Connect with us

ए डिभिजन लिग

एनआरटीलाई चौथो स्थानमा उक्लने अवसर

Published

on

अघिल्लो सिजन अंक तालिकाको पछारमा रहेर यो पटक पहिले दुई अंक गुमाउदै शहीद स्मारक ए डिभिजन लिग शुरु गरेको एनआरटी बिहिबार चौथो स्थानमा फड्को मार्ने दाउमा रहेको छ ।

गत बर्ष रेलिगेसनको प्रावधान नरहेको लिगमा एनआरटी अन्तिम र मच्छिन्द्र पछारबाट दोश्रोमा रहेपछि दुवै टोलीले यो सिजन क्रमश दुई र एक अंक गुमाउदै लिग शुरु गरे । राजु काजी शाक्यको प्रशिक्षणमा रहेको एनआरटीले यो सिजन राम्रो शुरुवात नगरेपनि अहिले भने हरेक हिसाबले माथिल्लो स्थानमै लिग समाप्त गर्ने समिकरणमा छ ।

एनआरटीको ८ खेलबाट १२ अंक रहेको छ भने बिहिबार दशरथ रंगशालामा ब्रिगेड बोइज क्लबलाई हराएको खण्डमा थ्रि स्टारलाई पछाडी धकेल्दै चौथो स्थानमा उक्लनेछ । थ्रि स्टारको १४ अंक भएको छ भने प्रशिक्षक मेघराज केसीले उपाधिको दाबेदारीमा अब आफ्नो टिम नरहेको बताइसकेका छन् ।

एनआरटीले उपाधि जित्नको लागि लिगमा ठूलै उथल पुथल आउन परेपनि सकेसम्म शाक्यको नजर राम्रै स्थानमा सक्काउने हुनेछ । ब्रिगेडको ८ अंकसहित १० औं स्थानमा रहेपनि रेलिगेसनको खतरा भने टरिसकेको छैन ।

अनिल गुरुङ र बिजय गुरुङ दुई ठूला नाम रहेको ब्रिगेडलाई पनि जितको उत्तिकै आवश्यकता रहेको छ । दशरथ रंगशालामा बिहिबार हुने पहिलो खेलमा च्यासल युथ क्लबले फ्रेण्ड्स क्लबको सामना गर्नेछ । रेलिगेसनबाट आफूलाई टाढै राख्नको लागि टोलीलाई स्पष्ट जितको आवश्यकता रहेको छ । ११ औं स्थानमा रहेको फ्रेण्ड्सको ८ अंक रहेको छ भने ९ वौं स्थानको च्यासलको ९ अंक ।

तिब्र प्रतिस्पर्धा रहेको लिगको माथिल्लो हाफमा त्रिभुवन आर्मी क्लब २० अंक सहित पहिलो स्थानमा रहेको छ । समान १९ अंक रहेपनि मच्छिन्द्रले मनाङ मस्र्याङ्गदी क्लबलाई कार्डको आधारमा पछि पारेको छ । दुवै टोलीको गोल अन्तर पनि बराबर नै रहेको छ ।

Click to comment

Leave a Reply

Your email address will not be published. Required fields are marked *

Headline

च्याम्पियन मच्छिन्द्रको ए डिभिजन लिगमा शान्दार अन्त्य

Published

on

शहीद स्मारक ए डिभिजन लिगको अन्तिम र अन्त्यन्तै रोमाञ्चक खेलमा नेपाल एपिएफ क्लबलाई २–१ ले पराजित गर्दै च्याम्पियन मच्छिन्द्र फुटबल क्लबले शान्दार अन्त्य गरेको छ ।

दुई खेल अगाडी नै लिग जितेको एपिएफको जितमा १९ बर्षिय अभिषेक गुरुङ र रेजिन सुब्बाले १–१ गोल गरे । प्रदिप लामाले एपिएफलाई खेलमा फर्काउदै बराबरी गोल गरेका थिए । ३५ अंक लिएको मच्छिन्द्रले १२ अंकको अग्रताका साथ लिग उपाधि जित्यो ।

लगातार दोश्रो पटक घरेलु फुटबलको सबैभन्दा ठूलो प्रतियोगिता जितेको मच्छिन्द्रले ट्रफि सहित ७५ लाख प्राप्त गर्यो । शनिबार नै मनाङ मस्र्याङ्गदी क्लबलाई बराबरीमा रोक्दै दोश्रो भएको त्रिभुवन आर्मी क्लबले ५० लाख पायो भने तेश्रो बनेको न्युरोड टिमले २५ लाख हात पार्यो ।

प्रतियोगिता अवधिभर जम्मा दुई गोल मात्र खाएको मच्छिन्द्रले लिगमा अपराजित रह्यो । ८ बराबरी खेलेको आर्मी अर्को अपराजित टोली रह्यो ।

मच्छिन्द्रले खेलको ४१ औं मिनेटमा अग्रता लिएको थियो । आन्द्रेस नियाले निकालेको थ्रेडिँग पासमा अभिषेक गुरुङ गोलकिपर युया कुरियामा सहित तीन एपिएफ खेलाडीकाको दवाबका बीच कुल फिनिस गर्न सफल भएका थिए ।

एपिएफले ६९ औं मिनेटमा गोल फर्कायो । नविन लामाले निकालेको बलमा प्रदिप लामाले बिशाल श्रेष्ठलाई बिट गर्दै एपिएफको लागि बराबरी गोल गरेका थिए । बिशालले पहिलो खेलपछि अन्तिम खेलमा आएर दोश्रो गोल खाएका हुन् ।

रेजिन सुब्बाले मच्छिन्द्रका लागि बिजयी गोल गरे । नियाँ एक पटक फेरि गोलमा संलग्न रहे । नियाँको थ्रु बलमा रेजिनले अर्को राम्रो फिनिसिँग गर्दै मच्छिन्द्रको उपाधि यात्रालाई शुखद अन्त्य दिएका थिए ।

Continue Reading

Headline

ए डिभिजन लिगः आर्मी दोश्रो, मनाङ पाचौं स्थानमा सिमित, एनआरटी तेश्रो

Published

on

अन्तिम पाँच खेलमा निराशाजनक प्रदर्शन गरेको किर्तिमानी ८ पटकको बिजेता मनाङ मस्र्याङ्गदी क्लबलाई बराबरीमा रोक्दै त्रिुभवन आर्मी क्लब शहीद स्मारक ए डिभिजन लिग उपबिजता बनेको छ ।

आर्मी लगातार दुई सिजन उपबिजेता बनेको हो । गत सिजन उपाधिका लागि भएको लिगको अन्तिम खेलमा आर्मी मच्छिन्द्र फुटबल क्लबसँग हारेको थियो । मच्छिन्द्रले लिग उपाधि जितिसक्दा दोश्रो स्थानका लागि प्रतिस्पर्धा तिब्र रहेको थियो । आर्मी त्यसमा बाजी मार्न सफल भयो । खेलको पहिलो हाफको अन्त्यतिर मनाङले अञ्जन बिष्टको गोलमार्फत अग्रता लिएको थियो ।

आर्मीका गोलकिपर बिकेश कुथुले हेडरलाई पूर्ण रुपमा क्लियर गर्न नसकेपछि पाएको रिबाउण्डमा अन्जनले गोललाइन नजिकबाटै गोल गरेका थिए । ७६ औं मिनेटमा सन्तोष तामाङले प्रहार गरेको फ्रि–किकमा मनाङका गोलकिपर अशोक बराल र फ्रेंकलिन क्वेटे टालाबीच समन्वय हुन नसकेपछि आत्मघाती गोल हुन पुगेको थियो ।

आत्मघाती गोल क्वेटेटालाको नाममा रह्यो । लिगको अन्तिम पाँच खेलमा मात्र दुई अंक बटुलेको मनाङ पाचौं स्थानमा रहन पुग्यो । दोश्रो स्थानमा समाप्त गरेपछि आर्मीले ५० लाख नगद पुरस्कार पाउने भएको छ ।

२३ अंक रहेको न्युरोड टिम (एनआरटी) भने तेश्रो स्थानमा रह्यो । शनिबार नै एन्फा कम्प्लेक्समा भएको खेलमा मेसुके ओलेमाउले ह्याट्रिक पुरा गरेपछि एनआरटीले नेपाल पुलिस क्लबमाथि ३–१ को पुनरागमन जित हात पार्यो । पहिलो पटक ए डिभिजन लिग खेलेको सातदोबाटो युथ क्लब भने चौथो स्थानमा रह्यो ।

समान २१ अंक रहेपनि सातदोबाटोले मनाङलाई हेड टु हेड रिजल्टका आधारमा पछि पारेको हो । डेब्यु सिजनमै उत्कृष्ट प्रदर्शन गरेको सातदोबाटोले मनाङलाई पनि स्तब्ध बनाएको थियो ।

Continue Reading

Headline

रेलिगेसनमा परेको ब्रिगेडसँग रोक्किएपछि लिगमा छैटौं स्थानमै सिमित भयो थ्रि स्टार

Published

on

रेलिगेट भइसकेको टोली ब्रिगेड बोइज क्लबसँग बराबरीमा रोक्किएपछि थ्रि स्टार क्लबको ए डिभिजन यात्रा निराशाजनक रुपमा टुँगिएको छ ।

एन्फा कम्प्लेक्समा भएको लिगको अन्तिम चरणको खेलमा थ्रि स्टार ब्रिगेडसँग १–१ गोलको बराबरीमा रोक्कियो । खेलको अन्तिम समयमा डोना थापाले गोल गर्दै थ्रि स्टारको हार टारेका थिए । यो परिणामसँगै थ्रि स्टार लिगमा छैटौं स्थानमै सिमित रहन पुग्यो ।

दोश्रो स्थानसम्मको दाबेदारीमा रहेको थ्रि स्टारको लिग टेबलमा यो पछिल्लो केही बर्ष यताकै खराब पोजिसन हो । खेलमा जित हात पारेको खण्डमा उसले तेश्रो स्थानमा सहेको सातदोबाटो युथ क्लबसँग अंक बराबर गर्ने थियो तर हेड टु हेडको आधारमा थ्रि स्टार पछि पर्ने थियो ।

यद्दपि न्युरोड टिम एनआरटी र मनाङ मस्र्याङ्गदी क्लबले भने आ–आफ्नो अन्तिम चरणको खेल खेल्न बाँकी नै रहेको छ । दुवैको समान २० अंक रहेको छ । थ्रि स्टारको १९ अंक रह्यो ।

उपाधि जितिसकेको मच्छिन्द्र फुटबल क्लबको ३२ अंक रहेको छ भने दोश्रो स्थानको त्रिभुवन आर्मी क्लबको २२ अंक छ ।

शुक्रबार नै दशरथ रँगशालामा भएको खेलमा जावलाखेल युथ क्लबले संकटा क्लबलाई पनि १–१ गोलको बराबरीमा रोक्न सफल भयो । सातौं स्थानमा समाप्त गरेको संकटाको १६ अंक भयो भने जावलाखेल १४ अंकका साथ १० औं स्थानमा लिग समाप्त गर्यो ।

एन्फा कम्प्लेक्समा पहिलो हाफ बराबरीमा टुँगिएपछि ब्रिगेडले ५६ औं मिनेट अग्रता लिएको थियो । गोलकिपरबाट आएको लँग किकमा अफसाइड ट्रयाप बिट गर्दै प्रशान्त तामाङले थ्रि स्टार किपर प्रिस्सोलाई बिट गर्दै गोल गरेका थिए । डोनाले अन्तिम समयमा हुलमुलकाबीच गोल गर्दै थ्रि स्टारको इज्जत जोगाएका थिए ।

Continue Reading
लेख1 month ago

केन्या माथि नेपालको कीर्तिमानी जित

लेख1 month ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 month ago

नेपाल टी२० लिग : खेलाडी दर्ता सुरु, चार मापदण्ड तय

लेख1 month ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख2 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 months ago

नयाँ प्रशिक्षक प्रभाकर भन्छन् : पहिलो काम लिग टु

लेख2 months ago

बाना कपका लागि सुदुरपश्चिमको जर्सी सार्वजनिक  

लेख2 months ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

लेख1 month ago

केन्या माथि नेपालको कीर्तिमानी जित

लेख1 month ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 month ago

नेपाल टी२० लिग : खेलाडी दर्ता सुरु, चार मापदण्ड तय

लेख1 month ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख2 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 months ago

नयाँ प्रशिक्षक प्रभाकर भन्छन् : पहिलो काम लिग टु

लेख2 months ago

बाना कपका लागि सुदुरपश्चिमको जर्सी सार्वजनिक  

लेख2 months ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

Trending

error: Content is protected !!