Connect with us

Headline

के गदैछ बर्सिलोनाको प्रख्यात २००३ को ला मसिया टोली ?

wesportz

Published

on

स्पेनिस फुटबल महारथी धेरै कुराको लागि प्रख्यात छ र त्यो मध्ये एक हो उसको प्रख्यात ला मासिया एकेडेमी । ला मासियाबाटै लिओनेल मेस्सी, जावी, कार्लेस पुयोल र पेप गार्डिओला जस्ता खेलाडीहरु बार्साको युवा टोलीका लागि एक समय सँगै खेल्ने गर्दथे ।

म्यानचेस्टर युनाइटेडको प्रसिद्ध “क्लास अफ नाइन्टी टु” संसारकै उत्कृष्ट एकेडेमीको रुपमा स्थापित हुने पुगेको चर्चा ब्यापक थियो । तर के तपाईं पत्याउनु हुन्छ यदी हामीले बर्सिलोनाको यो २००३ को अण्डर–१५ टोलीले म्यानचेस्टर युनाइटेडको प्रसिद्ध “क्लास अफ नाइन्टी टु” लाई उपाधीको लागि चुनौती दिएको थियो भन्दा ? यही टोली जसले विश्वमा आफ्नो छुटै पहिचान बनाएको थियो ति खेलाडीहरु के गर्दै होलान् त ?

ड्यानी प्लान्चेरिया

गोलकिपर प्यानचेरियाले आफ्नो करियरको अधिकांश समय स्पेनको तल्लो लिगमा बिताए । ला मासिया छोडे पछि उनी बर्सिलोना फर्कन चाहेनन् । उनले बार्सिलोना बी टीमका लागि ग्वार्डियोलासँग खेलेका थिए । त्यो पनि उनीहरूलाई स्पेनको तेस्रो श्रेणीमा पदोन्नति गराउन । धेरै कम लिग क्लबहरूमा सम्मिलित हुनु अघि उनको करियरले उचाइ लिन सकेन । प्लान्चेरियाले भर्खरै सन्यास लिएका हुन् ।

होजे हिनोजोसा

हिनोजोसा बार्सिलोना स्टार फाब्रेगासका रुम पार्टनर थिए । उनले आफ्नो फुटबल कारीयरलाई कहिल्यै व्यवसायिक बनाएनन् । बरु उनी क्याटालोनियामा युवा फुटबलरहरुको प्रशिक्षक छन् भने स्थानीय अमेच्योर क्लब मार्टिनेंकका लागि खेल्छन् ।

जेरार्ड पिके

पिकेले बार्सिलोनाका लागि ५७२ खेल खेलिसकेका छन् । उनले आफ्नो जीवनको चार वर्ष म्यानचेस्टर युनाइटेडमा बिताएका थिए । उनले सोच्न सक्ने जति हरेक सम्मान जितेका छन् –विश्वकप, युरोपियन च्याम्पियनसिपको दुई संस्करण, च्याम्पियन्स लिग र ला लिगाका धेरै उपाधिहरु पनि ।

मार्क भेलिएन्ते

भेलिएन्ते एक प्रभावशाली डिफेन्डर थिए र युवा स्तरमा बार्साका कप्तान पनि । तर पहिलो टोलीका लागि भने उनले केवल एक खेल मात्र खेले । उनले अरू कतै सफलता फेला पारे भने ती थिए सेभिया र रियल भालाडोलिडका लागि । २०१९ मा स्पोर्टिंग गिजोनमा अवद्ध भएका उनी अहिले त्यही खेल्दै छन् ।

सेस फाब्रिगास

फाब्रिगास पनि ला मासिया एकेडेमीको सबैभन्दा ठूलो मध्येको एक नाम बन्न पुगे । बार्सा छोडेपछि उनले आफूलाई आर्सेनलमा विश्वका सर्वश्रेष्ठ मिडफिल्डर मध्ये एकको रुपमा स्थापित गरे, त्यो पनि ला लिगा जित्नको लागि क्याम्प नउ फर्कनु भन्दा पहिले । त्यसपछि उनी इङ्गल्यान्ड फर्किए, चेल्सीका लागि खेल्न । चेल्सीका लागि इङ्गलिस प्रिमियर लिग पनि जित्दै उनी फ्रेञ्च क्लब मोनाको पुगे ।

रोजर गिरीबेट

अप्रत्याशित रूपमा गिरीबेटले बार्साका लागि लागि मेस्सीसँग एकै दिन अनुबन्धन भएका थिए । दुःखको कुरा, उनको क्यारियरले मेस्सीसँग मेल नै खान सकेन । यी डिफेन्डरले बार्साको पहिलो टिममा स्थान बनाउन सकेनन् र प्लान्चेरियाले जस्तै आफ्नो क्यारियरको अधिकांश सयम तल्लो श्रेणीमै बिताए । गिरिबेट हाल स्पेनको क्षेत्रीय छैटौं श्रेणीमा खेल्ने गर्छन् ।

फ्रान्क सोंगोे

सोंगोले क्यामप नउमा कहिले आफ्नो स्थान बनाएनन् तर उनले २००५ मा पोर्टस्माउथ जादै प्रिमियर लिगमा खेले । लोनमा बर्नमाउथ, प्रेस्टन, क्रिष्टल प्यालेस र सेफिल्ड वेन्स्डेमा जानुअघि उनले पोर्टसमाउथका लागि दुई सिजन खेले । सोंगोले कहिल्यै इङ्गिलिस फुटबलमा भिझ्न सकेनन् । अमेरिकाको मेजर लिग सकर टिम पोर्टल्याण्ड टिम्बरर्सबाट २०१४ मा सन्यास लिनुअघि उनले केही समय स्पेनको रियल जारागोजा र अल्बासेटमा लोनमा खेलेका थिए ।

जुलियो डे डियस मोरेनो

उनी अर्का मिडफिल्डर हुन् जो कहिल्यै शिर्ष टोलीमा परेनन् । २० बर्षको हुँदा बार्सा छोडेपछि मोरेनोले स्पेनको ९ वटा तल्लो श्रेणीको टिमबाट खेलेका थिए । हुवेस्काको बैकल्पिक एसडी इयासँग खेलिरहेका उनी धेरै जसो बार्सिलोनाको बि टिम बिरुद्ध खेल्न उत्रने गर्छन् ।

लिओनेल मेस्सी

के हामीले वास्तवमा मेस्सीको बारेमा केहि भन्नु आवश्यक होला त ? उनी सर्वकालीन महान फुटबलर भैसकेका छन् । उन्ले यस्तो विरासत बनाएका छन् जुन फुटबल इतिहासमा सधै लागि अमर रहनेछ । ६ बालोन डी ओर, ३५ ट्रफी र ६३७ गोल । ला मासियाबाट बार्साको पहिलो टिमका उनले ६२६ खेल खेलिसकेका छन् । बार्साले उनी जस्तो खेलाडी शायद अब कहिले पनि देख्ने छैन ।

युजेनियो पिटु

पिटु अर्को प्रभावशाली युवा खेलाडी थिए जसले पहिलो टिममा सफलता चाख्न सकेनन् । उनी क्याटलोनिया छोडेर मायोर्काको बि टिमका साथै अन्य पाँच वटा तल्लो श्रेणीका क्लबहरुबाट खेल्न पुगेका थिए । उनी अहिले सेर्डनियोलामा आफ्नो दोस्रो सिजनमा चलिरहेका छन् । सेर्डनियोल स्पेनको चौथो श्रेणीको क्लब हो ।

जुआन्जो क्लाउसी

क्लाउसी मेस्सी र फाब्रेगासको उपस्थितिमै बार्साको युवा टोलीका लागि सबै सेट–पिसहरू लिने गर्दथे । यसको चर्चा पछि दुवै खेलाडी महानतातर्फ अग्रसर हुदा चल्ने गर्दथ्यो । उनी एउटै क्लबमा कहिल्यै बस्न सकेनन् । उनको बानी नै क्लब चाहर्ने भईसक्यो । अहिले सम्म १५ वटा क्लबबाट खेलीसकेका उनी टुरिस्ट फुटबलरको रुपमा चर्चित छन् । क्लाउसी अहिले चौथो श्रेणीमा पटेर्नाबाट खेल्ने गर्छन् ।

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading

Headline

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

wesportz

Published

on

आफूभन्दा ६१ स्थानमाथि रहेको मालीलाई टाई ब्रेकरमा पराजित गर्दै इक्वेटोरियल गिनी अफ्रिका कप अफ नेसन्सको क्वार्टर–फाइनलमा प्रवेश गरेको छ ।

बुधबार नै भएको पहिलो अन्तिम १६ को खेलमा स्टार फर्वार्ड मोहम्मद सलाहले निर्णायक प्रहारमा गोल गरेपछि इजिप्टले आइभोरि कोस्टलाई पनि पेनाल्टी सुटआउटमै ५–४ ले पराजित गर्यो । आइभोरी कोस्टका एरिक बेलीले गोल गर्न चुक्दा सलाहको प्रहार निर्णायक बनेको थियो ।

सात पटकको च्याम्पियन इजिप्टले अब सेमिफाइनलका लागि मोरक्कोसँग आइतबार खेल्नेछ । प्रतियोगितामा भाग्यमानी साबित भएको इजिप्ट हालसम्म चार खेलमा मात्र दुई गोल गर्दै क्वार्टर–फाइनलमा प्रवेश गरेको हो ।

महादेशीय फुटबल प्रतियोगितामा आइभोरी कोस्टबिरुद्धको ११ औं भेटमा निर्धारित र अतिरिक्त समयमा कुनै गोल हुन नसकेपछि खेल टाई ब्रेकरमा गएको थियो । इजिप्ट आफ्नो समुहबाट तेश्रो स्थानको टोलीको रुपमा अन्तिम १५ मा प्रवेश गरेको थियो ।

अर्को तर्फ गोलकिपर जिजस ओवोनो नायक बन्दा इक्वेटोरियल गिनी ७ बर्षपछि क्वार्टर–फाइनलमा स्थान बनाउन सफल रह्यो । अतिरिक्त समयको समाप्तिमा पनि गोल हुन नसक्दा खेलको निर्णय टाई ब्रेकरबाट भएको थियो ।

१ सय २० मिनेटको फुटबलमा दुवै तर्फबाट जम्मा एक सट अन टार्गेट रहेको थियो । पेनाल्टी सुटआउटमा ओवोनोले दुई प्रहार बचाएका थिए । इक्वेटोरियल गिनीले अब क्वार्टर–फाइनलमा प्रबल दाबेदार सेनेगलको सामना गर्नेछ ।

Continue Reading
Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline1 day ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!