Headline
आफूलाई साबित गर्न मैदान उत्रदै नेपाल
Published
4 years agoon
By
wesportzएसिसि इस्टर्न रिजन ट्वान्टी ट्वान्टी एसिया कप क्वालिफायर्स अन्तर्गत शनिबार मलेशियाको सामना गर्दो नेपाल ट्वान्टी ट्वान्टी बिश्वकपको ग्लोबल क्वालिफायरमा स्थान बनाउन नसक्दाको पिडा भुलाउने प्रयासमा हुनेछ ।
सबैको अपेक्षा बिपरित नेपाल सिँगापुरमा गत जुलाईमा भएको आईसिसि ट्वान्टी ट्वान्टी वल्र्डकपको एसिया फाइनलमा तेश्रो भएको थियो । चार टिम सम्मिलित एसिया फाइनलमा पहिलो स्थान ओगटेको खण्डमा मात्र नेपाल ग्लोबल क्वालिफायरमा स्थान बनाउने थियो । तर नेपाल कतार र सिँगापुरसँग स्तब्ध हुन पुग्यो ।
कोरोना भइरसका कारण तीन टोलीलले सहभागिता नजनाउने भएपछि राउण्ड रोबिन लिगका आधारमा खेलाउन लागिएको इस्टर्न रिजनबाट पहिलो दुई स्थान हात पार्ने टोली एसिया कप क्वालिफायरमा स्थान बनाउनेछन् भने वेस्टर्न रिजनबाट कुवेत र युएई यसअघि नै छनोट भइसकेका छन् ।
चिर परिचित प्रतिद्वन्दी मलेसिया, हँगकँग, सिँगापुर र आयोजक थाइल्याण्ड समावेश प्रतियोगितामा नेपाल उपाधि दाबेदारको रपमा रहेको छ तर पछिल्लो समयको उतार चढावपूर्ण प्रदर्शन र अन्य टोलीहरुको प्रदर्शनले नेपाल ढुक्क हुन भने सक्दैन । प्रतियोगितामा थाइल्याण्ड सबैभन्दा कमजोर टोलीको रुपमा रहेको छ ।
नेपालका कप्तान ज्ञानेन्द्र मल्ल नेपाललाई आफूलाई एकपटक फेरि साबित गरेर देखाउने पर्ने समय आएको बताउछन् । “हामीले बिश्व क्रिकेटमा आफूलाई साबित गर्ने भने आफ्नो स्तरको टोलीलाई सजिलै पराजित गरेर देखाउन सक्नपर्छ । गत बर्ष हामीले सिँगापुरमा खराब प्रदर्शन गरेको थियौं र यो प्रतियोगिता मार्फत हामी त्यो स्तरको टोली होइनौं भनेर पनि आफूलाई साबित गरेर देखाउनुपर्नेछ,” ज्ञानेन्द्रले क्रिकेटिङ्गनेपाललाई बैंककमा भने ।
पछिल्लो एक बर्ष ठूलै संख्यामा ट्वान्टी ट्वान्टी क्रिकेट खेल्दै आएको कारण नेपाली टोली प्रतियोगिता जित्नका लागि तयार रहेको ज्ञानेन्द्र बताउछन् । “हामी गत बर्ष राम्रै संख्यामा प्रतियोगिताहरु खेलेका थियौं जसले गर्दा केही नया खेलाडीहरुको पनि राष्ट्रिय टोलीमा आगमन भएको छ । अहिले जुन तरिकाको क्रिकेट खेलिरहेको छौं त्यसले हामीलाई राम्रै प्रदर्शन गर्न प्रेरित गरेको छ,” उनले भने ।
नेपालले पछिल्लो पटक मलेसियालाई उसकै घरमा भएको ट्वान्टी ट्वान्टी श्रंखलामा २–० ले हराएको थियो । सन् २००९, नोभेम्बरमा भएको एसिसि ट्वान्टी ट्वान्टी कपमा ६ विकेटले पराजित भएयता नेपाल अहिलेसम्म मलेसियासँग हारेको छैन । सिनियर क्रिकेटमा नेपालले मलेशियासँग हारेको त्यही एक पटक मात्र हो । तर मलेशियाले थाइल्याण्ड आउनु अघि हँगकँगलाई पाँच म्याचको ट्वान्टी ट्वान्टी अन्तर्राष्ट्रिय श्रृंखला ५–० ले ह्वाइट वास गरेको थियो ।
उमेश पटवालको बहिरगमनपछि पुन नेपाली प्रशिक्षक नियुक्त भएका जगत टमाटा भने नेपाल च्याम्पियन बन्नै थाइल्याण्ड आएको बताउछन् । “हामी अहिले राम्रै लयमा खेलिरहेका छौं र जति पनि सहभागि टिमहरु छन् उनीहरुको बिरुद्ध आफ्नो शतप्रतिशत दिने हो भने जितेरै फर्किनेछौं,” टमाटाले भने ।
निकै गर्मि हुन थालिसकेको थाइल्याण्डमा नेपालले शनिबार साढे १ बजेदेखि खेल्नेछ । आद्रता अधिक रहेपनि आफ्नो खेलाडीहरुलाई त्यसले केही फरक नपार्ने टमाटा बताउछन् । “केटाहरुले धेरै जसो खेलहरु यस्तै गर्मि हुने देशहरुमै खेल्दै आइरहेका छन् । त्यसैले मौसमले खासै फरक पार्दैन,” टमाटाले भने ।
नेपालले खेलिरहदा एक पटक फेरि ओपनिङ्ग कस्ले गर्नेमा सबैको ध्यान केन्द्रित हुनेछ । पछिल्लो केही समय कप्तान पारस खड्काले ओपनिङ्ग सम्हालिरहेका छन् भने उनलाई कसले साथ दिने निश्चित भएको भने छैन । नेपालका लागि ज्ञानेन्द्र र पारसले नै ओपनिङ्ग गर्ने सम्भावना रहेको छ । “अहिले नै कसले गर्ने भनेर पक्का भइसकेको छैन तर शायद मैले र पारसले नै ओपनिङ्ग गछौं होला,” ज्ञानेन्द्रले भने ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।