Connect with us

Headline

‘स्थापित खेलाडीहरु लिगमा एकरुपको प्रदर्शन दिन असफल छन्’

wesportz

Published

on

शहीद स्मारक लिग जारी रहदा नेपाली राष्ट्रिय फुटबल टोलीका प्रशिक्षक योहान कालिन अहिले फुर्सदमा छन् । कालिनले लिगका म्याचहरुलाई राम्ररी नै नियालिरहेका छन् । उनले लगभाग सबै खेलहरु हेरेका छन् । लिगको समापनसँगै नेपाली खेलाडीहरु र राष्ट्रिय टोलीको ब्यस्त तालिका शुरु हुने देखिन्छ । फागुनक तेस्रो साता देखी सुरु हुने भनिएको चार राष्ट्र सम्मिलित अन्तर्राष्ट्रिय प्रतियोगिता नेपाली राष्ट्रिय टोलीले खेल्नु पर्ने हुन्छ । ए डिभिजन लिगले राष्ट्रिय टोलीलाई कस्तो बनाउने छ यस बिषयमा के भन्छन् त कालिन । हेरौ उनीसँग लिइएको अन्तर्वार्ताः

ए डिभिजन लिगलाई कसरी हेरिरहनुभएको छ ?

लिगमा पहिलो तीन स्थानमा राम्रै उतार चढाव चलिरहेको छ । लिगका केही खेलहरु हेर्न लायक छन् तर हामीले यसलाई राम्रो बनाउदै लानु पर्ने देखिन्छ । खेलाडीहरु शारिरिक रुपमा बलियो हुनु आवश्यक छ किनभने कतिपय खेलाडीहरु जानेरै डाइभिङ्ग हानिरहेका हुन्छन् । उपाधि दौडमा रामै्र प्रतिस्पर्धा चलिरहेको छ जसले गर्दा लिग हेर्न आनन्द पनि आइरहेको छ र यो फुटबलको लागि एकदम राम्रो कुरा हो ।

छोटो अवधिको लिगहरुले गुणस्तर खेलाडीहरू दिन्छ त ?

घरेलु फुटबलको जग बलियो बनाउनका लागि लामो लिग नै राम्रो हो । आगामी दिनहरुमा हामीले लामो लिग ल्याउन निकै आवश्यक छ । नेपालमा देश भरीनै साना–तिना प्रतियोगिताहरु भईरहेका हुन्छन् । ती खेलहरुको छुट्टै रौनक छ । लामो समय लिग भयो भने गुणस्तर खेलाडी हरु भित्रिनेमा म आशावादी छु ।

राष्ट्रिय टोलीलाई अब आउने दिनहरुमा कसरी तयार पार्ने सोच्नुभएको छ ?

हामीले लिग सकिएपछि सबै भन्दा चाडो त अभ्यास गर्न पाउनुप¥यो । त्यसपछि केही मैत्रीपूर्ण खेलहरु पनि हामीले खेल्न थाल्नु पर्छ । अस्ट्रेलिया र चाइनिज ताइपेइसँगका म्याचहरु ठूला हुन् । दुवै खेल अघि हामीले म्याच एक्सपोजर लिन आवश्यक छ ।

के हामीले यो बर्षको राष्ट्रिय टोलीमा नयाँ अनुहार देख्न पाउनेछौ त ?

मैले अहिलेसम्म निर्णय त लिएको छैन तर पनि मसँग खेलाडीहरुको लिस्ट लामै छ । हेर्दै जाउ कोही नयाँ पनि हुन सक्नेछन, कोहीलाई म आफै परीक्षण गर्ने छु । अन्य केही अनुभवी अनुहार नै छन् ।

लिगमा अन्तिम चरणका खेलहरुसम्म आइपुग्दा तपाईंले हरेक खेल हेर्नु भएको छ । तपाईंलाई कुन खेलाडीले आकर्षित गरेको छ ?

नाम नै किटेर भन्न अली गाह्रो होला तर कुनै खेलाडीले एकदम राम्रो खेलेका छन् । कसैले औषत प्रदर्शन गरेका छन् भने कोहीले अली एक्स्ट्रा । मैले सबै खेलाडीहरुलाई राम्ररी नै नियालेको छु ।

जारी लिगका एक दुई खेलमा म्याच फिक्सिङको आरोपहरु लगिरहेका छन् । एक टोलीका प्रशिक्षकले त झन फिक्सिङ गरेको दुई टोलीलाई आरोप पनि लगाए । नेपाल एक अद्र्ध व्यवसायिक फुटबल खेल्ने देश भएकाले फुटबलमा कतिको असर पर्न जान्छ ?

त्यो हामीले सोचेको भन्दा पनि गहिरो कुरा हो तर लिगमा के हुन्छ के हुँदैन भनेर भन्न सक्नु मेरो लागी आँफैमा एक गाह्रो कुरा हो । म्याच फिक्सिङ त फुटबल जगतको लागि बिष हो तर मलाई लाग्छ एन्फा, फिफा र एएफसीले आफुले सके जति दिएर यो कुरामा छनबिन गर्न आवश्यक देखिन्छ । यदी त्यो नगरिएको खण्डमा समर्थकहरुमा फुटबलको लागि जोश कम हुदै जान्छ । फिक्सिङको भए नभएको म दाबीका साथ त भन्न सक्दिन । मलाई मात्र यो सत्य नहोस जस्तो लागेको छ ।

राष्ट्रिय टोलीमा मिडफिल्डमा धेरै त्रुटि देखिन्छ । लिगमा नेपालको मिडफिल्ड धान्न सक्ने खेलाडी भेटाउनु भयो त ?

हामीसँग धेरै पोजिसन बाट खेल्ने धेरै खेलाडी त छन तर यो स्तरमा खेलेर अन्तर्राष्ट्रियमा प्रतिस्पर्धा गर्न अली गाह्रो हुन सक्छ । मिडफिल्डमा हामी सुधारने प्रयास गर्ने छौ ।

पुराना राष्ट्रिय खेलाडीहरुको प्रदर्शन कस्तो लागिरहेको छ ?

उनीहरुले एकै किसिमको प्रदर्शन दिन सकिरहेका छन् । यसको कारण आफ्नो नियमित पोजिसनमा नखेल्नु पनि हो । यो पक्कै पनि राष्ट्रिय टोलीका लागि राम्रो कुरा होइन । छुट्ट–छुटै क्लब बाट खेल्दा उनीहरुले खेल्ने फुटबल एउटै हुदैन त्यही कारणले यो कुरामा निश्चित छैन ।

तपाईंमाथि पुरानै खेलाडीहरुलाई खेलाउनु पर्ने दवाब त छैन ?
मैले पहिले नै भनिसकेको छु मलाई कुनै दवाब छैन भनेर । म र मेरा सहायक स्वतन्त्रता पुर्वक खेलाडी छनोट गर्नेछौं । तर एउटै टोलीमा एकै पटक १० खेलाडी फाल्न सकिदैन । यसो भन्दै गर्दा टोलीमा नयाँ खेलाडी नै आउदैनन् भन्न पनि मिल्दैन । नेपाली टोलीमा नयाँ जोश र अनुहार देख्न पाइनेछ ।

नेपाली राष्ट्रिय टोलीको अभ्यास कहिले देखी शुरु गर्दै हुनुहुन्छ ?
लिग सकिएको भोलीदेखि हामी अभ्यास गर्ने तरखरमा छौ । एन्फाले कहिले समय र खेल मैदान दिन्छ भन्ने कुरामा पनि भर पर्छ । क्लबबाट खेल्ने फुटबल र राष्ट्रिय टोलीबाट खेल्ने खेल अलग हुन्छ, टिमलाई आकर दिन समय लाग्ने भएर पनि हामी अभ्यास चाडो सुरु गर्ने चाहन्छौं ।

Euro 2020

टर्कीलाई पराजित गरे पनि स्विट्जरल्याण्डले अन्तिम १६ का लागि केही दिन कुर्नु पर्ने

wesportz

Published

on

टर्कीलाई ३-१ ले पराजित गरे पनि स्विट्जरल्याण्ड सहजै अन्तिम १६ मा स्थान बनाउन असफल भएको छ । स्विट्जरल्याण्डले तेस्रो स्थानमा रहदै समुह ‘ए’ बाट अन्तिम १६ को यात्रा भने तय गर्न सक्नेछ । तर, स्विट्जरल्याण्डले अब बाँकी रहेका खेलहरुको भर पर्नु पर्ने छ ।

वेल्स इटालीसँग १-० ले पराजित भए पनि । -१ को गोल भिन्नता रहेका कारण स्विट्जरल्याण्डले सिधै अन्तिम १६ मा स्थान बनाउन सकेन् ।

स्विट्जरल्याण्डका लागि जेर्दान सकिरीले उत्कृष्ट प्रदर्शन गर्दै दुई गोल गर्दा हारिस सेफेरोविकले एक गोल गरेका थिए । स्विट्जरल्याण्डका लागि तिन वटै गोलमा स्टेभन जुबएरको एस्सिट रहेको थियो । टर्कीका लागि युरो २०२० मा इरफान कावेसीले गोल फर्काएका थिए ।

स्विट्जरल्याण्डका लागि छैँठौ मिनेटमै पहिलो गोल भएको थियो । स्टेभन जुबएरले दिएको पासमा हारिस सेफेरोविकले गोल गरेका थिए । सेफेरोविकले पेनाल्टी एरिया बहिरबाट गरेको प्रहारलाई टर्कीका गोलरक्षक उग्रुकान साकिरले कुनै मौका नै पाएनन् ।

खेलमा टर्कीले पहिलो हाफमा केही मिनेट स्विट्जरल्याण्डको पोस्टमा आक्रमण बुनेको थियो । तर, २६ औँ मिनेटमा जेर्दान साकिरीले गोल गर्दै स्विट्जरल्याण्डलाई २-० को अग्रता दिलाएका थिए ।

जुबेरीले निकालेको पासमा सकिरीले पेनाल्टी एरिया बहिरबाट उत्कृष्ट गोल गरेका थिए । सकिरीले करिब २५ मिटर बहिरबाट गरेको प्रहार गोल भएको थियो । स्विट्जरल्याण्ड पहिलो हाफ देखी नै तेस्रो गोलको खोजीमा रहेको थियो ।

तर, टर्कीले ६२ औँ मिनेटमा एक गोल फर्काएको थियो । टर्कीका लागि इरफान कावेसीले गोल गरेका थिए । त्यसको पाँच मिनेट पनि नबित्दै ६८ औँ मिनेटमा फेरी सकिरीले गोल गर्दै खेललाई ३-१ को स्थितीमा पुर्याएका थिए । यो गोलका लागि पनि जुबेरीले नै एसिस्ट दिएका थिए ।

७९ औँ मिनेटमा स्विट्जरल्याण्डका लागि ग्राएन्ट जाकाले प्रहार गरेको फ्रिकिक पोस्टमा लाग्न पुगेको थियो ।

जित पछि स्विट्जरल्याण्डको चार अंक रहे पनि दोस्रो स्थानमा रहेको वेल्स गोल भिन्नतामा एक अंक अगाडि रहे पछि वेल्स अन्तिम १६ मा पुगेको छ । वेल्स इटालीसँग १-० ले पराजित भएको थियो ।

 

Continue Reading

Headline

जाओ क्यन्सेलो: शोकलाई शक्तिमा परिणत गरेका उदीयमान पोर्चुगिज स्टार

wesportz

Published

on

’आमा तिमीलाई धन्यवाद छ मेरो बाटामा उज्यालो छरिदिएकोमा ।’

जाओ क्यन्सेलोले सन् २०१४ जनवरी २५ मा बेन्फिकाको पहिलो टोलीका लागि लिग कप अन्तर्गत गिल भिसेन्टबिरुद्ध डेब्यु गर्दाको खेलमा फुटबल प्रति उनको लगाव स्पष्ट झल्किरहेको थियो ।

तर त्यसको एक वर्ष अघि उनको जीवनमा ठूलो बज्रपात परेको थियो । उनका बाबु होजे त्यस समय स्विट्जरल्याण्डमा काम गर्दथे । उनका बाबु छुट्टीबाट फर्केर स्विजरल्याण्ड जाने बेलामा उनी आफ्नो आमा र भाईसँगै एयरपोर्ट गए ।

तर एयरपोर्टबाट फर्कने क्रममा यस्तो घटना घट्यो जसले गर्दा १८ वर्षीय जाओको जीवन नै परिवर्तन भयो । एयरपोर्टबाट फर्कने क्रममा उनीहरु चढेको कार दुर्घटना हुन पुग्यो ।

लिस्बनबाट केही टाढा र बेन्फिकाको अभ्यास स्थलबाट केही नजिक भएको उक्त दुर्घटनामा उनको आमा फिलोमेनाको मृत्यु हुन पुग्यो । उनी र उनका नौ वर्षीय भाइ पेद्रोलाई भने सामान्य चोटपटक मात्र लाग्यो । उनका भाइ अहिले भिटोरिया गुइमारेसको अण्डर १९ टोलीबाट खेलिरहेका छन् ।

कमजोर आर्थिक अवस्थाका कारण उनका बाबु पैसा कमाउन स्विट्जरल्याण्ड पुगेका थिए । जाओको आमाले आफ्नो छोराहरूलाई राम्रो भविष्य दिने सोचका साथ तीन ठाउमा काम गर्दथिइन् ।

क्यान्सेलो त्यस समय बेन्फिकाको पहिलो टोलीमा लगातार अभ्यास गर्दथे । उनको एउटै सपना थियो, एक दिन बेन्फिकाको लागि खेल्दै राम्रो आम्दानी गर्ने र आमा बुबालाई आर्थिक रुपमा बलियो छौं भन्दै आराम गर्न भन्ने ।

“अचानक मेरो जीवनको प्रकाश नै हरायो । बाच्नुको आधार पनि देख्न छाडे । मैले मेरी आमालाई निकै माया गर्थे । आमा तिमी जहां भए पनि म तिम्रो साथ छु । तिमीले हाम्रो ख्याल गर्नुको साथै रक्षा पनि गर्नेछौ । म भित्र भित्रै मरिसकेको छु । तर पनि म बलियो बन्छु र तिमीलाई म माथि गौरवान्वित बनाउने छु । तिमी नै मेरो जीवन र संसार हौ । तिमी बिना केही कुराको पनि अर्थ छैन । तिमी प्रति हार्दिक श्रद्धाञ्जली छ आमा,” आफ्नो आमाको निधन भएको केही दिन पछि सामाजिक सञ्जालमा भावुक क्यान्सेलोले लेखेका थिए ।

 

आमाको निधन पछि शोकमा परेका क्यानसेलो एक महिना घरमा नै बसे । उनलाई फुटबल प्रति लगाव हुन छाड्यो । उनले अभ्यास पनि गर्न छाडे । त्यती मात्र होइन आंखा अगाडी आमाले ज्यान गुमाएको देखेका जाओले फुटबल नै छाड्ने सम्म निर्णयमा पुगे ।

तर त्यो सबै परिणत भयो जब उनले आफुले फुटबल छाड्ने सोच बनाएको बारेमा बताए । बाबुका कारण उनी फुटबलमा पुन लाग्ने निर्णयमा पुगे । त्यस पछि उनको जीवनको एक मात्र लक्ष्य बन्यो फुटबलमा फर्कदै आफ्नो आमालाई शीर उचो पार्ने ।

चार महिना पछि राइट ब्याक क्यान्सेलोको दुई गोलको मद्दतमा बेन्फिकाले अण्डर १९ राष्ट्रिय प्रतियोगिताको उपाधि चुम्यो । त्यस लगत्तै उनले बेन्फिकाको पहिलो टोलीको लागि डेब्यु गर्ने मौका पाए । बेन्फिकाले प्रिमेरा लिगाको अन्तिम खेल खेल्दै थियो र उपाधि पनि जित्ने पक्का भइसकेको थियो ।

त्यसैले पनि प्रशिक्षक होर्गेजले फेरी पनि युवा क्यान्सेलोलाई मैदानमा उतार्ने निर्णय लिए ।

सबैलाई अचम्मित पार्दै, दुई खेल मात्र खेलेका क्यान्सेलोलाई भ्यालेन्सियाले त्यस पछिको सिजन १५ मिलियन युरो खर्चदै क्लब भित्र्यायो ।

तीन वर्ष स्पेनिस क्लबमा बिताएका उनले कुल १ सय खेल खेले । तीन वर्षको समयमा उनले आफ्नो खेलमा निकै निखार ल्याउन सफल पनि भए । निकै लगाव भएका क्यान्सेसेलोले साना साना गल्तीहरुलाई पनि सच्यांउदै लगे ।

सन् २०१७ को अप्रिल महिनामा जब उनले डिपोर्टिभो ला कोरुना विरुद्ध गोल गरे उनले समर्थकहरु अगाडी पुगेर चुप लाग्न भन्ने संकेत दिए । समर्थकहरुले उनको विरोध गर्न थाले।

“मानसिक रुपमा म निकै खराब अवस्थाबाट गुज्रिरहेको छु । त्यसैले पनि मैले त्यस किसिमको हर्कत गरे । त्यो समर्थकहरुको गल्ती थिएन । मेरो गोल गरे पछिको कार्यलाई सबैले गलत बुझे । त्यो उनीहरूको लागि थिएन । मैले मेरो जीवनमा के गुज्रिरहेको छ भन्ने वारेमा म बोल्न चाहँदिन भन्ने मात्र थियो,” खेल पछि प्रतिक्रिया दिंदै उनले भनेका थिए ।

अनादर गर्ने । यो नै जाओको सबैभन्दा अचम्मको विशेषता थियो । उनी बेन्फिकाको अण्डर १५ टोलीमा हुँदा आफ्नो प्रशिक्षकलाई डरलाग्दो ट्याकल हानेका थिए । कारण के भन्दा प्रशिक्षक ब्रुनो लागेले निर्णायक चरणका खेलहरुमा उनलाई पर्याप्त मौका दिएनन् । तर अहिले उनको बानीमा परिवर्तन आएको छ । आजकल उनी प्रशिक्षक रआफु बीच बाबु छोराको सम्बन्ध रहेको बताउंछन् ।

उनले सधैं आफ्नो मन देखि नै खेले । समयको परिवर्तनसंगै उनले नियन्त्रण गुमाउने बानीलाई कन्ट्रोल गर्दै आएका छन् । उनको प्यासनलाई समर्थकहरुले स्विकार्दै आएका छन् । सायद त्यसैले पनि होला केही नराम्रा घटनाहरु भएको भए पनि भ्यालेन्सियाको अन्तिम खेल पछि सबै समर्थकहरुले उठेर उनलाई ताली बजाउंदै विदाई गरेका थिए । समर्थकको माया देखेर जाओले आंसु थाम्न सकेनन् ।

“उनको मनोवृत्तिलाई प्रसंशा गर्न पर्दछ । उनलाई थाहा थियो कि उनी क्लब छाड्दै छन् । तर पनि उनी एक खेल भए पनि भ्यालेन्सियाको लागि खेल्न चाहन्थे । त्यसले पनि देखाउंछ कि उनी कस्ता खालका व्यक्ति हुन् भनेर । अहिले सम्म उनको जीवन त्यती सहज रहेको छैन,” भ्यालेन्सियाका तत्कालीन प्रशिक्षक मार्सेलिनो गार्सिया टोरल भन्छन् ।

क्यान्सेलोले लोनमा इटरनाजिओनलबाट पनि खेले भने युभेन्टस पुगे पछि क्रिष्चियानो रोनाल्डोसंग पनि खेल्ने अवसर पाए । पछिल्लो दुई वर्ष देखि उनी म्यानचेस्टर सिटीमा पेप ग्वार्डियोलासंग छन् ।

उनले सन् २०१६ को सेप्टेम्बरमा पोर्चुगलको लागि डेब्यु गरेका थिए । उनले जिब्रल्टार, एण्डोर्रा र फारो आइल्याण्ड्सविरूद्धको लगातार तीन खेल्दै उत्कृष्ट सुरुवात गरे पनि । सन् २०१८ मा रसियामा आयोजना भएको विश्वकपमा भने टोलीमा स्थान बनाउन सकेनन् ।

सन् २०१९ को नेसन्स लिग अन्तर्गत समुह चरणका सबै खेल खेलेका उनले घरेलु मैदानमा पोर्चुगलले उपाधि चुम्दा फाइनलमा पहिलो रोजाईमा पर्न असमर्थ रहे ।

तर अहिले समय परिवर्तन भएको छ । टोलीमा उनको स्थान उच्च रहेको छ भने टिममा महत्वपूर्ण सदस्यका रुपमा रहेका छन् ।

“मलाई थाहा छ मेरी आमा मेरो यस यात्राको लागि पक्कै खुशी छिन् । मसंग अहिले सबैकुरा छ तर पनि सधैं आमाको अभाव खड्किन्छ । मेरो परिवार छ, एउटी छोरी छे । यो सब देख्ने मेरो आमा हकदार थिइन् सायद सबैभन्दा धेरै । उनी मसंग नभए पनि मेरो प्रगतीमा गर्व गर्दै होलिन्,” हालै एक टेलिभिजन अन्तर्वार्तामा जाओले भएका थिए ।

उनी अझै मिहिनेत गर्दै अझै धेरै गर्न चाहन्छन् । आमाको सम्झनामा ।

Continue Reading

Euro 2020

१३ खेलमा मात्र तीन गोल । कहां चुक्दै छन् पोलिस गोल मेसिन ?

wesportz

Published

on

पोल्याण्डका समर्थकहरुलाई ठुलो प्रतियोगितामा आफ्नो टोलीको ओषत प्रदर्शनले निराश बन्ने बानी नै परि सकेको छ ।

युरो कपको आफ्नो दोश्रो खेलमा शनिबार राति स्पेनलाई गोलरहित बराबरीमा रोकेपनि पोल्याण्डको अवस्था नाजुक नै छ । उ समुह चरणबाटै बाहिरिने संघारमा छ ।

स्लोभाकियासंगको हार पोलिस समर्थकहरुलाई मान्य थिएन । समर्थकहरुलाई डर के पनि छ भने समुहको शिर्षमा रहेको स्विडेनसंगको अन्तिम खेलले नै उनीहरुलाई नकआउट गर्न सक्छ ।

समर्थकहरुलाई सबैभन्दा धेरै रिस पोल्याण्डका प्रशिक्षक पाउलो सौसा उठेको छ र उनीहरुको निशानामा पोलिस फुटबल इतिहासकै सर्वोत्कृष्ट स्ट्राइकर रोबर्ट लेवान्डोस्की पनि छन् ।

स्पेनबिरुद्ध शनिबार बराबरी गोल गरेपनि समर्थकहरुको आशा उनले स्लोभाकियाबिरुद्ध उच्च प्रदर्शन गर्दै पोल्याण्डलाई चाहे अनुरुपका शुरुवात दिने थियो । तर लेवान्टडोस्की गोल गर्ने त परको कुरा हो पोल्याण्ड खेलमा स्तब्ध नै भयो । शनिबारको गोलमा उनले केही इज्जत भने बचाए ।

सन् २०१६ को युरो कपमा बायर्न म्युनिखका स्टार लेवान्डोस्कीलाई सबैले विश्व स्तरीय स्ट्राइकरका रुपमा हेरेका थिए । तर अचम्म उनले उक्त प्रतियोगितामा एक गोल भन्दा गर्न सकेनन् । युरो २०१६ मा पोल्याण्ड पोर्चुगलसँग पेनाल्टीमा पराजित हुंदै क्वार्टर फाइनलबाट बाहिरियो ।

दुई बर्षपछि रुस बिश्वकपसम्म आइपुग्दा लेवान्डोस्कीको प्रतिष्ठा पनि निकै माथि उठिसकेको थियो । सबैले पोल्याण्डलाई ’डार्क हर्स’ को रुपमा हेरेका थिए, कारण थिए लेवान्डोस्की । तर लेवान्डोस्की नराम्ररी फ्ल्प हुन पुगे । पोल्याण्ड समुह चरणबाट नै बाहिरियो ।

शनिबार लेवान्डोस्कीले पोल्याण्डका लागि ठूलो प्रतियोगिताहरुमा आफ्नो तेश्रो गोल गरेका हुन्

लेवान्डोस्की हाल सबैभन्दा उत्कृष्ट सेन्ट्रल स्ट्राइकर रहेको कुरामा दुई मत छैन । सन् २०२० कोरोनाले प्रभावित नबनेको भए बालोन डि’ओउनले नै जित्ने थिए ।
तर लेवान्डोस्कीको ठूला प्रतियोगिताहरुको प्रदर्शन हेर्ने हो भने निकै दयनीय छ ।

समुहको सबैभन्दा सानो टोली मानिएको स्लोभाकियाबिरुद्ध लेवान्डोस्कीले गोलका लागि एउटा पनि राम्रो प्रहार गर्न सकेनन् । ठूला प्रतियोगितामा लेवान्डोस्कीको प्रदर्शन यस्तो छ – १३ खेल, गोल संख्या ३ ।

पोल्याण्डको एक पत्रिकाकाले स्लोभाकियासंगको खेलमा पराजित हुंदा आफ्नो प्रथम पृष्ठमा एउटा तस्बिर छाप्यो। तस्विरमा प्रशिक्षक सौसाको नामबाट यु अक्षर हटाएर एस ओ एस मात्र लेख्यो । अंग्रजीमा यसको मतलब हुन्छ मद्दत गर ।

त्यस्तै उक्त पत्रिकाले प्रशिक्षकको पुरानो भनाइ उदृत गर्दै’पोल्याण्डले यस पटक शानदार प्रदर्शन गर्नेछ’ भनेर पनि लेख्यो । तर पोल्याण्डले पहिलो खेलमा नै लज्जास्पद हार व्यहोर्न पुग्यो ।

सौसा पोलिस टोलीको नेतृत्व बहन गर्नका लागि सबैभन्दा खराब विकल्प भन्दा धेरैले सहमती नै जनाउदै आएका छन् । यस प्रतियोगिता अघि फुटबल संघका अध्यक्ष जेबिगनिएउ बोनेइकले आफ्नो टोली युरोको लागि राम्रो तयारीमा रहेको बताएका थिए ।

गत जनवरीमा यिनै बोनेइकले अलोकप्रिय प्रशिक्षक जर्जी ब्रजेचेकलाई बर्खास्त गर्दै सौसालाई नयां प्रशिक्षक नियुक्त गरि सबैको ध्यान तानेको थिए ।

सौसाको क्लबको प्रदर्शन पनि खासै राम्रो छैन । उनी पोल्याण्डको राष्ट्रिय टोली सम्हाल्ने दोश्रो विदेशी प्रशिक्षक हुन् । यस अघि लियो बेनहाकरले सन् २००६ देखि सन् २००९ सम्म पोल्याण्डको टोली सम्हाल्दा पहिलो विदेशी प्रशिक्षक बनेका थिए ।

सौसालाई प्रशिक्षक नियुक्त गर्नुको एउटै लक्ष्य के थियो भने उनले लेवान्डोस्कीस.ग राम्रो संयोजन गर्दै उनीबाट उच्चस्तरीय प्रदर्शन निकाल्ने । तर सौसाले प्रतियोगिता आउन निकै कम समय भएको अवस्थामा लेवान्डोस्कीको खेल्ने शैली नै परिवर्तन गरिदिए ।

“सौसाले धेरै भन्दा धेरै बल आफ्नो नियन्त्रणमा राख्ने शैलीमा मात्र खेल खेलाए । उनीसंग त्यस बाहेक अर्को रणनीति नै छैन । त्यस्तै उनी निकै कठोर बने भने खेल अनुसार आफ्नो शैलीमा परिवर्तन गर्न असफल पनि भए,” एक पत्रकारले भने ।

उनले गत सिजन सबै क्लब प्रतियोगिताहरुमा बायर्न म्युनिखलका लागि भने २९ गोल गरेका थिए

अर्का एक पत्रकारले लेखेका छन्: “आशा छ की सौसाले पासा पल्टाउंदै खेलाडीको छनोट भने गर्ने छैनन् । तपाई यस्तो प्रशिक्षक नियुक्त गर्न खोज्नु हुन्छ जसले हाम्रो फुटबल पहिचान पुनर्निर्माण गर्ने आशामा छन् । हामीले शुरुवातमा आशा पनि राखेका थियौं । तर अहिले हेर्नुहोस कस्तो छ खेल ।”

“आजकल पोल्याण्डले हार्ने प्राय निश्चित नै हुन्छ । हामीलाई बल दिनुहोस् र पिडा दिने समय कुरेर बस्नुहोस् ।”

उनले आफ्नो लेखमा सबैभन्दा बढी लेवान्डोस्कीलाई राम्रोसँग खेल्ने अवसर प्रदान गर्न नसकेकोमा खेदो खनेका छन् । “यो एकदम सहज विषय हो । पोलिस टोलीको मुख्य काम भनेको लेवान्डोस्कीलाई कम्तिमा पनि गोल गर्नका लागि दुई चारवटा अवसर प्रदान गर्नु हो । तर यसमा पनि हामी चुकेका छौ ।”

“विश्व कै सबै भन्दा उत्कृस्ट स्ट्राइकारलाई पनि हामी प्रयोग गर्न सक्दैनौ । उनले ठूला प्रतियोगिताहरुमा १३ खेल खेल्दा जम्मा तीन गोल मात्र गर्न सकेका छन् । ती मध्ये सात खेलमा मात्र उनले गोल गर्ने अवसर पाउन सकेका थिए । स्लोभाकियासंगको खेलमा भने एउटा पनि अवसर प्राप्त गर्न सकेनन् ।”

“यसमा लेवान्डोस्कीको आफ्नै पनि गल्ती छ । हामी चाहन्छौं कि उनी खेलमा संलग्न हुन् भन्ने । बल नियन्त्रण लिनका लागि अगाडी पछाडी कुद्ने । तर उनले बललाई नियन्त्रण लिनका लागि धेरै प्रयास गरेको पनि देखिएन । बिपक्षीले पनि उनलाई चल्ने अवसर पनि दिएनन् ।”

Continue Reading
Euro 20202 hours ago

टर्कीलाई पराजित गरे पनि स्विट्जरल्याण्डले अन्तिम १६ का लागि केही दिन कुर्नु पर्ने

अन्तर्राष्ट्रिय2 hours ago

वर्ल्ड टेस्ट च्याम्पियनसिप – कन्वेको अर्धशतकमा भारत विरुद्ध राम्रो सुरुवात गर्न सफल न्युजिल्यान्ड 

अन्तर्राष्ट्रिय7 hours ago

वर्ल्ड टेस्ट च्याम्पियनसिप : जेमिसनको घातक बलिङ सामु निरिह भारतीय ब्याटिङ

Headline7 hours ago

जाओ क्यन्सेलो: शोकलाई शक्तिमा परिणत गरेका उदीयमान पोर्चुगिज स्टार

Euro 202013 hours ago

१३ खेलमा मात्र तीन गोल । कहां चुक्दै छन् पोलिस गोल मेसिन ?

Euro 202014 hours ago

युरोमा आज दुई खेल, समुह ‘ए’ बाट अन्तिम १६ मा पुग्ने टोलीको टुङ्गो लाग्दै

अन्तर्राष्ट्रिय22 hours ago

वेस्ट इन्डिजको खराब ब्याटिङ, दक्षिण अफ्रिकालाई १४९ रनको अग्रता  

Euro 202023 hours ago

पेनाल्टी खेर फाल्दा स्पेन पोल्याण्डसंग रोक्कियो

अन्तर्राष्ट्रिय1 day ago

वर्ल्ड टेस्ट च्याम्पियनसिप : भारतको सामान्य सुरुवात, दोश्रो दिन १४६ रन मात्र जोड्न सक्यो 

Headline1 day ago

पोर्चुगल विरुद्ध उच्च प्रदर्शन गरेको जर्मनीको युरोमा पहिलो जित

Trending

error: Content is protected !!