Connect with us

Trending

कसले फर्काउने घरेलु फुटबलको साख ?

Published

on

दिपेश तिमलसिना, काठमाडौं

नेपाली फुटबल विश्वका चर्चित लिगबाट धेरै टाढा छ । अहिले त इण्डियन सुपर लिग पनि नेपालको लागि सपना झै हुन थालिसकेको छ । नेपाली फुटबलको पछिल्लो पुस्ता भने भावनात्मक रुपमा मात्रै यरोपियन लिगका क्लबहरुसँग जोडिएका छन् । यसले नेपाली जनतामा फुटबलप्रतिको प्रेम झल्काउछ ।

दर्शकहरु घरको छत, आफ्नो गाडी र कोठाको भित्ता समेत मनपर्ने क्लबका झण्डा फहराउछन् र उनीहरूको टिमको बारेमा कडा तर्कमा संलग्न हुन्छन् । यस्तै कहानी केही दशक अघिसम्म नेपालमा हुने गर्दथ्यो जब दशरथ रंगशालामा दर्शक घरेलु क्लबमा समर्थन गर्न आउदथे ।

तर नेपाली घरेलु फुटबलको उत्कृष्ट समय देख्नेहरू अहिले यसका सबै भन्दा खराब दृश्यहरूको साक्षि भइरहेका छन् ।

किन यस्तो ?

वर्तमान र भूतपूर्व खेलाडी, पदाधिकारी र प्रशंसकहरूलाई थाहा छ त्रुटिपूर्ण संरचनाको कारणले नेपाली फुटबल जटिल अवस्थामा पुगेको हो भनेर । क्लबहरु अनुदानमा चल्नु परिरहेका छ र यसको कारण हो आधुनिक फुटबलमा खेलाडीहरुको स्वभाविक रुपमा बढीरहेको भाउ जसलाई एउटा मुख्य प्रायोजकले दिने गरेको रकमले मात्र धान्न असम्भव नै छ ।

विकसित राष्ट्रका क्लबहरुलाई यो अवस्थाबाट गुज्रिनु नै पदैन । नेपाली क्लबहरू सँग अझै पनि युथ एकेडेमी, आफ्नै मैदान, जिम र दीर्घकालीन सम्झौताहरू त छैनन् नै साथै भविष्यका कार्यक्रमहरू बिना गैर–व्यवसायिक दृष्टिकोणले फुटबल गतिविधिहरु सञ्चालन गरिरहेका हुन्छन् ।

आन्तरिक किचलोको कारणले नै होला नेपाली फुटबलको सर्वोच्च निकाय अखिल नेपाल फुटबल संघ फूटबललाई सकारात्मकता नदिन मै खुसी देखिन्छ । घरेलु फूटबललाई पुरानै रुपमा फर्काउन यस कार्यसमितिबाट धेरैले आशा राखेका थिए ।

४० को शुरुवात देखी ६० को दशकको अन्त्यसम्मको घरेलु फुटबलको लोकप्रियता युवा पुस्तालाई परिकथा जस्तो लाग्न सक्छ । यो पुस्ता अहिले युरोपियन फुटबलको रमझममा चुर्लुम्म डुबेको छ । शहीद स्मारक लिग नै अहिले किशोर अवस्थाबाट बुढेसकालमा ढल्किन लागेका युवाहरुको मनोरन्जनको मुख्य साधन हुने गर्दथ्यो ।

४० को दशकमा आरसिटी, संकटा, एनआरटी, महाविर, जनकपुर चुरोट कारखाना, नेपाल एयरलाइन्स जस्ता क्लबले खेल्दा रंगशालामा प्रवेश पाउन समेत हम्मे–हम्मे पथ्र्याे । ६० को दशकमा त्यही संख्याको भीड थ्रीस्टार, मनाङ, आर्मी र पुलिसले आकर्षित गर्न थाल्यो ।

