Connect with us

Headline

नेपाली क्रिकेट समर्थकहरुमा प्यासन छः इपिएल खेल्न लागेका टिम डेविड

wesportz

Published

on

अष्ट्रेलियन बिग ब्यास लिगको अनुभव बटुलिसकेका टिम डेविडले सिँगापुर क्रिकेटलाई नयाँ उचाइमा पुर्याएका छन् । डेविडकै उत्कृष्ट प्रदर्शनमा सिँगापुरले थाइल्याण्डमा सम्पन्न एसिसि इस्टर्न रिजन ट्वान्टी ट्वान्टी एसिया कप क्वालिफायरमा समुह बिजेताको रुपमा यो क्षेत्रको एसोसिएट राष्ट्रका लागि सबैभन्दा ठूलो प्रतियोगितामा एक कदम अगाडी पुर्याएका छन् ।

डेविडले सिँगापुरमा दुई अद्र्धशतक प्रहार गरेका थिए जसमध्ये मलेशियाबिरुद्धको ३२ बलमा आक्रमक ९२ रन उनको करिअरकै उच्च ट्वान्टी ट्वान्टी अन्तर्राष्ट्रिय योगफल रहन पुग्यो । नेपाल गत जुलाईमा सिँगापुरमै भएको आईसिसि ट्वान्टी ट्वान्टी बिश्वकप एसिया छनोटको अन्तिम खेलमा पराजित हुदा डेविडले ७७ रनको पारि खेलेका थिए ।

उनको त्यही पारिले नै नेपाल ग्लोबल क्वालिफायरमा छनोट हुनबाट चुकेको थियो । सिँगापुरमै जन्मिएका २३ बर्षिय डेविड आफ्ना बुवा अष्ट्रेलियन नागरिक रहेकाले अष्ट्रेलियामा क्रिकेट खेल्ने गर्दथे । उनले पर्थ स्कोर्चर्सबाट बिग ब्यास खेल्नुका साथै अष्ट्रेलियन क्रिकेटको भविष्यका खेलाडीको रुपमा पनि योजनामा राखिएका थिए ।

नेपालको बहुचर्चित एभरेष्ट प्रिमियर लिगका लागि चितवन टाइगर्सबाट खेल्नका लागि तयारी गरिरहेका डेविडले यसपटक भने नेपालको बिरुद्ध खेल्न पाएनन् । गिलो पिचका कारण एसिया कप इस्टर्न रिजन क्वालिफायर्समा नेपाल र सिँगापुरबीचको खेल रद्द गरिएको थियो ।

डेविड आफू नेपालबिरुद्ध खेल्दा सधै उत्साहित रहने बताउछन् । “नेपाल एक निकै प्रतिस्पर्धात्मक टोली हो । उनीहरुसँग खेल्नु राम्रो अवसर र चुनौति दुवै हो,” डेविडले क्रिकेटिङ्गनेपालसँग गरिएको बिशेष भिडियो अन्तर्वातामा भनेका छन् ।

कोरोना भाइरसका कारण हाललाई आईपिएल स्थगित गरिएपनि उनी नेपाल आउनका लागि आतुर रहेको बताउछन् । नेपाल भन्ने बित्तिकै उनको दिमागमा त्यँहाका समर्थकहरु आउने गरेको बताएका छन् ।

“नेपाली समर्थकहरुमा निकै ठूलो प्यासन रहेको छ । हामीले सिँगापुरमा खेल्दा पनि त्यहा राम्रै संख्यामा नेपाली फ्यानहरु आएका थिए । इपिएलमा पनि समर्थकहरु त्यही लगावका साथ मैदान आउछन् भन्नेमा म बिश्वस्त छ,” उनले भने ।

पुरा अन्तर्वार्ताको लागि क्लिक गर्नुहोस

Click to comment

Leave a Reply

Your email address will not be published. Required fields are marked *

Headline

किन ट्विटर चलाउदैनन् मेस्सी ?

wesportz

Published

on

लियोनल मेस्सी एक स्टार हुन वा भनौँ एक सर्वकालिन उत्कृष्ट खेलाडी तर विश्वका ग्लोबल आइकनहरु नेमार र क्रिष्चियानो रोनाल्डो र अन्य कुनै स्टार खेलाडीले जस्तो उनी ट्विटर चलाउदैनन् ।

अहिलेको समयमा आफ्नो समर्थक बढाउन ट्विटर,फेसबुकमा र इन्स्टाग्रामले ठुलो भूमिका खेल्ने गर्छन् । मानिसहरु आफ्नो मन पर्ने खेलाडीलाई लाइक र फलो गर्न भए पनि बिभिन्न सामाजिक संजालको खाता बनाउने गर्छन् ।

मेस्सीको बिषयमा पनि यस्तै छ । उनका समर्थकहरुले लियोनल मेस्सीको अधिकारिक अकाउन्टमा लाइक र फलो गर्नका लागि फेसबुक र इन्स्टाग्राममा मात्र लग इन गरे पुग्छ किन भने मेस्सी ट्विटर नै चलाउदैनन् । तर किन होला २०२० को यो डिगिटल युगमा पनि मेस्सीले ट्विटर प्रयोग नगरेका ?

किन प्रयोग गर्दैनन् मेस्सीले  ट्विटर ?

लियोनल मेस्सीले आफुले यो कारणले ट्विटर नचलाएको भन्दै कहिले खुलेर भनेका छैनन् । तर हामीले यो अनुमान लाउन सक्छौँ कि मेस्सी मोबाइल फोनमा भन्दा पनि बढी आफ्नो जिन्दगीसँग रमाइलो गरिरहेका हुन्छन् । उनी आफ्नो जीवन समाजिक संजालको प्रोफाइल भन्दा बढी फुटबलको मैदानमा बढी रुचाउछन् ।

क्रिष्चियानो रोनाल्डोलाई नै हेर्ने हो भने उनी ट्विटर र इन्स्टाग्राममा एक खुल्ला किताब सरह पोस्ट गर्दै आएका छन् । उनी आफ्नो भव्य जीवनशैलीलाई फेसबुक,इन्स्टाग्राम र ट्विटरमा फोटो र रमाइलो क्याप्सन सहित पोस्ट गर्दै आएका छन् । एक दिन त रोनाल्डोले आफ्नो कोरोना भाईरसको परीक्षणमा लगतार नतिजा पोजेटिभ आए पछी इन्स्टाग्रामको कमेन्टमै ‘पीसीआर इज बुल****’ पनि लेखिदिएका थिए ।

तर मेस्सीको सामाजिक संजल जीवन भने यस्तो केही छैन । उनी आफ्नो जीवन सके सम्म साधारण राख्न खोज्छन । फेसबुक र इन्स्टाग्राममा पनि फाट्ट-फुट्ट् आफ्नो छोराहरुको फोटो बाहेक सबै फुटबल खेलेका फोटो राख्ने मेस्सी आफ्नो जीवन निकै निजी राख्न रुचाउछन् ।

उनी यती सम्म निजी छन् कि उनको लामो अन्तर्वाता एक बर्षमा एक पटक आउने गर्छ । उनले बार्सिलोना छोड्ने जस्तो ठुलो हल्ला चलिरहदा पनि उनले एउटा मात्र अन्तर्वाता दिएका थिए ।

कुन समाजिक संजाल चलाउछन् मेस्सी ?

मेस्सीको अधिकारिक ट्विटर एकाउन्ट नभए पनि एडीडासले आफ्नो स्पोर्ट्सवेयर ब्रान्डसँग मेस्सीको ब्रान्ड साझेदारीमा मद्धत पुराउन बनाएको टिममेस्सी नामक ट्विटर ह्यान्डल भने रहेको छ । जस्ले मेस्सीको नयाँ बुट बाहेक अन्य कुनै जानकारी पोस्ट नै गर्दैन ।

मेस्सीले इन्स्टाग्राममा भने कहिले काँही पोस्ट गरिरहेका हुन्छन् । आफुले खेलेको खेल हानेको पेनाल्टी र गरेको गोलको बाहेक मेस्सीको इन्स्टाग्राम एकाउन्टमा थोरै उनको छोराहरु र श्रीमतीको फोटो रहेको छ ।

उनी आर्जेन्टिना र एडिडाससँगको प्रायोजनका लागि खिचेका फोटोहरु पनि कमै पोस्ट गरिरहेका हुन्छन् ।

मेस्सीको इन्स्टाग्राममा यो लेख लेख्दा सम्ममा १६८ फल्लोवर्स रहेका छन् ।

सादा जीवन उच्च बिचार राख्ने मेस्सीलाई रोनाल्डोसँग इन्स्टाग्राममा पनि तुलना गर्ने हो भने चाँही मेस्सी रोनाल्डो भन्दा २४१ मिलियन फलोवर्स पछाडि रहेका छन् ।

मेस्सीको फेसबुक भने उनको सामाजिक संजाल हेर्ने कम्पनीले चलाउने गर्छ जस्मा ९० मिलियन लाइक रहेको छ ।

 

 

View this post on Instagram

 

@championsleague ⚽️

A post shared by Leo Messi (@leomessi) on

Continue Reading

Headline

प्रिमियर लिग आज : वेष्ट ह्याम विरुद्ध खेल्दै लिभरपुल, बर्नलीको सामना गर्दै चेल्सी

wesportz

Published

on

प्रिमियर लिग अन्तर्गत आज हुने खेलमा साविक बिजेता लिभरपुलले वेष्ट ह्याम विरुद्ध खेल्दै छ ।

पछिल्ला आठ खेलमा वेष्ट ह्यामसँग अपराजित रहेको लिभरपुल अन्तिम पटक २०१५/२०१६ को सिजन लन्डन स्टेडियममा पराजित हुन पुगेको थियो ।

भान डाइकले लामो समयका लागि बोकेको चोटका कारण उनको स्थानमा प्रशिक्षक योर्गन क्लोपले खेलाउदै आएका मिड्फिल्डर फाबिन्हो पनि च्याम्पियन्स लिगमा मिजील्याण्ड विरुद्धको खेलमा ह्यामस्ट्रिङ्गको चोट बोक्न पुगे पछी लिभरपुलको डिफेन्समा युवा खेलाडीले मौका पाउने देखिन्छ ।

वेष्ट ह्यामले लिभरपुलको युवा खेलाडीको कम अनुभवी डिफेन्सको फाईदा उठाउने हो भने तीन अंक आफ्नो बनाउन सक्ने छ ।

अघिल्लो खेलमा म्यानचेस्टर सिटीलाई १-१ को बराबरीमा रोकेको वेष्ट ह्यामलाई लिभरपुलले कम आक्न सक्दैन ।

खेल नेपाली समय अनुसार ११:१५ मा सुरु हुने छ ।

अर्को खेलमा भने चेल्सीले बर्नली विरुद्ध खेल्दै छ ।

यस सिजन प्रिमियर लिगमा ठुलो नाम आफ्नो क्लबमा भित्र्याएको चेल्सीले प्रिमियर लिगमा भने खासै प्रभाव पार्न सकेको छैन ।

फ्रांक लाम्पार्डको प्रशिक्षणमा रहेको चेल्सीले प्रिमियर लिगको पाँच खेलमा दुईमा जित दुईमा बराबरी र एकमा हार बेहोरेको छ ।

बर्नली विरुद्ध चेल्सीले राम्रो नतिजा नल्याउने हो भने प्रशिक्षक लाम्पार्डलाई दवाव आउने निश्चित छ । पछिल्ला १२ खेलमा चेल्सीसँग एक खेल मात्र
जितेको बर्नलीले २०१७ मा स्टामफोर्ड ब्रिजमा एक खेल जितेको थियो ।

अघिल्लो सिजनको खेलमा बर्नली विरुद्ध ह्याट्रिक गरेका क्रिष्चियन पुलिसीचले यो पटक पनि सुरुवाती ११ मा स्थान बनाउन सक्ने छन् ।

खेल नेपाली समय अनुसार ८:४५ मा सुरु हुने छ ।

Continue Reading

Headline

ब्याटले आफ्नै खुट्टामा हान्दा उछिट्टिएपछि गेललाई कारवाही

wesportz

Published

on

वेष्ट इण्डिज ब्याट्स्म्यान क्रिस गेलले शुक्रबार इण्डियन प्रिमियर लिगको खेलमा मात्र एक रनले शतक बनाउन चुक्दा फ्रस्ट्रेसन देखाउदा महँगो परेको छ ।

किंग्स इलेभने पञ्चाबका लागि खेलिरहेका गेल राजस्थान रोयल्सबिरुद्ध अन्तिम ओभरमा शतक नजिक रहेपनि उनलाई जोफ्रा आर्चरले बोल्ड गरेका थिए । लेग स्टम्पतर्फ गइरहेको बल गेलले प्रहार गर्न खोज्दा उनको बाया खुट्टामा लाग्दै उनी दुर्भाग्यपूर्ण रपमा आउट भएका थिए ।

आउट भएलगत्तै गेलले फ्रस्ट्रेसनमा ब्याटले आफ्नो खुट्टामा हान्न खोज्दा ब्याट हातबाट चिप्लिएर मिडविकेटतर्फ उडेको थियो । जाना जान गर्न नखोजेपनि क्रिकेट साधनलाई क्षति पुग्ने जस्तो हर्कत देखिएपछि उनलाई आईपिएल आयोजकले १० प्रतिशत म्याच फि जरिवाना गरेका थिए ।

गेलले आफ्नो गल्ति पनि स्विकारिसकेका छन् । ४१ बर्षिय गेलले यो सबै भइसकेको केही सेकेण्डमै आर्चरसँग हात पनि मिलाएका थिए । मैदानमा रहेका सबैलाई गेलले जाना जान नगरेको ज्ञान भइसकेको थियो ।

शुक्रबार ९९ मा आउट हुदा गेलले ट्वान्टी–ट्वान्टी क्रिकेटमा आफ्नो २३ औं शतक पुरा गर्न चुकेका थिए । उनको इनिङ्गस पञ्जावको हार टार्न पर्याप्त भने थिएन । खेलमा राजस्थान सात विकेटले बिजयी भएको थियो ।

Continue Reading
IPL 20201 hour ago

बोल्ट र बुम्राको उत्कृस्ट बलिङमा मुम्बईलाई १११ रनको झिनो लक्ष्य

IPL 20203 hours ago

मुम्बईले टस जित्यो, लगातार १३ औं खेलमा पनि सन्दिप बेञ्चमा नै 

IPL 20204 hours ago

प्ले-अफको लक्ष्य सहित दिल्ली मुम्बईको सामना गर्दै

Headline6 hours ago

किन ट्विटर चलाउदैनन् मेस्सी ?

Headline7 hours ago

प्रिमियर लिग आज : वेष्ट ह्याम विरुद्ध खेल्दै लिभरपुल, बर्नलीको सामना गर्दै चेल्सी

Headline8 hours ago

ब्याटले आफ्नै खुट्टामा हान्दा उछिट्टिएपछि गेललाई कारवाही

Headline8 hours ago

के बिश्व फुटबलको सबैभन्दा ठूलो प्रतिद्वन्दीताको अन्त्य भएको हो ?

Headline9 hours ago

उल्भ्स प्रिमियर लिगमा तेश्रोमा उक्लियो

Headline18 hours ago

अन्तत: १९ दिन पछि रोनाल्डो भए कोरोना मुक्त

IPL 202021 hours ago

युनिभर्स बोस शतक बनाउन चुके पनि पन्जाबको विशाल स्कोर  

Headline2 months ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline3 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline3 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 days ago

फेरि पनि टिममा अटाएनन् स्ट्राइकर बिमल

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Trending