Connect with us

Headline

न्युजिल्यान्ड बिरुद्ध भारत : ट्वान्टी ट्वान्टी शृंखलामा भारतको ह्व़ाइट वास

wesportz

Published

on

पाहुना टोली भारतले घरेलु टोली न्युजिल्यान्ड बिरुद्धको पाँचौं तथा अन्तिम ट्वान्टी ट्वान्टी खेलमा सात रनको रोमान्चक जीत हात पार्दै शृंखलामा ह्व़ाइट वास गरेको छ । पाँच खेलको शृंखला भारतले ५-० ले जीत्दै क्लिन स्विप गरेको हो ।
जीतका लागि १६४ रनको लक्ष्य लिएर ब्याटिंङमा आएको न्युजिल्यान्डले २० ओभर खेल्दै नौं विकेटको नोक्सानीमा मात्र १५६ रन बनाउन सक्यो ।

खेलमा खराब शुरुवात गरेको न्युजिल्यान्डले तीन दशमलब दुई ओभरमा बोर्डमा १७ रनको अवस्थामा आफ्नो मह्त्वपुर्ण तीन विकेट गुमायो ।

तेश्रो नम्बरमा ब्याटिंङ गर्न आएका टिम सेइफर्ट र पाँचौं नम्बरमा ब्याटिंङ गर्न आएका रस टेलरले चौथों विकेटका लागि ९९ रन जोड्दै न्युजिल्यान्डको पारी सम्हाल्ने प्रयास गरे । तर ३० बल खेल्दै पाँच चौका र तीन छक्काको मद्धतमा ५० रन बनाएका सेइफर्ट नवदिप साइनीको शिकार भए पछि न्युजिल्यान्ड दबाबमा पर्न गयो ।
त्यस पछि आएका ब्याट्सम्यानहरु पनि लगातार रुपमा आउट हुँदा न्युजिल्यान्डले खेलमा हारको सामना गर्न पुग्यो । न्युजिल्यान्डको लागि रस टेलरले ४७ बल खेल्दै पाँच चौका र दुई छक्काको मद्धतमा सर्वाधिक ५३ रन बनाएता पनि टोलीको हार टार्न सकेनन् ।
भारतको जीतमा जस्प्रित बुम्राले सर्वाधिक तीन विकेट लिए भने नवदिप साइनी र शार्दुल ठाकुरले समान २-२ विकेट हात पारे । किफायती बलिङ गरेका बुम्राले चार ओभरमा मात्र १२ रन खर्चिएर तीन विकेट हात पारेका हुन् ।

यस अघि खेलमा टस जीतेर पहिले ब्याटिंङ गरेको भारतले तीन विकेटको नोक्सानीमा १६३ रनको योगफल तयार पार्यो ।

भारतको तर्फबाट रिटायर्ड हर्ट हुनु अघि आजको खेलमा कप्तानी गरिरहेका रोहित शर्माले ४१ बलको सामना गर्दै समान ३-३ चौका र छक्काको मद्धतमा ६० रन बनाए । आठ रनको अवस्थामा दुई रन बनाएका सन्जु सामसनलाई गुमाएर खराब शुरुवात गरेको भारतको पारी सम्हाल्ने क्रममा तेश्रो नम्बरमा ब्याटिंङ गर्न आएका रोहित अर्का ओपनर केएल राहुलसँग मिलेर १० ओभरमा ८० रन जोडे । ३३ बलको सामना गर्दै चार चौका र दुई छक्का प्रहार गरेका राहुल ४५ रनमा आउट भए ।
भारतको पारी सम्हाल्ने क्रममा चौथों नम्बरमा ब्याटिंङ गर्न आएका श्रेयस ऐयर र छैठौं नम्बरमा ब्याटिंङ गर्न आएका मनिष पाण्डेले अविजित रहँदै क्रमसः ३१ बलमा ३३ तथा चार बलमा ११ रनको पारी खेले ।
न्युजिल्यान्डका स्कट कुज्गेलेइज्नले किफायती बलिङ गर्दै चार ओभरमा २५ रन खर्चिएर सर्वाधिक दुई विकेट हात पारे ।

पाँच खेलको शृंखलामा पाहुना टोली भारत ४-० ले अघि रहेकाले गर्दा आजको खेल जीत्दै क्लिन स्विप गर्ने दाउमा हुनेछ भने न्युजिल्यान्ड सान्त्वना जीतको खोजीमा हुनेछ ।

