Connect with us

Headline

बालुवाटार बिरुद्ध केसीटीसी जीत नजिक 

wesportz

Published

on

सुर्य तामांङ र तिलक भण्डारीले घातक बलिङ गरे पछि हिमालय क्रिकेट लिग यु१९ दुई दिवसीय क्रिकेट प्रतियोगिता अन्तर्गत काठमाडौँ क्रिकेट ट्रेनिंग सेन्टर (केसीटीसी) बिरुद्धको खेलको पहिलो दिनको खेलको समाप्तीमा बालुवाटार क्रिकेट क्लब निरिह भएको छ ।
दोश्रो दिनको खेलको समाप्तीमा बालुवाटारले आफ्नो दोश्रो पारीमा पाँच विकेट गुमाएर मात्र ४२ रन जोडेको छ र केसीटीसीले पहिलो पारीमा बनाएको २०१ रन भन्दा १०६ रनले पछि रहेको छ ।
खेलमा टस हारेर पहिले ब्याटिंङ गरेको बालुवाटारले २३ दशमलब तीन ओभरमा आफ्ना सबै विकेट गुमाएर मात्र ५३ रन बनाउन सक्यो । बालुवाटारको तर्फबाट सागर थापाले सर्वाधिक ११ रन बनाए भने अन्य कुनै पनि ब्याट्सम्यानले दोहोरो अंकमा रन जोड्न सकेनन् ।
बालुवाटारलाई सस्तैमा समेट्ने क्रममा केसीटीसीका तिलक भण्डारीले घातक बलिङ गर्दै सात दशमलब तीन ओभरमा दुई मेडन सहित १४ रन खर्चिएर पाँच विकेट लिए भने सुर्य तामांङले पनि तीन विकेट हात पारे ।
त्यस्तै केसीटीसीले आफ्नो पहिलो पारीमा ५५ दशमलब तीन ओभरमा नौं विकेटको नोक्सानीमा २०१ रन बनाएर आफ्नो पारी सकिएको घोषणा गर्यो । उसका लागि ओपनर बिपिन आचार्यले सर्वाधिक ७२ रन बनाए भने कप्तान सचिन लाखःले पनि ३६ रन जोडे ।
बालुवाटारका राजन जिसी र दिनेश जंग बुढा मगरले समान तीन-तीन विकेट हात पारे ।
पहिलो पारीमा १४८ रनले पछि परेको बालुवाटारले आफ्नो दोश्रो पारीमा पनि खराब ब्याटिंङ गर्दै २६ ओभरमा पाँच विकेट बनाएर ४२ रन मात्र बनाउन सक्यो । उसका लागि दोश्रो पारीमा प्रशान्त पण्डितले सर्वाधिक १२ तथा नविन तामांङले ११ रन जोडे ।
केसीटीसीलाई जीत तर्फ लग्ने क्रममा तीलक भण्डारीले दोश्रो पारीमा नौं ओभर बलिङ गर्दै चार मेडन सहित मात्र १० रन खर्चिएर दुई विकेट लिए भने सुरज तामांङ, सुर्य तामांङ र बिपिन आचार्यले समान १-१ विकेट हात परे ।

Click to comment

Leave a Reply

Your email address will not be published. Required fields are marked *

Headline

प्रिमियर लिगमा आजः म्यानचेस्टर युनाइटेड र ब्राइटन, चेल्सी र वेष्ट ब्रोम भिड्दै

wesportz

Published

on

इङ्गलिस प्रिमियर लिगको तेस्रो चरणका खेलहरु आजबाट सुरु हुदैछन् । पहिलो खेलमा म्यानचेस्टर युनाइटेडले ब्राइटनको समाना गर्दै छ ।

पहिलो खेलमा क्रिस्टल प्यालेससँग हारेको युनाइटेड अंक बिहिन रहेको छ भने ब्राइटनले आफ्नो पहिलो खेल चेल्सीसँग पराजय बेहोरेपनि दोस्रोमा न्युकासल युनाइटेडलाई ३–० गोलले हराउदै तीन अंक बटुलिसकेको छ ।

ब्राइटनको टोली निकै बलियो देखिएको छ । युवा खेलाडी तारिक लाम्पटीको उपस्थिती ब्राइटनका लागि निकै महत्वपूर्ण हुने छ । आज हुने खेलमा युनाइटेडका लागि नयाँ खेलाडी डोनी भ्यान डि बिकले सुरुवाती ११ बाट खेल्ने सम्भावना बलियो रहेको छ ।

यस सिजनको प्रिमियर लिगमा आफ्नो दोस्रो खेल खेल्दै गर्द युनाइटेडलाई जितको दवाव हुने छ । खेल नेपाली समय अनुसार साँझ ५ः१५ मा सुरु हुने छ ।

अर्को खेलमा क्रिष्टल प्यालेस र एभर्टन भिड्दै छन् । आ–आफ्ना दुवै खेल खेल जित्दै ६ अंक बटुलिसकेका यी टोलीको खेल रोमान्चक हुने आशा गरिएको छ । जेम्स रोड्रिगेजको आगमनसँगै फरक उर्जामा देखिएको एभर्टनले म्यानचेस्टर युनाइटेडलाई अघिल्लो खेलमा हराएको क्रिष्टल प्यालेसको समाना गर्न गइरहेको हो ।

खेल नेपाली समय अनुसार ७ः४५ मा सुरु हुने छ ।

दिनको तेस्रो खेलमा चेल्सीले नव प्रवेशी वेष्ट ब्रोमको समाना गर्ने छ । पहिलो दुवै खेलमा पराजित भएको वेष्ट ब्रोमलाई चेल्सी अर्को बलियो प्रतिद्वन्दीको रुपमा परेको हो ।

चेल्सी लिभरपुलसँग अघिल्लो खेलमा २–० ले पराजित हुन पुगेको थियो भने वेष्ट ब्रोमले एभर्टनको पाँच गोल खान पुगेको थियो । नयाँ खेलाडीको आगमनसँगै बलियो देखिएको चेल्सीलाई दोस्रो खेल हारेसँगै यो खेल जित्नै पर्ने दवाव हुने छ ।

खेल नेपाली समय अनुसार १०ः१५ मा सुरु हुने छ ।

Continue Reading

Headline

अघिल्लो सिजन मेस्सीले आफ्नो नाममा लेखाएका १० किर्तिमान

wesportz

Published

on

बार्सिलोनासँगको लामो कसरतका बावजुद बार्सिलोनामै बस्ने भएपछि लियोनल मेस्सी त्यो अध्यायपछि आइतबार स्पेनिस ला लिगाको सिजनको आफ्नो पहिलो खेलमा भिलारियाल बिरुद्ध उत्रदैछन् । च्याम्पियन्स लिगको सहभागिताका कारण ढिलो सिजन शुरु गर्न गइरहेको बार्सिलोना यो सिजन रियल म्याड्रिडबाट स्पेनिस ला लिगा फिर्ता लिन चाहन्छ ।

तर सबैको नजर नचाहदा नचाहदै पनि बार्सिलोनामै बस्न बाध्य मेस्सी क्लबका लागि यो सिजन कस्तो खेल्नेछन् भन्नेमा हुनेछ । अघिल्लो सिजन उपाधि बिहिन रहेपनि मेस्सीले क्लबका लागि भने थुप्रै किर्तिमान बनाएका थिए । के–के थिए त ती किर्तिमानहरुः

१. ला लिगामा लगातार १६ सिजन गोल गर्ने पहिलो खेलाडी

मेस्सीले २०१९–२० को सिजनको शुरुवाती चरणका खेलहरु पिड़ुलाको चोटका कारण गुमाउन बाध्य भए । उनको अनुपस्थितीमा बार्साले ठुलै संघर्ष गर्न पर्यो । उक्त सिजन सेभिया विरुद्धको खेलमा पहिलो पटक खेलेका मेस्सीले फ्रि–किक मार्फत उत्कृष्ट गोल गरे । आफ्नो टोलीलाई ४–० को जित दिलाउन मद्धत गरेका उनले ला लिगाको लगातार १६औं सिजनमा गोल गर्ने किर्तिमान आफ्नो नाममा लेखाए ।

२. लगातार च्याम्पियन्स लिगको १५ सिजनमा गोल गर्ने पहिलो खेलाडी

च्याम्पियन्स लिगको समुह चरणमा डर्टमन्ड र इन्टर मिलान विरुद्ध गोल गर्न नसकेका मेस्सीले स्लाभिया प्राग विरुद्ध गोल गर्दै बार्सालाई २–१ को जित दिलाए । उक्त खेलमा गोल गर्दै उनले च्याम्पियन्स लिगको लगातार १५ खेलमा गोल गर्ने किर्तिमान आफ्नो नाममा लेखाए ।

त्यस्तै उनले रियल म्याड्रिड लेजेण्ड राउल गोञ्जालेज र क्रिष्चियानो रोनाल्डोले धेरै टोली विरुद्ध (३३ टोली) गोल गर्ने किर्तिमानको पनि बराबरी गरे ।

३. फ्रि–किक मार्फत ५० औं गोल

ला लिगा अन्तर्गत रियल भालाडोलिड विरुद्धको खेलमा मेस्सीले फ्रि–किक मार्फत आफ्नो गोल संख्या ५० पुर्याए । तर पनि फ्रि–किक मार्फत सर्वाधिक गोल गर्ने किर्तिमानबाट भने उनी अझै पनि धेरै टाढा छन् । फ्रि–किक मार्फत सर्वाधिक गोल गर्ने किर्तिमान जुनिन्हो पेर्नामबुकानोको नाममा रहेको छ ।

पेर्नामबुकानोले फ्रि–किक मार्फत ७७ गोल गरेका थिए भने उक्त किर्तिमान भंग गर्न मेस्सीलाई अझै २८ गोल आवश्यक रहेको छ ।

४. च्याम्पियन्स लिगमा भिन्न ३४ टोलीविरुद्ध गोल गर्ने पहिलो खेलाडी

गत सिजनको च्याम्पियन्स लिग अन्तर्गत समुह चरणको पाँचौं खेलमा बार्सिलोनाले जर्मन बुन्डेसलिगा क्लब बोरुसिया डर्टमन्डको दोश्रो लेगमा सामना गर्यो । नोभेम्बरको अन्त्यमा भएको खेलको ३३ औं मिनेटमा मेस्सीले गोल गर्दै ३४ भिन्न टोलीका लागि गोल गर्ने पहिलो खेलाडीको किर्तिमान कायम गरे ।

यस क्रममा उनले राउल र रोनाल्डोको नाममा रहेको ३३–३३ गोलको किर्तिमान भंग गरेका हुन् । त्यस्तै उक्त गोलसँगै मेस्सीले बार्साको लागि आफ्नो गोल संख्य ७०० पनि पुर्याएका थिए ।

५. ६ वटा बालोन डी’ओर जित्ने पहिलो खेलाडी

डिसेम्बर ३ मा मेस्सीले बालोन डी’ओर जिते । यस अघि रोनाल्डोसँग समान ५–५ पटक बालोन डी’ओर जितेका मेस्सीले सन् २०१९ मा बालोन डी’ओर जित्दै छैटौं पटक बिश्व फुटबलको सबैभन्दा प्रतिष्ठित व्यक्तिगत पुरस्कार जित्ने किर्तिमान कायम गरे ।

पहिलो पटक सन् २००९ मा बालोन डी’ओर जितेका मेस्सीले त्यस पछिका लगातार तीन बर्षमा र २०१५ मा बालन डी’ओर हात पारेका थिए ।

६. ला लिगामा ३५ वटा ह्याट्रिक गर्ने पहिलो खेलाडी

गत बर्ष छैटौं पटक बालोन डी’ओर जितेका मेस्सीले त्यसको भोलीपल्ट मायोर्का विरुद्धको खेलमा ह्याट्रिक गर्दै बार्सालाई ५–२ गोलको जित दिलाउन मद्धत गरे र ला लिगामा आफ्नो ३५ औं ह्याट्रिक पुरा गरे । यससँगै ३२ बर्षिय मेस्सीले रोनाल्डोसँग ला लिगामा बराबरीमा रहेको सर्वाधिक ह्याट्रिकको किर्तिमानलाई पछि पार्दै नयाँ रेकर्ड राखे ।

७. ला लिगाको लगातार १२ सिजन २० भन्दा धेरै गोल गर्ने पहिलो खेलाडी

कोरोनाका कारण रोकिएको ला लिगा फेरी सुचारु हुँदा मेस्सीले मायोर्का विरुद्धको खेलको इन्जुरी समयमा गोल गर्दै २०१९–२० को सिजनमा आफ्नो गोल संख्या २० पुर्याए । यससँगै मेस्सी ला लिगामा लगातार १२ सिजन २० वा त्यो भन्दा धेरै गोल गर्ने पहिलो खेलाडी पनि बने । गत सिजन मेस्सीले कुल २५ गोल गरे ।

८. २० गोल र २० असिस्ट गर्ने दोश्रो खेलाडी

रियल भालाडोलिड विरुद्धको खेलमा बार्साले १–० गोल अन्तरले मात्र जित हात पार्न सक्यो । तर पनि उक्त खेलम मेस्सीले फेरी अर्को एउटा किर्तिमान आफ्नो नाममा लेखाउन सफल रहे ।

मेस्सीको पासमा आर्टुरो भिडालले गोल गर्दै बार्सालाई जित दिलाएका थिए । यससँगै मेस्सी आर्सनलका थियरी हेनरी पछि एकै सिजन २० गोल र २० असिस्ट गर्ने दोश्रो खेलाडी भने । त्यस्तै उनले बार्सिलोनाको लागि जाभी हर्नान्डेजको नाममा रहेको २० असिस्टको किर्तिमानको पनि बराबरी गरे ।

९. ला लिगाको एकै सिजन २१ असिस्ट गर्ने पहिलो खेलाडी

सन् २०१९–२० को सिजनको अन्तिम खेलमा अन्सु फातीले मेस्सीको पासमा गोल गरे । उक्त असिस्ट पछि मेस्सीले जाभी हर्नान्डेजसँग बराबरी गरेको किर्तिमान आफ्नो नाममा लेखाए । रियल भालाडोलिड विरुद्धको खेलमा असिस्ट गर्दै हर्नान्डेजले सन् २००८–०९ को सिजनमा बनाएको २० असिस्टको किर्तिमान बराबरी गरेका मेस्सीले अलाभेस विरुद्धको खेलमा असिस्ट संख्या २१ पुर्याएका थिए ।

१०. ला लिगामा सातौं पटक सर्वाधिक गोलकर्ताको उपाधि

अलाभेस विरुद्धको खेलमा २१ असिस्टको किर्तिमान बनाएका मेस्सीले सोही खेलमा अर्को किर्तिमान पनि आफ्नो नाममा लेखाउन सफल भए । बार्साको ५–० को जितमा उनले दोश्रो तथा पाँचौं गोल गरे र उक्त सिजन आफ्नो गोल संख्या २५ पुर्र्याए ।

उनले सातौं पटक ला लिगामा सर्वाधिक गोलकर्ताको उपाधि हात पारे । यस क्रममा उनले टेल्मो जाराको किर्तिमानलाई पछाडी छोडेका थिए ।

Continue Reading

Headline

पाँच देश जहाँ फुटबल लोकप्रिय खेल मानिदैन

wesportz

Published

on

फुटबललाई विश्वले मन पराउने गर्छ । फुटबल विश्वकप पृथ्वीको आधी जनसंख्याले हेर्ने गर्छन् । युरोपियन लिग र अन्य धेरै लिगहरु विश्वकै सबै भन्दा लोकप्रिय प्रतियोगिताहरु मध्ये पर्ने गर्छन् । तर आज हामी यस्ता देशको बारे लेख्दै छौँ जहाँ फुटबललाई धेरै रुचाइदैइन ।

५) अष्ट्रेलिया

पाँच पटक फिफा विश्वकप खेले पनि अष्ट्रेलियामा फुटबल लोकप्रिय खेलकुद मनिदैन । अष्ट्रेलियामा फुटबल बाहेक अन्य धेरै नौलो खेलहरु खेल्ने गरिन्छ । धेरै खेलकुद मनपराउने अष्ट्रेलियनहरु फुटबल भने धेरै रुचाउदैनन् । बरु उनीहरु छुट्टै किसिमको रुल्स फुटबलका ठुला समर्थक हुन् ।

रुल्स फुटबलसँगै अष्ट्रेलियामा क्रिकेट र रग्बीको लोकप्रियताले आकाश छुने गरेको छ । अष्ट्रेलियन क्रिकेट र रग्बी दुवैमा जहिले पनि बिश्वकप दाबेदार हुने गर्दछ । उसले क्रिकेट बिश्वकप चार र रग्बी बिश्वकप दुई पटक जितिसकेको छ । रग्बीमा अष्ट्रेलियाको टिमलाई वालबी भन्ने गरिन्छ ।

बिश्वकप नजितेको कारण नै अष्ट्रेलियनहरुको लागि फुटबल पहिलो रोजाइमा पर्दैन । केही वर्ष यता भने अष्ट्रेलियाको माथिल्लो श्रेणीको फुटबल ए–लिगमा धेरैले चासो दिएको देख्न पाईन्छ । युरोपियन फुटबलहरुमा पनि अष्ट्रेलियन खेलाडीहरुको राम्रै उपस्थिति रहे पनि अष्ट्रेलियनहरुका लागि क्रिकेट र रुल्स फुटबलको माया कसैले कम गर्न सक्दैन ।

४) क्यानडा

यदी तपाईं चिसो ठाउँमा बस्नु हुन्छ भने फुटबल तपाईंको लागि लोकप्रिय खेल नहुनु कुनै नौलो कुरा हैन । यस्तै क्यानडा पनि त्यही देशहरु मध्ये पर्दछ । एक पटक विश्वकपमा आफ्नो स्थान बनाएको क्यानडाका लागि फुटबल त्यति लोकप्रिय खेल भने होइन । फुटबलको स्थानमा क्यानडेली नागरिकहरु आइस हक्की धेरै मन पराउछन् ।

क्यानडेली क्लब भए पनि टोरोन्टो एफसी अमेरिकी लिग एमएलएसमा खेल्ने गर्छ । एमएलसमा टोरन्टो एफसीको खेल गत बर्ष धेरै समर्थकहरुले हेरेका थिए । तर पनि क्यानडामा फुटबललाई त्यती लोकप्रिय खेल भने मनिदैन । निकै सानो जनसंख्या रहेको क्यानडामा गत सिजन टोरन्टो र्याप्टर्सले अमेरिकन बास्केटल लिग एनबिए जित्दा बास्केटबलको समर्थकहरु भने ह्वात्तै बढेका छन् ।

३) अमेरिका

उत्तर अमेरिकामा जम्म दुई देश छन्, क्यानडा र अमेरिका । क्रिकेट बाहेक संसारका सबै खेल खेल्ने अमेरिकामा कुन खेल सबैभन्दा लोकप्रिय भन्ने बिषयमा विवाद भाईरहने गर्छ । तर फुटबल लोकप्रियमध्ये भने पर्दैन ।

अमेरिकनहरुले फुटबललाई सकर भन्छन् र उनीहरुले अमेरिकन फुटबल भन्ने गरेको खेल अन्तर्राष्ट्रिय रग्बीको आफ्नै परिमार्जित रुप हो । यसका आफ्नै नियमहरु रहेका छन् । नेशनल फुटबल लिग (एनएफएल) अमेरिकामा सबैभन्दा चर्चित र लोकप्रिय खेल हो । यसलाई त्यहा धर्मको रुपमा नै लिने गरिन्छ । यदि कसैले एनएफलको बिषयमा कुरा गर्न सक्दैन भने उ त्यो संवादमा फिट मानिदैन ।

अमेरिकाले खेलकुदमा आफ्नै दुनिया बसाएको छ । बेसबल, बास्केटबल र आइस हक्की पनि त्यहा निकै लोकप्रिय छन्, लामै समय देखि । अमेरिकाले १९९४ मा बिश्वकप आयोजन गरेपछि मात्रै त्यहा फुटबल लिग शुरु गरिएको हो । मेजर लिग सकर त्यहाको प्रथम श्रेणीको फुटबल हो ।

१९८६ देखी लागतार विश्वकप खेल्दै आएको अमेरिकी फुटबल टोली २०१८ को विश्वकपमा छनोट हुन भने चुकेको थियो । तर अमेरिकाको नयाँ पुस्ताका फुटबल खेलाडीहरु निकै उत्कृष्ट मानिने गरिन्छ । बिभिन्न अनुसन्धानहरुले भने अमेरिकामा फुटबल लोकप्रिय हुन धेरै समय नलाग्ने बताउछ ।

२) लिथुवानिया

युरोपियन देश भएर पनि फुटबल लोकप्रिय नभएको देश मध्ये पर्ने गर्दछ लिथुवानिया । लिथावानियामा बस्केटबल निकै लोकप्रिया खेल मानिन्छ । बस्केटबलमा धेरै उपाधी हात पारेको लिथवानियाको बास्केटबल टोली विश्वको उत्कृष्ट टोलीमा चौथोँ स्थानमा रहेको छ । फुटबललाई त्यसत नरुचाउने लिथुवानियनहरु बास्केटबल बाहेक एथ्लेटिक्स र साइकलिङलाई धेरै रुचाउने गर्छन् ।

लिथवानियन फुटबल टोली फिफाको बरियतामा १ सय ३१ औं स्थानमा रहेको छ । लिथवानियाले अहिले सम्म विश्वकप खेल्न सकेको छैन भने युरो कपको छनोट चरणबाटै बाहिरिदै आएको छ ।

१) भारत

भारत क्रिकेटको लागि पागल देश हो । फुटबल उनीहरुको रोजाइमा पर्दैन । बरु घरेलु फुटबल भन्दा बढी उनी युरोपियन लिग बढी फलो गर्ने गर्छन् । म्यानचेस्ट युनाइटेड भारतमा सबैभन्दा बढी फलो गरिने टोली हो । भारतमा पहिले हक्की सबैभन्दा बढी रुचाइएको खेल हुने गर्दथ्यो, कारण हो भारत ओलम्पिकमा हक्कीको स्वर्ण बिजेता नै थियो ।

तर पछि १९८३ मा क्रिकेट बिश्वकप जितेपछि हक्की पनि उनीहरुको पहिलो रोजाइबाट बाहिरियो । भारतले दुई पटक ५० ओभरको क्रिकेट बिश्वकप जितिसकेको छ ट्वान्टी ट्वान्टी बिश्वकपको पहिलो संस्करणको बिजेता पनि हो । २००७ मा पहिलो संस्करणको ट्वान्टी ट्वान्टी बिश्वकप जितेपछि भारतमा इण्डियन प्रिमियर लिग शुरु भयो र त्यसपछि क्रिकेटको लोकप्रियता झनै चुलियो ।

आइपिएलमा दर्शकको उपस्थिति इटालियन सिरी आ मा भन्दा बढी हुने गरेको छ । भारतले क्रिकेटकै शैलिमा इण्डियन सुपर लिग शुरु त गर्यो तर यसले लोकप्रियता पाउन सकेको छैन । दर्शकको अनुपस्थितिका कारण नै आईएसएल अहिले पनि घाटामा चलिरहेको लिग हो ।

Continue Reading
Headline3 hours ago

प्रिमियर लिगमा आजः म्यानचेस्टर युनाइटेड र ब्राइटन, चेल्सी र वेष्ट ब्रोम भिड्दै

IPL 20203 hours ago

पहिलो जितको खोजीमा कोलकाता र हैदराबाद भिड्दै

Headline7 hours ago

अघिल्लो सिजन मेस्सीले आफ्नो नाममा लेखाएका १० किर्तिमान

IPL 202017 hours ago

चेन्नाई माथि फराकिलो जित दर्ता गर्दै दिल्ली अंक तालिकाको शिर्ष स्थानमा

IPL 202019 hours ago

दिल्लीले चेन्नाईलाई दियो १७६ रनको लक्ष्य

IPL 202021 hours ago

दिल्ली पहिले ब्याटिङ गर्दै, सन्दिप आज पनि बेन्चमा

IPL 202021 hours ago

दिल्लीले चेन्नाईको सामना गर्दै, पाउलान् त सन्दिपले मौका ?

Headline24 hours ago

पाँच देश जहाँ फुटबल लोकप्रिय खेल मानिदैन

Headline1 day ago

सुपर कपको जित सँगै सिजनको सबै उपाधि जितेको बायर्न

Headline1 day ago

भावुक सुवारेजका लागि बार्सिलोनाबाट बहिर्गमन स्विकार्न गाह्रो

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 days ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending