Connect with us

Headline

उपाधि होडमा कायम रहन मनाङ संकटासँग भिड्दै

wesportz

Published

on

शिर्ष स्थानको त्रिभुवन आर्मी क्लब र दोश्रोमा रहेको मच्छिन्द्र क्लबसँगको तिब्र प्रतिस्पर्धा कायम राख्न मनाङ मस्र्याङ्गदी क्लबले बुधबार शहीद स्मारक ए डिभिजन लिगको एक मात्र खेलमा संकटा क्लबको सामना गरिरहेको छ ।

लिगमा मनाङ ८ खेलबाट १६ अंक सहित तेश्रो स्थानमा रहेको छ । आर्मीको २० र मच्छिन्द्रको १९ अंक रहेको छ भने दुवै टोलीले एक खेल बढी खेलेका छन् । एन्फा कम्प्लेक्समा हुने खेलमा जित हात पार्न सकेको खण्डमा मनाङले शिर्ष स्थानबाट मात्र एक अंकले पछि रहनेछ ।

तर बराबरीमात्र गरेको खण्डमा पनि मनाङलाई उपाधिको होडबाजीमा कायम रहनका लागि दुवै टोलीको अन्य खेलमा पनि निर्भर रहनु पर्ने हुन्छ । आर्मीलाई १–० ले हराएको मनाङले मच्छिन्द्रसँग भने २–२ गोलको बराबरी खेलेको थियो । मनाङ्गले चौथो स्थानको थ्रि स्टारसँग पनि २–२ गोल कै बराबरी खेलेको थियो ।

थ्रि स्टारको १४ अंक रहेको छ भने उति नै अंक रहेपनि नेपाल पुलिस क्लब गोल अन्तरको आधारमा पाचौं स्थानमा रहेको छ । मनाङ पराजित भएको खण्डमा एनआरटीलाई पहिलो तीन स्थानको दाबेदारीमा सहज हुनेछ । ८ खेल खेलेको एनआरटीको १२ अंक रहेको छ भने उसले बिहिबार ब्रिगेड बोइज क्लबसँग खेल्नेछ ।

संकटाको लागि पनि बुधबारको खेल उत्तिकै महत्वपूर्ण रहेको छ । जितले संकटा ८ औं स्थानबाट सिधै चौथो स्थानमा छलाङ्ग मार्नेछ । तर बलियो टोली मनाङलाई पराजित गर्न संकटाले ठूलै कसरत गर्नुपर्ने हुन्छ ।

1 Comment

1 Comment

Leave a Reply

Your email address will not be published. Required fields are marked *

Headline

पुलिसको पहिलो जितमा सुमन लामाको निर्णायक गोल

wesportz

Published

on

राष्ट्रिय टोली सदस्य सुमन लामाले गरेको एक मात्र निर्णायक गोलमा नेपाल पुलिस क्लबले शहीद स्मारक ए डिभिजन लिगमा पहिलो जित हात पारेको छ ।

फ्लडलाइटमा भएको दिनको एक मात्र खेलमा पुलिसले जावलाखेल युथ क्लबलाई हरायो । जावलाखेलको यो लगातार दोश्रो हार हो । यसअघि जावलाखेल आफ्नो पहिलो खेलमा पनि मनाङ मस्र्याङ्गदी क्लबसँग १–० ले नै पराजित भएको थियो ।

अग्रता लिदा लिदै पनि त्रिभुवन आर्मी क्लबसँग पहिलो खेलमा बराबरीमा रोक्किएको पुलिसले आइतबार भने ७० औं मिनेटमा लिएको अग्रतालाई जोगाएर राख्न सफल भयो ।

सब्स्टिच्युटको रुपमा मैदान उत्रिएका सुमनले रवि पासवानको पासमा उत्कृष्ट गोल गरेका थिए । त्यसअघि पुलिसले गोल गर्ने अन्य केही मौकाहरु पनि गुमाएको थियो । इन्जुरी समयमा रुप बहादुर लामाले ६ यार्ड बक्सबाटै रोक्दै पुलिसका गोलकिपर शत्रुघन चौधरीले टिमलाई जिताउन महत्वपूर्ण भुमिका निर्वाह गरेका थिए ।

Continue Reading

Headline

सन्तोषको शतक र कप्तान बिबेकको आक्रमक ब्याटिँगमा प्रदेश २ ले बागमतीलाई हरायो

wesportz

Published

on

ओपनर सन्तोष कार्कीले आकर्षक शतक प्रहार गर्नुका साथै कप्तान बिबेक यादवले पनि आक्रमक इनिङ्गस खेल्दा प्रदेश २ ले अण्डर १९ राष्ट्रिय क्रिकेट प्रतियोगितामा दोश्रो जित हात पारेको छ ।

प्रदेश २ ले आइतबार त्रिवि मैदानमा भएको खेलमा बागमती प्रदेशमाथि ७ विकेटको सहज जित हात पार्यो । टस हारी पहिलो ब्याटिङ्ग गरेको बागमतीले स्वप्निल अधिकारी र बिपिन शाहीको अद्र्धशतकको मद्दतमा ४९ दशमलव ३ ओभरमा सबै विकेट गुमाई २ सय ५३ रनको चुनौतिपूर्ण योगफल बनायो ।

तर सन्तोषको शतक र बिबेकको आक्रमक इनिङ्गस सामुह बागमतीको केही चलेन । प्रदेश २ ले ४१ ओभरमा मात्र चार विकेटको क्षतिमा जित हात पार्यो । बागमतीले प्रतियोगितामा तीन खेल हारिसकेको छ ।

सकारात्मक शुरुवात गरेको प्रदेश २ का लागि सन्तोष र रोहन बिक (२६) ले पहिलो विकेटका लागि ६४ रनको साझेदारी गरे । प्रदेश २ ले रोहन सहित २९ रनको अन्तरमा तीन विकेट गुमाउदा बागमती खेलमा फर्कियो ।

तर सन्तोष र बिबेकले उत्कृष्ट शतकीय साझेदारी गर्दै प्रदेश २ लाई शान्दार जित दिलाए । प्रतियोगिताकै सबैभन्दा ठूलो साझेदारी गर्ने क्रममा १ सय ४४ रन बटुल्दा सन्तोष १ सय १५ बलमा १ सय ११ रन बनाउदै आउट भए । उनको इनिङ्गसमा १४ चौका र तीन छक्का सामेल थियो ।

जारी प्रतियोगितामा शतक प्रहार गर्ने सन्तोष तेश्रो ब्याट्स्म्यान बने । यसअघि प्रदेश १ का सोनु अन्सारी र सुदुर पश्चिमका अर्जुन साउदले शतक प्रहार गरेका थिए ।

बिबेकले ७२ बलमा ८५ रन बनाए । गौतम केसीलाई एकै ओभरमा लगातार तीन छक्का प्रहार गरेका उनले कुल ७ छक्का र ५ चौका हिर्काए । बागमतीका लागि तिलक भण्डारीले दुई विकेट हात पारे ।

उस्तै शुरुवात पाएको बागमतीका लागि बिपिन शाहीले फरिद खान (११) सँग मिलेर पहिलो विकेटका लागि ६४ रन जोडेका थिए । बिपिनले ८३ बलमा ५९ रन जोड्दा ६ चौका र एक छक्का प्रहार गरे ।

बागमतीका लागि अन्य ब्याट्स्म्यानहरुले उल्लेखनीय योदान दिन नसकेपनि स्वपनिल एउटा एण्डबाट रन बटुल्ने काम गरेका थिए । उनले ८३ बलमा ६ चौका र पाँच छक्काको मद्दतमा ८५ रन बनाए ।

यसबाहेक प्रतिक श्रेष्ठले १५ रन बनाए । बागमतीले ३५ अतिरिक्त रन पाएको थियो । प्रदेश २ का लागि पुरज ढुँगेलले तीन विकेट लिए ।

Continue Reading

Headline

नेपालको ग्लोबल क्वालिफायर खेल्ने सपना चकनाचुर

wesportz

Published

on

युएईसँग ४८ रनको फराकिलो अन्तरले पराजित भएपछि नेपालको आईसिसि महिला ट्वान्टी ट्वान्टी बिश्वकप ग्लोबल क्वालिफायरमा पहिलो पटक खेल्ने सपना चकनाचुर भएको छ ।

दुबईमा आयोजक राष्ट्रसँग निकै कमजोर ब्याटिङ्ग प्रदर्शन गरेको नेपाल अब अंकका आधारमै तेश्रोमा धकेलिने लगभग तय छ । पाँच वटै खेल जितेको युएई शिर्ष स्थानमा रहदै ग्लोबल क्वलिफायरमा स्थान बनाउन सफल भयो । कुवेतसँग खेल्न बाकी रहेको हँगकँग दोश्रो बन्न सक्छ ।

पहिलो खेलमा हँगकँगसँग पराजित भएपछि युएईले दिएको १ सय २८ रनको लक्ष्य १८ दशमलव ५ ओभरमै पछ्याउनु पर्ने दवाब रहेको नेपाल तेश्रो ओभरदेखि विकेट गुमाएदेखि खुलेर खेल्न असफल रह्यो । नेपाल १९ दशमलव ४ ओभरमा ७९ रनमात्र बनाउन सक्यो ।

नेपालले खेलका दौरान जम्मा पाँच चौका मात्र प्रहार गर्न सक्यो । १३ रन बनाएकी ओपनर सिता राना मगर त्यसमध्ये तीन चौका प्रहार गरेकी थिइन् । अर्की ओपनर इन्दु बर्माले २० बलमा १५ रन बनाइन् । अन्य कुनै ब्याट्स्उमनहरुले दोहोरो अंकमा रन जोड्न सकेनन् ।

युएईका लागि समाइरा धर्निधर्काले चार ओभरमा पाँच रन खर्चदै चार विकेट लिइन् । प्लेयर अफ द म्याच चमानी सेनभिरत्ने र खुशी शर्माले २–२ विकेट लिइन् ।

यसअघि पहिलो ब्याटिङ्गको निम्तो पाएको युएईले पाँच विकेटको क्षतिमा १ सय २७ रन बनायो । नेपालबिरुद्ध ठूलो योगफल बनाउनका लागि युएईका लागि तीन ब्याट्स्उमनहरुको योगदान काफी रह्यो ।

उसका लागि चमानी सेनेभिरत्नेले अद्र्धशतक प्रहार गरिन् भने ओपनर थिर्था सतिसले पनि ठूलो रन बनाइन् । पहिलो विकेट चार रनमै बनाए पनि सतिसले दोश्रो विकेटका लागि कभिषा एगोडोगेले ५८ रनको साझेदारी गरेकी थिइन् । एगोडागेले २७ बलमा २२ रन बनाइन् ।

सतिसले चमानीसँग ४९ रनको अर्को ठोस साझेदारी गरिन् । सतिस ४६ बलमा तीन चौका प्रहार गर्दै ४७ रनमा उप–कप्तान सिता राना मगरको शिकार बनिन् ।

अन्तिम ओभरमा आउट भएकी सेनेभिरत्नेले ३६ बलमा सात चौका प्रहार गर्दै ५२ रन बनाइन् । नेपालका लागि कविता कुवरले दुई विकेट लिइन् भने सबनम राई र सँिगता राईले पनि १–१ विकेट हात पारिन् ।

Continue Reading
Headline17 mins ago

पुलिसको पहिलो जितमा सुमन लामाको निर्णायक गोल

Headline3 hours ago

सन्तोषको शतक र कप्तान बिबेकको आक्रमक ब्याटिँगमा प्रदेश २ ले बागमतीलाई हरायो

Headline5 hours ago

नेपालको ग्लोबल क्वालिफायर खेल्ने सपना चकनाचुर

Headline7 hours ago

युएईबिरुद्ध नेपालले पायो १ सय २८ रनको ठूलो लक्ष्य

Headline7 hours ago

सुदुर पश्चिम बिरुद्ध कर्णालीको लज्जास्पद हार

Headline8 hours ago

मेस्सीलाई किर्तिमानी सातौं बालोन डि ओर जित्न रोक्ने धुनमा लेवान्डोस्की

Headline23 hours ago

कोरोनाको नयाँ भेरिएन्टका कारण महिला बिश्वकप छनोट नै रद्द, थाइल्याण्डमाथि अन्याय

Headline24 hours ago

खानको २ सय ५० म्याचको कोशेढुँगा

Headline1 day ago

ए डिभिजन लिगः लगातार दोश्रो जित सहित मनाङ शिर्ष स्थानमा

Headline1 day ago

देव, बिशाल र वसिर चम्किएपछि लुम्बिनीको तेश्रो जित

Headline11 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!