Connect with us

Headline

माम्बा आउट: नेपालको हरेक बास्केटबल कोर्टका कथा कोबी

wesportz

Published

on

आदर्श ढकाल

कोटेश्वरमा अहिलेको भाटभटेनी पारी एसओएस युवाग्राम छ । केही समय अघि सम्म युवाग्राम निकै खेलकुदमय हुने गथ्र्यों । युवाग्राममा बस्नेहरुका लागि त्यहा फटबल, क्रिकेट र भलिबल खेल्न मिल्ने एउटा ठूलो मैदान र सँगै बास्केटबल कोर्ट पनि रहेको थियो । बास्केटबल कोर्ट अहिले पनि छ ।

त्यो मैदानमा एसओएसका संस्थापक हर्मन माइनरको स्मृतिमा हुने हर्मन माइनर डे (जुन ३०) को लागि खेलकुद सप्ताह चल्ने गथ्र्यो । खेलकुद सप्ताहमा बास्केटबल, भलिबल, ब्याडमिन्टन, टेबल टेनिस लगायतका खेलहरु त्यही मैदानमा हुने गथ्र्याे, फुटबल र क्रिकेट सानो ठिमीको एसओएस बालग्राममा रहेको हर्मन माइनर स्कुलमा ।

युवाग्राममा बस्नेहरु, धेरै जसो हाम्रा सिनियर दाइहरु, निकै नै राम्रा खेलाडी थिए । जुन खेल पनि राम्रो खेल्ने । क्रिकेट र बास्केटबल नयाँ खेल थियो तर त्यसमा पनि राम्रो गर्ने हो भन्दै दुवै खेल राम्ररी नै सिकिसकेका थिए ।

एसओएसको ठ्याक्कै पछाडीको स्थानीय म त्यही गएर खेल्न थाले । जुन खेल आखा अगाडी आयो त्यही । निकै सानो हुदा फटबल त्यसपछि क्रिकेट र बास्केटबल । स्थानीयलाई पनि खेल्न अनुमति भएको समयमा त्यही सिनियर दाईहरुसँग खेल्दै हाम्रो पुस्ता हुर्कियो ।

त्यही कोर्टले हाम्रो र त्यसपछिको पुस्ताका लागि दुई जना राष्ट्रिय खेलाडी पनि दिइसकेको छ । हामीसँगै हुर्केका बिजय खत्रीले २००१ मै नेपाली टोलीका लागि साबा च्याम्पियनशीप खेले । हामी खेल्दै गर्दा बास्केटबल सिकेका बिजय बुर्जा अहिले राष्ट्रिय टोलीको नियमित सदस्यको रुपमा पोइन्ट गार्ड पोजिसनमा खेल्ने गर्छन् ।

लामो समयदेखि क्लब बास्केटबल खेलेका र राष्ट्रिय टोलीको नजिक पुगेका अर्का खेलाडी बिज्डम पाण्डे अहिले नेपाल बास्केटबल लिग खेल्ने गर्छन् ।

टेबल टेनिस, ब्याडमिन्टन, भलिबल, फुटबल र क्रिकेट जुनै पनि खेललाई गम्भिर रुपमा लिइरख्दा बास्केटबल कोर्टको रौनक भने छुट्टै हुने गथ्र्यो, एक छुट्टै माहौल ।
जिनेदिन जिदानले फ्रान्सलाई बिश्वकप जिताएको समय फुटबलमा ब्र्राजिलका रोनाल्डो, त्यसपछि रोनाल्डिन्हो, पोचुगलका फिगो, फ्रान्सका थिएरी हेन्री सबैको मानस पटलमा स्थापित भएका अन्तर्राष्ट्रिय फुटबलर थिए । क्रिकेटमा सचिन तेन्दुल्करले अझै पनि राज गर्थे ।

बास्केटबलमा अमेरिकन व्यावसायिक लिग एनबिएले मात्रै चर्चा पाउने गर्दा यो खेलमा को त सबैले पछ्याउने ?

हामीले खेल्दै गर्दा एसओएसकै सिनियर दाइहरुको होस्टल रुममा सिकागो बुल्स लिजेण्ड माइकल जोर्डन, लस एन्जलस (एलए) लेकर्सका म्याजिक जोन्सन र फिलाडेल्फिया सेभेन्टीसिक्सर्सका एलेन आइभर्सनको पोस्टर टाँगिने गथ्र्यो । जोर्डन र जोन्सनले सन्यास लिइसकेपछि छोटो कदका बावजुद अद्वितीय ड्रिब्लिङ्ग क्षमता र खेल्ने शैलीले चर्चा कमाएका आइभर्सन ९० को अन्त्य र २००० को दशकको शुरुवातमा आइभर्सन लिभिङ्ग लिजेण्ड भैसकेका थिए ।

ती खेलाडीहरुको खेल कहिले नहेरेको हामी जोर्डनको चर्चाका कारण बुल्सको जर्सि किन्ने र टिम लोगोको ट्याटु बनाउने गथ्र्यौं । त्यसपछि चर्चा हुन थाल्यो कोबी ब्रायन्टको । आइभर्सनको चर्चा चलिरहदा २००० को दशकमा दुई खेलाडी खुबै छाए – सकिल (श्याक) ओ निल र कोबी ब्रायन्ट ।

७ फुट १ इञ्च अग्ला र एक सय २० केजीका श्याक र साढे ६ फुटका कोबी लेकर्सबाट खेल्ने गर्थे । श्याक आफ्नो उचाई र वजनले गर्दा चर्चामा थिए । उनी फ्रि शटमा चुक्ने गरेको मजाक अहिले पनि एनबिएमा उडाइन्छ । कोबी आफ्नो खेलले उत्कृष्ट थिए । म्याजिक जोन्सनपछि लेकर्सको बिरासत कसले सम्हाल्ने भन्ने थियो । श्याक वजनदार भएकाले त्यो गाह्रो थियो । कोबी सबैभन्दा एथ्लेटिक ।

कोबीले एकपछि अर्को गर्दै उत्कृष्ट प्रदर्शन गर्न थाले । नेपाली बास्केटबल बृत्तमा – बिशेषगरि नेपालमा यो खेल खेल्ने सिमित जनसंख्यामा – उनी छाइसकेका थिए । उनी राम्रो खेलाडी मात्र नभएर सबैभन्दा गाह्रो प्रतिस्पर्धीको रुपमा अघि आए । बुल्सको सेतो र रातो रँगलाई बिस्तारै काठमाडौंका धेरै जसो बास्केटबल कोर्टमा लेकर्सको पहेलो र बैजनी रँगको जर्सीले स्थानान्तरण गर्न थाल्यो ।

एसओएसको त्यो कोर्टबाट अन्य बास्केटबल कोर्टमा म्याच खेल्न जादा धेरैको जर्सीको पछाडी कोबी ब्रायन्ट देखिन थाले । यो काठमाडौंमा बास्केटललाई गम्भिर भएर खेल्ने हरेक कोर्टको कथा हो । सबै कोर्टको आफ्नै कथा होला । नेपालमा बास्केटबल सिक्दै गर्दा कोबी ब्रायन्ट बन्न चाहने अथवा उनलाई पछ्याउनेको संख्या ह्वात्तै बढ्न थालेको थियो ।

बास्केटबलमा उनी क्लच प्लेयर (मिलि सेकेण्डमा पनि खेल जिताउन सक्ने) को रुपमा स्थापित हुन पुगे । उनले लेकर्सका लागि पाँच पटक एनबिएको उपाधि जिते । सन् २००७–२००८ को सिजनमा एमभिपि पनि भए । यी सबै उपलब्धि हात पार्दा उनले बास्केटबलको एक पुस्तालाई नै थाम्न पुगे, नेपालमा पनि ।

कुनै पनि खेल खेलाडीको लिगेसीका कारण नै प्रख्यात हुने हो । कोबी त्यही लिगेसी लिएर हिडेका खेलाडी थिए जसले बास्केटबललाई संसारको प्रत्येक कोर्टमा लिएर गए । लेकर्समा आफ्नो करिअरको पुरै २० बर्ष बिताएका कारण पनि उनी धेरैका आदर्श हुन पुगे । कोबीको तिब्रता, रिङ्गमा गर्ने गरेको आक्रमण र जित्नै पर्ने आकांक्षा सबैको लागि प्रेरणाको स्रोत थियो ।

सन् २०१६ मा लेकर्सबाटै सन्यास लिदाको अन्तिम खेलमा उनले युटाह् ज्याजबिरुद्ध उनले ६० पोइन्ट स्कोर गरेका थिए । ब्ल्याक माम्बा नामले चिनिने गरेका कोबीले दर्शकलाई सम्बोधन गर्दा माम्बा आउट भनेर उद्घोष गरे । कोबी मन पराउने सबैका लागि त्यो राम्रो क्षण थिएन । बिरासत बोकेका कोबी हेलिकप्टर दुर्घट्नाका कारण संसारबाट बिदा हुन्छन् भन्ने कुरा अझै अकल्पनीय ।

१३औं दक्षिण एसियाली खेलकुद

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

wesportz

Published

on

गर्मिको मौसम र हेन्ड जाजा १२ बर्षकी भएकै कारण पनि शनिबार उनले गरेको कृयाकलापलाई तपाई रमाइलोको रुपमा लिन सक्नु हुन्छ ।

जाजा एक भ्रमणमा थिइन् । सामान्य समयभन्दा उनी राती ढिलो सुतिरहेकी थिइन् । धेरै साथीहरुसंग घुमिरहेकी थिइन् । अथवा यस्ता मानिसहरुसंग जसको लक्ष्य र रुची एकै थियो ।
उनले आफूलाई सबैभन्दा मन पर्ने खेलमा प्रतिस्पर्धा पनि गरिन्: टेबल टेनिस ।

र यो सबै ओलम्पिक्समा भयो ।

हो । १२ बर्षिय सिरियन फुच्चीले टोकियो ओलम्पिक्समा प्रतिस्पर्धा गरिन् । बाह्र । जाजा जारी ओलम्पिक्सकी सबैभन्दा कान्छी खेलाडी हुन् र बिश्व खेलकुदको महाकुम्भ इतिहासकै सबैभन्दा पाचौं कान्छी ।

१३ बर्ष २ सय ५५ दिनमा नेपाली जलपरी गौरिका सिंह पांच बर्ष अघि ब्राजिलमा भएको रियो ओलम्पिक्समा सबैभन्दा कान्छी सहभागी थिइन् ।

कोभिड -१९ नभएको भए उनी ओलम्पिक्समा सहभागी हुंदा जम्मा ११ बर्षकी हुने थिइन् । जाजा कति बर्षकी भइन् ? उनी २००९ को जनवरी १ मा जन्मिएकी हुन् ।

तपाईसंग के बहाना छ ?

उमेरको तुलनामा अग्ली रहेकी जाजाको लागि टेबल टेनिसको टेबलबाट माथि चिहाउनु पर्ने स्थिति भने थिएन । तर उनले शनिबार सामना गरेको बिपक्षी भने उनी भन्दा तीन गुणा बढी उमेरकी थिइन् ।

जाजाकी बिपक्षी अष्ट्रेलियाकी जिया लिउ ३९ बर्षकी भइसकिन् । उनले आफ्नो छैटौं ओलम्पिक्समा सहभागिता जनाइरहेकी थिइन् ।

यो शताब्दीमा २००४ को एथेन्स ओलम्पिक्स र २००८ को बेइजिंग ओलम्पिक्स हुंदा जाजाको संसारमै अस्तित्व नै थिएन । २०१२ मा लण्डनमा ओलम्पिक्समा हुंदा उनलाई आफनो अस्तित्वको बारे ज्ञान पनि थिएन ।

लिउसंग जाजाको कुनै प्रतिस्पर्धा नै थिएन । लिउले ११-४, ११-९ र ११-५ को सोझो सेटमै जित हात पारिन् । खेलपछि आंशुले भरिएका जाजाका आखा रातो भएपनि उनको हारको चर्चा हुंदैन । कहिल्यै पनि हुने छैन ।

“मैले यो खेल जित्ने आशा गरेको थिए । मैले राम्रो खेल्ने मात्र आशा गरिरहेको थिए,” जाजाले खेलपछि भनिन् ।

एक दिन जाजाले ओलम्पिक्समा उपस्थित हुनु नै पर्याप्त रहेको भन्ने बुझ्ने छिन् । उनले एक दिन अघि सिरियाको झण्डा लिएर ओलम्पिकको उद्घाटन समारोहको परेडमा सहभागी भएकै कारण नै आफू सुत्ने रुटिनलाई बिगारेकी थिइन् । यो राम्रो कारण नै होला, होइन ?

बच्चा भएको कारण प्लेनको यात्राले निम्त्याएको समस्यासंग जुझ्न उनी संघर्ष गर्दै थिइन् । र जाजाको ओलम्पिक्समा सहभागी हुने उत्साहले सिमा नाघिसकेको पनि थियो ।

उनी धेरै रात अनिंदो भएरै बसेकी थिइन् ।

जाजा पांच बर्षको हुंदा देखि नै टेबल टेनिसमा लागेकी थिइन् । उनको दाईओबेदाले स्थानीय प्रतियोगिताको उपाधि जित्दै ट्रफि घरमा ल्याएपछि जाजालाई पनि आफ्नै उपाधि घर ल्याउने इच्छा जागेको थियो ।

टेबल टेनिस जाजाका लागि सिरियाको गृह युद्धबाट मुक्ति र मन भुलाउने माध्यम र एक किसिमको पागलपन नै भएको छ ।

उनको शहर हामा निरन्तरको बमबारीका कारण ध्वस्त भएको थियो । युद्ध र आतंकले परिवार र समुदायलाई नै प्रभावित गर्दा जाजाको लागि टेबल टेनिस सामान्य खेल नभएर आश्रय नै बनेको थियो ।

“हामी चुनौतिपूर्ण परिस्थितीमा बाचिरहेका थियौं । तर हामीले यो परिस्थितीलाई नियन्त्रण गरिरहेकोछौं । जब हामी खेल्न थाल्छौं हामी सबै कुरा बिर्सन्छौं । हामी बिश्व सामु चुनौति दिन सक्छौ भने र नै प्रशिक्षण गरिरहेको छौं । टेबल टेनिसले मलाई सबै कुरा दियो । मलाई बलियो बनायो र आत्मबिश्वास पनि दियो,” जाजा भन्छिन् ।

सिरिया टेबल टेनिसको लागि परिचित देश होइन । जाजाअघि मात्र एक खेलाडी टेबल टेनिसमा छनौट भएको छ । २०२० को शुरुवातमा जाजाले पश्चिम एसियाको छनौट चरणमा ४२ बर्षीया खेलाडीलाई हराए पछि आफ्नो स्थान बनाएको थिइन् ।

उनले एक अतिरिक्त बर्ष आफूलाई तैयार गर्नको लागि खर्चिन् । मेरो प्रदर्शन सुधारिएको छ , उनी भन्छिन् । तर यो सहज भने थिएन ।

उपयुक्त प्रशिक्षण र श्रोत पाउनु दैनिक चुनौति नै थियो । घरबाट बाहिर निक्लन पनि सुरक्षाको आवश्कता पर्ने गर्छ । सिरियामा न आकस्मिक न भविष्य सुरक्षित छ । खेल्नको लागि लगानी निश्चित र भरपर्दो पनि हुने गर्दैन ।

सिरियामा सिंगो देशलाई नै ओलम्पियनहरुको समर्थनमा केही गर्ने भन्दा अन्य धेरै चुनौतिहरु रहने गर्छन् ।

तर जाजाले हार खाइनन् । आफ्नो कथाले प्रभावित गर्न सक्ने बच्चाहरुको लागि केही भन्न चाहनु हुन्छ भन्ने बिषयमा उनलाई प्रश्न गरिएको थियो ।

पछिल्लो पांच बर्ष मैले धेरै कुराहरु अनुभव गरे, बिशेष गरि देशमा युद्ध चल्दै गर्दा । ओलम्पिक्स स्थगित हुंदा र आर्थिक सहयोग पाउन मैले धेरै संघर्ष गर्नु पर्यो । मैले यसको लागि लडाइ नै जित्नु परेको थियो । जति नै गाह्रो भए पनि तपाई आफ्नो लक्ष्यमा पुग्नका लागि लडाई लड्नु भन्ने सन्देश म दिन चाहन्छु , उनले भनिन् ।

जाजाको लक्ष्य ओलम्पिकमा फेरि फर्किएर राम्रो गर्दै बिश्व बिजेता र ओलम्पिक बिजेता बन्नु नै हो ।

“म खेल्न बन्द नै गर्दिन । टेबल टेनिस मेरो जिन्दगी हो । मैले मेरो जीवन नै टेबल टेनिसलाई दिसकेको छु । जुन दिन म प्रशिक्षण गर्दिन म बाट केही कुरा मिस भइरहेको जस्तो महसुस हुन्छ ।”

तर जाजा टेबल टेनिस बाहेक अरु धेरै कुरा पनि हुन् ।

उनी पढ्छिन्, पौडी खेल्छिन्, बास्केट खेल्छिन्, टिभिमा सिरिज हेर्छिन् र आफ्नो परिवारसंग बस्छिन् । उनी आफ्नो स्कुल मन पराउछिन् । आफ्नो भविष्यमा उनी फर्मासिस्ट र वकिल पनि हुन चाहन्छिन् ।

जाजा ओलम्पियक मार्फत सिरिया आर्मीको आक्रमण र बमबारी भएको शहरभन्दा बढी रहेको सन्देश दिएकी छिन् । उनले सिरियाको असली जनसंख्या, परिवार, सपना र अदभुत उपलब्धि हात पार्न सक्ने केटीहरु रहेको स्पष्ट पारेकी छिन् ।

एउटा सानो बच्चाको लागि यो धेरै ठूलो कुरा हो ।

यथार्थ , जाजा जम्मा १२ बर्षकी छिन् र उनले ओलम्पिक्समा प्रतिस्पर्धा गरेकी छिन् ।

जब हारको निराशाले दिएको आशु सुक्नेछ जाजाले टेबल टेनिसको सानो बोर्डबाट नै धेरै पाठ सिकाउन सफल भएको बुझ्नेछिन् ।

Continue Reading

Headline

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

wesportz

Published

on

अल्जेरियाका जुडो खेलाडी फेथी नुरिन इजरायली प्रतिस्पर्धी पर्नेसम्भावनालाई मध्येनजर गर्दै टोकियो ओलम्पिक्स त्यागेपछि निलम्बनमा परेका छन् ।

नुरिनले अन्तिम ३२ मा इजरायली जुडोका पोटपोल ताहरसंग सामना गर्न सक्नु पर्ने देखेपछि ओलम्पिक्समा सहभागिता नजनाउनेनिर्णय लिएका थिए । यो निर्णयपछि नुरिन र उनका प्रशिक्षक अमार बेनिख्लेफलाई अस्थायी रुपमा निलम्बन गरिएको थियो ।

अन्तर्राष्ट्रिय जुडो महासंघले अल्जेरियन खेलाडी र उनका प्रशिक्षक प्रतिबन्धमा पर्नु जायज रहेको र अब थप अन्य प्रतियोगिताहरुमा सहभागिता जनाउन बाट रोक लगाउन सक्ने बताएको छ ।

नुरिनले सोमबार पुरष ७३ केजी स्पर्धाको पहिलो चरणमा सुडानका मोहमद अब्दलरसुलको सामना गर्न गइरहेका थिए । उनले जितेको खण्डमा पहिलो चरणमा बाइ पाएका ताहरको सामना दोश्रो चरणमा गर्ने थिए ।

अल्जेरियन ओलम्पिक कमिटीले अब उनलाई टोकियोबाट घर पठाउने निर्णय लिइसकेको छ ।

नुरिनले स्पष्ट रुपमा प्यालेस्टाइनलाई राजनैतिक समर्थन गर्दै निर्णय लिएको बताएका छन् । “हामीले ओलम्पिक पुग्नका लागि धेरै मिहिनेत गरेका थियौं तर प्यालेस्टाइनको मुद्दा यो सबै कुराभन्दा ठूलो छ । यो मेरो अन्तिम निर्णय हो,” नुरिनले भनेका थिए ।

अरबी मुलुकहरुले इजरायली खेलाडीहरु बिरुद्धको कुनै पनि खेल बहिष्कार गर्ने नीति अवलम्बन गर्दै आएका छन् ।

पछिल्लो केही बर्षयता इजरायल सहभागी कुनै पनि खेल अथवा ठूलो प्रतिस्पर्धामा इरान, अल्जेरिया र लेबनन लगायतका देशहरुका खेलाडीहरुले इजरायली प्रतिद्वन्दीको सामना गर्न अस्विकार गर्दै आएका छन् ।

यसै बर्ष बिश्व बिजेता सइद मोल्लाईले इजरायली प्रतिस्पर्धीबिरुद्धको फाइनलबाट बच्न २०१९ को बिश्व जुडो च्याम्पियनसिपको सेमिफाइनलमा पराजय व्यहोर्न निर्देशन आएको बताएपछि आइजेएफले इरानलाई चार बर्षको लागि निलम्बन गरेको थियो ।

नुरिनले पनि उक्त प्रतियोगितामा ताहरको सामना गर्नुको सट्टा आफूले खेलेको खेलमा हारिदिएका थिए ।

आइजेएफले अब नुरिन र उनका प्रशिक्षकबिरुद्ध अनुसन्धान गर्नेछ भने अबका खेलहरुका लागि कस्तो प्रकृतिको निलम्बन गर्ने भन्ने बिषयमा निर्णय लिनेछ ।

Continue Reading

Headline

टोकियो ओलम्पिक्सः नेपालका दुवै खेलाडी पहिलो चरणबाटै आउट

wesportz

Published

on

Kalpana Pariyaar

टोकियो ओलम्पिक्सको पहिलो दिन नेपालका दुवै खेलाडी पहिलो चरणबाटै बाहिरिएका छन् ।

नेपालका लागि सोनिया भट्टले जुडो र कल्पना परियारले सुटिंगमा सहभागिता जनाएकी थिइन् । सोनिया रुसकी इरिना दोल्गोभासंग पराजित भएकी थिइन् ।

इरिनाले सोनियालाई इप्पोन (नकआउट) गरेकी थिइन् । नेपालले जुडोमा अहिलेसम्म पहिलो चरण पार गर्न सकेको छैन । इरिना फाइनलसम्म पुग्ने हो भने सोनियाले रिपिचेजमा अर्को मौका पाउने छिन् ।

यस्तै कल्पनाले १० मिटर एयर राइफलमा ६ सय १६ दशमलव ८ अंक प्राप्त गरिन् । ५० खेलाडी सहभागी स्पर्धामा सोनिया ४६ औं भएकी थिइन् । यो उनको व्यक्तिगत प्रदर्शनमा भने सुधार हो ।

१० मिटर एयर राइफलमै चिनले स्वर्ण जित्दै टोकियो ओलम्पिक्समा पहिलो स्वर्ण जित्ने राष्ट्र बन्यो । फाइनलमा ओलम्पिक रेकर्ड राख्दै कियान यांगले स्वर्ण जितेकी हुन् । रुसकी अनास्टासिया गालासिनाले रजत र स्विट्जरल्याण्डकी निना क्रिष्चेनले कास्य पदक प्राप्त गरिन् ।

Continue Reading
अन्तर्राष्ट्रिय6 hours ago

आईपीएलका कारण अफगानिस्तान र पाकिस्तान बीचको एकदिवसीय शृंखला युएईबाट सर्ने  

अन्तर्राष्ट्रिय6 hours ago

 आयरल्याण्ड विरुद्धको ट्वान्टी ट्वान्टी शृंखलामा दक्षिण अफ्रिकाको क्लिन स्विप 

१३औं दक्षिण एसियाली खेलकुद14 hours ago

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

राष्ट्रिय19 hours ago

आफु लिग खेल्न तयार रहेको तर एन्फाले स्वास्थ्य मापदण्डका बारेमा सटिक जवाफ दिन पर्ने बिबिसीको माग

Headline20 hours ago

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

Kalpana Pariyaar
Headline21 hours ago

टोकियो ओलम्पिक्सः नेपालका दुवै खेलाडी पहिलो चरणबाटै आउट

अन्तर्राष्ट्रिय1 day ago

फर्नान्डो र राजपाक्साको अर्धशतकमा श्रीलंकाको सान्त्वना जित

अन्तर्राष्ट्रिय1 day ago

बंगलादेश माथि जिम्बाब्वेको सहज जित 

Headline2 days ago

ओलम्पिक्स इतिहासका १० अविस्मरणीय क्षणहरु

Headline2 days ago

ओलम्पिक्सको भयावह नाजी परम्परा जुन अझै कायम छ

Trending

error: Content is protected !!