Connect with us

Headline

सारापोभा पहिलो चरणबाट नै बाहिर 

wesportz

Published

on

रसियन सुन्दरी मारिया सारापोभा अस्ट्रेलियन ओपनको पहिलो चरणबाट नै बाहिरिएकी छिन् ।
पाँच पटककी ग्रान्ड स्ल्याम बिजेता सारापोभा आफ्नो पहिलो खेलमा नै १९औं बरियताकी क्रोसियन खेलाडी ड़ोंना भेकिकसँग ६-३ र ६-४ को शोझो सेटमा पराजित भएकी हुन् ।
सन् २००८ मा अस्ट्रेलियन ओपनको उपाधि चुमेकी ३२ बर्षिय सारापोभाले यस पटक वाइल्ड कार्ड इन्ट्री पाएकी हुन् । पहिलो चरणबाट नै बाहिरिए पछि उनी बरियता क्रममा ३५० स्थान भन्दा तल झरेकी छिन् । जसले गर्दा उनले अब अर्को बर्षको अस्ट्रेलियन ओपन खेल्न पाउने पनि संकाको घेरामा परेको छ ।
गत बर्ष युएस ओपनका क्रममा काँधमा समस्या आए पछि पहिलो पटक कुनै पनि प्रतियोगिता खेलेकी सारापोभाले आगामी बर्षको अस्ट्रेलियन ओपन खेल्न पाउने सम्भावनाका बारेमा सोध्दा, उनले भनिन्  ‘खै मलाई थाहा छैन । केहि पनि थाहा छैन ।’
‘यस पटक म भाग्यमानी रहें । आयोजकहरुले मलाई यस प्रतियोगितामा खेल्ने मौका दिनु भयो । वहाँहरुलाई म धन्यबाद दिन चाहन्छु । आज मैंले अपेक्ष्या गरे अनुसार खेल्न सकिन र हारको सामना गर्न पुगे ।’
पुर्व नम्बर एक खेलाडी सारापोभा कुनै पनि ग्रान्ड स्ल्याम पहिलो चरणबाट नै बाहिरिएको यो तेश्रो पटक हो । उनी पहिलो पटक सन् २०१० मा अस्ट्रेलियन ओपनमा नै पहिलो चरणबाट आउट भएकी थिइन ।

Click to comment

Leave a Reply

Your email address will not be published. Required fields are marked *

Headline

जेम्सको ट्रिपल डबलसँगै लेकर्स १० बर्षपछि एनबिए उपाधि नजिक

wesportz

Published

on

लेब्रोन जेम्सको ट्रिपल डबलसँगै लस एन्जलस लेकर्स १० बर्षमा पहिलो पटक एनबिए फाइनल्समा प्रवेश गरेको छ । लेकर्सले वेस्टर्न कन्फेरेन्सको फाइनलको गेम फाइभमा डेन्भर नगेट्सलाई ११७–१०७ ले हराउदै ४–१ को जित निकालयो ।

२०१० मा कोबि ब्रायन्ट, रोन आर्टेस्ट र स्यानन ब्राउनले उत्कृष्ट प्रदर्शन गरेपछि लेकर्सले पछिल्लो पटक उपाधि जितेको थियो । त्यसयता भने लेकर्सलाई कन्फेरेन्स फाइनल्स पुग्न समेत १० बर्ष कुर्नु परेको थियो । फ्रान्चाइज लेजेण्ड ब्रायन्टको हेलिकप्टर दुर्घटन्मा मृत्यु भएकै बर्ष जेम्सले लेकर्सलाई उपाधिको नजिक पुर्याएका छन् ।

मायामी हिटका लागि दुई पटक र क्लेभल्याण्ड क्याभेरिर्सका लागि एक पटक एनबिए च्याम्पियनसिप जितिसकेका जेम्स आफ्नो करिअरको १० औं फाइनल खेल्न गइरहेका छन् । गेम फाइभमा उनले आफ्नो करिअरको २७ औं ट्रिपल डबल पुरा गर्ने क्रममा ३८ पोइन्ट गरेका थिए भने १६ रिबाउण्ड लिदै १० असिस्ट दिएका थिए ।

