुर्व खेलाडी पिटरको ३५ बर्षको उमेरमा निधन

Headline2 weeks ago

एनबीए स्टार केविन डुरान्टलाई पनि कोरोना

Headline2 weeks ago

नेपाल इंग्ल्यान्ड भ्रमण स्थगित 

Headline2 weeks ago

तथ्यांक छोड्दिनुस, फर्मिनो विश्वस्तरीय खेलाडी हुन्ः क्लोप

Headline1 month ago

कस्तो बन्छ ए डिभिजन लिगको ‘ड्रिम टिम’ ?

Headline2 months ago

अफगानिस्तान फुटबल प्रतियोगिताका लागि नेपाल नआउने

Headline2 months ago

ए डिभिजन लिगमा म्याच फिक्सिङको गन्ध ?

Headline2 months ago

आर्मीको चर्चित अग्रपंक्तिका बीच ध्यान आकर्षित गरिरहेका बिकास

Headline3 weeks ago

बास्केटबलका ‘फ्युचर स्टार’, जसलाई थाहा छ भविष्य उज्यालो छैन

Headline2 months ago

आर्मीका कप्तान भरतले रङ्गभेदी टिप्पणी गरेको जावलाखेलका बिदेशी खेलाडीको आरोप

Headline1 month ago

कान थुनेर अघि बढेका सन्तोष

Headline2 weeks ago

टियु क्रिकेट मैदानमा कार्यरत सेते दाईलाई क्रिकेट खेलाडीको सहयोग 

Headline2 months ago

नवयुग चम्किएपछि बिभागीय डर्बिमा आर्मीको रोमाञ्चक जित

Headline2 months ago

‘स्थापित खेलाडीहरु लिगमा एकरुपको प्रदर्शन दिन असफल छन्’

Trending