Connect with us

Headline

सबैले प्रतिक्षा गरिरहेका सुभाष

wesportz

Published

on

आदर्श ढकाल, काठमाडौं

शरद भेषावकरलाई चोटका कारण गुमाएको नेपालले आईसिसि क्रिकेट बिश्वकप लिग टु अन्तर्गतको आफ्नो दोश्रो खेलमा शनिबार अमेरिकाको सामना गर्दा समर्थकहरु सुभाष खकुरलेको ओपनिङ्गको प्रतिक्षामा रहनेछन् ।

ओमानबिरुद्ध १८ रनले पराजित हुदा शरदले जुझारु इनिङ्गस खेल्दै ५५ रन बनाएका थिए । कम्मर भन्दा माथि चोट बोकेका शरदलाई उनको इनिङ्गसको बीचमा फिजियोले उपाचार नै गर्नु परेको थियो । बिहिबार शरदलाई थप निगरानीमा राख्दा उनलाई १० दिन बिश्राम गर्ने सुझाव दिइएको थियो ।

उनको स्थानमा पालो आयो बैकल्पिकमा रहेका सुभाषको । हुन त नेपाल क्रिकेट संघले आधिकारिक रुपमा यसको पुष्टि नगरेपनि सुभाष टोलीमै आइसकेका छन् । क्यानले शरदको स्थानमा सुभाषको नाम पठाइसकेपनि आईसिसि मुख्यालय दुबईमा कार्यालय बिदा रहेको हुदा युएईबाट साझसम्म पनि कुनै पत्र आइसकेको भने छैन ।

क्रिकेट संघका सचिव अशोक नाथ प्याकु¥यालले शरदको स्थानमा सुभाष आउने पक्का पक्की भैसकेको र आफूहरु आधिकारिक जवाफमात्र कुरिरहेको जानकारी दिए । सुभाषको आगमनले शुक्रबार दिउसो देखि नै नेपाली समर्थकहरु भने शनिबारको लागि ब्यग्रताका साथ कुरेर बसिरहेका छन् । कारण हो शनिबारको प्रतिद्वन्दी अमेरिका र सुभाषको बिगत ।

सन् २०१० मा पारस खड्काले कप्तानी सम्हालेको पहिलो आईसिसि प्रतियोगिता (डिभिजन फाइभ) मा शरद भेषावकरले फिजी बिरुद्ध शतक प्रहार गरेका थिए । त्यसपछि भने नेपाली क्रिकेटमा शतकको खडेरी लाग्यो । रोय डायसले नेपाली टोली छोडे र उनको स्थानमा आए अर्का श्रीलंकन पुबुदु दासानायके ।

दासानायकेको आगमनपछि ब्याटिङ्ग सुध्रिएको शंका चलिरहदा नेपाल डिभिजन फोर खेल्न २०१२ को सेप्टेम्बरमा नेपाली टोली मलेसिया पुग्यो । एकै स्तरको प्रतिद्वन्दी अमेरिकाबिरुद्ध नेपालले २ सय ५८ रन प्रहार ग¥यो र शतकको खडेरी तोडे सुभाषले । त्यही प्रतियोगितामा अनिल मण्डलले पनि डेनमार्क बिरुद्ध शतक ठोके ।

सुभाषले शतकको सिलसिला मात्र तोडेका थिएनन् । उनले नेपाली टोलीलाई ओपनिङ्गको समस्याबाट मुक्त गराए । उनी दासानायकेको योजनाको महत्वपूर्ण हिस्सा बने र नेपालले बिश्व क्रिकेटको खुड्किलो चढ्दै गर्दा धेरै महत्वपूर्ण प्रदर्शन पनि दिए ।