फाइनलमा लेकर्सले बोस्ट सेल्टिक्स र मायामी हिटबीच इन्टर्न कन्फेरेन्सको फाइनल्स बिजेतासँग खेल्नेछ । हिट इन्टर्न कन्फेरेन्समा ३–२ ले अघि रहेको छ ।

आइतबारको खेलमा जेम्सका अल स्टार टिममेट एन्थोनी डेभिसले पनि २७ अंकको योगदान दिएका थिए । लेकर्सले एनबिए इतिहासमा ३२ औं फाइनल खेल्न गइरहेको हो ।
कन्फेरेन्स फाइनल प्रवेश गर्ने क्रममा दुई पटक ३–१ को स्थितिलाई उल्टाएको नगेट्सले फाइनलमा अर्को पुनरागमन गर्न भने सकेन । उसका लागि निकोला जोकिच र जेरेमी ग्राण्टले समान २० पोइन्ट स्कोर गरेका थिए ।

यो सिजन उत्कृष्ट प्रदर्शन गरेका जमाल मुरे १९ अंक मै सिमित रहेका थिए ।

Continue Reading

Headline

युरोपियन राउण्ड अपः रियलको पहिलो जित, इन्टरको उत्कृष्ट पुनरागमन, डर्टमण्डको अप्रत्याशित हार

wesportz

Published

on

सर्जियो रामोसले पेनाल्टीमा गोल गरेपछि रियल म्याड्रिडले स्पेनिस ला लिगामा पहिलो जित हात पार्दै रियल बेटिसलाई ३–२ ले हराउन सफल भएको छ ।

अवे खेलमा डिफेन्डिङ्ग च्याम्पियन पहिलो हाफमा २–१ ले पछि परेको थियो तर एमर्सन खेलका खलनायाक भएपछि रियलले पुनरागमन गर्दै सिजनको पहिलो जित हात पार्न सफल भयो । रियलले १४ औं मिनेटमै फेडेरिको भाल्भर्डेको गोलमार्फत अग्रता लिएको थियो ।

एसा मान्डी र विलियम कार्भाल्होले तीन मिनेटको अन्तरालमा दुई गोल गरेपछि रियल बेटिसले २–१ को अग्रता हात पार्यो । दोश्रो हाफ शुरु भएको तेश्रो मिनेटमै एभर्सनले आत्मघाती गोल गर्दा रियल बराबरी गर्न सफल भयो ।

६७ औं मिनेटमा लुका जोभिचमाथि गरेको फउलका कारण बार्सिलोनाबाट लोनमा आएका एमर्सनले दोश्रो पहेलो कार्ड खादै मैदान बाहिरिए । ८२ औं मिनेटमा भिडियो असिस्टेन्ट रेफ्रिले मार्क बार्टाले हातले बल क्लियर गरेको देखाएपछि रियलले पेनाल्टी पायो र त्यसमा रामोसले गोल गरे ।

ला लिगामा १८ महिनाअघि जिदानको नियुक्ति पछि रियालले पहिलो पटक पहिलो हाफमै दुई गोल खाएको हो । रियल पहिलो खेलमा रियल सोसिडाडसँग बराबरीमा रोकिएको थियो भने बेटिसले पहिलो दुई खेलमा आलाभेस र रियल भालाडोलिडलाई हराउदै उत्कृष्ट शुरुवात गरेको थियो ।

शनिबार नै भएको अर्को खेलमा सोसिडाडले एल्चेसलाई ३–१ ले हरायो भने भ्यालेन्सिया हुवेस्कासँग १–१ को बराबरीमा रोकियो । यस्तै आलाभेस र गेटाफेले गोलरहित बराबरी खेलेका थिए ।

इन्टरको उत्कृष्ट पुनरागमन

इटालियन सिरी आ मा अन्तिम निर्धारित समयको तीन मिनेट बाकी हुदासम्म दुई गोलले पछि रहेको इन्टर मिलानले फ्रांक रिबेरी प्रेरित फियोरेन्टिनामाथि ४–३ को सनसनीपूर्ण जित हात पार्यो । सान सिरोमा इन्टरले रिबेरी स्थानान्तरण हुने बित्तिकै दुई गोल गर्दै पुनरागमन गरेको थियो ।

रोमेलु लुकाकुले ८७ र ड्यानिले डिएम्ब्रोसियोले ८९ औं मिनेटमा गोल गरेपछि इन्टरले तीन अंक खोसेको थियो । तीन अंक महत्वपूर्ण हो तर हामीले हाम्रो खेलको राम्रो समिक्षा गर्न आवश्यक छ, कोन्टेले भने ।

अघिल्लो सिजन युभेन्टससँग एक अंकले मात्र पछि परेको इन्टर तेश्रो मिनेटमै क्रिष्चियन कुवामेको गोलले पछि परेको थियो । लउटारो मार्टिनेजले ४५ औं मिनेटमा गोल फर्काउदै पहिलो हाफलाई बराबरीमा टुङ्गाएका थिए ।

दोश्रो हाफ शुरु भएको सात मिनेटमै फेडेरिको सेचेरिनीले आत्मघाती गोल गर्दा इन्टर अगाडी बढ्यो तर गेटानो कास्ट्रोभिली र फेडेरिको चिएसाले गोल गर्दै फियोरेन्टिनालाई फेरि खेलमा अग्रता दिलाएका थिए ।

शनिबार नै अघिल्लो सिजन युभेन्टसलाई राम्रो टक्कर दिएका एट्लान्टा र लाजियोले पनि आ–आफ्नो खेलमा जित हात पारे । लाजियोले काग्लियारीलाई २–० ले हराउदो मानुएल लाजारी र सिरो इमोबिलेले गोल गरेका थिए । एट्लान्टाले टोरिनालाई ४–२ ले पराजित गर्यो । यस्तै बेनेभेन्तोले साम्पडोरियालाई ३–२ ले पराजित गर्यो ।

डर्टमण्डको अप्रत्याशित हार

जर्मन बुन्डेसलिगामा उपाधिको दाबेदार बायर्न म्युनिखको चीर प्रतिद्वन्दी बोरुसिया डर्टमण्ड अस्बर्गसँग २–० गोलले अप्रत्याशित रुपमा पराजित भयो । घरेलु मैदानमा करिब ६ हजार समर्थकलाई खुशी बनाउने क्रममा अस्बर्गका लागि फेरिक्स उडुवाखईले हेडरमार्फत अग्रता दिलाए ।

उडुवाखाईको गोलमा फ्रि किक प्रहार गरेका ड्यानिएल कालिगिउरीले ५४ औं मिनेटमा दोश्रो गोल गरेका थिए । शनिबारकै अन्य खेलमा आरबी लाइपजिगले बायर लेभरकुसनसँग १–१ को बराबरी गर्यो भने वर्डर ब्रेमनले साल्केलाई ३–१ हरायो ।

Continue Reading

Headline

वेष्ट ब्रोमसँग रोमान्चक बाराबरीमा रोकियो चेल्सी

wesportz

Published

on

प्रिमियर लिगमा नव प्रवेशी वेष्ट ब्रोमसँग चेल्सी ३-३ गोलको रोमान्चक बाराबरीमा रोकिएको छ ।

शनिबार भएको खेलमा चेल्सीले वेष्ट ब्रोमसँग संघर्षपूर्ण बाराबरी निकाल्न सफल भएको हो । पहिलो हाफमा ३-० ले पछि परेको चेल्सीले दोस्रो हाफमा तीन गोल गर्दै खेल बाराबरीमा ल्याएको थियो ।

वेष्ट ब्रोमका लागि कालुम रोबर्ट्सनले दुई र काइल बर्ट्लीले एक गोल गरेका थिए भने चेल्सीका लागि मेसन माउन्ट,कालुम हड्सन ओडोइ र ट्यामी अब्राहमले गोल गरेका थिए ।

खेलको चौँथो मिनेटमा नै चेल्सीले गोल खान पुगेको थियो । डिफेन्डर मार्कोस अलोन्सोको गल्तीको फाईदा उथाउदै वेष्ट ब्रोमका लागि पहिलो गोल कालुन रोबर्ट्सनले गरेका थिए । चेल्सीले दोस्रो गोल २५ औँ मिनेटमा खान पुगेको थियो । फेरी अर्को डिफेन्डर थियागो सिल्वाको गल्तीको फाईदा उठाउदै रोबर्ट्सनले नै गोल गरेका थिए । त्यस्को दुई मिनेट पनि बित्न नपाउदै २७ औँ मिनेटमा वेष्ट ब्रोमले तेस्रो गोल गरेको थियो । वेष्ट ब्रोमका लागि काइल बार्ट्लीले गोल गरेका थिए ।

दोस्रो हाफमा भने चेल्सीले पहिलो गोल फर्काएको थियो । ५५ औँ मिनेटमा मेसन  माउन्टको लामो दुरीको प्रहारले जाली चुम्न सफल भएको थियो । चेल्सीका लागि दोस्रो गोल हड्सन ओडोइले गरेका थिए । उनले ७० औँ मिनेटमा काइ ह्वाभर्ट्जको पासलाई सदुपयोग गर्दै दोस्रो गोल गरेका थिए ।
चेल्सीका लागि तेस्रो तथा बाराबरी गोल ट्यामी अब्राहमले ९० मिनेट पछि थपिएको इन्जुरी समयमा गरेका थिए ।

वेष्ट ब्रोमसँग संघर्षपूर्ण बाराबरी निकालेको चेल्सीले तीन खेलमा एकमा जित एकमा हार र एकमा बाराबरी खेलेको छ । वेष्ट ब्रोमले भने दुई खेलमा हार र एक खेलमा बाराबरी खेलेको छ ।

यस्तै हिजोनै भएका अन्य खेलमा म्यानचेस्टर युनाइटेडले ब्राइटनलाई ३-२,एवर्टनले क्रिस्टल प्यालेसलाई २-१ ले हराएका थिए ।

Continue Reading
Headline58 mins ago

जेम्सको ट्रिपल डबलसँगै लेकर्स १० बर्षपछि एनबिए उपाधि नजिक

Headline1 hour ago

युरोपियन राउण्ड अपः रियलको पहिलो जित, इन्टरको उत्कृष्ट पुनरागमन, डर्टमण्डको अप्रत्याशित हार

Headline11 hours ago

वेष्ट ब्रोमसँग रोमान्चक बाराबरीमा रोकियो चेल्सी

Headline11 hours ago

एभर्टनको प्रिमियर लिगमा लगातार तेश्रो जित

IPL 202012 hours ago

सुभम गिलको उत्कृस्ट पारीमा कोलकाताको पहिलो जित

IPL 202013 hours ago

पाण्डेको अर्धशतकका बाबजुद कोलकातालाई १४३ रनको मध्यम लक्ष्य 

IPL 202016 hours ago

टस जितेर हैदराबाद पहिले ब्याटिङ गर्दै 

Headline16 hours ago

पेनाल्टीले बचायो युनाइटेडलाई, ब्राइटन पराजित

Headline19 hours ago

पहिलो जितको खोजीमा रियल म्याड्रिड रियल बेटिसको समाना गर्दै

Headline22 hours ago

प्रिमियर लिगमा आजः म्यानचेस्टर युनाइटेड र ब्राइटन, चेल्सी र वेष्ट ब्रोम भिड्दै

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 days ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending