Connect with us

Headline

कस्तो बन्छ ए डिभिजन लिगको ‘ड्रिम टिम’ ?

wesportz

Published

on

शनिबार नेपाली घरेलु फुटबलको सबैभन्दा ठूलो प्रतियोगिता शहीद स्मारक ए डिभिजन लिग क्लबले बिट मार्यो । फाइनल सरह रहेको अन्तिम लिग खेलमा मच्छिन्द्रले आर्मीलाई १–० ले हराउदै उपाधिसँगै ५० लाख नगद पुरस्कार पनि हात पार्यो । मच्छिन्द्रका लागि यो ऐतिहासिक उपलब्धि थियो ।

करिब दुई महिना घरेलु फुटबल चलायमान बन्दा नयाँ खेलाडीको आगमन त हुन्छ नै सँगै खेलाडीको क्षमताको पनि उत्तिकै परिक्षण हुने गर्छ । हरेक पोजिसनमा उत्कृष्ट प्रदर्शन गर्ने खेलाडीहरुको सुचि तयार पार्ने क्रममा विस्पोर्टज्ले पनि लिगको उत्कृष्ट ११ को टोली बनाएको छ । हेरौ गौरव फुयालले बनाएको लिगकै उत्कृष्ट ११ ।

गोलकिपरः प्रिसो (थ्रिस्टार)

मच्छिन्द्र च्याम्पियन बनेको लिगमा धेरै विदेशी खेलाडीले आफ्नो प्रभाव जमाउन सफल भए । केही विदेशी खेलाडीहरुको प्रदर्शन भने एक समानको रहन भने पुगेन तर प्रिसोले आफ्नो लय कायम राख्दै अन्तिमसम्म पनि थ्रि स्टारको गोल पोस्टमा राम्रै प्रदर्शन दिए । दिप कार्की, बिकेश कुथुले तुलनात्मक रुपमा कम गोल खाएपनि पनि प्रिसोको व्यक्तिगत प्रदर्शनले नै थ्रिस्टार शिर्ष चारमा पर्न सफल भएको थियो ।

डिफेन्डरः बिकास खवास (त्रिभुवन आर्मी)

पुरै लिगमा आफ्नो उत्कृष्ट प्रदर्शन गरेका बिकासले आर्मीलाई लिग जिताउन नसके पनि लिगको उपाधि होडमा कायम राख्न उनले टोलीका लागि ठुलो योगदान दिएका थिए । बिकास यस्तो मिहिनेती खेलाडी हुन् जो आफ्नो पोस्टबाट बिपक्षीको पोस्टसम्मै पनि चलायमान बन्न सक्छन् । लिग अवधि भर उनी खेल्ने स्थान (राइट ब्याक) मा बिकास जत्तिको प्रभावशाली खेलाडी अन्य देखिएनन् । आर्मीले लिगमा कम गोल खानु कारण पनि उनको उत्कृष्ट डिफेन्डिङ्ग नै थियो । फाइनल सरह बनेको शनिबारको मच्छिन्द्र बिरुद्धको खेलमा पनि उनको प्रदर्शन लोभलाग्दो थियो । त्यही करण उनी यो टोलीमा समावेश छन् ।

डिफेन्डरः देवेन्द्र तामाङ (मच्छिन्द्र)

मच्छिन्द्रलाइ लिगको उपाधी जिताउनमा देवेन्द्रको प्रदर्शन प्रशंशायोग्य छ । उनले आफ्नो व्यक्तिगत प्रदर्शनलाई निरन्तरता दिदै मच्छिन्द्रको डिफेन्ससँगै आक्रमणलाई पनि मजबुत बनाएका थिए । तिब्र गतिमा खेल्न सक्षम यि डिफेन्डर त्यही भएर यो उत्कृष्ट एघारमा पर्न सफल भएका हुन् ।

डिफेन्डरः अनन्त तामाङ (थ्री स्टार)

राष्ट्रिय टोलीका नियमित खेलाडी र थ्रिस्टारका भर पर्दो रक्षपंिक्तका मुटु अनन्तले थ्रि स्टारको यसपटकको सामान्य देखिने टोलीलाई शिर्ष चारसम्म पुर्याउदा महत्वपूर्ण भुमिका खेलेका थिए । अन्य केही स्थापित नामहरुले क्लब छोडेपनि अनन्तले नेतृत्व गरेको थ्रि स्टारको रक्षापंक्तिले लिगमा ९ गोल मात्र खाएको थियो । मिडफिल्डलाई बल अगाडि बढाउन सहयोग गर्न सक्ने अनन्त आक्रमणमा पनि उत्तिकै राम्रा थिए । उनी यो सुचिमा उत्कृष्ट सेन्ट्रल डिफेन्डर हुन् ।

डिफेन्डरः रन्जित धिमाल (मच्छिन्द्र)

तिब्र गति, खेललाई बुझ्न सक्ने क्षमता, पासमा सटिकता र उत्कृष्ट फ्री किक प्रहारकर्ता हुन् रन्जित धिमाल । उनको फर्म लिग दौरान नै उत्कृष्ट रह्यो । उनले निरन्तर एकै फर्म खेले र त्यसलाई खस्कन पनि दिएनन् । मच्छिन्द्रलाई च्यम्पियन बनाइ छाडे । राइट ब्याकमा हुनु पर्ने सम्पुर्ण क्षमता भएका रञ्जितले नेपाली टिमको रक्षापंिक्तलाई अझ मजबुत बनाएर लाने आशा गरिएको छ ।

मिडफिल्डरः सुभाष गुरुङ (संकटा)

बललाई होल्ड गर्ने र पासमा पोख्त देखिएका सुभाष लिग दौरान अलग प्रदर्शन गर्न सफल भए । संकटाले लिगमा राम्रो प्रदर्शन गर्न नसके पनि उनको व्यक्तिगत खेल भने उत्कृष्ट थियो । फर्वार्डलाई जस्तो स्थितीमा पनि थ्रु पास निकाल्नसक्ने उनी प्रशस्त गोलको मौकाहरु पनि बनाउने गर्छन् ।

मिडफिल्डरः बिशाल राइ बी (मच्छिन्द्र)
लिग र मच्छिन्द्र क्लब दुबैका उत्कृष्ट मिडफिल्डर हुन् बिशाल राइ । पास दिने तरिका र बलमा राम्रो पकड जमाउन सक्ने यि खेलाडीको प्रदर्शन लिगमा अन्य खेलाडीभन्दा भिन्न छ । बिपक्षी खेलाडीलाई सजिलै बल खोस्न उनी दिदैनन् र यही कारणले मच्छिन्द्रले लिगमा बल पोजेसन अन्य टिमको तुलनामा राम्रो गरेको थियो । राष्ट्रिय टिमको पनि अनुभव बटुलेका बिशाललाई लिग जिताउन दवाब थियो र त्यो परिक्षामा उनले पास पनि गरे ।

मिडफिल्डरः एरिक बिष्ट (एनआरटी)

एरिक बिष्टको ड्रिब्लिङ्ग र पासिङ भिजनका कारण जो कोहीलाई पनि उनको खेल मन पराउन प्रेरित गर्छ ।एनआरटीमा पहिलो पटक खेलेका उनको व्यक्तिगत शुरुवात त राम्रो भयो तर टोलीलाई भने उनले जहाँ पुर्याउनु पर्ने हो त्यहासम्म लान सकेनन् । शायद उनी ठूलो टिमको प्रतिक्षामा छन् ।

फर्वार्डः अञ्जन बिष्ट (मनाङ)

नाइट क्लब काण्डपछि ४५ दिन निलम्बनमा परेका अञ्जन घरेलु फुटबलमा लिगमार्फत फर्किए । र सबै बिवादहरुलाई निकै पछाडी पारे । उनले आफ्नो खेलकै कारणमात्र सबैको ध्यान आकर्षित गरे । लिगको मध्य चराणमा आएका उनले छ गोल गर्न पनि सफल भए । उत्कृष्ट ड्रिब्लिङ, तिब्र गति र राम्रो मुभ बनाउन सक्ने यि खेलाडीलाई हामीले उत्कृष्ट ११ मा राख्नै पर्छ ।

फर्वार्डः भरत खवास (त्रिभुवन आर्मी)

क्लबलाई उपाधि नजिक पुर्याए पनि लिग जित्न नसक्नु भरतको दुर्भाग्य मान्न पर्छ । एक स्ट्राइकरले गोल मात्र नभइ आफ्नो साथीलाई गोल गर्नको लागि पास पनि दिनसक्नु पर्छ । लिगमा भरतले त्यो स्वार्थिपना देखाएनन् । उनले आफ्नो लागि नसोची टिमको लागि सोचे । नवयुग श्रेष्ठले गरेका चार गोलमा भरतको असिस्ट रहेको थियो । उनले आफैले पनि चार गोल गरे । लिगमा देखाएको टिम प्रदर्शनका कारण नै उनी हाम्रो उत्कृष्ट ११ मा छन् ।

फर्वार्डः आशिष लामा (एपिएफ)

लिगको शुरुवती चरणमा सबैका लागि ठूलै समस्या थियो फिनिसिङ्ग । यो नेपाली राष्ट्रिय फुटबल टोलीमा पनि कायम रहेको छ । स्थापित नामहरु बीचमा १३ खेलमा ९ गोल गर्दै लिगको सर्वाधिक गोलकर्ताको रुपमा अघि आए एपिएफ आशिष । उत्कृष्ट फिनिसिङ्ग र पावर सट प्रहार गर्न सक्ने यि खेलाडीले बिभिन्न पोजिसन बाट पनि खेल्न सक्छन् । राष्ट्रिय टोलीको प्रारम्भिक ३२ जनाको लिस्टमा परेका उनी राष्ट्रिय टोलीमा परेको खण्डमा कस्तो योगदान दिन सक्छन् त्यो भने हेर्न बाकी छ ।

प्रशिक्षकः मेघराज केसी (थ्रि स्टार)
थ्रि स्टार वास्तवमा यो लिगमा कमजोर मध्येको एक टोली थियो । तर मेघराजले क्लबलाई चौथो स्थानसम्म पुग्ने गरि सम्हाले । नयाँ युवा खेलाडीलाई मेघराजले स्टार बनाएका छन् भन्दा फरक नपर्ला । १५ बर्ष फुटबलमा बिताइसकेका उनले अब क्लब फुटबलबाट बिदा पनि लिदै छन । २३ बर्षका औसत उमेर भएको थ्री स्टार क्लबलाई लिगमा अग्रपंिक्त मै राख्न जो कोही प्रशिक्षकको बशको कुरा थिएन ।

Headline

अर्को बर्ष म र मेस्सी सँगै खेल्नेछौंः नेमार

wesportz

Published

on

पेरिस सेन्ट जर्माइन तथा ब्राजिल स्टार नेमारले च्याम्पियन्स लिगमा म्यानचेस्टर युनाइटेडलाई ३–१ ले पराजित गर्दा दुई गोल गरे लगत्तै अर्को सिजन अर्जेन्टिनी सुपरस्टार लियोनल मेस्सीसँगै खेल्ने इच्छा ब्यक्त गरेका छन् ।

६ पटकका बालोन डि ओर बिजेता मेस्सीसँगै बार्सिलोनामा चार सिजन बिताएपछि नेमार २०१७ मा २ सय ६४ मिलियन डलरको किर्तिमानी ट्रान्सफर रकममा फ्रेन्च लिग वान टोलीसँग आबद्ध भएका थिए । “मेस्सीसँगै मैदानमा फुटबलको रमाइलो पल बिताउने मैले सबैभन्दा बढी चाहेको कुरा हो । म उनीसँगै खेल्न चाहन्छु । अर्को बर्ष यो गर्नु पर्छ,” पिएसजीसँग २०२२ सम्मको सम्झौतामा रहेका नेमारले भने ।

नेमार २०१९ मै बार्सिलोना फर्किने भनिएपनि पिएसजीले चाहे अनुरुपको पैसा तिर्नका लागि स्पेनिस फुटबल महारथी असफल रहेको थियो । कोरोना भाइरस महामारीका कारण यो सिजन १ सय २२ मिलियन युरो तलबमा कटौति गर्दै आर्थिक घाटाको क्षतिपुर्ति ब्यहोर्ने निर्णयमा पुगेको बार्सिलोना अर्को सिजन पनि पैसाको अभावमै नेमारलाई भित्र्याउन सक्षम देखिदैन ।

बार्साले नेमारका लागि पैसा तिर्न नसक्ने भएपनि मेस्सीले यो सिजनदेखि नै क्लब छोड्न प्रयास गरेको हुदा उनी अर्को सिजन अगष्टमा अन्य क्लब जाने लगभग निश्चित छ । शायद नेमारले मेस्सीलाई पिएसजीमै हेर्न सकिने संकेत गरेका हुन् की ?

बार्साका तत्कालीन अध्यक्ष योसेप बार्तोमेउले यो सिजन मेस्सीलाई जान नदिए पनि अब उनको पुरै बोर्डले नै राजीनामा गरेको अवस्थामा अर्जेन्टाइन स्ट्राइकरलाई आफ्नो बहिर्गमनमा केही सहज परिस्थिति आउन सक्ने देखिन्छ ।

यो सिजनको शुरुवातमा प्रिमियर लिग क्लब म्यानचेस्टर सिटी मेस्सीलाई भित्र्याउन तम्तयार देखिन्थ्यो तर यो सिजनको अन्त्यमा ३४ बर्ष लाग्ने उनलाई लिनका लागि पिएसजी पनि आतुर हुने देखिन्छ । “उनी मेरो स्थानमा खेल्न सक्छन् । मलाई कुनै समस्या छैन । मलाई निकाल्दे हुन्छ,” ठट्टा गर्दै नेमारले भने ।

Continue Reading

Headline

रोनाल्डोले गरे आफ्नो करिअरको ७ सय ५० औं गोल

wesportz

Published

on

स्टार खेलाडी क्रिष्चियानो रोनाल्डोले वुधबार भएको डाइनामो किएभ विरुद्ध भएको खेलमा गोल गर्दै आफ्नो करिअरको ७ सय ५० औं गोल पुरा गरेका छन् । युभेन्टसका लागि रोनाल्डोको उक्त गोल ७५ औ पनि हो ।

रोनाल्डोले च्याम्पियन्स लिग अन्तर्गत डाइनामो किएभसँग खेल्दा युभेन्टसका लागि दोस्रो गोल गरे पछि उनले करिअरको ७ सय ५० औं गोल पुरा गरेका थिए । उनले ५७ औँ मिनेटमा अल्भारो मोराटाले प्रहर गरेको सट डिफ्लेक्ट हुँदै आएको बललाई ट्याप-इन हान्दै गोल गरेका थिए ।

यो गोल उनको सिजनको १० औँ गोल पनि रह्यो । उनी इटालियन महरथी युभेन्टसमा आए देखी तीन सिजनमै ७५ गोल गरिसकेका छन् भने पोर्चुगलका लागि त उनले एक सय गोल कटाइसकेका छन् । उनले २००३ देखी पोर्चुगलमा खेल्दै १०२ गोल पनि गरिसकेका छन् ।

उनले आफ्नो कारीअरमा खेलेका टोलीहरु मद्धे युनाइटेडमा ११८ गोल गरेका थिए भने म्याड्रिडमा उनले क्लबका शिर्ष गोलकर्ता हुँदै ४५० गोल गरेका थिए ।

उनको लागि वुधबार भएको डाइनामो किएभ विरुद्धको खेल विषेस रहेको थियो उनले १३ वर्ष २५ दिन अगाडि यही टोली विरुद्ध आफ्नो पहिलो च्याम्पियन्स लिग गोल गरेका थिए ।

च्याम्पियन्स लिगमा युभेन्टस बार्सिलोनासँगै अन्तिम १६ का लागि छनोट भएको छ । सिरी आ मा भने युभेन्टस चौथोँ स्थानमा रहेको छ ।

आउने लिग खेलमा युभेन्टसले टोरिनोको सामना गर्ने छ भने अर्को साता हुने च्याम्पियन्स लिगमा बार्सिलोना विरुद्ध खेल्दा फेरी मेस्सी र रोनाल्डो बिच लामो समय पछि खेल हुने छ ।

Continue Reading

Headline

च्याम्पियन्स लिग: पिएसजीको युनाइटेड माथि सानदार जित, चेल्सीका लागि जिरुड एक्लैको चार गोल

wesportz

Published

on

स्टार खेलाडी नेमार जुनियरको दुई र मर्किनिहोसको एक गोलको मद्धतमा पेरिस सेन्ट जर्माइन (पिएसजी) ले म्यानचेस्टर युनाइटेडलाई ३-१ ले पराजित गरेको छ ।

ओल्ड ट्राफोर्डमा भएको खेलमा पिएसजीले खेल सुरु भएको छैठौँ मिनेटमै अग्रता लिएको थियो । पिएसजीका लागि नेमारले गोल गर्दै १-० को अग्रता दिलाएका थिए । पहिलो हाफको २० मिनेट धेरै अक्रमण गरे पनि पिएसजीले दोस्रो गोल भने गर्न सकेको थिएन । ३२ औँ मिनेटमा भने मर्कस रासफोर्डले गोल गर्दै युनाइटेडलाई खेलमा फर्काएका थिए । उनले पिएसजीका गोलरक्षक नाभासलाई ठोकिदै आएको बललाई जाली चुमाएका थिए ।

दोस्रो हाफमा खेल अझै रोमान्चक बन्न पुगेको थियो । दुवै टोलीहरुले लगतार मुभहरु बनाइरहदा ६९ औँ मिनेटमा भने पिएसजीले गोल गर्न सफल भएको थियो । पिएसजीका लागि दोस्रो गोल मर्किनिहोसले गरेका थिए । उनले उत्कृष्ट ढङ्गले बललाई फ्लिक गर्दै गोल गरेका थिए ।

७० औँ मिनेटमा भने युनाइटेडका फ्रेडले रातो कार्ड खान पुगे । खेलको २३ औँ मिनेटमा पिएसजीका मिड्फिल्डर परीदेसलाई टाउकोले हाने पछी पहिलो पहेंलो कार्ड खाएका फ्रेडले दोस्रो कार्ड हरेरालाई नमिठो ट्याकल गरे पछि पाएका थिए ।

१० खेलाडीमा सिमित युनाइटेडले ९० मिनेट पछि थपिएको इन्जुरी समयमा अरो गोल खान पुग्यो । यो पटक नेमारले पिएसजीका लागि गोल गरेका थिए । उनले रफिनाको पासमा ट्याप-इन गोल गर्दै पिएसजीको अन्तिम १६ मा छनोट हुने आशा जिवितै राखेका थिए ।

समुह एचकै अर्को खेलमा पनि आरबी लाइपजिगले इस्तानाबुल बसिकशेहर माथि ४-३ को नाटकिय जित निकाले पछि यो समुह निकै रोमान्चक बनेको छ ।

इस्तानाबुलका लागि इर्फ्यान कर्वेसीले ह्याट्रिक गरे पनि टोलीलाई भने बिजयी बनाउन सकेनन् । लाइपजिगका लागि बिजयी गोल भने एलेक्ससान्डर सोरोल्थले ९० मिनेट पछि थपीएको इन्जुरी समयमा गरेका थिए ।

खेल जितेसँगै पिएसजी र लाइपजिगको युनाइटेड सरह समान ९ अंक रहेको छ । अर्को साता हुने च्याम्पियन्स लिगको अन्तिम खेलमा यो समुहबाट कुन टोली अन्तिम-१६ मा पुग्ने छ भने टुङ्गो लाग्ने छ ।

अर्को खेलमा चेल्सीले सेभियालाई उस्कै घरमा ४-० ले हराएको छ । चेल्सीका लागि फर्वार्ड ओलिभर गिरुड एक्लैले चार गोल गरेका थिए ।

उनले पहिलो हाफको आठौँ मिनेटमै गोल गर्दै चेल्सीलाई अग्रता दिलाएका थिए । दोस्रो हाफको ५४ औँ मिनेटमा दोस्रो गोल गरेका जिरुडले ७४ औँ मिनेटमा ह्याट्रिक पुरा गरेका थिए । जिरुडले चौँथो गोल भने पेनाल्टी मार्फत गरेका थिए । चेल्सी तीन खेल अगवै अन्तिम १६ मा पुगेको थियो ।

यस्तै अन्य खेलरुमा क्रास्नाडोरले रेनेसलाई १-०,बार्सिलोनाले फेरेनकार्भोस्लाई ३-०,युभेन्टसले डाइनामो किएभलाई ३-० र क्लब बुर्गले जेनिटलाई ३-० ले हरायो । बोरुसिया डर्टमण्ड र लाजियोले भने १-१ को बराबरी खेलेका छन् ।

Continue Reading
Headline22 hours ago

अर्को बर्ष म र मेस्सी सँगै खेल्नेछौंः नेमार

Headline22 hours ago

रोनाल्डोले गरे आफ्नो करिअरको ७ सय ५० औं गोल

Headline1 day ago

च्याम्पियन्स लिग: पिएसजीको युनाइटेड माथि सानदार जित, चेल्सीका लागि जिरुड एक्लैको चार गोल

Headline1 day ago

च्यम्पियन्स लिग:पिएसजीको समना गर्दै म्यानचेस्टर युनाइटेड

Headline2 days ago

टिमले नै नरुचाएका मलनले आफूलाई साबित गर्दै जितेको समर्थन

Headline2 days ago

अष्ट्रेलियाबिरुद्ध भारतको सान्त्वना जित, म्याक्सवेलको विकेटले खेल बदलियो

Headline2 days ago

पुर्व कप्तान कर्माचार्य राष्ट्रिय टोली छनोट समितिका संयोजक

Headline2 days ago

बिमल, सन्तोष सहित ५८ खेलाडीलाई बन्द प्रशिक्षणका लागि बोलाइयो

Headline2 days ago

पान्ड्या र जडेजाको शतकीय साझेदारीले सम्हालियो भारत

Headline2 days ago

च्याम्पियन्स लिगमा यात्रा कठिन भएपनि जिदान भन्छन्ः “राजीनामा दिन्न” 

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending