Connect with us

Headline

कोरोनाका कारण नेपालको बिश्वकप क्वालिफायर खेल धकेलिने निश्चित

wesportz

Published

on

बिश्वभर त्रास फैलाइरहेको कोरोना भाइरसले नेपाली फुटबललाई पनि प्रभावित पार्ने निश्चितप्राय बनेको छ ।

नेपालले चैत्र १८ मा बिश्वकप २०२२ र एसिया कप २०२३ अन्तर्गत अष्ट्रेलियासँग दशरथ रँगशालामा खेल्ने कार्यक्रम रहेको छ । तर कोरोना भाइरसका कारण नेपालले आयोजना गर्ने घरेलु म्याचहरु यही भाइरसका कारण नहुने सम्भावन बढेको छ ।

एक अष्ट्रेलियन वेबसाइटले जनाए अनुसार एसियाली फुटबल महसंघले फिफालाई मार्च र जुनमा हुने सम्पूर्ण गतिविधिहरु रद्द गर्न आग्रह गरेको छ । कोरोनाका कारण कैयौं एसियाली देशहरुलाई भ्रमणका लागि बन्देज गरिएको छ ।

एएफसिले आफ्नो पुर्वी क्षेत्रका सदस्य राष्ट्रहरुसँग यस बिषयमा छलफल गरेको छ भने पश्चिम क्षेत्रका राष्ट्रहरुसँगको छलफलपछि निर्णय आउनेछ । फुटबल फेडेरसन अष्ट्रेलिया र अखिल नेपाल फुटबल संघले भने यस बिषयमा औपचारिक रुपमा कुनै जानकारी दिएको छैन ।

मार्च र जुनमा हुने क्वालिफायरका गतिविधिहरु रद्द गरेको खण्डमा ती खेलहरु सेप्टेम्बर, अक्टोबर र नोभेम्बरको विन्डोमा गरिने पनि उक्त अष्ट्रेलियन वेबसाइटले उल्लेख गरेको छ । नेपालले अष्ट्रेलियाबिरुद्ध खेल्नु अघि मार्च २६ मा पनि दशरथ रँगशालामा चाइनिज ताइपेइसँग खेल्ने कार्यक्रम रहेको छ ।

कोरोनाको त्रासका कारण जापानमा यही अगष्टमा हुने ओलम्पिक पनि शंकाको घेरामा परेको छ । चिनको वुहान प्रान्तबाट शुरु भएको कोरोना भाइरसका कारण हालसम्म तीन हजार भन्दा बढी मान्छेको मृत्यु भइसकेको छ । इटालीमा मात्रै ७९ जना मान्छेले ज्यान गुमाएका छन् ।

बिश्व स्वास्थ्य संगठनका अनुसार बिश्वमा कोरोना भाइरसले ९२ हजार जना पिडित बनेका छन् भने ३ हजार १ सय १० ले आफ्नो ज्यान गुमाइसकेका छन् । चिनमा कतिको मृत्यु भएको अहिलेसम्म यकिन हुन सकेको छैन ।

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading

Headline

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

wesportz

Published

on

आफूभन्दा ६१ स्थानमाथि रहेको मालीलाई टाई ब्रेकरमा पराजित गर्दै इक्वेटोरियल गिनी अफ्रिका कप अफ नेसन्सको क्वार्टर–फाइनलमा प्रवेश गरेको छ ।

बुधबार नै भएको पहिलो अन्तिम १६ को खेलमा स्टार फर्वार्ड मोहम्मद सलाहले निर्णायक प्रहारमा गोल गरेपछि इजिप्टले आइभोरि कोस्टलाई पनि पेनाल्टी सुटआउटमै ५–४ ले पराजित गर्यो । आइभोरी कोस्टका एरिक बेलीले गोल गर्न चुक्दा सलाहको प्रहार निर्णायक बनेको थियो ।

सात पटकको च्याम्पियन इजिप्टले अब सेमिफाइनलका लागि मोरक्कोसँग आइतबार खेल्नेछ । प्रतियोगितामा भाग्यमानी साबित भएको इजिप्ट हालसम्म चार खेलमा मात्र दुई गोल गर्दै क्वार्टर–फाइनलमा प्रवेश गरेको हो ।

महादेशीय फुटबल प्रतियोगितामा आइभोरी कोस्टबिरुद्धको ११ औं भेटमा निर्धारित र अतिरिक्त समयमा कुनै गोल हुन नसकेपछि खेल टाई ब्रेकरमा गएको थियो । इजिप्ट आफ्नो समुहबाट तेश्रो स्थानको टोलीको रुपमा अन्तिम १५ मा प्रवेश गरेको थियो ।

अर्को तर्फ गोलकिपर जिजस ओवोनो नायक बन्दा इक्वेटोरियल गिनी ७ बर्षपछि क्वार्टर–फाइनलमा स्थान बनाउन सफल रह्यो । अतिरिक्त समयको समाप्तिमा पनि गोल हुन नसक्दा खेलको निर्णय टाई ब्रेकरबाट भएको थियो ।

१ सय २० मिनेटको फुटबलमा दुवै तर्फबाट जम्मा एक सट अन टार्गेट रहेको थियो । पेनाल्टी सुटआउटमा ओवोनोले दुई प्रहार बचाएका थिए । इक्वेटोरियल गिनीले अब क्वार्टर–फाइनलमा प्रबल दाबेदार सेनेगलको सामना गर्नेछ ।

Continue Reading
Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline24 hours ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!