Connect with us

Headline

रोनाल्डोले गरेका १८ यस्ता काम जसले उनलाई हेर्ने दृष्टिकोण सधैका लागि बदलिदिन्छ

Published

on

क्रिष्चियानो रोनाल्डो बिश्व फुटबलको बर्तमानमा सबैभन्दा उत्कृष्ट खेलाडी हुन् । अर्जेन्टिनी स्टार लियोनल मेस्सी र रोनाल्डोबीच को महान भनेर सधै चर्चा चल्ने गर्दछ, शायद बिवाद पनि । रोनाल्डोलाई  घमण्डी भएको र मेस्सी निकै सालिन रहेको भनेर उनै महान खेलाडी भएको भन्नेहरु पनि प्रशस्तै भेटिने गर्छन् ।

तर रोनाल्डोले यस्ता कामहरु पनि गरेका छन् जसले गर्दा कसैको पनि उनलाई हेर्ने दृष्टिकोण परिवर्तन हुन सक्छ । एकपटक हेरौं न त रोनाल्डोले गरेका कामहरुः

उनको युरोपियन गोल्डेन बुट

सन् २०११ मा रियल म्याड्रिडको प्रशिक्षक होजे माउरिन्हो भएको समयमा रोनाल्डोले ४० गोल गरेपछि रोनाल्डोले युरोपियन गोल्डेन बुट पाएका थिए । यद्दपि त्या सिजन रियल म्याड्रिड स्पेनिस ला लिगमा दोश्रो र च्याम्पियन्स लिगमा सेमिफाइनलबाटै बाहिरिएको थियो । रोनोल्डो त्यो ट्रफि आफूसँग राख्नुको सट्टा च्यारिटीमा बेच्नु उचित सम्झिए । च्यारिटीका लागि भएको बोल कबोलमा उक्त गोल्डेन बुट १२ लाख पाउण्डमा बिक्यो । सबै पैसा युद्धले ग्रस्त गाजापट्टीमा बिद्यालय निर्माणका लागि गयो ।

बालोन डि ओर

रोनाल्डोले अहिले सम्म पाँच पटक फुटबलको सबैभन्दा ठूलो ब्यक्तिगत पुरस्कार बालो डि ओर जितिसकेका छन् । सन् २०१३ को बालोन डि ओर जित्दा उनले फेरि उक्त ट्रफि च्यारिटीका लागि राख्ने निर्णय गरे । लण्डनमा भएको बोल कबोलमा उनको ट्रफिले ५ लाख ३० हजार पाउण्ड बटुल्यो । सबै पैसा मेक अ विस फाण्डेसनमा गयो । उक्त संस्थाले दिर्घ रोग लागेका बच्चाहरुले चाहेका कुरा गरिदिने गर्दछ ।

एक दुत

रोनाल्डोले आफ्नो बिश्वब्यापी पहिचानलाई राम्रै कामको लागि प्रयोग गर्दै आएका छन् । उनी अहिले बिश्वका तीन मुख्य परोपकारी संस्थाहरु सेभ दि चिल्ड्रेन, युनिसेफ र वल्र्ड भिजनको दुत त छन् नै र यो सँगै उनले अन्य कैयौं यस्तै संस्थाहरुको बिषयमा बोलिरहेका हुन्छन् । सन् २०१४ को बालोन डि ओर पुरस्कार थाप्न जादा उनले ब्लड क्यान्सरले संघर्ष गरिरहेका बालबालिकाहरुको बारेमा पनि बोलेका थिए । यस्ता बिषयलाई लिएर उनले सधै जसो बोलिरहेका हुन्छन् ।

अघिल्लो बर्ष उनले युद्दग्रस्त सिरियाका बच्चाहरु वास्तवमा नायक भएको भन्दै म तिमीहरु सँग छु भन्दै एउटा भिडियो सन्देश पनि रेकर्ड गरेका थिए । उनले गुप्त रुपमा अनुदान दिदै सेभ द चिल्ड्रेनलाई उक्त रकम नखुलाउन आग्रह पनि गरेका थिए । रोनाल्डोको सन् २०१४ मा बिश्वब्यापी रुपमा अरबौं रुपैया उठाउदै भाइरल बनेको आइस बकेट च्यालेञ्ज उनको सामाजिक सञ्जालमा करोडौं मानिसहरुले हेरेका थिए ।

उत्कृष्ट भएर पाएको बोनस नै च्यारिटीलाई

मैदानमा उत्कृष्ट प्रदर्शन गर्दै रोनाल्डोले पाएका पैसा उनले दिल खोलेर अरुहरुको लागि दिदै आएका छन् । २०१३ मा उत्कृष्ट प्रदर्शन गरेका रोनाल्डो युइएफए बर्ष टोलीमा परेपछि उनले अतिरिक्त ८९ हजार पाउण्ड बोनसमा पाएका थिए । तर उनले त्यो पैसा आफू राख्नुको साटो रेड क्रसलाई दिएका थिए ।

एक बर्षपछि रोनाल्डाकै उत्कृष्ट प्रदर्शनमा रियल म्याड्रिडले १० औं पटक च्याम्पियन्स लिगको उपाधि जित्यो । जितको बोनस स्वरुप उनले क्लबबाट ४ लाख ५० हजार पाउण्ड बोनस पाए । उनले फेरि एकपटक सबै बोनस आफू दुत रहेको तीन परोपकारी संस्थाहरुलाई दिए ।

रक्तदानका लागि ट्याटु खोपेका छैनन्

आफ्ना खेलाडी साथीहरुको तुलनामा रोनाल्डोको शरिरमा कतै पनि ट्याटु छैन । यसको कारण हो उनी लगातार रक्तदान गर्छन भने अरुहरुलाई पनि त्यो कार्यको लागि प्रेरण दिन्छन् । ट्याटु खोपेका ब्यक्तिहरुले रक्तदान गर्न सक्छन् तर भर्खरै नयाँ ट्याटु बनाएकाहरुमा रक्तदान गर्दा इन्फेक्सन हुने डर बढी हुन्छ । उनले २०१५ मा भनेका थिएः रक्तदान गरेर हामी परिवर्तन ल्याउन सक्छौं ।

रोनाल्डोले रक्तदान मात्र नभएर बोन म्यारो पनि दान गर्ने गरेका छन् । उनको पहिलेका टिममेट क्रिस मार्टिन्सलाई बोन म्यारो चाहिएदेखि उनले लगातार दान गर्दै आइरहेका छन् ।

नेपाललाई पनि करोडौं सहयोग

रोनाल्डोको परोपकारी कार्य नेपालमा पनि कायम नै रह्यो । सन् २०१५ मा नेपालमा गएको बिनाशकारी भुकम्पपछि रोनाल्डोले सेभ दि चिल्ड्रेनको राहत कोषमार्फत ५ मिलियन पाउण्ड अनुदान दिएका थिए । रोनाल्डोले गरेको अनुदानको समाचार पुष्टि भएको थिएन भने सेभ दि चिल्ड्रेनले पनि पुष्टि गरेको थिएन । रोनाल्डोले अनुदान त गरेका थिए शायद उनले नै रकम खुलाउन चाहेनन् की ?

जेठा दाजुको रेखदेख

रोनाल्डोका बुवा डेनिस जड्याहा थिए । उक्त समस्यसँग बर्षौ संघर्ष गरेका डेनिसको सन् २००५ मा मृत्यु भएको थियो । उनका जेठा दाजु ह्युगो अभिरो पनि त्यही पथमा दिए । उनी मदिरा र लागु पदार्थको कुलतमा फसे । रोनाल्डोले ख्याति पाउदै गएपछि उनले केही गर्नै पर्ने सोचे र ह्युगोले आफ्नो कुलत त्यागेमा च्याम्पियन्स लिग उनलाई नै समर्पित गर्ने बाचा गरे । ह्युगोले कुलत त्यागे र च्याम्पियन्स लिग जिते लगत्तै मैदान प्रवेश गर्दै लामो समय रोनाल्डोलाई अंकमाल गरेका थिए ।

त्यसयता रोनाल्डो भन्दा १० बर्ष जेठा ह्युगो कैयौं कार्यक्रमहरुमा रोनाल्डोसँगै देखिने गरेका छन् । रोनाल्डोले २०१६ को बालोन डि ओर जित्दा पनि उनी रोनाल्डो सँगै थिए । रोनाल्डो ह्यगोका छोरालाई धर्मपुत्र मान्छन् । अहिले रोनाल्डो म्युजियमको रेखदेख ह्यगोले नै गर्ने गर्छन् ।

क्यान्सर सेन्टरलाई सहयोग

रोनाल्डोकी आमा डोलोरेस अभिरोले सन् २००७ मा स्तन क्यान्सरसँगको युद्ध जितेकी थिइन् । पोर्चुगलमा रहेको उक्त क्यान्सर सेन्टरले आफ्नी आमालाई उपचार गरेको कारण उनले सहयोग स्वरुप एक लाख २० हजार पाउण्ड दिएका थिए ।

अनाथ बालकलाई निमन्त्रणा

लेबनानको राजधानी बेरुटमा भएको आत्मघाती बम आक्रमणमा रियल म्याड्रिडका समर्थक हैदरले आफ्ना आमा र बुवा गुमाएपछि अनाथ भएका थिए । स्थानीय एक रिपोर्टरले हैदर बारे रियललाई भनेपछि रोनाल्डोले क्लबमै बोलाएका थिए । आफ्नो हिरालाई भेटेपछि आसु चुहाएका हैदर र रोनाल्डोको त्यो भिडियो निकै नै भावनात्मक रहेको थियो ।

साना फ्यानलाई सहयोग

रोनाल्डोले सन् २००९ मा क्यान्सर पिडित ९ बर्षिय नुहुजेत गुलेनको बारेमा थाहा पाए । गुलेन रोनाल्डोका फ्यान रहेका थिए । रोनाल्डोले गुलेन परिवारलाई नै रियल म्याड्रिड बसेको होटलमा बोलाउनका लागि भनेर गाडी पठाए । गुलेन होटलको लिफ्टबाट देखा पर्दा रोनाल्डोले उनीसँग मलाई केही भन्दैनौं भन्दै ठट्टा पनि गरेका थिए ।

सान्टियागो बर्नाबाउमा भएको खेलमा उनले गुलेनलाई आफ्नो निजी बक्समै स्थान दिएका थिए भने आफूले गरेको गोल उनीलाई समर्पित गर्दै म्याच जर्सी पनि दिएका थिए । गुलेनका बुवासँग कुरा गरेपछि रोनाल्डोले उनको क्यान्सरबिरुद्ध खासै केही गर्न नसकिने पत्ता लगाए । तर पनि रोनाल्डोले अमेरिकाको एक अस्पतालमा उनको उपचारको खर्च बेहोरेका थिए ।

गुलेनको स्थिति खराब हुदै गएपछि रोनाल्डोले उनको उपचार एउटा निजी मेडिकल सेन्टरमा गर्दै लाखौं खर्च गरेका थिए । रोनाल्डोले उनको लागि एक बर्षभन्दा बढी खर्च गरे तर गुलेनको २०१३ मा मृत्यु हुन पुग्यो ।

आफ्नो समयलाई लिएर उदार

रोनाल्डोसँग खेलकै दौरान मैदानभित्र प्रवेश गर्दै सेल्फि लिने र फोटो खिच्न चाहने धेरै छन् । अन्य खेलाडीहरु यस्ता समर्थकहरुसँग टाढै बस्न चाहन्छन् । तर रोनाल्डो उनीहरुसँग फोटो खिच्नका लागि समय निकाल्छन् । उनले कैयौ पटक समर्थकहरुलाई सुरक्ष अधिकारीहरुबाट बचाएका पनि छन् । उनी स्टेडियमभित्र फ्यानहरुसँग अन्तरकृया गर्दै जर्सी दिने, अटोग्राफ दिने र फोटो खिच्ने पनि गर्छन् ।

फर्नाण्डोलाई निमन्त्रणा

स्कटिस लिग टिम रेञ्जर्सका लिजेण्ड फर्नाण्डो रिक्सेनलाई सन् २०१३ मा मोटर न्युरोन रोग लागेपछि उनी ह्विलच्यरमा सिमित हुन पुगेका थिए । गत सेप्टेम्बरमा उनको मृत्यु हुनुअघि हिड–डुल गर्न नसक्ने डच खेलाडी रिक्सेनलाई उनकी पत्नी र नर्सहरुले देखभाल गर्ने गर्थे । रिक्सेनको स्थितिको बारे थाहा पाएपछि रोनाल्डोले उनको परिवार सहित बर्नाबाउमा रियलको म्याच हेर्न निमन्त्रणा दिए । पोलिस टिम लिजिय वार्सबिरुद्धको त्यो च्याम्पियन्स लिग म्याचमा जित हात पारेपछि रोनाल्डोले रिक्सेनलाई आफ्नो जर्सी पनि दिएका थिए ।

अर्का फ्यानलाई सहयोग

२०१४ मा छारे रोग लागेका १० बर्षिय एरिक ओर्टिच क्रुजकी आमाले रोनाल्डोलाई उनको जर्सी दिन आग्रह गरेकी थिइन् । क्रुजलाई लागेको रोगमा रोगिलाई दिनमा ३० पटकसम्म डिस्टेरिया हुनेगर्छ । क्रुजको स्थिति थाहा पाएपछि रोनाल्डोले शुरुवाती दिमागको अपरेशनका लागि रोनाल्डोले ५५ हजार पाउण्ड दिएका थिए र थप उपचारका लागि पनि आफू आर्थिक रुपमा सहयोग गर्ने बताएका थिए । तर त्यसपछि क्रुजको उपचारको लागि थप रकम आवश्यक परेन । उनले क्रुजका लागि सहयोग संकलन गर्न आफूले हस्ताक्षर गरेको फुटबल किट पनि अक्सनमा राखिदिएका थिए ।

भाच्चिएको हात

एकपटक बर्नमाउथमा चलिरहेको प्रि सिजन मैत्रीपूर्ण खेलका दौरान रोनाल्डोले प्रहार गरेको फ्रि किकले खेल हेर्न आएका ११ बर्षिय चार्ली सिल्भरउडको हात भाच्चिएको थियो । खेलपछि रियलका अध्यक्ष फ्लोरेन्टिनो पेरेजले चार्लीलाई बोलाएपछि रोनाल्डोले उनलाई आफ्नो जर्सी दिएका थिए । च्याम्पियन्स लिगको खेलमा एक पटक उनले प्रहार गरेको बलले एउटा बच्चालाई लागेपछि उनी रुन पुगे । रोनाल्डो उनी बसेको ठाँउमै पुगरे उनलाई आफ्नो प्रशिक्षणमा लाउने जर्सी दिएका थिए ।

सधैको लागि राम्रो साथी
रोनाल्डोका एजेन्ट होर्गे मेन्डेसले आफ्नो बिहेमा रोनाल्डोलाई बेस्ट म्यान बनाएका थिए । रोनाल्डोले आफ्नो पोर्चुगिज साथीलाई यसको लागि राम्ररी नै पुरस्कृत गर्ने सोच्दै बिहेको गिफ्टको रुपमा ग्रिसमा एउटा आइल्याण्ड नै किनिदिए । उक्त आइल्याण्डको मुल्य चार करोड पाउण्ड रहेको बुझिन्छ ।

टिमका लागि पनि उदार

च्याम्पियन्स लिगको उपाधि जितेपछि रियलका खेलाडीहरुले क्लबबाट जितको बोनसमात्र नभएर रोनाल्डोबाट पनि बिशेष उपहार पाए । उत्कृष्ट खेलाडी चुनिएका रोनाल्डोले आफ्ना रियलका साथीहरुलाई बल्गारी ब्राण्डको निकै महँगो घडी उपहार दिएका थिए । प्रत्येक घडीको मुल्य ५ हजार पाउण्ड रहेको थियो ।

होटलका कर्मचारीलाई दुई पटक ठूलो बक्सिस

रोनाल्डो दक्षिण ग्रिसमा रहेको कोस्टा नाभारिनो नाम गरेको रिसोर्टको ठूलै फ्यान हुन् । उनी पछिल्लो दुई गर्मि त्यही गएर बसेका थिए । निकै ठूलो क्षेत्रफल ओगटेको रिसोर्टमा दुई फाइभ स्टार होटल, स्पा, गल्फ कोर्स लगायतका अन्य धेरै हेर्न लायक ठाउँहरु रहेका छन् । होटलका मालिकहरुले रोनोल्डो र उनको परिवारलाई गोपनियता दिने हिसाबले मिडिया ब्ल्याक आउट गरेपछि उनी कहा बसे कसैले थाहा पाएका थिएनन् ।

सन् २०१८ र १९ को गर्मिमा त्यहा बसेपछि रोनाल्डोले उठेको बिल बाहेक थप २० हजार पाउण्ड उनलाई हेर्ने कर्मचारीहरुलाई दिएका थिए । त्यो पैसा १० जना होटलका कर्मचारीहरुले बाडेका थिए ।

आफूलाई हेरेकाहरुलाई सहयोग
केही समयअघि एक अन्तर्वार्ता आफू सानो बेलामा बाटोमा अरुसँग मागेर खाने गरेको समयमा उनलाई तीन महिलाले निशल्क बर्गर ख्वाउने गरेको खुलासा गरेका थिए । निकै लामो खोजपछि पाउला लेका नाम गरेकी महिलाले आफू तीन मध्ये एक भएको बताइन् । रोनाल्डोले पाउलालाई इटालीको टुरिन अथवा पार्चुगलको राजधानी लिस्बनमा डिनरको लागि जाने प्रस्ताव राखेका छन् ।

Click to comment

Leave a Reply

Your email address will not be published. Required fields are marked *

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!