Connect with us

Headline

छुट्टा–छुट्टै खेलमा लिगका शिर्ष दुई टोली उपाधि दौडमा कायम रहन खेल्दै

wesportz

Published

on

कुनै ठूलै उलटफेर नहुने हो भने त्रिभुवन आर्मी क्लब र मच्छिन्द्र क्लबबीच शहीद स्मारक ए डिभिजन लिगको अन्तिम खेलले घरेलु सिजनको च्याम्पियनको निर्धारण गर्ने पक्का पक्की नै छ ।

डिफेन्डिङ्ग च्याम्पियन मनाङ मस्र्याङ्गदी क्लब च्यासल युथ क्लबसँग आफ्नो अघिल्लो खेलमा स्तब्ध भएसँगै उपाधि रक्षा गर्ने उसको आशामा नराम्रो धक्का लागिसकेको छ । लिगमा मात्र तीन खेल बाकी रहदा १९ अंक रहेको मनाङ अहिले तेश्रो स्थानमा छ र आर्मी २३ अंकका साथ पहिलो स्थानमा ।

दुई टिम एक आपससँग खेलिसकेकाले समिकरण अब मनाङको नियन्त्रणमा छैन । मनाङ अब आफु त हार्न भएन नै आर्मीको खेलको पनि नतिजा कुर्नु पर्ने हुन्छ । २२ अंक सहित दोश्रो स्थानमा रहेको मच्छिन्द्र र आर्मीलाई अबको समिकरणको बारेमा भन्दा राम्रो अरु कसलाई थाहा होला र त्यसैले यी दुबै टोली एक आपसमा भिड्नु अघि अन्य कुनै टिमबिरुद्ध अंक गुमाउन चाहदैनन् ।

एन्फा कम्प्लेक्समा हुने पहिलो खेलमा मच्छिन्द्रले सरस्वती युवा क्लबको सामना गर्दैछ । रेलिगेसन जोनमा रहेको सरस्वतीको लागि पनि खेल उत्तिकै महत्वपूर्ण रहेको छ । पुछारमा रहेको सरस्वतीको मात्र चार अंक रहेको छ भने नेपाल एपिएफ क्लबको पाँच र हिमालयन शेर्पाको सात ।

तर लिगकै शंकास्पद खेलमा शेर्पालाई मात्र पराजित गरेको सरस्वतीको लागि बलियो मच्छिन्द्रसँग बराबरी खेलेपनि ठूलै उपलब्धि हुनेछ ।

आर्मीले भने बिभागीय डर्बिमा एपिएफको सामना गर्न गइरहेको छ । बिभागीय टोलीहरु यसअघिका लिगहरुमा राम्रै स्थितिमा रहेपनि यो सिजनमा एपिएफमा यो लागु भएको छैन । सबैभन्दा कान्छो बिभागीय टोलीमा रेलिगेसनको खतरा कायमै छ भने आर्मीलाई हराउन सके एपिएफले राहतको सास फेर्नेछ ।

Headline

युएफाले दियो च्याम्पियन्स लिग र अन्तर्राष्ट्रियमा ५ सब्स्टिच्युटको अनुमती

wesportz

Published

on

युरोपियन फुटबलको सर्वोच्च निकाय युएफाले यो सिजन सबै यूरोपीयन क्लब प्रतियोगिता र अन्तर्राष्ट्रिय खेलहरूमा पाँच सब्स्टिच्युट खेलाउन मिल्ने नियम दोहोर्याउने भएको छ । बिहिबार बसेको बैठकपछि युएफाले यो सिजनका लागि उक्त निर्णय लिएको र अर्को वर्षको निर्णय लिन बाँकी रहेको बताएको छ ।

हँगेरीको राजधानी बुडापेस्टमा भएको बैठकले उक्त निर्णयहरु च्याम्पियन्स लिग, युरोपा लिग र महिला च्याम्पियनसिप लिग सहित नेसन्स लिगमा पनि लागु हुने बताएको छ । अन्तर्राष्ट्रिय खेलहरुमा भने युरो २०२१ को छनोट प्रतियोगिता देखि महिला युरो सम्मको लागी यो प्रावधान रहनेछ ।

अर्को निर्णय अब युरो कपका लागि लिइने बैठकले जनाएको थियो । कोरोना भाईरसका कारण २०२० मा हुने भनिएको युरो कप २०२१ को जुन–जुलाईको लागि सारिएको थियो ।

राष्ट्रिय टोलीका प्रशिक्षकहरुको दवाव पछि युएफाले यो निर्णय लिनु परेको हो । यस अघिका नेसन्स लिगका पहिलो चरणहरुमा ३ सब्स्टिच्युटको नियम कायम रहेपनि आउने चरणहरुमा ५ खेलाडी सब्स्टिच्युट गर्न मिल्ने छ ।

अन्य युरोपियन लिगहरुमा पनि पाँच खेलाडी सब्स्टिच्युटको नियम बने पनि इङ्गलिस प्रिमियर लिगमा भने अहिले तीन खेलाडी बनाइएको छ । पाँच सब्स्टिच्युटको नियम रहदा खेलाडीहरुलाई दवाव नपर्ने बताउदै धेरै लिगहरुले यो सिजन पनि निरन्तरता दिएका थिए ।

“यो सही निर्णय हो र माथिल्लो स्तरका खेलाडीहरुमा दवाव कम गर्नका लागि राम्रो कदम पनि हो । हामीले उनीहरुको बढ्दो कामको बोझ कम गर्न र स्वास्थ्य र कार्य सम्पादनलाई सुरक्षित राख्न थप नयाँ उपायहरु अपनाउने छौ,” फिफप्रोका महासचिव जोनास बेरे होफ्फमानले भने ।

यस्तै युएफाले नेसन्स लिगको फाइनल २०२१ को अक्टोबर ६ मा गराउने निर्णय लिएको छ । प्रतियोगिताका नकआउट चरणदेखि आयोजना गर्न इटाली, नेदरल्याण्ड्स र पोल्यान्डले चासो व्यक्त गरेका छन् ।

Continue Reading

Headline

किँग काजु जिन्दावादः ५३ बर्षको उमेरमा पनि दर्शक तानिरहेका जापानी लेजेण्डको नयाँ किर्तिमान

wesportz

Published

on

जापानी घरेलु फुटबलको माथिल्लो श्रेणीमै लामो समयदेखि राज गर्र्द आइरहेका काजुयोसी मिउराले बिहिबार ५३ बर्षको उमेरमा नयाँ किर्तिमान कायम राख्दै वाह–वाही लुटेका छन् ।

‘किँग काजु’ नामले चर्चित मिउराले जापाको प्रथम श्रेणीको फुटबल जे–लिगमा बुधबार योकोहोमा एफसीका लागि कावासाकी फ्रन्टेलबिरुद्ध प्रतियोगिता इतिहासमा शुरुवाती ११ मा स्थान बनाउने सबैभन्दा पाका खेलाडीको रुपमा नयाँ किर्तिमान कायम गरेका थिए ।

“जापानी फुटबलको इतिहासमा किँग काजुले एक पटक फेरि नयाँ अध्याय लेखेका छन्,” निक्कन स्पोर्ट्स डेलिले बिजयी भावमा घोषणा गरेको छ । स्पोर्ट्स निप्पोनले एक बहादुरीपूर्ण प्रदर्शन ५३ बर्षियबाट आएको भन्ने तथ्य पत्याउनै गाह्रो मानेको लेखेको छ ।

“काजु हाम्रो धरोहर हुन् । इतिहासको पानामा अमर रहने यो महान किर्तिमान हाल सकृय रहेका सबै खेलाडीहरु र भविष्यका खेलाडी बन्ने सपना बोकेका बच्चाहरुको लागि चम्किालो प्रकाश हुनेछ । हामी आशा गछौं उनी अझै अभुतपुर्व रुपले खेलिरहनेछन्,” जे–लिगका अध्यक्ष मित्सुरु मुराइ भन्छन् ।

योकोहोमा एफसीका लागि बिगत १५ बर्षदेखि खेल्दै आइरहेका मिउरालाई ५६ औं मिनेटमा सब्स्टिच्युट गरिएको थियो । खेल योकोहोमाले ३–२ ले हार्न पुग्यो । मैदान छोड्दै गर्दा सबैले उठेर ताली बजाएपछि उत्साहित मिउरा आफ्नो प्रदर्शन देखि भने त्यति खुशी देखिएनन् ।

“मैले मिडफिल्डमा धेरै पटक बल पाए तर मैले पेनाल्टी एरियामा धेरै बल खेलाउन सकिन । मैले चाहेको कुरा पुरा हुन सकेन । आजको खेलको अनुभव म अब अन्य खेलहरुमा प्रयोग गर्नेछु,” मिउराले भने ।

केही समय देखि उमेरको किर्तिमान कायम राख्दै आएका मिउरा यो बर्षको शुरुवातमा जापान लिग कप प्रतियोगिता खेल्ने सबैभन्दा पाका खेलाडी बनेका थिए । २०१७ मा उनी व्यवसायिक फुटबलमा गोल गर्ने सबैभन्दा पाका खेलाडी बनिसकेका थिए ।

६० बर्ष नपुग्दासम्म सन्यास नलिने दृढ संकल्प दिएका काजुको खेल हेर्न जापान मात्र नभएर बाहिर पनि टन्ने समर्थक पुग्ने गरेका छन् । उनको पछिल्लो किर्तिमानले फिफाको आधिकारिक ट्विटर अकाउन्टको ध्यान समेत आकर्षण गरेको थियो ।

श्रीपेच इमोजि प्रयोग गर्दै फिफाले आफ्नो ट्विटरमा लेखेको छः किँग काजु जिन्दावाद ।

Continue Reading

Headline

सुपर कपका लागि बायर्न र सेभिया भिड्दै

wesportz

Published

on

युएफए सुपर कपका लागि आज च्यम्पियन्स लिग बिजेता जर्मन क्लब बायर्न म्युनिख र युरोपा लिग बिजेता स्पेनिस क्लब सेभिया भिड्दै छन् ।

हङ्गेरीको बुडापेस्त स्थिती पुस्कास एरेनामा हुने खेलमा बायर्न दोस्रो पटक यो उपाधि जित्ने दाउमा हुने छ । सेभियाले पनि २००६ मा सुपर कपको उपाधी हात पारेको थियो भने २०१४,२०१५ र २०१६ मा उपबिजेतामा सिमित हुन पुगेको थियो ।

बायर्नले च्याम्पियन्स लिगमा फ्रेन्च क्लब पेरिस सेन्ट जर्माइनलाई १-० गोलले हराउदै उपाधि जितेको थियो । सेभियाले भने इटालियन क्लब इन्टर मिलानलाई ३-२ ले हराएको थियो ।

युएफएको प्रमुख प्रतियोगिता रहेको सुपर कपका लागि ६ हजर टिकेट बिक्री गरिएको छ ।

खेल नेपाली समय अनुसार १२:४५ मा सुरु हुने छ ।

Continue Reading
IPL 20207 hours ago

बेंगलोरको लज्जास्पद हार 

Headline7 hours ago

युएफाले दियो च्याम्पियन्स लिग र अन्तर्राष्ट्रियमा ५ सब्स्टिच्युटको अनुमती

IPL 20208 hours ago

कप्तान राहुलको शतकमा बेंगलोरलाई २०७ रनको विशाल लक्ष्य 

IPL 202011 hours ago

बेंगलोरले टस जित्यो, पन्जाब पहिले ब्याटिङ गर्दै 

Headline12 hours ago

किँग काजु जिन्दावादः ५३ बर्षको उमेरमा पनि दर्शक तानिरहेका जापानी लेजेण्डको नयाँ किर्तिमान

IPL 202013 hours ago

आईपीएलमा आज बेंगलोर र पन्जाब खेल्दै

अन्तर्राष्ट्रिय13 hours ago

चर्चित कमेन्टेटर डिन जोन्सको असमाहिक निधन 

Headline15 hours ago

सुपर कपका लागि बायर्न र सेभिया भिड्दै

Headline17 hours ago

डि मरियालाई चार खेलमा प्रतिबन्ध

Headline1 day ago

बार्सिलोनाको अन्तिम अभ्यास सत्रमा रुदै बिदा भए सुवारेज

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 days ago

सात महादेशका सात उत्कृष्ट खेलाडीहरु

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending