Connect with us

ए डिभिजन लिग

एनआरटीलाई चौथो स्थानमा उक्लने अवसर

wesportz

Published

on

अघिल्लो सिजन अंक तालिकाको पछारमा रहेर यो पटक पहिले दुई अंक गुमाउदै शहीद स्मारक ए डिभिजन लिग शुरु गरेको एनआरटी बिहिबार चौथो स्थानमा फड्को मार्ने दाउमा रहेको छ ।

गत बर्ष रेलिगेसनको प्रावधान नरहेको लिगमा एनआरटी अन्तिम र मच्छिन्द्र पछारबाट दोश्रोमा रहेपछि दुवै टोलीले यो सिजन क्रमश दुई र एक अंक गुमाउदै लिग शुरु गरे । राजु काजी शाक्यको प्रशिक्षणमा रहेको एनआरटीले यो सिजन राम्रो शुरुवात नगरेपनि अहिले भने हरेक हिसाबले माथिल्लो स्थानमै लिग समाप्त गर्ने समिकरणमा छ ।

एनआरटीको ८ खेलबाट १२ अंक रहेको छ भने बिहिबार दशरथ रंगशालामा ब्रिगेड बोइज क्लबलाई हराएको खण्डमा थ्रि स्टारलाई पछाडी धकेल्दै चौथो स्थानमा उक्लनेछ । थ्रि स्टारको १४ अंक भएको छ भने प्रशिक्षक मेघराज केसीले उपाधिको दाबेदारीमा अब आफ्नो टिम नरहेको बताइसकेका छन् ।

एनआरटीले उपाधि जित्नको लागि लिगमा ठूलै उथल पुथल आउन परेपनि सकेसम्म शाक्यको नजर राम्रै स्थानमा सक्काउने हुनेछ । ब्रिगेडको ८ अंकसहित १० औं स्थानमा रहेपनि रेलिगेसनको खतरा भने टरिसकेको छैन ।

अनिल गुरुङ र बिजय गुरुङ दुई ठूला नाम रहेको ब्रिगेडलाई पनि जितको उत्तिकै आवश्यकता रहेको छ । दशरथ रंगशालामा बिहिबार हुने पहिलो खेलमा च्यासल युथ क्लबले फ्रेण्ड्स क्लबको सामना गर्नेछ । रेलिगेसनबाट आफूलाई टाढै राख्नको लागि टोलीलाई स्पष्ट जितको आवश्यकता रहेको छ । ११ औं स्थानमा रहेको फ्रेण्ड्सको ८ अंक रहेको छ भने ९ वौं स्थानको च्यासलको ९ अंक ।

तिब्र प्रतिस्पर्धा रहेको लिगको माथिल्लो हाफमा त्रिभुवन आर्मी क्लब २० अंक सहित पहिलो स्थानमा रहेको छ । समान १९ अंक रहेपनि मच्छिन्द्रले मनाङ मस्र्याङ्गदी क्लबलाई कार्डको आधारमा पछि पारेको छ । दुवै टोलीको गोल अन्तर पनि बराबर नै रहेको छ ।

Click to comment

Leave a Reply

Your email address will not be published. Required fields are marked *

Headline

युवा मिड्फिल्डर श्यान्शु सातदोबाटो क्लबमा

wesportz

Published

on

सातदोबाटो युथ क्लबले आउँदै गरेको सहिद स्मारक ए डिभिजन लिगका लागि युवा मिड्फिल्डर श्यान्शु भुषाललाई आवद्ध गरेको छ । सातदोबाटो युथ क्लब गएको सिजन मात्रै बि डिभिजन लिगको च्याम्पियन बन्दै ए डिभिजन लिगमा बढुवा भएको क्लब हो ।

१७ वर्षिय श्यान्शुको यो पहिलो ए डिभिजन लिग हुने छ । यस अघि श्यान्शुले नेपाल सुपर लिगमा एफसी चितवनबाट खेलेका थिए । श्यान्शु कतारको क्लब अल वक्रहबाट व्यवसाहिक फुटबल खेलेका थिए । श्यान्शु यस अघी नै नेपाली राष्ट्रिय टोलीको बन्द प्रशिक्षणमा पेरिसकेका खेलाडी हुन् ।

सातदोबाटो युथ क्लब नेपाली फुटबल प्रशिक्षकमा पुरानो नाम मेघराज के.सीले हेर्ने सम्भवना बलियो छ । मेघराज के.सीले यस अघिनै श्यान्शुलाई नेपाल सुपर लिगमा प्रशिक्षण दिएका छन् ।

सातदोबाटोमा अवद्ध हुन पाउनु निकै खुशीको कुरा रहेको श्यान्शुले बताए । “मेरो ए डिभिजन खेल्ने सपना थियो र त्यो पुरा हुँँदै छ र म सातदोबाटोबाट खेल्न पाउँदा खुशी लागेको छ,” श्यान्शुले भने । सातदोबाटोले श्यान्शुसँगै पासङ लामा, रन्जन पुन र करण रावतलाई पनि अनुबन्धन गरेको छ ।

सातदोबाटोले यस अघि नै विदेशी खेलाडी कोटामा डिफेन्डर पिटर सेमेडोलाई क्लबमा आवद्ध गरिसकेको छ ।

Continue Reading

Headline

मेसुके र स्टेफन समिर एनआरटीमा

wesportz

Published

on

ए डिभिजन लिग क्लब न्यु रोड टिम (एनआरटी) ले असोज ३ गते देखी सुरु हुने सहिद स्मारक ए डिभिजन लिगका लागि दुई खेलाडी अनुबन्धन गरेको छ ।

एनआरटीले मेसुके ओलोमेउ र स्टेफन समिरलाई नयाँ सिजनका लागि अनुबन्धन गरेको हो । यि दुवैले नेपाल सुपर लिगमा काठमाडौँ रेजर्सबाट खेलेका थिए । काठमाडौँ रेजर्सले नेपाल सुपर लिगको उपाधि जित्दा मेसुके सर्वाधिक गोलकर्ता भएका थिए ।

एनआरटीले चार विदेशी खेलाडीको कोटामा दुई खेलाडी अनुबन्धन गरेको हो ।

“म यो क्लबबाट खेल्न पाउँदा खुशी छु र मेरो आशा भनेको मैले लिग जित्ने हो । म जहाँ खेले पनि मेरो लक्ष्य सधैं च्याम्पियन बन्ने हो,” मेसुकेले भने ।

“यी दुवै खेलाडीले नेपाल सुपर लिगमा उत्कृष्ट खेलेका थिए अब एनआरटीमा पनि त्यही लयमा खेल्ने आशा गरेको छु,” प्रशिक्षक राजु काजी शाक्यले भने ।

Continue Reading

Headline

सुनिल बल मच्छिन्द्र क्लबमा

wesportz

Published

on

नेपाली राष्ट्रिय फुटबल टोलीका फर्वार्ड सुनिल बललाई मच्छिन्द्र क्लबले नयाँ सिजनको ए डिभिजन लिगको लागि अनुबन्धन गरेको छ ।

असोज ३ गतेबाट अखिल नेपाल फुटबल संघ (एन्फा) ले ए डिभिजन लिग गराउने बताएको छ । सुनिलले नयाँ सिजन मच्छिन्द्र क्लबबाट खेल्ने छन् । सुनिलले अघिल्लो सिजनको ए डिभिजन लिग च्यासलबाट खेलेका थिए । त्यस अघि सुनिलले थ्री स्टार क्लबबाट ए डिभिजनमा डेब्यु गरेका थिए ।

मच्छिन्द्रले अन्य खेलाडीहरुमा भने अघिल्लो सिजनकै धेरै खेलाडीहरुको सम्झौता नविकरण गरेको छ । मच्छिन्द्रले अघिल्लो सिजन ठुलो नाम झिकौँउदै आफ्नो ईतिहासको पहिलो ए डिभिजन लिगको उपाधि जितेको थियो ।

सुनिल बल राष्ट्रिय टोलीका पनि महत्वपूर्ण खेलाडी हुन् । सुनिलको प्रदर्शन थ्री नेसन्स कप र नेपाल सुपर लिगमा पनि उत्कृष्ट रहेको थियो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!