Connect with us

राष्ट्रिय

झम्सीखेलले पहिलो जित निकल्दा श्री कुमारी पराजित

Published

on

भुवन राइ र मदन स्यङ्तानले श्री कुमारीको डिफेन्डरले गरेको गल्तीको फाईदा उठाउदै गरेको गोलको मद्धतमा झम्सीखेल युथ क्लबले श्री कुमारी क्लबलाई २-० गोलले हराएको छ।

सातदोबाटो स्थित एन्फा क्मप्लेक्समा भएको खेलमा झम्सीखेलका लागि ७१ औँ मिनेटमा भुवन राइ र अतीरिक्त समयमा मदन स्यङ्तानले गोल गर्दै झम्सीखेललाई महत्वपूर्ण तीन अंक दिलाउन सफल भएका हुन।

झम्सीखेल खेलको पहिलो मिनेटमै आग्रता लिने आवसर चुकाउन पुगेको थियो। भुवन राइले गरेको प्रहार अकसीन पुगेको थियो। दुबै टोलीद्वारा उतिकै आक्रमणका प्रयास गरे पनि सफल भने हुन सकेका थिएन। ३८ औँ मिनेटमा श्री कुमारीका सनम तमाङले गरेको प्रहारले जली चुम्न भने सकेन। पहिलो हाफ बराबरीमा सकिएको खेलमा दोस्रोहाफको तेस्रो मिनेटमै अनिल चौधरीले गोलकिपरलाई बिट गराएर गरेको प्रहारलाई गोललाइनबाट झम्सीखेलका डिफेन्डर रेवत राम भण्डारीले क्लियर गर्न सफल भएका थिए।

दोस्रोहाफमा झम्सीखेल माथी हावी रहेको श्री कुमारीका श्याम चौधारीले ५० औँ मिनेटमा उत्कृष्ट मौका गुमाउन पुगेको थिए। कर्नरमा अनमार्क रहेको अवस्थामा खुट्टामै आएको बललाई उन्ले दिशा दिन सकेनन। ५२ औँ मिनेटमा मदन स्यङ्तानले गरेओ प्रहारलाई श्री कुमारीका गोलकिपर अनिश देउलाले बचाएका थिए। ५३ औँ मिनेटमा फेरी पनि राम्रो मुभ बनाएको झम्शिखेलका मदन स्यङ्तानले पाएको मौकालाई सदुपयोग गर्न सकेनन। ६८ औँ मिनेटमा भने झम्सीखेललाई झट्कालाग्न पुगेको थियो। ३५ औँ मिनेटमा पहिलो पहेंलो कार्ड खाएका झम्सीखेलका सुनिल शाहीले ६८ औँ मिनेटमा मनिष खड्कालाई डिबक्स बहिर लडाए पछी रातो कर्ड खाँदै मैदान छोड्नु परेको थियो। ७१ औँ मिनेटमा भने गोलको खाडेरी टोड्ने क्रममा झम्सीखेलका भुवन राइले डिफेन्डरको गल्तीको फाईदा उठाउदै टोलीलाई १-० को अग्रता दिलाएका थिए। ७७ औँ मिनेटमा सनम तमाङले दिएको क्रसलाई मिशान लामाले पोस्टको दिशा दिन सकेनन। अतीरिक्त समयमा मदन स्याङ्तानलाई श्री कुमारीका डिफेन्डरले अनमार्क छोडेको अवस्थामा गरेको लामो प्रहार सिद्धै जाली चुम्न सफल भएको थियो।

जित सँगै झम्सीखेल ४ अंकका लिगको सतौँ स्थानमा उक्लेको छ भने श्री कुमारी एक स्थान तल झर्दै ३ अंकका साथ आठौँ स्थानमा झरेको छ।

Continue Reading
Click to comment

Leave a Reply

Your email address will not be published. Required fields are marked *

Headline

एन्फामा ७० करोडको बजेट पारित, खेलाडीलाई कोरोना बिशेष १५ हजारको खुराक

Published

on

अखिल नेपाल फुटबल संघ (एन्फा) को सोमबार बसेको कार्य समिति बैठकले आर्थिक बर्ष २०७७र७८ का लागि ७० करोडको बजेट पारित गरेको छ ।

कोरोना भाइरसको महामारी कायमै रहेको स्थितिमा बसेको भर्चुवल बैठकले ७० करोड १९ लाख १९ हजारको बजेट पारित गरेको हो । उक्त बजेटलाई सोमबार नै तय गरिएको भदौं १५ गतेको साधारण सभाले अनुमोदन गर्नेछ । एन्फाका अनुसार तोकिएको मितिमा पनि कोरोनाको महामारी जारी रहेको खण्डमा फिफा र एएफसी मान्यता प्राप्त अनलाइन भर्चुवल माध्यमद्वारा साधारण सभा बैठक बसिनेछ ।

यस्तै कोरोना भाइरस राहत समितिले पेश गरेको प्रतिवेदनका आधारमा एन्फाले फिफासँग १ लाख डलर बराबरको राहत सहयोग माग गर्दै आफू आबद्ध संघ, ए, बि र सि डिभिजन क्लबहरु, मोफसलमा प्रतियोगिता गर्दै आइरहेका आयोजकहरुलाई राहत बितरण गर्ने पनि एन्फाले जनाएको छ ।

फिफाले कोरोना भाइरसले महामारीको रुप लिदै गर्दा आफ्ना सदस्य राष्ट्रहरुलाई पाँच लाख डलर सहयोग गर्ने बताएको थियो । प्रारम्भिक चरणमा माग गर्न लागिएको सहयोगबाट एन्फाले राष्ट्रिय महिला र पुरुष टिमका ३५–३५ जना खेलाडीहरुलाई १५ हजार खुराक खर्च दिने निर्णय गरेको छ ।

यस्तै निलम्बित ललितपुर जिल्ला फुटबल संघका अध्यक्ष पुरुषोत्तम थापालाई सोधिएको स्पष्टिकरणमा चित्त बुझ्दो जवाफ नआएको भन्दै सोमबारको बैठकले उनलाई साधारण सभासम्मका लागि अस्थायी निलम्बन कायम गरिने निर्णय पनि लिएको छ । यसअघिको एन्फाको बैठकले थापालाई एन्फा र पदाधिकारीमाथि बिधानबिपरित अपशब्द बोलेको भन्दै कारवाही गरेको थियो ।

Continue Reading

Headline

के गर्दैछन् एन्फा अण्डर–१६ को ‘गोल्डेन ब्याच’ का खेलाडीहरु ?

Published

on

गौरव फुयाल, काठमाडौं

२०७१ साल भदौ २६ गते नेपाली अण्डर–१६ टोली थाइल्याण्डको राजमंगला रंगशालामा उत्तर कोरियाको बलियो टोलीसँग खेल्दै थियो । गर या मरको स्थितीमा रहेको यो खेलमा नेपाली खेलाडीहरु झिनो आशाका साथ मैदानमा उत्रिए । नेपाल ४–१ ले पराजित हुन पुग्यो । क्वार्टर फाइनलमा स्थान बनाउनका लागि नेपाललाई मात्र बराबरी आवश्यक थियो तर टोलीले फराकिलो अन्तरको नतिजा सुम्पन पुग्यो ।

तर कथा यहाँबाट शुरु हुदैन ।

यो त थाइल्याण्डमा भएको प्रतियोगिताभन्दा एक बर्ष अगाडीको कुरा हो जब नेपालले एफसी अण्डर–१६ च्याम्पियनसिपको छनोट चरण अन्तर्गत समुह सी को खेलमा बलिया तुर्कमेनिस्तान र बहराइनलाई हराएको थियो । अप्रत्याशित प्रदर्शन गरेको नेपालले इराकलाई पनि बराबरीमा रोक्दै नेपाली फुटबलमा एन्फाको ‘गोल्डेन ब्याच’ को नाम कमायो ।

थाइल्याण्डमा भएको मुख्य प्रतियोगितामा कुवेतलाई हराउदै उज्बेकिस्तानसँग बराबरी गरेपछि नेपालले आफ्नो घरमा गरेको प्रदर्शन भाग्यको खेल नभएको भनेर पनि साबित गरिदियो । महत्वपूर्ण खेलमा नेपाली टोली उत्तर कोरियासँग पराजित त भयो तर नेपाली युवा फुटबलरहरुबाट निकै बिरलै देखिने प्रदर्शनका कारण उनीहरुबाट भविष्यले ठूलै आशा राख्यो । नेपाली सिनियर फुटबल अहिले त्यही ब्याचको वरिपरि घुमिरहेको छ ।

अहिले थाइल्याण्डमा भएको त्यो प्रतियोगिता भएको झन्डै ७ बर्ष पुरा हुन लागिसकेको छ । नेपाल फुटबलकै भविष्यको रुपमा हेरिएको यो ‘गोल्डेन ब्याच’ का खेलाडीहरु अहिले के गर्दै होलान ?

रोमन रसाइली, गोलकिपर

रोमन रसाइली अहिले नेपाल एपिएफ क्लबको टोलीमा बैकल्पिक गोलकिपरको रुपमा खेल्दै आएका छन् । मोफसलमा धेरै प्रतियोगिताहरु खेल्दै आएका रोमनले २०७५ को लिग पनि एपिएफबाटै खेलेका थिए । घुँडाको चोटका कारण रोमन केही बर्ष मैदान बहिर नै बस्नु परेको थियो ।

सृजन श्रेष्ठ, गोलकिपर
अण्डर–१६ चयाम्पियनशिपमा बैकल्पिक गोलकिपरको रुपमा टोलीमा रहेका सृजन खुट्टामा बोकेका चोटका कारण लामो समय देखी फुटबलबाट बहिर छन् ।

सोजित गुरुङ्ग, गोलकिपर

एफसी अण्डर–१६ च्यम्पियनसिप खेल्दाको बैकल्पिक खेलाडी सोजित अहिले लिग र मोफसलका प्रतियोगिता हरु फ्रेन्ड्स क्लबबाट खेल्दै आइरहेका छन् ।

रुपेश तमाङ, डिफेन्डर
साफ अण्डर–१९ च्याम्पियनसिपको बन्द प्रशिक्षणको बेला घाइते हुन पुगेका रुपेश अहिले सम्म पनि मैदान फर्कन सकेका छैनन् । २०७२ को राष्ट्रिय लिग मोरङबाट खेलेका रुपेश अहिले मैदानमा नफर्केको चार बर्ष बढी हुन लागिसकेको छ ।

अनन्त तमाङ, डिफेन्डर

अनन्त तमाङ अहिले नेपाली राष्ट्रिय टोलीका महत्वपूर्ण सदस्यको रुपमा स्थापित भईसकेका छन् । थ्री स्टारबाट घरेलु लिग र मोफसलका प्रतियोगिताहरु खेल्दै आएका अनन्तले नेपालका लागि सागमा दुई स्वर्ण, बङबन्धु गोल्डकप र एफसी सोलिडारिटी कप जिति सकेका छन् । अनन्तले नेपालका लागि २७ खेल खेलिसकेका छन् ।

आकाश थापा, डिफेन्डर

आकाश थापा अहिले ब्रिटिस लाहुरेकोरुपमा कार्यरत छन् । एन्फा कम्प्लेक्समा भएको साफ अण्डर–१९ च्याम्पियनसिप जितेका आकाशले अर्को बर्षनै ब्रिटिस आर्मी जाने निर्णय गरेका थिए ।

अमित तमाङ, डिफेन्डर

अमित तामाङ संकटा क्लबका महत्वपूर्ण सदस्य हुन् । २०७५ सालको लिगमा संकटा दोस्रो स्थानमा सिमित रहे पनि उत्कृष्ट प्रदर्शन गरेका अमितले लगातार संकटाबाट खेल्दै आइरहेका छन् । २०७६  सालको लिग पनि उनले संकटाबाट नै खेलेका थिए ।

दिनेश राजबंशी, डिफेन्डर

एएफसी अण्डर १६ च्याम्पियनशिपपछि दिनेशले उमेर समुहमा केही महत्वपूर्ण खेलहरु पनि खेलेका थिए । उनी नेपालमै भएको साफ अण्डर १९ च्याम्पियनसिपको बिजेता पनि हुन् । उनले राष्ट्रिय टोलीबाट खेलिसकेका छन् भने बिमल, अञ्जन र सन्तोष तामाङसँगै नाइट क्लब कान्डमा परेपछि टिमबाट हटाइएका थिए । पुलिसबाट पनि खेलेका दिनेशले ए डिभिजन लिगमा च्यासलबाट  प्रतिबन्ध सकेपछि एक खेल खेल्दै  उनले सहभागिता जनाए ।

सुधन थापा, डिफेन्डर

साफ अण्डर–१९ च्याम्पियनसिप खेल्दाका डिफेन्डर सुधन अहिले भारतीय गोर्खा सेनामा कार्यरत रहेका छन् ।

जनोम मान लिगल, डिफेन्डर

एएफसी अण्डर–१६ च्याम्पियनसिप खेल्दाका डिफेन्डर जानोम मान लिगल अहिले भारतीय गोर्खा सेनामा कार्यरत छन् ।

गौरब बुढाथोकी, मिडफिल्डर

२०७५ र २०७६ सालको लिग च्यासल युथ क्लबबाट खेलेका गौरब बुढाथोकी त्यसपछिका दिनमा बिभिन्न मोफसल प्रतियोगिताहरुमा खेलिरहेका छन् ।

बिकाश थापा, मिडफिल्डर

मिडफिल्डमा खेल्दै नेपालको अण्डर–१६ टोलीलाई दोस्रो चरणमा पुर्याएका बिकाश थापा अहिले बिदेश पलायन भएका छन् ।

किरण सुनार, मिडफिल्डर

किरण सुनार पनि लामो समयदेखि भारतमा बसोबास गर्दै आएका छन् । अण्डर–१६ टोलीलाई दोस्रो चारणमा पुर्याउन योगदान गरेका उनले नेपाली क्लबबाट थोरै मात्र खेलहरु खेलेका थिए ।

हेमन्त थापा मगर, मिडफिल्डर

हेमन्त थापा मगर हाल च्यासल युथ क्लब बाट लिग र मोफोसलका प्रतियोगिताहरु खेल्दै आइरहेका छन् । हेमन्त थापा मगर नेपालले १३ औँ सागमा स्वर्ण पदक जित्दाको टोलीमा थिए ।

अनिल राइ, मिडफिल्डर

अनिल राइ अहिले नेपाली लिग फ्रेन्डस क्लबबाट खेल्दै आइरहेका छन् । अण्डर–१६ च्याम्पियनसिप खेल्दाका मिडफिल्डर उनी भारतीय गोर्खा आर्मीमा भर्ति भएका थिए । उनी अहिले पटनामा भारतीय आर्मीको टिमबाट खेल्ने गरेका छन् ।

सन्जोक राइ, मिडफिल्डर

सन्जोक राइ अहिले थ्री स्टारबाट लिग र मोफसलक प्रतियोगिताहरु खेल्दै आइरहेका छन् । २०७६ को लिगमा पहिलो ह्याट्रिक गर्न सफल सन्जोक यो नेपाली क्यालेन्डरमा आठ गोल गर्दै थ्री स्टारका टप स्कोरर भएका थिए । सन्जोक राष्ट्रिय टोलीको बन्द प्रशिक्षाणमा पनि परिसकेका छन् ।

बिमल घर्ती मगर, फर्वार्ड

बिमल कुनै पनि नेपाली फुटबल समर्थकको लागि नौलो नाम होइन ।  नाइट क्लब काण्डबाट छुट्कारा पाउदै मच्छिन्द्र क्लबबाट लिगको अन्तिम खेल र मोफसलका प्रतियोगिता खेल्दै गरेका उनी अहिले भने कल्ब बिहिन छन् । बिमलले राष्ट्रिय टोलीका लागि १५ बर्षमै डेब्यु गरेका थिए । डेब्यु खेलमै पाकिस्तान विरुद्ध गोल गरेका उनले हालसम्म राष्ट्रिय जर्सीमा ३५ खेल खेलिसकेका छन् ।

अन्जन बिष्ट, फर्वार्ड

नेपाली राष्ट्रिय टोलीका महत्वपूर्ण सदस्य समेत रहेका अन्जन बिष्ट अहिले मनाङ मस्र्याङ्गदीबाट लिग र बिभिन्न मोफसलका प्रतियोगिताहरु खेल्दै आएका छन् । बिमलसँगै नाइट क्लब काण्डमा मुछिएका उनी आफ्नो प्रतिबन्ध चाडै सक्काउदै लिगको बिचबाट मनाङ मस्र्याङ्गदीका लागि खेलेका थिए । अन्जनले राष्ट्रिय टोलीका लाथि ३० खेल खेलिसकेका छन् ।

शिव सुबेदी, फर्वार्ड

अण्डर–१६ एएफसी चम्पियनसिप खेल्दाका फर्वार्ड शिव सुबेदी अहिले भारतीय गोर्खा सेनामा कार्यरत छन् ।

सुनिल बल, फर्वार्ड

सुनिल बल च्यासल युथ क्लबबाट लिग र मोफसलका प्रतियोगिताहरु खेल्दै आएका छन् । राष्ट्रिय टोलीबाट नि खेल्दै आहिरहेका उनी १३ औं सागको स्वर्ण र एफसी सोलिडारिटी कप जित्दाका मुख्य खेलाडी पनि थिए । सुनिलले राष्ट्रिय टोलीको लागि ९ खेल खेलिसकेका छन् ।

 

(अन्य दुई खेलाडीहरु रवि भण्डारी र तेजेन्द्र पुन सामाजिक सञ्जालमा पनि नरहेको उनीहरुका खेलाडी साथीहरुलाई जानकारी लिदा पनि सम्पर्क हुन सकेन ।)

 

 

Continue Reading

Corona Virus

टिकटकबाट मनोरञ्जन दिने खेलाडीहरु (भिडियो सहित)

Published

on

बिश्व नै कोरोना भाइरसको महामारीको चपेटामा परिरहेको समयमा अधिकांश देशहरुमा लकडाउन भएको छ । लकडाउनमा नेपालका सहित अन्तर्राष्ट्रिय खेलाडीहरु पनि घर भित्रै बस्न बाध्य छन् । तर चाइनिज एप्लिकेसन टिकटकको माध्यमबाट खेलाडीहरुले १५ सेकेण्डको भिडियो मार्फत धेरैलाई मनोरञ्जन पनि दिदै आएका छन् ।

अष्ट्रेलियन क्रिकेटर डेभिड वार्नरले बनाएका भिडियोहरुले त झन सबैको मन जित्न सफल भएको छ । हेरौं केही खेलाडीहरुको टिकटक भिडियोहरुः

अभिषेक रिजाल, नेपाली राष्ट्रिय फुटबलर

डेभिड वार्नर, अष्ट्रेलियन क्रिकेटर

 

केभिन पिटरसन, पुर्व इङ्गल्याण्ड क्रिकेटर

क्रिस्चियन पुलिसिच, चेल्सी फुटबल क्लब
अल्फोन्सो डेभिज, बायर्न म्युनिख
@alphonsodavies

सोमपाल कामी, नेपाली राष्ट्रिय क्रिकेटर
 

Continue Reading
Advertisement HSEB NOTES Nepal :- Sabnotes
Headline6 hours ago

सन् २०२२ को एसिया कप भारतमा हुने

Headline8 hours ago

काइ ह्यावर्ट्जः हजुरबुवाले लत लगाइदेपछि बनेका जर्मनीका नयाँ स्टार

Headline10 hours ago

रुबेन डायसमा १ सय मिलियन खर्चन तयार थियो सिटी

Headline11 hours ago

इतिहासमा आजः शेन वार्नको ‘बल अफ द सेञ्चुरी’

Headline13 hours ago

पिएसजीका १७ बर्षिय डिफेन्डर लिन रियल म्याड्रिड आतुर

Headline15 hours ago

रोनाल्डो यसै रोनाल्डो भएका होइनन्

अन्तर्राष्ट्रिय16 hours ago

कप्तान नियुक्त भए पछि पहिलो पटक टेस्ट गुमाउँदै जो रुट

Headline18 hours ago

‘च्याम्पियन्स लिगमा जो आए पनि हुन्छ, हामी डराउदैनौं’

Headline1 day ago

इङ्गल्याण्ड जाने टोलीबाट वेष्ट इण्डिजका तीन खेलाडीले कोरोनाको डरले नाम फिर्ता लिए

Headline1 day ago

भगवान नै म चेल्सीमा बसेको हेर्न चाहन्छन्: जिरुड

Headline4 weeks ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

कस्तो बन्छ ए डिभिजन लिगको ‘ड्रिम टिम’ ?

Headline3 days ago

के गर्दैछन् एन्फा अण्डर–१६ को ‘गोल्डेन ब्याच’ का खेलाडीहरु ?

Headline2 days ago

स्टिभ स्मिथको जन्मदिनः तपाईंले नचिनेका स्मिथ

Headline4 months ago

अफगानिस्तान फुटबल प्रतियोगिताका लागि नेपाल नआउने

Headline4 months ago

आर्मीको चर्चित अग्रपंक्तिका बीच ध्यान आकर्षित गरिरहेका बिकास

Headline4 months ago

ए डिभिजन लिगमा म्याच फिक्सिङको गन्ध ?

Headline2 weeks ago

सन्दिपले सार्वजनिक गरे उनको सात्तो खाने ब्याट्स्म्यानको नाम

Headline3 months ago

बास्केटबलका ‘फ्युचर स्टार’, जसलाई थाहा छ भविष्य उज्यालो छैन

Headline4 months ago

आर्मीका कप्तान भरतले रङ्गभेदी टिप्पणी गरेको जावलाखेलका बिदेशी खेलाडीको आरोप

Trending