सुभाष र अनिलले शतक प्रहार गरेको एक महिना नबित्दै नेपाल एसिसि ट्रफि एलिटका लागि युएई गयो । उक्त प्रतियोगितामा कप्तान पारस खड्काले कुवेतबिरुद्ध आक्रमक शतक प्रहार गरे । खेलमा नेपाल पराजित भएपनि एक महिनाको अन्तरालमा तीन वटा शतकले नेपाली ब्याटिङ्गलाई हेर्ने दृष्टिकोणमा परिणत भयो । यसको श्रेय सुभाषलाई पनि जान्छ ।

अक्टुबरमा भएको एसिसि ट्रफि एलिटको फाइनलमा नेपाललाई उपाधि जित्न युएईले २ सय ४२ रनको लक्ष्य दियो । सुभाषले अनिलसँग मिलेर पहिलो विकेटका लागि ९४ रनको साझेदारी गर्दै नेपाललाई उत्कृष्ट शुरुवता दिलाए । उतार चढाव पूर्ण रहेको फाइनलमा सुभाषले ७४ बलमा ५५ रन बनाए, नेपालले पनि २ सय ४१ रन बनायो ।
खेल बराबर भएपछि दुवै टोलीले ट्रफि बाढे, नेपाल पहिलो पटक एसिसि ट्रफिको च्याम्पियन भयो । यसअघि नै समुह चरणमा युएईलाई आफ्नो एकदिवसीय क्रिकेट इतिहासमै पहिलो पटक पराजित गरेको नेपाल एक महिनाको अन्तरमा पूर्णरुपले फरक टोलीको रुपमा अघि आयो । सुभाष त्यसको केन्द्रमा रहे ।

सन् २०१३ मा बर्मुडामा भएको डिभिजन थ्रि सम्म पनि सुभाषले टोलीका लागि उल्लेखनीय योगदान दिए त्यसपछि आयो न्युजिल्याण्डको बिर्सन लायक २०१४ को एकदिवसीय बिश्वकप क्वालिफायर । पछिल्लो दुई बर्ष नेपाली ब्याटिङ्गको मेरुदण्ड बनेका सुभाष र पारस दुवै पूर्ण रुपमा फिट रहेनन् ।

एकदिवसीय बिश्वकप र एकदिवसीय अन्तर्राष्ट्रिय मान्यता पाउने १०–टिम सम्मिलित क्वालिफायरमा नेपाल नवौं भयो । तीन बर्षदेखि एकदिवसीय अन्तर्राष्ट्रिय मान्यताका लागि गर्दै आएको मिहिनेत पानीमा बह्यो । हुन त सुभाषले त्यसपछि बङ्गलादेशमा भएको आईसिसि ट्वान्टी ट्वान्टी बिश्वकपमा पनि अफगानिस्ताबिरुद्ध अद्र्धशतक ठोकेका थिए तर उक्त उपलब्धिले उनलाई क्षणिक खुशी मात्र दियो ।

बिश्वकपपछि पाएको ट्वान्टी ट्वान्टी अन्तर्राष्ट्रिय मान्यता र डिभिजन थ्रिमा रहको नेपालले पहिलेको तुलनामा एशोसिएट क्रिकेटका राम्रा प्रतिद्वन्दी खेल्न थालेको थियो । र सुभाषको प्रदर्शन एक समान हुन छोड्न थाल्यो । टिममै रहेपनि उनले २०१४ मै मलेसियामा भएको वल्र्ड क्रिकेट लिग डिभिजन थ्रिमा आफ्नो स्थान गुमाए ।

युगाण्डाबिरुद्धको फाइनलमा दासानायकेले सागर पुन र नरेश बुढाएरको जोडीलाई ओपनिङ्ग पठाए । उनीहरुले शतकीय साझेदारी गरेपछि नेपालले ६२ रनले खेल जित्दै उपाधि आफ्नो नाममा लेखाउन सफल भयो । नेपाली एकदिवसीय क्रिकेटमा पछिल्लो पाँच बर्षमा सबैभन्दा ठूलो साझेदारी पनि त्यही नै हो । सुभाषको अनुपस्थिती सागर र नरेश फेरि पनि ओपनिङ्गका लागि प्रयास गरिएका थिए तर चाहे अनुरुपको शुरुवात नपाएको लामो समय भैसकेको छ ।

अनिल मण्डल टिमबाट भित्र बाहिर र सुभाष आफै कहिले लय गुमाउने त कहिले अस्वस्थ हुन थालेपछि नेपाली टोली लामो समयदेखि राम्रो ओपनिङ्ग जोडीको लागि संघर्ष गर्दै नै आइरहेको छ । चोटको समस्याबाट मुक्त हुन नसक्दा सुभाषले वल्र्ड क्रिकेट लिग च्याम्पियनसिपमा १४ मध्ये दुई खेलमात्र खेले । नोभम्बर, २०१५ मा पपुव न्युगिनी बिरुद्ध युएईमा भएको एक खेलमा उनले ६३ रन बनाएका थिए । चोटकै कारण उनी लगभग तीन बर्ष बाहिर बसे र अगष्ट २०१८ मा नेदरल्याण्ड्सबिरुद्धको पहिलो एकदिवसीय अन्तर्राष्ट्रिय श्रृंखलाका लागि टोलीमा फर्किए ।

दुई मध्ये दोश्रो एकदिवसीय अन्तर्राष्ट्रियमा मौका पाएका सुभाषले १९ रन बनाए । अगष्टमै एसिया कप क्वालिफायरमा सुभाषले युएईबिरुद्ध ५० रन जोडे । यो उनको पहिलो एकदिवसीय अद्र्धशतक थियो तर उक्त प्रतियोगिता भर नेपालले निराशाजनक प्रदर्शन गर्न पुग्यो । सुभाष टोलीबाट फेरि पनि बाहिरिए ।

नेपाली टोलीले ओमानबिरुद्ध लिग टुको आफ्नो पहिलो खेलमा पारस र कप्तान ज्ञानेन्द्र मल्लको रुपमा नयाँ ओपनिङ्ग जोडी पठायो । दुवै जना चार रनको अन्तरमा पेभिलियन फर्केपछि समर्थकहरु यो प्रयासलाई राम्ररी लिइरहेका छैनन् ।

नेपालले शनिबार १५ हजार दर्शक आउने अपेक्षा गरिएको खेलमा अमेरिकाको सामना गरिरहेको छ । सुभाषले मुलपानीमा भएको अभ्यास खेलमा नटआउट ५२ रन बनाएका थिए । कप्तान ज्ञानेन्द्रका अनुसार सुभाषको स्थानलाई लिएर आधिकारिक निर्णय भएमा शनिबार नयाँ जोडीले ओपनिङ्ग गर्ने लगभग तय छ । त्यसैले सबैको आखा सुभाष मै छ ।

Headline

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

wesportz

Published

on

फास्ट बलर कर्टिस क्याम्फरले चार बलमा चार विकेटको किर्तिमानी प्रदर्शन गर्नुका साथै मार्क अडेयरले पनि उत्कृष्ट बलिंँग गर्दा आयरल्याण्डले ट्वान्टी ट्वान्टी बिश्वकपको आफ्नो पहिलो खेलमा नेदरल्याण्ड्सलाई ७ विकेटको फराकिलो अन्तरले पराजित गरेको छ ।

अबु धाबीमा पहिलो चरणको समुह ए अन्तर्गतको खेलमा ट्वान्टी ट्वान्टी अन्तर्राष्ट्रियमा चार बलमा चार विकेट लिने बिश्वका तेश्रो बलर बन्दा नेदरल्याण्ड्स २० ओभरमा १ सय ६ रनमै अलआउट भएको थियो ।

आयरल्याण्डका लागि अडेयरले पनि घातक बलिंग गर्दै चार ओभरमा मात्र ९ रनको खर्चमा तीन विकेट लिएका थिए । जवाफमा आयरल्याण्डले १५ दशमलव १ ओभरमै लक्ष्य प्राप्त गर्यो । उसका लागि ग्यारेथ डेलानीले २९ बलमा ४४ रन बनाएका थिए भने ओपनर पउल स्टर्लिङ्ग ३९ बलमा ३० बनाउदै नटआउट रहे ।

डेलानीले पाँच चौका र दुई छक्का प्रहार गरे । नेदरल्याण्ड्सका लागि फ्रेड क्लासेन, ब्रान्डन ग्लोभर र कप्तान पिटर सिलारले १–१ विकेट लिएका थिए ।

यसअघि क्याम्फर आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी बने । १० औं ओभरमा बलिङ्गमा फर्किएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए ।

त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए । चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए । ५१ रनमै ६ विकेट गुमाएको नेदरल्याण्ड्सलाई उनले सेलारसँगको ३७ रनको साझेदारीमा तीन अंकको योगफल नघाउन सघाएका थिए ।

सेलारले २९ बलमा २१ रन बनाए । नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

wesportz

Published

on

आयरल्याण्डका मिडियम फास्ट बलर कर्टिस क्याम्फरले जारी ट्वान्टी ट्वान्टी बिश्वकपमा नेदरल्याण्ड्सबिरुद्ध चार बलमा चार विकेट लिदै किर्तिमानी प्रदर्शन गरेका छन् ।

ट्वान्टी ट्वान्टी बिश्वकपमा चार बलमा चार विकेट लिने उनी एक मात्र खेलाडी भएका छन् भने ट्वान्टी ट्वान्टी अन्तर्राष्ट्रियमा सो उपलब्धि हात पार्ने उनी बिश्वका तेश्रो बलर बनेका छन् । उनी आयरल्याण्डका लागि अन्तर्राष्ट्रिय ह्याट्रिक लिने पहिलो खेलाडी भने बनेका छन् ।

अबु धाबीमा जारी समुह ए को खेलको १० औं ओभरमा बलिङ्ग गर्न आएका क्याम्फरले कोलिन एकरम्यानलाई विकेटकिपर निल रकको हातबाट क्याच आउट गराउदै पहिलो विकेट लिए । त्यसपछि उनले अनुभवी रायन टेन डोस्काटे र स्कट एडवार्ड्सलाई एलबिडब्लु धरापमा पार्दै ह्याट्रिक पुरा गरेका थिए ।

चौथो विकेटको रुपमा उनले पुर्व दक्षिण अफ्रिकी खेलाडी तथा अर्का अनुभवी अलराउण्डर रुलोफ भान डर मर्वलाई बोल्ड गरेका थिए ।

ट्वान्टी अन्तर्राष्ट्रिय पहिलो पटक चार बलमा चार विकेट श्रीलंकन फास्ट बलर लसिथ मालिंगाले लिएका थिए । उनले न्युजिल्याण्डबिरुद्धको श्रृंखलामा यो उपलब्धि हात पारेका हुन् । यस्तै अफगान लेग स्पिनर रसिद खानले आयरल्याण्डबिरुद्ध भारतमा भएको श्रृंखलामा चार बलमा चार विकेट लिएका थिए ।

५१ रनमा दुई विकेटको अवस्थामा रहेको नेदरल्याण्ड्स क्याम्फरको घातक बलिँगसँगै २० ओभरमा अलआउट हुँदै मात्र १ सय ६ रन बनायो । नेदरल्याण्ड्सका लागि म्याक्स ओ डाउडले ४७ बलमा ७ चौकाको मद्दतमा सर्वाधिक ५१ रन बनाए ।

५१ रनमै ६ विकेट गुमाएको नेदरल्याण्ड्सलाई उनले कप्तान पिटर सेलारसँगको ३७ रनको साझेदारीमा तीन अंकको योगफल नघाउन सघाएका थिए । सेलारले २९ बलमा २१ रन बनाए । क्याम्फर बाहेक निकै कसिलो बलिँग गरेका मार्क अडेयर चार ओभरमा मात्रै ९ रन खर्चेर तीन विकेट लिएका थिए ।

नेदरल्याण्ड्सले अडेयरले गरेको अन्तिम ओभरको अन्तिम तीन बलमा तीन विकेट गुमाएको थियो ।

Continue Reading

Headline

साफ उपबिजेता नेपाली टोलीको बिमानस्थलमा भब्य स्वागत

wesportz

Published

on

साफ च्याम्पियनसिपको २८ बर्षे फुटबल इतिहासमा पहिलो पटक फाइनल पुगेको नेपाली टोलीको त्रिभुवन बिमानस्थलमा भब्य स्वागत गरिएको छ ।

नेपाली टोली सोमबार बिहान काठमाडौं आइपुगेको हो । शनिबार साफ च्याम्पियनसिप फाइनलमा नेपाल चीर प्रतिद्वन्दी भारतसँग ३–० ले पराजित भएको थियो । हारसँगै नेपाली टोली आफ्नो फुटबल इतिहासकै ठूलो मध्येको एक उपाधिबाट बञ्चित भएपनि ऐतिहासिक फाइनल खेल्न सफल भएको थियो ।

सयौंको संख्यामा नेपाली फुटबल समर्थकहरुले स्वागत गरेको नेपाली टोलीलाई बिमानस्थलमा लिन युवा तथा खेलकुद मन्त्री महेश्वर गहतराज पनि पुगेका थिए । उनले नेपाली फुटबललाई अझै उचाईमा पुर्याउन सरकारको रुपमा सहयोगन गर्ने आश्वासन पनि दिए ।

समर्थकहरुले प्रशिक्षक अब्दुल्लाह अल्मुताइरीको पक्षमा नारा पनि लगाएका थिए । भारतबिरुद्धको फाइनल नेपाली राष्ट्रिय टोलीका लागि आफ्नो अन्तिम हुने बताएका अब्दुल्लाह माल्दिभ्सबाट सिधै कुवेत फर्किसकेका छन् ।

तेश्रो पटक आफूले नेपाल छोड्न गइरहेको घोषणा गरेका अब्दुल्लाहको नेपालसँगको सम्झौता अक्टोबर २३ मा समाप्त हुदैछ ।

नेपाली टोलीको स्वागतमा नेपाली सेनाले मंगल धुन पनि बजाएको थियो । नेपालले उपबिजेताको हैसियतमा २५ हजार डलर पुरस्कार पाएको थियो ।

Continue Reading
Headline15 mins ago

ट्वान्टी ट्वान्टी बिश्वकपः क्याम्फरको किर्तिमानमा आयरल्याण्डको बिशाल जित

Headline2 hours ago

आयरल्याण्डका क्याम्फरले चार बलमा चार विकेट लिदै गरे सनसनीपूर्ण प्रदर्शन

Headline7 hours ago

साफ उपबिजेता नेपाली टोलीको बिमानस्थलमा भब्य स्वागत

Headline9 hours ago

अगुएरोले बार्सिलोनाको लागि डेब्यु गर्दा काउटिन्होको ११ महिनामा पहिलो गोल

T20 World Cup 202110 hours ago

 भारतीय समर्थकहरूको सनक, पाकिस्तान विरुद्धको खेल बहिष्कार गर्न आग्रह 

T20 World Cup 202120 hours ago

ट्वान्टी ट्वान्टी विश्वकपको पहिलो खेलमै बंगलादेश स्कटल्याण्डसँग स्तब्ध

Headline23 hours ago

मैदान पूननिर्माणसँगै डुकुछापमा अन्तर क्लब फुटबल प्रतियोगिता सम्पन्न

Headline1 day ago

ट्वान्टी ट्वान्टी बिश्वकपः ओमानको सशक्त शुरुवात, पिएनजी १० विकेटले पराजित

Headline1 day ago

आजदेखि शुरु हुँदै ट्वान्टी ट्वान्टी बिश्वकप

Headline2 days ago

नेपाल हार्यो

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!