Connect with us

Headline

प्रिमियर लिगमा लिभरपुलको दुर्लभ संघर्ष

wesportz

Published

on

यो सिजन इङ्गलिस प्रिमियर लिगमा मुस्किलले संघर्ष गरेको लिभरपुलले सोमबार रातिको रोमाञ्चक खेलमा पुनरागमन गर्दै वेष्ट ह्यामलाई पराजित गरेको छ ।

एन्फिल्डमा भएको खेलमा वेष्ट ह्यामले ६७ औं मिनेटसम्म २–१ को अग्रता कायम गरेको थियो । तर मोहम्मद सलाह र सादिओ मानेले गोल गरेपछि लिभरपुलले ३–२ को जित हात पार्यो । जितपछि लिभरपुल प्रिमियर लिगको उपाधिका लागि मात्र चार जित टाढा रहेको छ ।

लिभरपुलको २७ खेलमा ७९ अंक रहेको छ भने दोश्रो स्थानको म्यानचेस्टर सिटीको ५७ र लेस्टर सिटीको ५० अंक छ । चौथो स्थानको चेल्सीको ५४ अंक रहेको छ । लिभरपुल १९९० पछि पहिलो पटक प्रिमियर लिगको उपाधि तर्फ अग्रसर बनेको हो ।

जितपछि लिभरपुलले डिसेम्बर २०१७ मा म्यानचेस्टर सिटीले कायम गरेको लगातार १८ जितको किर्तिमानको बराबरी पनि गरेको छ । योर्गेन क्लोपको लिभरपुलले अक्टोबरमा सिटीसँग १–१ को बराबरी खेले यता प्रिमियर लिगमा अंक गुमाएको छैन ।

वेस्ट ह्यामका गोलकिपर लुकाज फाबियान्स्कीले जोर्जिन्हो वाइनाल्डमको सामान्य हेडरलाई बचाउन नसक्दा लिभरपुलले ९ मिनेटमै अग्रता लिएको थियो । तर त्यसको तीन मिनेटपछि नै इसा डियोपले गोल गर्दै खेल बराबरीमा ल्याएका थिए । पाब्लो फोर्नल्सले ५४ औंं मिनटमा गोल गरेपछि लिभरपुलको २७ म्याचको अपराजित यात्रा टुङ्गिने खतरा बढेको थियो ।

खराब रात बिताइरहेका फाबियान्स्कीले सलाहको प्रहारलाई ताँग मुनिबाट जान दिएपछि लिभरपुलले ६८ औं मिनेटमा बराबरी गर्यो । टे«न्ट एलेक्जेन्डर–आर्नोल्डको पासमा मानेले ८१ औं मिनेटमा गोल गरेपछि लिभरपुल बिजयी बन्यो । लिभरपुलका गोलकिपर एलिसनले खेलेको अन्त्यतिर जारोड ब्राउनको प्रहार बचाएपछि वेष्ट ह्याम अभागी साबित भयो ।

Headline

बुटवल लुम्बिनी नेपाल सुपर लिगको प्ले अफमा

wesportz

Published

on

सुमन लामाले एक मात्र निर्णायक गोल गरेपछि बुटवल लुम्बिनी एफसी नेपाल सुपर लिगको प्ले अफका लागि छनौट भएका छन् ।

८० औं मिनेटमा ओमालाजा करिमले निस्वार्थ भावनामा दिएको पासमा सुमनले गोल गरेपछि बुटवल लुम्बिनी धनगढी एफसीलाई पराजित गर्दै प्ले अफका लागि छनौट भयो ।

बुटवल लुम्बिनीको जितसँगै पोखरा थण्डर्सको प्ले अफ आशा समाप्त हुन पुग्यो । समना ८ अंक रहेको अवस्थामा बुटवल लुम्बिनीले पोखरालाई हेड टु हेडमा पछि पारेको हो । समुह चरणमा बुटवल लुम्बिनीले पोखरालाई २–० ले हराएको थियो ।

प्ले अफको एलिमिनेटरमा अब बुटवल लुब्निीले ललितपुर सिटी एफसीसँग खेल्नेछ । ललिपुरले यसअघि भएको आफ्नो अन्तिम लिग खेलमा बिराटनगर सिटी एफसीलाई ४–० ले पराजित गरेको थियो ।

एलिमिनेटरको बिजेताले धनगढी र काठमौं रेजर्सबीच हुने क्वालिफायरको पराजित टोलीसँग खेल्नेछ । धनगढी र काठमाडौंबीचको बिजेता सिधै फाइनलमा खेल्नेछ ।

धनगढी र काठमाडौंको समान १० अंक छ । काठमाडौंले लिग चरणको अन्तिम खेलमा आइतबार एफसी चितवनसँग खेल्नेछ ।

Continue Reading

Headline

अन्जनको २ गोल, एक असिस्टमा ललितपुर प्ले अफमा

wesportz

Published

on

अन्जन बिष्टले उत्कृष्ट प्रदर्शन गर्दै दुई गोलसहित अर्को गोलमा असिस्ट गरेपछि ललितपुर सिटी एफसी प्रतियोगितामा सनसनीपूर्ण पुनरागमन गर्दै नेपाल सुपर लिगको प्ले अफमा प्रवेश गरेको छ ।

निकै तनावपूर्ण खेलमा अन्जनले पहिलो हाफमा एक गोल गर्नुका साथै दोश्रो हाफमा एक असिस्ट र अर्को गोल थप्दै बिराटनगर सिटी एफसीमाथि ४–० फराकिलो जित दिलाउदै ललितपुरलाई प्ले अफसम्म डोर्याए । जितपछि ललितपुर ९ अंकसहित तेश्रो स्थानमा लिग चरण समाप्त गर्यो ।

हारपछि उत्कृष्ट देखिएको बिराटनगरको टोली भने बाहिरिएको छ । बिराटनगरको ७ अंक रह्यो । धनगढी एफसी र बुटवल लुम्बिनी एफसीबीच दिनको दोश्रो खेलले प्लेअफ पुग्ने अन्तिम टोलीको निक्र्यौल गर्नेछ । धनगढी यसअघि नै प्लेअफमा पुगिसकेको छ भने बुटवललाई जितको आवश्यकता रहेको छ ।

शनिबारको पहिलो खेलमा बिराटनगरले रेफ्रिको निर्णय प्रति असन्तुष्टि जनाउदै खेल बहिष्कार गर्ने निर्णय लिँदै आफ्नो खेलाडीहरु फिर्ता बोलाउदा तनाव उत्पन्न भएको थियो । ५२ औं मिनेटमा सुनिल बल बक्स भित्र लड्दा बिराटनगरको अफिसियलहरु टच लाईनमा असन्तुष्ट जनाउदै आक्रमक रुपमा प्रस्तुत भएका थिए ।

६२ औं मिनेटमा अन्जनको असिस्टमा बिमल रानाले गोल गरे लगत्तै बिराटनगरले आफ्नो खेलाडीहरुलाई फिर्ता बोलाएको थियो । यसले गर्दा खेल ७ मिनेट रोक्किएको थियो । आयोजक र एन्फा अधिकारीहरुको लामो कसरत पछि बिराटनगरले खेलाडीहरुलाई मैदान फर्काएको थियो । अन्तिम २० मिनेट बिजय धिमाल दोहोरो पहेलो कार्ड पाउदै मैदान बाहिरिएपछि बिराटनगर १० खेलाडीमा सिमित भएको थियो ।

खेल बहिष्कार गर्दै मैदान छोडेपछि बिराटनगरको बेञ्च

खेलको मुख्य आकर्षण भने अन्जन बिष्ट रहे । यसअघि धनगढीबिरुद्ध पेनाल्टी मिस गरेका अन्जनले शनिबार ३५ औं मिनेटमा सुन्दर गोल गर्दै अग्रता दिलाएका थिए । लगातार दवाब बनाइरहदा कमल श्रेष्ठले प्रहार गरेको फ्रि–किकमा दर्शनीय डाइभिङ सेभ गर्दै बिराटनगरका गोलकिपर किशोर गिरिले कर्नरका लागि पठाएका थिए । किशारले कर्नरमा नुर्लानले नजिकैबाट दिएको टचलाई रोकपनि रिबाउण्डमा अञ्जनले साइड भलिमा बललाई केही अगाडी ड्रप गराउदै गोल गरेका थिए ।

५७ औं मिनेटमा बिराटनगरले लगातार दवाब बनाउदै गर्दा सुनिल बलको कर्नरमा मनिष डाँगीको फ्रेममै रहेको हेडरलाई अर्पण कार्कीले मुस्किलले बचाएका थिए ।

६३ ओं मिनेटमा अन्जनले काउन्टर अट्याकमा राम्रो दौड लगाउदै निकालेको क्रसमा बिमल रानाले खाली पोस्टमा गोल गरेका थिए । ८१ औं मिनेटमा कमल श्रेष्ठको फ्रि–किकमा अन्जनले फ्रि–हेडरमा निकै सुन्दर गोल गरेका थिए । ९३ औं मिनेटमा नुर्लानले अर्को गोल गर्दै ललितपुरको जित फराकिलो बनाएका थिए ।

Continue Reading

Headline

नेपाल सुपर लिगः ललितपुरलाई बिराटनगरबिरुद्ध १–० को अग्रता

wesportz

Published

on

नेपाल सुपर लिग अन्तर्गत दुवै टोलीले जित्नै पर्ने खेलमा ललितपुर सिटी एफसीले बिराटनर सिटी एफसीबिरुद्ध १–० को अग्रता लिएको छ ।

अञ्जन बिष्टले गोल गरेपछि ललितपुर दिनको पहिलो खेलको पहिलो हाफमा अग्रता लिएको हो । सातौं मिनेटमा ललितपुरले पहिलो मौका गुमायो । मिक्चेन तामाङले ६ यार्ड नजिक ड्रप गरेको फ्रि–किकलाई भिलिम पोसिन्कोभिचले ट्याप गर्न सकेनन् ।

१४ औं मिनेटमा दिवाकर चौधरीको लामो क्रस ललितपुर गोलकिपर अर्पण कार्कीले फुस्काउदा आडेलाजाले टाइट एँगलमा मौका पाएका थिए तर उनले बललाई नियन्त्रणमा राखेर प्रहार गर्न सकेनन् । दुई मिनेटपछि नै बिराटनगरका गोलकिपर किशोर गिरीले नुर्लान जाहिदालाई वान भर्सेस वान स्थितिमा रोकेका थिए ।

३५ औं मिनेटमा लगातार दवाब बनाइरहदा ललितपुरलाई मार्की प्लेयर तथा कप्तान अञ्जन बिष्टलाई अग्रता दिलाएका थिए । कमल श्रेष्ठले प्रहार गरेको फ्रि–किकमा दर्शनीय डाइभिङ सेभ गर्दै कर्नरका लागि पठाएका थिए ।

किशारले कर्नरमा नुर्लानले नजिकैबाट दिएको टचलाई रोकपनि रिबाउण्डमा अञ्जनले साइड भलिमा बललाई केही अगाडी ड्रप गराउदै गोल गरेका थिए ।

Continue Reading
Headline2 mins ago

बुटवल लुम्बिनी नेपाल सुपर लिगको प्ले अफमा

Headline3 hours ago

अन्जनको २ गोल, एक असिस्टमा ललितपुर प्ले अफमा

Headline4 hours ago

नेपाल सुपर लिगः ललितपुरलाई बिराटनगरबिरुद्ध १–० को अग्रता

Headline6 hours ago

प्रिमियर लिगमा आज: चेल्सी विरुद्ध खेल्दा सिटीलाई उपाधि पक्का गर्ने मौका

Headline9 hours ago

ला लिगाको निर्णायक खेलमा बार्सा र एट्लेटिको भिड्दै

Headline10 hours ago

नेपाल सुपर लिगमा आज ‘सुपर स्याटर्डे’

Headline11 hours ago

लेस्टरलाई स्तब्ध पार्दै न्युकासल रेलिगसेनबाट जोगिन मात्र एक अंक टाढा

Headline24 hours ago

नाटकीय खेलमा चितवनलाई हराउदै पोखराको प्लेअफ आशा कायम

Headline1 day ago

नेपाल सुपर लिगः पोखरा र चितवनबीचको पहिलो हाफ बराबर

राष्ट्रिय1 day ago

विश्वकप खेल्ने सपनाको सुरुवात गर्दै महिला क्रिकेट टोली

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline1 week ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!