Connect with us

Headline

भारत अण्डर १९ बिश्वकपको सेमिफाइनलमा

wesportz

Published

on

भारत दक्षिण अफ्रिकामा जारी आईसिसि अण्डर १९ बिश्वकपको सेमिफाइनलमा प्रवेश गरेको छ । मङ्गलबार भएको क्वार्टर फाइनलमा भारतले उत्कृष्ट बलिङ्ग प्रदर्शन गर्दै अष्ट्रेलियालाई ७४ रनले पराजित ग¥यो ।

२०१८ को बिजेता भारतले अब प्रतियोगिताको फाइनलका लागि पाकिस्तान र अफगानिस्ताबीच हुने अर्को क्वार्टरफाइनल बिजेतासँग खेल्नेछ । अण्डर १९ बिश्वकपको सबैभन्दा सफल मध्ये एक टिम अष्ट्रेलियाले अब बढीमा पाचौं स्थान सम्म प्रतियोगिता सक्काउनेछ ।

अण्डर १९ बिश्वकप भारतले सर्वाधिक चार र अष्ट्रेलियाले तीन पटक जितेको छ । पाकिस्तान दुई पटकको बिजेता हो भने इङ्गल्याण्ड, दक्षिण अफ्रिका र वेष्ट इण्डिज एक–एक पटक च्याम्पियन भएका थिए ।

पोचेस्टरुममा भएको खेलमा टस हारी पहिलो ब्याटिङ्ग गरेको भारतले ओपनर यसस्वी जयसवाल र अथर्व अन्कोलेकरको अद्र्धशतकको मद्दतमा ९ विकेट गुमाउदै २ सय ३३ रन बनायो । स्याम फ्यानिङ्गले उत्कृष्ट ब्याटिङ्ग गर्दै अद्र्धशतक बनाए पनि अष्ट्रेलिया ४३ दशमलव ३ ओभरमा एक सय ५९ रनमै समेटिएको थियो ।

अष्ट्रेलियालाई सस्तैमा समेट्ने क्रममा कार्तिक त्यागीले सर्वाधिक चार विकेट लिएका थिए भने आकाश सिँहले तीन विकेट हात पारे । फ्यानिङ्गले १ सय २७ बलमा सात चौका र तीन छक्का प्रहार गर्दै ७५ रन बनाए । लियम स्कटले फ्यानिङ्गसँग छैटौं विकेटका लागि ८१ रनको साझेदारी गर्दै अष्ट्रेलियालाई खेलमा फर्काएका थिए ।

तर दुवै ब्याट्स्म्यान ६ रनको अन्तरमा पेभिलियन फर्केपछि अष्ट्रेलियाको इनिङ्गस धराशायी हुन पुगको थियो । अष्ट्रेलियाले अन्तिम पाँच विकेट मात्र १० रन जोड्दा गुमाएको थियो । स्कटले ७१ बलमा ३५ रन बनाएका थिए । उनले दुई चौका र एक छक्का प्रहार गरे ।

यसअघि पहिलो ब्याटिङ्ग गरेको भारतका लागि जयसवालले ८२ बलमा ६२ रन बनाएपनि टोलीलाई राम्रो योगफलतर्फ मिडल अर्डरले डो¥याएको थियो । एक सय ४४ रनमा ६ विकेट गुमाएको भारतलाई अन्कोलेकरले रवि बिस्नोइ (३०) सँग ६१ रनको महत्वपूर्ण साझेदारी गर्दै सम्हालेका थिए ।

५४ बलको सामना गर्दै ५५ रन बनाएका अन्कोलेकरले पाँच चौका र एक छक्का प्रहार गरे । जयसवालको इनिङ्गसमा ६ चौका र दुई छक्का सामेल थियो । अष्ट्रेलियाका लागि कोरि केली र टड मर्फिले दुई–दुई विकेट लिए ।

Headline

जेसन होल्डरले घातक बलिङ गर्दा इंग्ल्यान्डको लज्जास्पद हार 

wesportz

Published

on

वेस्ट इन्डिजका तीब्र गतिका बलर जेसन होल्डरले घातक बलिङ गर्दा घरेलु टोली इंग्ल्यान्डले पहिलो ट्वान्टी ट्वान्टी अन्तर्राष्ट्रिय खेलमा नौ विकेटको लज्जास्पद हारको सामना गरेको छ । जितसँगै वेस्ट इन्डिजले पाँच खेलको शृंखलामा १-० को अग्रता पनि हात पारेको छ ।

खेलमा टस जितेर पहिले बलिङ गर्ने निर्णय लिएको वेस्ट इन्डिजले इंग्ल्यान्डलाई १९ दशमलब चार ओभरमा १०३ रनमा रोक्यो भने १७ दशमलब एक ओभर खेल्दै एक विकेटको नोक्सानीमा लक्ष्य पार गर्यो ।

इंग्ल्यान्डलाई सानो स्कोरमा रोक्ने क्रममा होल्डरले तीन दशमलब चार ओभर बलिङ गर्दै एक मेडन ओभर सहित सात रन खर्चिएर चार विकेट हात पारे । होल्डर बाहेक महँगो साबित भए पनि शेल्डन कोट्रेलले चार ओभर ओभरमा ३० रन दिएर दुई विकेट आफ्नो नाममा दर्ता गराए ।

वेस्ट इन्डिजको जितमा ब्याटिङमा ब्रेन्डन किंगले अविजित रहँदै सर्वाधिक ५२ रनको पारी खेले भने निकोलस पुरनले पनि अविजित रहँदै २७ रन बनाए । त्यस बाहेक शे होप २० रन बनाएर आउट भए ।

४९ रनको अवस्थामा सात विकेट गुमाएको इंग्ल्यान्डको लागि आठौं र नवौ नम्बरमा ब्याटिङ गर्न आएका क्रिस जोर्डन र आदिल रशिदले क्रमश २८ र २२ रन जोड्दै इंग्ल्यान्डलाई तीन अंकको योगफल सम्म पुर्याए । उनीहरु बाहेक कप्तान ओएन मोर्गनले १७ र जेम्स विन्सले १२ रन बनाए भने अन्य कुनै पनि ब्याटरले दोहोरो अंकमा रन जोड्न सकेनन् ।

इंग्ल्यान्डका ओपनरहरु जेसन रोय र टम बान्टन क्रमश ६ र चार, मोइन अली गोल्डेन डक आउट, साम बिलिंग्स र लियाम डसन समान २-२ रन बनाएर पेभेलियन फर्किए ।


 

Continue Reading

Headline

आईपीएलका लागि आवेदन दिने १५ जना नेपाली खेलाडीहरु को को हुन् ?

wesportz

Published

on

नेपाल क्रिकेट संघ (क्यान) ले १५ औं संस्करणको इन्डियन प्रिमियर लिग (आईपीएल) को मेगा अक्सनको लागि आबेदन दिने १५ जना नेपाली खेलाडीहरुको नाम सार्वजनिक गरेको छ । आज बिहान मात्र भारतीय क्रिकेट बोर्ड (बिसीसीआई) ले मेगा अक्सनका लागि १२ सय १४ खेलाडीले आवेदन दिँदा नेपालका १५ जना खेलाडीहरुले आवेदन दिएको जनाएको थियो ।

नेपालबाट आवेदन दिने खेलाडीहरुमा असिफ शेख, पवन सर्राफ, सन्दिप जोरा, कुशल भुर्तेल, रोहित कुमार पौडेल, सुशन भारी, आरिफ शेख, अविनाश बोहरा, बिनोद भण्डारी, शरद भेषावाकर, कुशल मल्ल, करण केसी, सोमपाल कामी, दिपेन्द्र सिंह ऐरी, सन्दिप लामिछाने रहेका छन् ।

एसोसिएट्स राष्ट्रबाट ४१ जनाले आवेदन दिँदा सबैभन्दा धेरै आवेदन नेपालबाट नै परेको छ भने नेपालले बंगलादेश, आयरल्याण्ड र जिम्बाब्वे जस्ता टेस्ट राष्ट्रलाई पनि पछि पारेको छ । नेपाल पछि एसोसिएट्स राष्ट्रबाट आवेदन दिनेमा अमेरिका रहेको छ । अमेरिकाबाट १४ खेलाडीले आवेदन दिएका छन् ।

यो पनि पढ्नु होस् – ७ बर्षपछि जितेन्द्र मुखियाले देखेको उज्यालो

आवेदन दिनेमा सबैभन्दा धेरै अष्ट्रेलियाका खेलाडीहरुले दिएका छन् । अष्ट्रेलियाका ५९ जनाले आवेदन दिँदा भुटान, नेदरल्यान्ड्स, स्कटल्याण्ड र युएईका समान १-१ जनाले आवेदन दिएका छन् ।

यस पटकको मेगा अक्सनबाट १० फ्रेन्चाइजहरुले कुल २१७ खेलाडीको छनोट गर्नेछन् जस मध्य ७० जना विदेशी खेलाडी समावेस हुनेछन् । प्रत्येक फ्रेन्चाइजले अधिकतम २५ खेलाडी आफ्नो टोलीमा राख्न पाउने छन् ।

नेपाली टोलीका नवनियुक्त कप्तान सन्दिप लामिछाने मात्र नेपालको तर्फबाट आईपीएल खेल्ने एक्ला खेलाडी हुन् । सन् २०१८ मा उनी तीन सिजनका लागि दिल्ली क्यापिटल्समा आबद्ध भएका थिए भने अघिल्लो सिजनको लागि भएको मिनी अक्सनमा भने उनलाई कुनै पनि टोलीले आफ्नो टोलीमा समावेस गरेको थिएन ।

१५ औं सिजनको आईपीएलको अक्सन फेब्रुअरी १२ र १३ मा गरेर दुई दिन सम्म चल्ने छ ।

Continue Reading

Headline

‘बिबेक टिममा डिमान्ड भए अनुसारको अलराउण्डर हुन्’

wesportz

Published

on

नेपाली राष्ट्रिय टोलीका प्रशिक्षक पुबुदु दासानायकेले ओमानमा हुने ट्वान्टी ट्वान्टी बिश्वकप छनोटमा स्थान बनाउन सफल अण्डर–१९ क्रिकेट बिबेक यादवले टिममा डिमान्ड भए अनुसारको अलराउण्डर रहेको बताएका छन् ।

पछिल्लो एक बर्ष देखि आशा लाग्दो युवा प्रतिभाको रुपमा नेपाली क्रिकेटमा उदाइरहेका बिबेक बिभिन्न प्रतियोगिताहरुमा दिदै आएको राम्रो प्रदर्शनका कारण राष्ट्रिय टोलीमा स्थान बनाउन सफल भए । बिशेष गरि मिडल अर्डरमा ब्याटिँगबाट प्रभाव पारेका बिबेक बलिँगमा औषत रहेपनि दासानायकेले उनलाई युटिलिटी अलराउण्डरको रुपमा हेरेका छन् ।

नेपालले फेब्रुवरी १८ देखि बिश्वकप छनोट खेल्नु अघि ओमानमा चार राष्ट्र सम्मिलित ट्वान्टी ट्वान्टी अन्तर्राष्ट्रिय श्रृंखला खेल्न गइरहेको छ । तीन लिग खेल हुने भएका कारण दासानायकेलेलाई टिममा स्थान बनाउन सफल दुई युवा क्रिकेटर बिबेक र लोकेश बमसँगै पुनरागमन गरेका प्रदिप ऐरि, शरद भेषावकर र जितेन्द्र मुखियालाई पनि प्रयोग गर्ने अवसर मिल्नेछ ।

पुनरागमन गरेका खेलाडीहरुबारे अभ्यस्त रहिसकेका कारण दासानायकेले लोकेश र बिबेकको प्रदर्शनतर्फ भने बिशेष ध्यान दिनेछन् । दासानायके बिबेक सफल हुन सक्नेमा आशावादी रहेका छन् ।

“उनी निकै राम्रो युवा प्रतिभा हुन् । मलाई लाग्छ उनको अण्डर १९ टोलीबाट पनि प्रदर्शन राम्रै थियो । मैले उनको ब्याटिँग एभरेष्ट प्रिमियर लिगका दौरान पनि राम्रोसँग नियालेको थिए,” सेप्टेम्बर र अक्टोबरमा भएको इपिएलमा भैरहवा ग्लेडिएटर्स सम्हालेका दासानायकेले भने ।

यो पनि पढ्नु होस्

आईपीएलको मेगा अक्सनमा १५ जना नेपाली खेलाडीहरु 

७ बर्षपछि जितेन्द्र मुखियाले देखेको उज्यालो

अघिल्लो बर्षको प्रधानमन्त्री कप एकदिवसीयमा प्रदेश २ को लागि राम्रो प्रदर्शन गरेका बिबेकले इपिएलमा पोखरा राइनोजका लागि खेल्दै प्रभावशाली प्रदर्शन गरेका थिए । चार खेलमा ब्याटिँग गर्न पाएका उनले चितवन टाइगर्सबिरुद्ध फाइनलमा मात्र असफल हुँदा चार रन बनाएका थिए ।

त्यसबाहेक उनले ५१, ४१ नटआउट र १६ रनको तीन छरितो इनिङ्गस खेलेका थिए । अण्डर १९ एसिया कपमा अन्तिम खेलमा कुवेतबिरुद्ध असफल बिबेकले बलियो टोली श्रीलंकाबिरुद्ध ४४ र बंगलादेशबिरुद्ध २६ रन बनाएका थिए । दुवै अवसरमा उनले राम्रा साझेदारीहरु गर्दै नेपाललाई सम्मानजनक योगफल तर्फ डोर्याएका थिए ।

“बिबेक मिडल अर्डरमा ब्याटिँग गर्दै ठूला शटहरु त खेल्न सक्षम छन् नै, हामीले उनलाई टिममा समावेश गरेको कारण उनी बलिँगबाट पनि योगदान दिन सक्छ । उनको खेलको प्रकृती त्यही हो जुन आरिफ शेखको छ,” दासानायके भन्छन् ।

Continue Reading
Headline2 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline18 hours ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline18 hours ago

‘बिबेक टिममा डिमान्ड भए अनुसारको अलराउण्डर हुन्’

Headline20 hours ago

अमेरिकी टोलीलाई हराउदै एपिएफ सेमिफाइनलमा

Headline23 hours ago

पाँच धनी आईपीएल फ्रेन्चाइजहरु 

Headline1 day ago

आईपीएलको मेगा अक्सनमा १५ जना नेपाली खेलाडीहरु 

Headline1 day ago

चार देशीय शृंखलाको पहिलो खेलमा नेपालले ओमानको सामना गर्ने 

Headline2 days ago

एक खेल बाँकी छदै भारतले दक्षिण अफ्रिकाबिरुद्ध श्रृंखला गुमायो

Headline2 days ago

पन्त र राहुलको अर्धशतकमा भारतको चुनौतिपूर्ण योगफल 

Headline2 days ago

आहा–रारा गोल्डकपः सब्स्टिच्युट गोलकिपर रोशन चम्किएपछि पुलिस क्वार्टर–फाइनलमा

Trending

error: Content is protected !!