Connect with us

Headline

नेपाली क्रिकेटः यो भन्दा तल जाने ठाँउ पनि छैन

wesportz

Published

on

आदर्श ढकाल, बैंकक 

गत जुनमा नेपाल क्रिकेट संघको अनुपस्थितिमा राष्ट्रिय खेलकुद परिषदको समन्वयमा उमेश पटवाल प्रशिक्षक नियुक्त हुदा उनले आफ्नो पहिलो लक्ष्य नेपाललाई आईसिसि ट्वान्टी ट्वान्टी विश्वकपमा छनोट गराउनु रहेको बताए । पटवाल ब्याटिङ्ग कन्सल्टेन्ट रहे पनि त्यसअघि नै अवे सिरिजमा युएईलाई एकदिवसीय र ट्वान्टी ट्वान्टी अन्तर्राष्ट्रिय श्रंखलामा २–१ ले पराजित गर्दा उनको भुमिका अहम रहेको थियो ।

प्रशिक्षक नियुक्त भएपछि अपेक्षा पटवालबाट मात्र नभई सिँगै नेपाली टोलीबाट अत्याधिक रहेको थियो । सिँगापुर, मलेशिया, कतार र कुवेत सम्मिलित क्वालिफायरमा नेपाल पहिलो स्थानको लागि फेभरेट रहेको थियो । तर कतारसँग पहिलो खेलमै स्तब्ध भएको नेपाल अन्तिम खेलमा सिँगापुरसँग नराम्ररी हार्न पुग्यो । पटवालले हारपछि भनेः “अहिले नेपाली टोली यो स्तरमा खेल्न तयार नै छैन ।”

मुम्बइया शैलीमा पब्लिकमा ठाडो बोल्ने गरेका पटवाल यसै पनि धेरैको रुचाइमा परेका थिएनन् । महत्वपूर्ण प्रतियोगितामा नेपाल चुक्दा उनी सबैको निशानामा रहन पुगे । उनले दिएको त्यो अभिव्यक्तिपछि नेपालले सिँगापुरमा भएको ट्वान्टी ट्वान्टी ट्राइ सिरिजमा सिँगापुरलाई नै हरायो भने ओमानमा भएको पाँच राष्ट्र सम्मिलित अर्को श्रंखालमा आयरल्याण्डलाई कडा टक्कर दियो । नेदरल्याण्ड्स र हँगकँगलाई हरायो । ओमानसँग भने धराशायी हुन पुग्यो ।

पटवाल नै प्रशिक्षक रहदा नेपालले दक्षिण एसियाली खेलकुदको क्रिकेटमा श्रीलंका र बङ्गलादेशलाई राम्रै चुनौति प्रस्तुत गर्यो । त्यसपछि नेपालले किर्तीपुरमा भएको आईसिसि क्रिकेट बिश्वकप लिग टुमा अमेरिकालाई दुवै खेलमा दबदबा कायम गर्दै पराजित गर्यो । ओमानसँग भने दुवै खेलमा हार्न पुग्यो । उनको नेपाली टोलीको प्रशिक्षकको रुपमा त्यो अन्तिम प्रतियोगिता थियो । ठाडो शैलीका पटवालले पद त्याग गर्दा धेरै खशी पनि भए ।

पटवालले सिँगापुरमा भएको बिश्वकप एसिया क्वालिफायरमा बेहोरेको पराजयपछि दिएको अभिव्यक्ति नेपाली टोलीलले भने थाइल्याण्डमा सार्थक गरिदिएको छ । नेपाल कमजोर मानिएको मलेशिया र हँगकँगसँग अप्रत्याशित रुपमा पराजित हुन पुग्यो । नेपाली क्रिकेट समग्रमै उदाँग भयो ।

सन् २००९ को एसिसि ट्वान्टी ट्वान्टी एलिटमा हारे यता नेपाली सिनियर टोली पहिलो पटक मलेशियासँग पराजित हुन पुगेको थियो । सिँगापुरसँग २ सय ३९ रन खाएको मलेशिया आफूले नै केही दिनअघि घरेलु श्रंखलामा ५–० ले ह्वाइट वास गरेको हँगकँगसँग अन्तिम खेलमा पराजित हुदै एसिया कपको दौडबाट बाहिरियो । हँगकँग यसअघि नै प्रमुख खेलाडीहरुले राष्ट्रिय टोली त्याग्दा कमजोर भइसकेको थियो ।

त्रिकेट बुझेकाहरुका लागि दोश्रो स्थान भएपनि पक्का रहेको स्थितिमा नेपालले सबैलाई स्तब्ध बनायो । थाइल्याण्डमा एकदिवसीय अन्तर्राष्ट्रिय मान्यता प्राप्त नेपाललाई लिएर धारणा बनाएका एसिसि र थाइल्याण्ड क्रिकेटका पदाधिकारीहरुका लागि पनि यो प्रदर्शन पाच्य थिएन ।

“नेपाल यसरी खेल्ने टोली नै होइन । सिँगापुरले मलेशियालाई २ सय ३९ रन ठोक्न सक्छ भने नेपाली टोलीले पिचलाई लिएर गुनासो गर्न मिल्दैन,” थाइल्याण्ड क्रिकेटका एक पदाधिकारीले भने ।

उनको अभिव्यक्तिमा दम थियो । नेपाली टोलीको खेल हेर्ने सबैलाई थाहा हुन्छ, यो त्यो नेपाली टोली होइन जसले केही दिन अघि अमेरिकी टोलीलाई ३४ रनमै अल आउट गरेको थियो । त्रिवि मैदानमा देखाएको उत्साह टर्डथाइ क्रिेकट ग्राउण्डमा थिएन । न सुशन भारीले विकेट लिदा खुशीयाली थियो न पुर्व कप्तान पारस खड्काले स्टेप आउट गरेर खेल्दा उनले सामान्य रुपमा देखाउने गरेको आक्रमकता नै । यो नेपाली क्रिकेट टोली नै थिएन ।

नेपालले खेलेका पहिलो दुई खेलमा कप्तान ज्ञानेन्द्र मल्लले मलेशियाबिरुद्ध ३८ र हँगकँगबिरुद्ध ४५ रन बनाए । दुवै खेलमा नेपाल पराजित भयो । पारस थाइल्याण्डबिरुद्ध ९ रनमा आउट हुदा कुशल मल्ल र पवन शर्राफले २४ बलमै आक्रमक ५८ रनको साझेदारी गरे । न ज्ञानेन्द्रलाई यहा दोषी मान्न सकिन्छ न नयाँ अनुहारको रुपमा अगाडी आएका खेलाडीलाई नै ।

तर नेपाली टोलीको प्रदर्शनमा केही नराम्रो भने पक्कै भएको छ, चाहे मैदान भित्र होस या बाहिरे । कप्तान ज्ञानेन्द्र र उपकप्तान दिपेन्द्र सिँह ऐरि (जसले पहिलो खेलमा ६७ रनको साझेदारी गर्दै नेपाललाई जित नजिक पुर्याएका थिए तर टिम हारेको थियो) लाई छोड्ने हो भने ब्याटिङ्गमा एक पटक फेरि नेपालले आफ्नो मुख लुकाउनु पर्ने स्थिति रहेको छ ।

बलिङ्गतर्फ पनि नेपालले नियन्त्रणमा राख्दा राख्दै मलेशिया र हँगकँगलाई १ सय ५० रन भन्दा बढी बनाउन दिएको थियो । नेपालको प्रदर्शन यस्तो थियो जसलाई नेपाल क्रिकेट संघ आफैले सुक्ष्म रुपमा अनुसन्धान गर्नु पर्ने स्थिति आएको छ । सहि ढँगले योजना कार्यान्वयन गर्न नसक्नु खराब नतिजाको कारण रहेको ज्ञानेन्द्र बताउछन् ।

“यो स्तरमा मलेशिया, हँगकँग र सिँगापुर जस्ता टोलीहरु फिल्ड प्लेसमेन्ट र आफूले खेल्ने सटहरुलाई लिएर स्पष्ट छन् र योजना अनुरुप खेल्न सकिरहेका छन् । हामी त्यही पछि परिरहेका छौं । बलिङ्गमा पनि त्यही समस्या आइरहेको छ,” ज्ञानेन्द्रले क्रिकेटिङ्गनेपाललाई थाइल्याण्डमा भने ।

नेपाली क्रिकेट टोलीका पुर्व कप्तान पारस खड्काले समर्थकहरुसँग माफि त मागेका छन् तर यसरी गरेको प्रदर्शनले उत्पन्न नैराश्यतालाई उत्साहमा कसले र कसरी परिणत गर्ने ? यसको जवाफ पारससँग पनि छैन ।
“यहा के गलत भयो यसको ठोस जवाफ म सँग पनि छैन, कसैलाई दोष दिने ठाँउ पनि छैन । हामीले खराब क्रिकेट खेलेका छौं । नेपाल क्रिकेट संघले यो परिणामलाई कसरी हेर्छ यो पनि महत्वपूर्ण रहनेछ,” पारस भन्छन् ।
नेपाली क्रिकेटले २०१४ को आईसिसि वल्र्ड ट्वान्टी ट्वान्टी खेले यता कै सबैभन्दा खराब प्रदर्शन यही नै हो । सिँगापुरमा सामना गरेको पराजय एसियाली स्तरको थियो तर अहिले त नेपाल एसियाली क्रिकेट परिषदले छुट्याएको पुर्वी क्षेत्रीय छनोटबाटै बाहिरिएको छ । नेपाली क्रिकेट धेरैपछि सबैभन्दा तल्लो स्तरमा पुगेकै पहिलो पटक हो । यहा भन्दा तल जाने त अब कुनै बाटो पनि छैन । अब के चिन, थाइल्याण्ड, म्यानमारसँग पनि हार्ने त ?

Headline

साफ च्याम्पियनसिपका लागि नेपाली फुटबल टोलीको घोषणा

wesportz

Published

on

माल्दिभ्समा अक्टोबर १ देखि शुरु हुन गइरहेको साफ च्याम्पियनसिपका लागि नेपाली टोलीको घोषणा भएको छ ।

हाल साफ च्याम्पियनसिपको तैयारीका लागि कतारमा रहेको २५ सदस्यीय नेपाली टोलीबाट प्रशिक्षक अब्दुल्लाह अल्मुताइरीले गोलकिपर बिकेश कुथु र डिफेण्डर राजन गुरुङलाई बाहिर राखेका छन् ।

नेपाली टोलीले आइतबार नै ओमानको राष्ट्रिय टोलीसँग अनौपचारिक मैत्रीपूर्ण खेल्न गइरहेको छ ।

अक्टोबर १६ सम्म हुने साफ च्याम्पियनसिपमा नेपालले आफ्नो पहिलो खेल अक्टोबर १ मै माल्दिभ्स बिरुद्ध खेल्न गइरहेको छ । भुटान र पाकिस्तानको अनुपस्थिति रहेको साफ च्याम्पियनसिप यस पटक राउण्ड रोबिनका आधारमा हुन गइरहेको छ ।

सबै टिमले एक अर्कासँग गरेर कुल चार खेल खेल्नेछन् भने लिगको शिर्ष स्थानमा रहने दुई टोली सिधै फाइनलमा भिड्ने छन् । नेपाल अहिले सम्म साफ च्याम्पियनसिपको फाइनल सम्म पनि पुग्न सकेको छैन ।

नेपाली टोली यस प्रकार रहेको छः

किरण चेम्जोङ, दिप कार्की, बिशाल श्रेष्ठ, दिनेश राजबंशी, सुरज जेउ ठकुरी, अनन्त तामाङ, गौतम श्रेष्ठ, सुमन अर्याल, नितिन थापा, बिशाल राई, सुनिल बल, आशिष लामा, पुजन उपरकोटी, सुमन लामा, तेज तामाङ, अञ्जन बिष्ट, सुजल श्रेष्ठ, सन्तोष तामाङ, नवयुग श्रेष्ठ, आयुष घलान, मनिष डाँगी, कमल थामा, रोहित चन्द

Continue Reading

Headline

भैरहवाका सशक्त प्रदर्शनमा बर्षा बाधक

wesportz

Published

on

बर्षा बाधक बनेपछि एभरेष्ट प्रिमियर लिगमा भैरहवा ग्लेडिएटर्सका दुई डेब्युटेन्टको प्रदर्शन छायामा परेको छ । भारी बर्षाका कारण पोखरा राइनोज र भैरहवाबीचको दिनको दोश्रो खेल रद्द हुन पुग्यो ।

बायाँ हाते तिब्र गतिका बलर दुर्गेश गुप्ताले सनसनीपूर्ण प्रदर्शन गर्दै तीन विकेट लिएपछि पोखराले १० दशमलव १ ओभरमा ६५ रन जोड्दा ७ विकेट गुमाईसकेको थियो । तर भारी बर्षाका कारण मैदानमा पानी जमेपछि खेल रद्द गरिएको थियो ।

धम्मिका प्रसादले पहिलो ओभरमै खतरनाक दक्षिण अफ्रिकी ब्याट्स्म्यान रिचर्ड लेभीलाई शुन्यमै पेभिलियन फर्काएका थिए । त्यसपछि खेलमा दुर्गेशले सनसनीपूर्ण प्रदर्शन गरे ।

ट्यालेन्ट हन्टबाट आएका उनले दोश्रो ओभरमा पाचौं बलमा बिपिन रावल (६) र कप्तान बिनोद भण्डारीको लगालग विकेट लिए । अर्को ओभरमा उनले उत्कृष्ट ढँगले सुनिल धमलालाई बोल्ड गरे ।

अविनाश बोहोराले लोकश बमलाई पनि आरिफ शेखको हातबाट क्याच आउट गराएपछि पोखराले १२ रनमै पाँच विकेट गुमाएको थियो ।

श्रीलंकन खेलाडी असेला गुणरत्नेले केही राम्रा सटहरु खेल्दै २३ रन बनाएपछि रनआउट हुँदा भैरहवाले ४० रनमा छैटौं विकेट गुमायो । चाइनाम्यान बलर तुल बहादुर थापाले पनि आफ्नो पहिलो फ्रान्चाइज खेलमा वेष्ट इण्डिजका केजरिक विलियम्सलाई शुन्यमै पेभिलियन फर्काए ।

aखेल बर्षाले बिथोलिदा बिबेक यादव १६ र बिक्रम सोब ७ रनमा खेलिरहेका थिए ।

Continue Reading

Headline

बिराटनगरलाई अन्तिम बलमा पराजित गर्दै चितवनको बिजयी शुरुवात

wesportz

Published

on

राजेश पुलामी मगरले सुझबुझपूर्ण इनिङ्गस खेल्दै राम्रो फिनिसिङ्ग दिदा चितवन टाइगर्सले एभरेष्ट प्रिमियर लिगमा बिजयी शुरुवात गरेको छ । त्रिवि मैदानमा दिनको पहिलो खेलमा चितवनले २०१७ को बिजेता बिराटनगर वारियर्सलाई दुई विकेटले पराजित गर्यो ।

बलरहरुको मिश्रित प्रदर्शनमा चितवनले बिराटनगरलाई ९ विकेटको क्षतिमा १ सय ५१ रनमै रोक्यो । अफगानिस्तानका बिष्फोटक ओपनर मोहम्मद साहजादलाई शुरुमै गुमाएपनि घरेलु खेलाडीहरुले महत्वपूर्ण ब्याटिङ्ग प्रदर्शन दिदा चितवनले अन्तिम बलमा जित हात पार्यो ।

बिराटनगरले नियमित रुपमा चितवनको विकेट लिएपनि भिम सार्की, दिलिप नाथ र राजेशले जितको आधार खडा गरेका थिए । छरितो ब्याटिङ्ग गरेका भिमले ११ बलमै ३० रन प्रहार गरेका थिए । उनले पाँच चौका र एक छक्का प्रहार गरे ।

दिलिपले दुई छक्का र एक चौकाको मद्दतमा २१ बलमा २३ रन बनाए । अन्तिम बलमा एक रन चाहिएको अवस्थामा स्पिनर अनिल खरेललाई चौका प्रहार गरेका राजेशले ३९ बलमा दुई छक्का र दुई चौकाको मद्दतमा ४३ रन बनाए ।

अन्तिम ओभरमा दुई रन चाहिएको अवस्थामा अनिलले पहिलो पाँच बलमा मात्र एक रन खर्चदै कमल सिँह ऐरिलाई बोल्ड गरेका थिए । बिराटनगरले सिकन्दर रजा र कप्तान करण केसीले २–२ विकेट हात पारे ।

यसअघि सोमपाल कामीले पहिलो ओभरमै दुई विकेट लिएपछि बिराटनगरको शुरुवात राम्रो हुन सकेन । राष्ट्रिय टोलीका स्टार ओपनर आसिफ शेख गोल्डेन डक आउट हुन पुगे भने क्यानडाका रायन पठान (चार) पनि सस्तैमा पेभिलियन फर्किएका थिए ।

दोश्रो ओभरमा चन्द्रपउल हेमराजलाई कमल सिँह ऐरिले बोल्ड गरेपछि बिराटनगरले ९ रनमै तीन विकेट गुमाएको थियो ।

अनिल कुमार साह र रजाले चौथो विकेटका लागि ६१ रनको साझेदारी गर्दै बिराटनगरलाई सम्हालेका थिए । स्पिनर सागर ढकालले त्यसपछि दुई बलमा दुई विकेट लिदै बिराटनगरलाई रोकेका थिए ।

उनले अनिल र सुमित महर्जनको विकेट लिदै चितवनलाई खेलमा फर्काएका थिए । अर्को ओभरमा साहब आलमले करण केसीलाई एक रनमै पेभिलियन फर्काए । ३१ बलमा ३२ रन बनाउदा तीन चौका र एक छक्का प्रहार गरे ।

७३ रनमा ६ विकेट गुमाएको स्थितिबाट रजाले सौरभ खनालसँग ५१ रनको साझेदारी गर्दा निरन्तर रन बटुलेका थिए । रजाले ४७ बलमा ६७ रन बनाए । उनको इनिङ्गसमा ७ छक्का र दुई चौका प्रहार गरेका थिए ।

सौरभले १९ बलमा नटआउट ३० रनको महत्वपूर्ण इनिङ्गस खेलेपछि बिराटगरले डेढ सय रन कटाएको थियो । सोमपाल र सागर बाहेक चितवनका लागि करिम जन्नत र कमलले पनि २–२ विकेट लिएका थिए ।

Continue Reading
Headline13 hours ago

साफ च्याम्पियनसिपका लागि नेपाली फुटबल टोलीको घोषणा

Headline14 hours ago

भैरहवाका सशक्त प्रदर्शनमा बर्षा बाधक

Headline17 hours ago

बिराटनगरलाई अन्तिम बलमा पराजित गर्दै चितवनको बिजयी शुरुवात

Headline1 day ago

म्यानचेस्टर युनाइटेड एस्टन भिल्लासँग स्तब्ध, चेल्सीलाई सिटीले हरायो

Headline2 days ago

काठमाडौंको उत्कृष्ट प्रदर्शन, डिफेन्डिँग च्याम्यिन ललितपुर पहिलो खेलमै पराजित

Headline6 days ago

९० औं मिनेटको गोलले बार्सिलोना जोगियो

Headline7 days ago

नेपाली फुटबल टोलीले बलियो ओमानसँग मैत्रीपूर्ण खेल्ने !

Headline7 days ago

अन्तिम ४ मिनेटमा दुई गोल गर्दै रियलको सनसनीपूर्ण जित

Headline1 week ago

नेपालले ८ बर्षमा पहिलो पटक ओमानलाई हरायो

Headline1 week ago

नेपालको उत्कृष्ट बलिङ्ग, ओमान १ सय २१ रनमै समेटियो

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!