गत हप्तामात्र यस सिजनको सहिद स्मारक ए डिभिजन लिग सकियो । तर दर्शक उल्लेखनीय संख्यामा उपस्थित नहुदा अधिकांश खेलहरु नीरस बन्न पुगे । विगतमा सयौं वा हजारौं फुटबल प्रशंसकहरू आफ्नो टोलीको खेल हेर्न काठमाडौँ बाहिरबाट पनि आउने गर्थे । तर अब त्यो माहोल रहेन । यसको जिम्मा फुटबलमा संग्लन सबैले लिन सक्नुपर्छ – संघ, क्लब, खेलाडी र यसलाई गम्भिर भएर हेर्ने गरेका दर्शकले पनि ।

३० र ४० को दशकमा फुटबलका धेरै नामहरु स्टार थिए । ती मध्ये गणेश थापा, मणि शाह, रुपक राज शर्मा, श्रीराम रन्जितकार, धिरेन प्रधान, सुरेश पन्थी, कृष्ण थापा, मान बहादुर मल्ल, वाइ बी घले, नरेन्द्र मान सिंह, राजु शाक्य, उमेश प्रधान, अशोक केसी, केदार मानन्धर र ज्ञानीराजा श्रेष्ठ थिए ।

५० र ६० को दशकमा उपेन्द्रमान सिंह, राकेश श्रेष्ठ, देवनारायण चौधरी, निराजन रायमाझी, वसन्त थापा, हरि खड्का, कुमार थापा, बाल गोपाल महर्जन, अनन्त थापा, मधु कार्की, प्रदिप महर्जन, रमेश बुढाथोकी, जुमानु राई, रोहित चन्द, सागर थापा लगायतका खेलाडीले घरेलु फुटबलको विरासत धान्न पुगे ।

रोहित चन्द बाहेक अन्य कुनै पनि खेलाडी एकेडेमीबाट आएका थिएनन् । टोलमै फूटबल शुरु गरेर अन्तर्राष्ट्रिय स्तरमा ख्याती कमाएका खेलाडीहरु फूटबलसँग भावनात्मक सम्बन्ध गासेर खेल्ने गर्थे । नेपाली फूटबलमा व्यवसायिकताको शुरुवात भएकै धेरै भएको छैन ।

अहिले खेलिरहेका प्राय खेलाडीहरुमा पनि पारिश्रमिक बाहेक अन्य कुरामा व्यावसायिक देखिदैन । खेलाडीहरुमा जिम्मेवारीपन नभएको लिगको दौरान प्रशिक्षकहरु आफै भन्दै हिंड्ने गरेका थिए ।

अब क्लब, संघ र खेलाडीहरुले आफुले के गर्दा मैदानमा दर्शक तान्न सकिन्छ भनेर सोच्ने बेला आएको छ । अन्तर्राष्ट्रिय मान्यता अनुरुप चल्ने हो भने क्लबको आम्दानीको सबै भन्दा ठूलो स्रोत नै दर्शक हो । खेलमा बिक्रि हुने टिकेट र क्लबको लोकप्रियता देखेर आउने प्रयोजनले नै क्लबलाई टिकाउन सक्छ ।

Headline

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Published

on

क्विन्टन डि ककको शतक तथा मार्कस स्टोइनिसले अन्तिम दुई बलमा दुई विकेट निकाल्दा लखनउ सुपर जयान्ट्सले कोलकाता नाइट राइड़र्स माथि दुई रनको सनसनीपूर्ण जित निकाल्दा १५ औँ संस्करणको इन्डियन प्रिमियर लिग (आईपीएल) को प्लेअफमा आफ्नो स्थान सुरक्षित गरेको छ ।

यस सिजन नव प्रवेशी टोलीहरु लखनउ र गुजरात टाइटान्सले मात्र प्लेअफको लागि आफ्नो स्थान पक्का गर्न सकेका छन् । आजको खेलमा पराजित हुँदा कोलकाता मुम्बई इन्डियन्स र चेन्नाई सुपर किंग्स पछि प्लेअफबाट बाहिरिने तेश्रो टोली बनेको छ । समुह चरणमा खेलेका १४ खेल पछि १८ अंक बटुल्दै लखनउ अंक तालिकाको दोश्रो स्थानमा छ । सनराइजर्स हैदराबाद र पन्जाब किंग्सको पनि समान १२-१२ अंक नै रहे पनि उनीहरुको अझै एक खेल हातमा छ भने कोलकाताले आफ्नो १४ खेल खेलिसक्दा १२ अंक मात्र जोड्न सक्यो ।    

ओपनरद्वय क्विन्टन डि कक र केएल राहुलले कीर्तिमानी ब्याटिङ गर्दा खेलमा टस जितेर पहिले ब्याटिङ गरेको लखनउले पुरै २० ओभर खेल्दा कुनै पनि विकेट नगुमाई २१० रनको विशाल योगफल बनायो भने कोलकाताले पनि २० ओभर खेल्दै आठ विकेटको नोक्सानीमा २०८ रन मात्र जोड्न सक्यो ।

कोलकातालाई अन्तिम ओभरमा जितका लागि २१ रन आवश्यक रहेको अवस्थामा रिंकु सिंहले मार्कस स्टोइनिसको पहिलो चार बलमा क्रमश चौका, लगातार दुई छक्का र दुई रन जोड्दै जित नजिक पुर्याए । तर अन्तिम ओभरको पाँचौँ बलमा रिंकु सिंह र अन्तिम बलमा उमेश यादवको विकेट निकाल्दै स्टोइनिसले लखनउलाई दुई रनको सनसनीपूर्ण जित दिलाउँदै प्लेअफको यात्रा पनि तय गराए । 

ओपनरद्वय वेंकटेश ऐयर शून्य तथा अभिजित तोमर चार रनमा आउट हुँदा निकै खराब सुरुवात गरेको कोलकाताको लागि कप्तान श्रेयस ऐयर र नितिश राणाले तेश्रो विकेटका लागि २७ बलमा ५६ रनको साझेदारी गर्दै पारी सम्हाले । आक्रामक पारी खेलेका राना २२ बलमा ४२ रन जोड्दै पेभेलियन फर्किए ।

ऐयरले राणाको विकेटको पतन पछि क्रिजमा आएका विकेट किपर साम बिलिङ्ससँग मिलेर  ४० बलमा ६६ रन जोड्दै कोलकाताको पारी अघि बढाए । २९ बलमा ५० रन बनाएका ऐयर र २४ बलमा ३६ रन बनाएका बिलिङ्सको विकेटको पतन पछि क्रिजमा आएका आन्द्रे रसेल पनि ११ बलमा पाँच रन जोड्दै आउट हुँदा कोलकाता दबाबमा आयो ।

१५ बल खेलेका रिंकु सिंहले दुई चौका र चार छक्काको मद्दतमा ४० तथा सुनिल नारायणले सात बलमा २१ रन जोड्दै कोलकातालाई जित नजिक पुर्याए पनि अन्तिम दुई बलमा लगातार दुई विकेट गुमाउँदा हारको सामना गर्न बाध्य भयो । 

कोलकातालाई रोक्ने क्रममा चार ओभरमा २० तथा दुई ओभरमा २३ रन खर्चिएका मोहसिन खान र मार्कस स्टोइनिसले समान ३-३ विकेट हात पारे ।

यस अघि लखनउको लागि अविजित रहेका विकेट किपर क्विन्टन डि कक र कप्तान केएल राहुलले क्रमश १४० र ६८ रनको पारी खेले । खेलको प्लेयर अफ द म्याच घोषित डि ककले ७० बलमा समान १०-१० चौका र छक्का तथा राहुलले ५१ बलमा तीन चौका र चार छक्का प्रहार गरे । आईपीएलको इतिहासमा कुनै पनि जोडीले पुरै २० ओभर खेलेको यो पहिलो घटना हो भने पहिलो विकेटका लागि सबैभन्दा ठुलो साझेदारी पनि हो ।   

 

Continue Reading

Headline

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Published

on

नेपाल क्रिकेट संघ (क्यान) का अध्यक्ष चतुर बहादुर चन्दले एभरेस्ट प्रिमियर लिग (ईपीएल) आयोजना गर्नका लागि संघले स्वीकृति नदिएको बताएका छन् । 

आज काठमाडौँमा क्यानले आफ्नो आधिकारिक फ्रेन्चाइज लिग नेपाल टि-२० लिगको मिति घोषणा गर्न आयोजना गरेको कार्यक्रममा ईपीएललाई क्यानले कुनै पनि स्वीकृति नदिएको बताएका हुन् ।

केही दिन अघि मात्र आयोजक एभरेस्ट प्रिमियर लिग प्रालीले पाँचौँ संस्करणको ईपीएल आगामी नोभेम्बर १२, कार्तिक २६ गतेबाट आयोजना गर्ने जनाएको थियो । तर अध्यक्ष चन्दले आफुहरुले यसका लागि कुनै स्वीकृति नदिएको जनाए ।

क्यानका कार्यवाहक सचिव प्रशान्त बिक्रम मल्लले पनि उक्त कार्यक्रममा बोल्दै ईपीएल आयोजकबाट स्वीकृतिका लागि आफूलाई इमेल आएको भए पनि यस विषयमा बोर्डमा केही निर्णय नभएको बताए । 

“आईसीसीको नियम अनुसार नै पनि कुनै पनि देशमा एउटा फ्रेन्चाइज लिग भन्दा आयोजना गर्न मिल्दैन । क्यानले आफ्नै आधिकारिक लिग आयोजना गर्न लागेको हुँदा यस बाहेक अन्य लिग आयोजना गर्न सम्भव हुँदैन,” चन्दले भने । “कुनै पनि आयोजकले फ्रेन्चाइज लिग आयोजना गर्दा हाम्रो अर्थात् क्यानको स्वीकृति चाहिन्छ । तर ईपीएलको हकमा न हामीले स्वीकृति दिएका छौँ न दिन नै मिल्छ ।” अध्यक्ष चन्दले स्थानीय तहका रुपमा आयोजना गर्ने हो भने अन्य लिग सान्चलन गर्न दिन सकिने बताए । 

 क्यानले आज एक कार्यक्रमको आयोजना गर्दै नेपाल टि-२० लिग सार्वजनिक गर्नुको साथै मिति पनि घोषणा गरेको छ । असोज आठ गतेबाट सुरु हुने प्रतियोगिता कार्तिक पाँच गते सम्म टीयू क्रिकेट मैदानमा सञ्चालन हुनेछ । होम एण्ड अवेमा आयोजना हुने खेलमा सहभागी ६ टोलीले एक आपसमा दुई पटक भिड्ने छन् । क्यानले ६ फ्रेन्चाइज ६ भिन्न शहरको नाममा राखिने र उक्त टोलीहरु केही समयमा नै सार्वजनिक गर्ने पनि जनाएको छ । यस सिजन एकै स्थानमा खेलाइए पनि अर्को सिजनबाट टोलीमा बढोत्तरी गर्नुको साथै होम एण्ड अवेमा खेलाइने पनि क्यानले जनाएको छ । 

क्यानले नेपाल टि-२० लिगको कमर्सियल पार्टनरका रुपमा भारतीय कम्पनी सेभेन थ्री स्पोर्ट्सलाई भित्राएको छ । यस अघि क्यानको साधारण सभाले १० वर्षका लागि ४२ करोड लिने निर्णय लिएको भए पनि अब आठ वर्षका लागि ३३ करोड नेपाली रुपैयाँ लिने भएको छ ।

सेभेन थ्री स्पोर्ट्सले क्यानलाई कमर्सियल पार्टनर भए बापत दिने रकम बाहेक टीयू क्रिकेट रंगशाला स्तनोत्तरी न्तरी लागि पनि रकम खर्च गर्ने क्यानले आज आयोजित कार्यक्रममा जानकारी दिएको थियो ।

क्यानले नेपाल टि-२० लिगका खेलाडीहरुको वर्गीकरण तीन समुहमा गरेको छ । क्यानका कार्यवाहक सचिव प्रशान्त बिक्रम मल्लले जनाए अनुसार ग्रेड सी का खेलाडीहरुको न्यनतम तलब पाँच लाख, ग्रेड बी का खेलाडीहरुको १० लाख तथा ग्रेड ए का खेलाडीहरुको न्यूनतम तलब १५ लाख हुनेछ ।   

  

Continue Reading

Headline

नेपाल टि-२० लिग असोजमा, खेलाडीको तलब न्यूनतम पाँच लाख 

Published

on

नेपाल क्रिकेट संघ (क्यान) ले आयोजना गर्ने नेपाली टि-२० लिग आगामी असोजमा आयोजना हुने भएको छ । क्यानले आज एक कार्यक्रमको आयोजना गर्दै नेपाल टि-२० लिग सार्वजनिक गर्नुको साथै मिति पनि घोषणा गरेको हो ।

असोज आठ गतेबाट सुरु हुने प्रतियोगिता कार्तिक पाँच गते सम्म टीयू क्रिकेट मैदानमा सञ्चालन हुनेछ । होम एण्ड अवेमा आयोजना हुने खेलमा सहभागी ६ टोलीले एक आपसमा दुई पटक भिड्ने छन् । क्यानले ६ फ्रेन्चाइज ६ भिन्न शहरको नाममा राखिने र उक्त टोलीहरु केही समयमा नै सार्वजनिक गर्ने पनि जनाएको छ । यस सिजन एकै स्थानमा खेलाइए पनि अर्को सिजनबाट टोलीमा बढोत्तरी गर्नुको साथै होम एण्ड अवेमा खेलाइने पनि क्यानले जनाएको छ । 

क्यानले नेपाल टि-२० लिगको कमर्सियल पार्टनरका रुपमा भारतीय कम्पनी सेभेन थ्री स्पोर्ट्सलाई भित्राएको छ । यस अघि क्यानको साधारण सभाले १० वर्षका लागि ४२ करोड लिने निर्णय लिएको भए पनि अब आठ वर्षका लागि ३३ करोड नेपाली रुपैयाँ लिने भएको छ ।

सेभेन थ्री स्पोर्ट्सले क्यानलाई कमर्सियल पार्टनर भए बापत दिने रकम बाहेक टीयू क्रिकेट रंगशाला स्तनोत्तरी न्तरी लागि पनि रकम खर्च गर्ने क्यानले आज आयोजित कार्यक्रममा जानकारी दिएको थियो ।

क्यानले नेपाल टि-२० लिगका खेलाडीहरुको वर्गीकरण तीन समुहमा गरेको छ । क्यानका कार्यवाहक सचिव प्रशान्त बिक्रम मल्लले जनाए अनुसार ग्रेड सी का खेलाडीहरुको न्यनतम तलब पाँच लाख, ग्रेड बी का खेलाडीहरुको १० लाख तथा ग्रेड ए का खेलाडीहरुको न्यूनतम तलब १५ लाख हुनेछ ।   

Continue Reading
Headline7 hours ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline9 hours ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline10 hours ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline13 hours ago

आदिल, धमला र किशोर पहिलो पटक एकदिवसीय टोली

Headline1 day ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline2 days ago

खराब फिल्डिङका कारण जित नजिक पुगेर पनि हार्यो नेपाल 

Headline2 days ago

नेपालले दियो १०२ रनको चुनौतिपूर्ण लक्ष्य 

Headline2 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline3 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline3 days ago

नेपाली महिला खेलाडीको तलबमा भारी वृद्धि  

Headline3 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline4 days ago

चेन्नाई माथि शीर्ष स्थानको गुजरातको सहज जित   

Headline4 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL4 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline5 days ago

यु१९ टोलीकी रोय पहिलो पटक राष्ट्रिय टोलीमा

Headline5 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline6 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline1 week ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline1 week ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline1 week ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline7 hours ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline9 hours ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline10 hours ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline13 hours ago

आदिल, धमला र किशोर पहिलो पटक एकदिवसीय टोली

Headline1 day ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline2 days ago

खराब फिल्डिङका कारण जित नजिक पुगेर पनि हार्यो नेपाल 

Headline2 days ago

नेपालले दियो १०२ रनको चुनौतिपूर्ण लक्ष्य 

Headline2 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline3 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline3 days ago

नेपाली महिला खेलाडीको तलबमा भारी वृद्धि  

Headline3 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline4 days ago

चेन्नाई माथि शीर्ष स्थानको गुजरातको सहज जित   

Headline4 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL4 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline5 days ago

यु१९ टोलीकी रोय पहिलो पटक राष्ट्रिय टोलीमा

Headline5 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline6 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline1 week ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline1 week ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline1 week ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Trending

error: Content is protected !!