पहिलो ट्वान्टी ट्वान्टी खेलमा २०४ रनको विशाल लक्ष्य छ विकेटले तथा दोश्रो ट्वान्टी ट्वान्टीमा १३३ रनको लक्ष्य सात विकेटले भारतले आफ्नो पक्ष्यमा पारेको थियो । त्यस्तै बाँकी दुई खेलमा न्युजिल्यान्ड सुपर ओभरमा पराजित भएको थियो ।

Click to comment

Leave a Reply

Your email address will not be published. Required fields are marked *

Headline

तीन देखि चार महिनामा कोर्ट फर्कन सक्छुः प्रतिभा माली (भिडियो अन्तर्वार्ता) 

wesportz

Published

on

नेपाली महिला भलिबल टोलीकी स्टार प्रतिभा माली चोटका कारण मैदान बाहिर रहेकी छिन् । तर उनी अबको तीन देखि चार महिनामा पूर्ण फिट भएर कोर्टमा फर्कन सक्नेमा ढुक्क छिन् ।

नेपाल भलिबल संघले आयोजना गरेको राष्ट्रिय प्रतियोगिताको फाइनलका क्रममा उनले घुँडाको चोट बोक्न पुगिन् । उनलाई लागेको एसिएल चोट स्पोर्ट्स इन्जुरीमै पर्ने गर्दछ ।

चोटबाट मुक्त हुन प्रतिभाले दुई पटक शल्यक्रिया पनि गरिसकेकी छिन् । हाल उनी नियमित रुपमा फिजियोथेरापी गराउँदै आएकी छिन् । फिजियोथेरापी गर्दै चोटबाट ठिक हुँदै राष्ट्रिय टोलीमा पुनरागम गर्न उनी कडा मिहिनेत पनि गर्दै आएकी छिन् ।

विस्पोर्ट्जलाई दिएको अन्तर्वार्तामा प्रतिभा भन्छिन्, ’शल्यक्रिया हुनु अघि नै मलाई डक्टरहरुले करिब नौं महिना देखि एक बर्ष लाग्छ भन्नु भएको थियो । अहिले आठ महिना भयो । मेरो चोट लगभग ठिक पनि भैसकेको छ । तर पनि हतार नगरी पूर्ण फिट भएर मात्र मैदान फर्कन चाहन्छु ।’

हुन त प्रतिभाले अहिले नै कोर्टमा अभ्यास सुरु गरिसकेकी छिन् । तर पनि उनी खेलमा फर्कन आतुर भएर आफ्नो चोटलाई बल्झाउने पक्षमा छैनन् ।

यो पनि पढ्नुहोला :पुनरागमनको तयारीमा भलिबल स्टार प्रतिभा माली (फोटो फिचर र भिडियो 

त्यस्तै अर्थोप्लास्ट रिह्याब सेन्टरका मेडिकल निर्देशक तथा नेपाली फुटबल टोलीका पुर्व फिजियो सुरज भुसाल पनि प्रतिभाको चोट लगभग ठिक भएको बताउँछन् । प्राय खेलाडीको एसीएल अथवा एमसीएलमा समस्या आउने गर्दछ । तर प्रतिभाको भने दुवै र मिनिस्कसमा समस्या देखिएका कारण पूर्ण ठिक हुनका लागि हतार नगरेर समय लिएर फिजियो गराउने गरेको बताए ।

गत नोभेम्बरमा नेपाली महिला भलिबल टोलीले पहिलो पटक अन्तरास्ट्रिय स्वर्ण पदक चुम्दा प्रतिभा प्रतियोगिताकै उत्कृस्ट स्पाइकर घोषित भएकी थिइन् । नेपालले दक्षिण एसियाली खेलकुद (साग) अन्तर्गत महिला भलिबलमा ऐतिहासिक रजत पदक चुम्दा पनि प्रतिभाको योगदान महत्वपूर्ण रहेको थियो ।

 

Continue Reading

Headline

च्याम्पियन्स लिगको सेमिफाइनल पुगेर युरोपलाई चकित बनाएको आयाक्समा अहिले के बाकी छ ?

wesportz

Published

on

लिभरपुलसँग १८ महिनाअघि फाइनलमा खेल्ने मौका चुकाएको डच प्रथम श्रेणी क्लब आयाक्सले मङ्गलवार राति च्याम्पियन्स लिग अन्तर्गत पहिलो खेलमा घरेलु मैदानमा योर्गन क्लोपको टोलीलाई स्वागत गर्दैछ । २०१८–१९ सिजनको सेमिफाइनलसम्म पुगेर बिश्व फुटबलमै तहल्का मच्चाएको आयाक्स अन्तिम चारमा आफ्नै मैदानमा अर्को इङ्गलिस टोली टोटेन्ह्याम हट्स्परको उत्कृष्ट पुनरागमन पछि बाहिरिएको थियो ।

युरोपलाई नै आफ्नो प्रदर्शनबाट सबैको मन जितेको आयाक्सका खेलाडीहरुलाई त्यसपछि अन्य ठूला क्लबहरुले लिदा धेरैले आश्चर्य मानेका थिएनन् । उक्त आयाक्स टोलीमा अब के बाकी छ तः

जसले छोडेर गए

२०१९–२० सिजनको शुरुवाती ट्रान्सफरमा आयाक्स छोडेर जाने दुई ठूला नाम थिए डच राष्ट्रिय टोलीका सदस्यद्वय माथिस डि लिट र फ्रेंकी डि जोँग । १९ बर्षको उमेरमै आयक्सको कप्तानी गरेका सेन्टर ब्याक डिफेन्डर डि लिटले युभेन्टसबिरुद्ध क्वार्टर–फाइनलमा बिजयी गोल गर्नुका साथै सेमिफाइनलमा पनि स्पर्सबिरुद्ध बललाई जाली चुमाएका थिए ।

अघिल्लो सिजनको शुरुवातमा डि लिट ७५ मिलियन युरोका साथै अतिरिक्त १० दशमलव ५ मिलियन युरोमा युभेन्टसनै गएपछि उनी बिश्वका सबैभन्दा महँगा डिफेन्डर बनेका थिए । हाल २३ बर्षका मिडफिल्डर डि जोँग भने मिड सिजन ट्रान्सफरमा ८६ मिलियन युरोमा बार्सिलोना पुगे ।

क्यास्पर डोल्बर्गको भुमिका उक्त च्याम्पियन्स लिगमा त्यति ठूलो नभएपनि आयाक्सले फाइदा उठाउदै डेनिस स्ट्राइकरलाई फ्रेञ्च क्लब निसमा २० दशमलव ५ मिलियन युरोमा बेचेको थियो । अर्का भेटेरान डेनिस मिडफिल्डर लासी स्कोन भने इटालियन क्लब जेनोआ पुगेका थिए ।

२०१९–२० को सिजनमा समुह चरण पार गर्न नसक्दा आयक्सले अर्का महत्वपूर्ण र निकै प्रतिभावान मोरक्कन एट्याकिङ्ग मिडफिल्डर हकिम जिएचलाई ४० मिलियन युरोमा चेल्सी जान दिएको थियो । २३ बर्षिय मिडफिल्डर डोनी भान बिक आयाक्स छोड्ने सबैभन्दा अन्तिम नाम हुन् । उनी सेप्टेम्बरमा ३९ मिलियन युरोमा म्यानचेस्टर युनाइटेड गए ।

घरेलु सिजनमा दुई उपाधि जित्दै युरोपियन प्रतियोगितामा त्यति परसम्म पुगेको चार पटकको च्याम्पियन्स लिग बिजेता आयाक्सले २०१८–१९ को टोलीबाट खेलाडीहरु बेच्दै झण्डै ३ सय मिलियन युरो आम्दानी गर्न सफल भएको थियो ।

जसले नजाने निर्णय लिए

धेरैजसो आशा लाग्दा युवा खेलाडीहरुले आयाक्स छोडेर गए पनि अन्य केही क्लबमै बस्नेहरु पनि थिए । एरिक टेन ह्याग अहिले पनि प्रशिक्षक छन् भने सर्बियन अन्तर्राष्ट्रिय खेलाडी डुसान टाडिच गोल गर्ने प्रमुख खेलाडी नै रहेका छन् । सेमिफाइनलसम्म स्थान बनाउदाको च्याम्पियन्स लिग यात्रामा टाडिचले ६ गोल गरेको थिए भने गत सिजन उनले सबै प्रतियोगिता गरेर १६ गोल गरे ।

गत सिजन कोरोना भाइरसका कारण डच लिग रद्द नै गरिनु पर्दा कुनै पनि टिम च्याम्पियन बन्न सकेको थिएन । टाडिचले गत सप्ताहन्त हेरेनभिनबिरुद्ध ५–१ को फराकिलो जितमा पनि दुई गोल गरेका थिए ।

गोलकिपर आन्द्रे ओनाना, सेन्टर ब्याक ड्याली ब्लाइन्ड, अर्जेन्टिनी लेफ्ट ब्याक निकोलस ताग्लियाफिको र मोरक्कन राइट ब्याक नौसर मजरुई सबै आयाक्सका लागि प्रमुख खेलाडीको रुपमा रहदै आएका छन् । यस्तै युभेन्टसबिरुद्ध २०१९ मा गोल गरेका ब्राजिलियन विङ्गर डेभिड नेरेस अहिले पनि ह्यागको टोलीका लागि खेलिरहेका छन् ।

नयाँ अनुहारहरु

पछिल्लो १८ महिनामा खेलाडी बेचेर आम्दानी गरेको आयाक्सले केही खेलाडीहरुलाई खरिद गरेको थियो । यस क्रममा आयक्सले १५ मिलियन युरो खर्चदै डच टोलीका क्विन्सी प्रोमेसलाई सेभियाबाट ल्याउनुका साथै मेक्सिकन मिडफिल्डर एड्सन अल्भारेज र युवा ब्राजिलियन एन्टोनीलाई भित्र्याएको थियो । एन्टोनीले गत साता गोल गरेका थिए भने अर्का गोलकर्ता डेनमार्कको नोडर््जेल्याण्डबाट आएका २० बर्षिय घाना फर्वार्ड मोहम्मद कुडुस रहेका थिए ।

युवा जोशमा बिश्वास राख्ने गरेको आयाक्सले अनुभवलाई पनि स्थान दिएको छ । उसले वेर्डर ब्रेमनबाट डेभि क्लासेनलाई १४ मिलियन युरोको सम्झौतामा यसै सिजन फर्काएको छ । २०१७ मा प्रिमियर लिग क्लब एभर्टन गएपछि त्यहा असफल भएका क्लासेन व्रेमन हुदै पुरानै क्लब फर्किएका हुन् ।

Continue Reading

Headline

च्याम्पियन्स लिग आजबाट शुरु हुँदैः पहिलो दिन के हुदैछ त ?

wesportz

Published

on

२०२०–२०२१ च्याम्पियन्स लिग सिजन मंगलबार बाट शुरु हुँदै छ । कोरोना भाईरसका बावजुद यूएफाले बिश्वकै सबैभन्दा ठूलो क्लब फुटबल प्रतियोगिता सञ्चालन गर्न लाग्दा समर्थक र क्लबहरु निकै उत्साहित छन् ।

युएफाले क्लबहरुलाई आ–आफ्नो देशको सरकारले अनुमती दिएको खण्डमा समर्थकहरुलाई कोभिड–१९ को प्रोटोकलमा बाध्दै रँगशाला प्रवेश गराउने अनुमती पनि दिएको छ । त्यसैले यो सिजन समर्थकहरुमा उत्साह अलि बढी नै छ ।

नयाँ सिजनको पहिलो दिन नेपाली समय अनुसार राती १०ः४० मा दुई उद्घाटन खेलहरु हुनेछन् । पहिलो दुई खेलमा रसियन क्लब जेनिट सेन्ट पिटर्सबर्गले बेल्जियमको क्लब ब्रुगको सामना गर्नेछ । दोस्रोमा युक्रेनको डाइनामो किएभले इटालियन महारथी युभेन्टससँग खेल्नेछ ।

युभेन्टसका लागि स्टार खेलाडी क्रिष्चियानो रोनाल्डोले कोभिड–१९ का कारण उक्त खेल गुमाउने छन् भने प्रशिक्षक आन्द्रे पिर्लोले आफुलाई नै फुटबलमा डेब्यु गराएका प्रशिक्षक मर्सिया लुकेस्कुको समाना गर्ने छन् ।

अन्य खेलहरुमा के हुदैछ?

लिभरपुल भर्सेस आयाक्स

केही दिन अघि मात्र आफ्नो प्रमुख खेलाडी भर्जिल भान डाइकलाई गम्भिर चोटका कारण गुमाएको लिभरपुलले योहान क्रुएफ एरिनामा आयाक्सको समाना गर्दै छ ।
यस च्याम्पियन्स लिग सिजनको आफ्नो पहिलो खेलमा खेल्दै गर्दा आयाक्स भने आफ्नो घरेलु लिगमा उत्कृष्ट लयमा देखिएको छ । यता लिभरपुल भने प्रिमियर लिगमा अघिल्लो खेलमा एवर्टनसँग बराबरीमा रोकिएको थियो । तर लिभरपुल अझै पनि एस्टन भिल्लासँग बेहोरेको ७–२ को पराजयबाट बाहिर निस्किन सकेको छैन ।

युवा टोलीले भरिएको आयाक्सले लिभरपुललाई पराजित गर्न नसक्ला भन्न सकिदैन । १९६६–१९६७ पछि पहिलो पटका भिड्न लागेका यि दुई टोलीको खेल निकै रोमान्चक हुने मनिएको छ । खेल नेपाली समय अनुसार १२ः४५ मा सुरु हुने छ ।

म्यानचेस्टर युनाइटेड भर्सेस पिएसजी

प्रिमियर लिगको अघिल्लो खेलमा न्युकासल युनाइटेडलाई ४–१ ले हराउदै आत्मविश्वासी देखिएको म्यानचेस्टर युनाइटेडले साविक उप–बिजेता पेरिस सेन्ट जर्माइन (पिएसजी) को समाना गर्दै छ ।

अन्तिम पटक २०१८–२०१९ को सिजनमा अन्तिम १६ को खेलमा भेट्दा युनाइटेडले नाटकीय ३–१ को जित निकाल्दै समग्रमा ३–३ को बराबरीपछि अवे गोलको आधारमा क्वार्टर–फाइनलमा पुगेको थियो ।

पिएसजीका लागि नेमार खेल्ने लगभग निश्चित छ । प्रशिक्षक थोमस टुचेलले लिग वानमा निम्स विरुद्धको खेलमा नेमारलाई बिश्राम दिदै च्याम्पियन्स लिगमा युनाइटेड विरुद्धको खेललाई तयार पारेको बताएका थिए । खेल नेपाली समय अनुसार १२ः४५ मा सुरु हुने छ ।

यस्तै अन्य खेलहरुमा लाजियोले डर्ट्मण्ड, चेल्सीले सेभिया, बार्सिलोनाले फेरेनकार्भोस, रियल म्याड्रिडले सख्तार दोनेस्क, म्यानचेस्टर सिटीले पोर्टो र साविक बिजेता बायर्न म्युनिखले एट्लेटिको म्याड्रिडको सामना गर्ने छ । यी खेलहरु नेपाली समय अनुसार १२ः४५ मा शुरु हुने छन् ।

Continue Reading
IPL 20203 mins ago

शिर्ष स्थानमा पकड जमाउने लक्ष्य सहित दिल्लीले पन्जाबको सामना गर्दै 

Headline25 mins ago

तीन देखि चार महिनामा कोर्ट फर्कन सक्छुः प्रतिभा माली (भिडियो अन्तर्वार्ता) 

Headline4 hours ago

च्याम्पियन्स लिगको सेमिफाइनल पुगेर युरोपलाई चकित बनाएको आयाक्समा अहिले के बाकी छ ?

Headline6 hours ago

च्याम्पियन्स लिग आजबाट शुरु हुँदैः पहिलो दिन के हुदैछ त ?

Headline9 hours ago

हिमिनेजको गोलमा वुल्भ्स बिजयी

IPL 202018 hours ago

चेन्नाई माथि राजस्थानको सहज जित

IPL 202020 hours ago

चेन्नाईको सानो योगफल

IPL 202022 hours ago

चेन्नाई पहिले ब्याटिङ गर्दै

IPL 202024 hours ago

अंक तालिकाको पुछारमा रहेका चेन्नाई र राजस्थान भिड्दै 

Headline1 day ago

भान डाइकको चोटपछि प्रिमियर लिग अझै प्रतिस्पर्धात्मक

Headline1 month ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 weeks ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline1 week ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending