Connect with us

Headline

युएफसिको पुनरागमनमा म्याक्ग्रेगर ४० सेकेण्डमै बिजयी

wesportz

Published

on

संसारकै सबैभन्दा खतरनाक फाइट मानिने युएफसि (अल्टिमेट फाइटिङ्ग कम्पिटिसन) मा आयरल्याण्डका फाइटर कोनोर म्याक्ग्रेगरले पुनरागमन गर्दै ४० सेकेण्डमै जित हात पारेका छन् ।

युएफसि मिक्सड मार्सियल आर्टस अन्तर्गत रहेर अमेरिकामा शुरु गरिएको एक प्रतिस्पर्धा हो र बिगत २७ बर्षदेखि यो चल्दै आएपनि आधिकारिकता भने पाउन सकेको छैन । जसरी पनि फाइट गर्ने सकिने भएकाले खेलाडीहरुको लागि घातक सिद्ध हुने भएको ले नै युएफसीलाई प्रतिबन्ध लगाउनको लागि आवाजहरु उठ्दै आएका छन् ।

तर पैसा यसैमा छ ।

म्याक्ग्रेगर र सेरोन फाइट अघि

म्याक्ग्रेगर लामो समयदेखि युएफसिमा स्थापित नाम हो । तर अक्टोबर, २०१८ मा रसियन फाइटर खबिब नुर्मागोमेदेभसँग नराम्ररी पराजित भए यता उनी युएफसिको अक्टागन (फाइट हुने आठ कुने जाली) भित्र भने प्रवेश गरेका थिएनन् । उनले गत साल अमेरिकन बक्सर फ्लोयड मेवेदर जुनियरसँग व्यवसायिक बक्सिङ्ग म्याचमा भिडेका थिए तर पराजित हुन पुगे ।

उक्त एक खेलबाट मात्रै म्याक्ग्रेगरले चार करोढ पाउण्ड कमाएका थिए । यो सबै टिभि प्रशारण अघिकार र अन्य प्रायोजकले गर्दा प्राप्त हुने पैसा हो । म्याक्ग्रेगर र अमेरिकी डोनाल्ड सेरोनबीचको शनिबार रातिको प्रतिस्पर्धाले पनि दुवै फाइटरलाई उत्तिकै पैसा आउने थियो ।

यसको कारण थियो म्याक्ग्रेगरको झण्डै दुई बर्षपछिको पुनरागमन । यो खेलबाट म्याक्ग्रेगरले चार करोडभन्दा बढी कमाएको अनुमान गरिएको छ । उनी हारेको खण्डमा पनि उत्तिकै पैसा पाउने थिए ।

युएफसी इतिहासका दुई उत्कृष्ट फाइटरहरुको बीचमा म्याक्ग्रेगर नै हावी भए । उनले लगातार आक्रमणहरु गर्दा रेफ्रिले एक मिनेट भित्रै खेल रोक्दै म्याक्ग्रेगरलाई बिजयी घोषित गरेका थिए ।

“मैले आज राति इतिहास बनाए । यो मेरो नयाँ किर्तिमान हो । फिटरवेट र लाइटवेटपछि मैले वेल्टरवेटमा पनि नकआउट जित हात पारेको छु । म निकै खुशी छु,” म्याक्ग्रेगरले भने । म्याक्ग्रेगरले नोभम्बर २०१६ पछि पहिलो पटक युएफसीमा उपाधि जितेका हुन् ।

Click to comment

Leave a Reply

Your email address will not be published. Required fields are marked *

Headline

ट्वान्टी–ट्वान्टीमा रशिद खान किन यस्तो घातक ?

wesportz

Published

on

रशिद खानले मङ्गलवार साच्चिकै अविश्वसनीय बलिङ्ग गरे । इण्डियन प्रिमियर लिगको प्लेअफको दौडमा कायमै रहन सनराइजर्स हैदरावादलाई सशक्त प्रदर्शन गर्दै आएको दिल्ली क्यापिटल्सलाई हराउन आवश्यक थियो ।

ओपनर तथा कप्तान डेविड वार्नर र पहिलो पटक माथिल्लो क्रममा ब्याटिङ्ग गर्न आएका रिद्दिमान शाहले बलियो शुरुवात दिलाउदै हैदरावादको २ सय १९ रनको बिशाल योगफलको आधार खडा गरे । तर ब्याटिङ्ग अर्डरमा डेप्थ रहेको दिल्लीबिरुद्ध हैदरावाद ढुक्क हुन सक्ने स्थिति थिएन ।

शिखर धवन र ठूलो लक्ष्यलाई मध्येनजर गर्दै तेश्रो नम्बरमा ब्याटिङ्ग गर्न आएका मार्कस स्टोइनिसलाई पेभिलियन फर्काएपनि वेष्ट इण्डिज ब्याट्स्म्यान सिम्रोन हेट्मायर र अजिंक्या रहाने दिल्लीलाई सम्हाल्ने प्रयास गर्दै थिए ।

पावरप्ले लगत्तै रशिद आफ्नो पहिलो ओभर लिएर आए । पहिलो बलमै उनले हेट्मायरलाई बोल्ड गर्दै ४० रनको साझेदारी तोडे र चौथो बलमा रहानेलाई आउट गरेपछि खेलमा हैदरावाद पूर्ण रुपमा हावी भयो । रशिदले यस्तो राम्रो लाइन समाते जहा उनलाई खेल्न सम्भव नै रहेन । रशिदले १३ ओभरभित्रै आफ्नो चार ओभर स्पेल सक्काउदा दिल्लीले अन्य हैदरावाद बलरहरुबिरुद्ध पनि खेल्न असमर्थ रह्यो ।

यो उनले खेलमा पारेको सबैभन्दा ठूलो असर थियो । अक्षर पटेलको पनि विकेट लिएका रशिदले चार ओभरमा मात्र ७ रन खर्चदै तीन विकेट हात पारे । दिल्ली १९ ओभरमै १ सय २१ रनमा अलआउट हुन पुग्यो । जारी आइपिएलमा दिल्लीले रनको हिसाबमा सबैभन्दा ठूलो हार ब्यहोर्यो ।

२२ बर्षिय अफगान लेग स्पिनर रशिद जारी आईपिएलमा १७ विकेटका साथ जारी आइपिएलमा सबैभन्दा बढी विकेट लिने खेलाडीहरुमा तेश्रो स्थानमा रहेका छन् । दिल्लीका तिब्र गतिका दक्षिण अफ्रिकी बलर कागिसो रबाडाको २३ र अर्का फास्ट बलर किंग्स इलेभेन पञ्जाबका मोहम्मदा सामीको २० विकेट रहेको छ ।

रशिदले पहिलो पटक यस्तो गरेका होइनन् । उनी हरेक फ्रान्चाइज ट्वान्टी ट्वान्टी प्रतियोगितामा आफ्नो टिमको मुख्य हतियार हुने गर्छन् । चाहे त्यो अष्ट्रेलियन बिग ब्याश लिग होस या क्यारेबियन प्रिमियर लिग । उनलाई हैदराबादले त्यत्तिकै रिटेन गरेको होइन र फ्रान्चाइजहरुले उनीमाथि त्यत्तिकै पैसा बगाइरहेका छैनन् ।

आईपिएलको १३ औं सिजनमा मङ्गलवारको प्रदर्शनपछि रशिदको इकोनोमी ५ मा झरेको छ । सबैभन्दा बढी विकेट लिने पाँच खेलाडीको सुचीमा रहेकाहरुलाई उनले लामै दुरीले पछि पारेका छन् । राजस्थान रोयल्सका इङ्गल्याण्ड फास्ट बलर जोफ्रा आर्चरको ६ दशमलव ७१ इकोनोमी त्यो सुचिमा रशिदपछि दोश्रो स्थानमा रहेको छ ।

र यो सबै दुर्घट्ना पनि होइन । किन गाह्रो छ त रशिदबिरुद्ध ट्वान्टी ट्वान्टी रन बटुल्न ?

“चाहे म विकेट हात पार्न सकौं या नसकौं, मेरो मुख्य ध्यान भनेको इकोनोमिकल्ली बलिङ्ग गर्नेमा मात्रै हुन्छ । डट बलले मलाई विकेट दिन्छ र अर्को एन्डबाट पनि बलरहरुले विकेट पाउछन्,” रशिद आफै भन्छन् ।

“म स्कोरबोर्डको बारेमा कहिल्यै पनि सोच्दिन । टार्गेट के हो र पहिलो ब्याटिङ्ग गर्दा राम्रो स्कोर के हो मलाई मतलब हुदैन । मेरो दिमागमा सबै कुरा स्पष्ट छ । मैले सहि ठाँउमा बलिङ्ग गर्नु पर्यो र त्यो गर्ने हो भने मलाई कुनै ब्याट्स्म्यानले दुख दिन सक्दैन । तपाईले बलिङ्ग गर्दा ब्याट्स्म्यानको दिमागसँग खेल्नु पर्ने हुन्छ । ब्याट्स्म्यानले के गर्ने प्रयास गर्दैछन् त्यही अनुरुप आफ्नो आक्रमणमा विविधता ल्याउन आवस्श्यक छ,” रशिदले भने ।

मङ्गलवार दिल्लीको पहिलो दुई विकेटमा क्याच लिएका वार्नर शुरु देखि नै आक्रमक देखिन्थे । उनको त्यो बडी ल्याङ्गवेजलाई थप उर्जा दिने काम रशिदले गरेका थिए । रशिदमाथि वार्नरको बिश्वास सधै उच्च नै रहने गरेको छ ।

“व्याट्स्म्यानहरुले रशिदलाई प्रहार गर्न नजानु एक स्तरीय बलरले पाएको सम्मान हो भनेर स्पष्छ हुन्छ । उनी जति बेला पनि राइट एरियामा मात्रै बलिङ्ग गर्छन् । मैदानमा शित हुँदा पनि उनको विकेट लिन सक्ने अद्वितीय प्रतिभा छ,” वार्नरले भने ।

२०१८ देखि अन्तर्राष्ट्रिय क्रिकेट काउन्सिलको बरियतामा नम्बर एक ट्वान्टी ट्वान्टी अन्तर्राष्ट्रिय बलर कायम रहेका रशिद २०१७ मा आईपिएलमा डेब्यु गरेदेखि नै सबैभन्दा बढी डट बल गर्ने प्रमुख पाँच खेलाडीहरुको सुचिमा रहदै आएका छन् । २०१८ मा उनी पहिलो स्थानमा थिए, यो त्यही बर्ष थियो जब हैदराबादले उनलाई अरु कुनै फ्रान्चाइजका लागि खेल्न नदिने निर्णय गरेको थियो ।

जारी आईपिएलमा पनि रशिद सबैभन्दा बढी डट बल गर्ने खेलाडीहरुको सुचिमा दोश्रो स्थानमा रहेका छन् । उनले १ सय ३५ डट बल गरेका छन् भने राजस्थानका आर्चर १ सय ४७ डटसहित पहिलो स्थानमा रहेका छन् । के थाहा हैदरावाद प्लेअफमा क्वालिफाई हुने हो भने मङ्गलवारको जस्तो बलिङ्ग गर्दै रशिदले आर्चरलाई नै पछाडी पार्ने हो की ?

एउटा कुरा के स्पष्ट भने ट्वान्टी ट्वान्टीमा विकेट भन्दा पनि डट बलको महत्व बिशेष हुन्छ । कुनै इनिङ्गसको अन्त्यमा विकेटलाई डट बलको रुपमा हेर्न थालिएको छ । त्यो डट बल फाल्न रशिद माहिर छन् त्यसै कारण उनी ट्वान्टी ट्वान्टीमा खेल्नै नसकिने बलर बन्दै गएका छन् ।

Continue Reading

Headline

१ सय मिटरका बिश्व बिजेता कोलम्यान दुई बर्षको प्रतिबन्धमा

wesportz

Published

on

बिश्व १ सय मिटर च्याम्पियन क्रिष्चियन कोलम्यानले तीन पटक डोपिङ्ग परिक्षण छुट्टाएपछि दुई बर्षको प्रतिबन्धमा परेका छन् ।

२४ बर्षिय अमेरिकन धावक कोलम्यानको प्रतिबन्ध मे १४, २०२० देखि कायम भएको कारण उनले कोरोना भाइरसले गर्दा २०२१ का लागि स्थगित भएको टोकियो ओलम्पिक्स पनि गुमाउने भएका छन् । कोलम्यानले कतारको दोहामा २०१९ मा भएको बिश्व एथ्लेटिक्स च्याम्पियनशिपमा १ सय मिटर दौडमा स्वर्ण पटक जितेका थिए ।

एथ्लेटिक्स इन्टिग्रिटी युनिटले लगाएको प्रतिबन्धबिरुद्ध ६० मिटर इन्डोर बिश्व किर्तिमान धावक कोलम्यानले बिश्व खेलकुदको उच्च अदालत कोर्ट अफ आर्बिट्रेसन अफ स्पोर्ट्स (सिएएस) मा अपिल गर्ने उनका प्रतिनीधि इमानुएल हड्सनले बताएका छन् ।

दुई पटकका बिश्व बिजेता कोलम्यानले ३० दिन भित्र सिएसमा अपिल गर्नु पर्नेछ । दोहामा १ सय मिटर रिलेमा पनि स्वर्ण जितेका कोलम्यानलाई जमइकन धावक युसेन बोल्टको उत्तराधिकारीको रुपमा पनि हेर्ने गरिएको छ । अमेरिकाले उनीबाट ओलम्पिक्समा निकै ठूलो आशा राखेको थियो ।

डिसेम्बर २०१९ मा आफ्नो तेश्रो परिक्षण गुमाएपछि कोलम्यानलाई जुनमा प्रतिबन्ध लगाइएको थियो । एक बर्षको अवधिमा कुनै पनि अन्तर्राष्ट्रिय धावकले तीन परिक्षण छुट्टाउने हो भने दुई बर्षको प्रतिबन्ध लगाइने प्रावधान रहदै आएको छ ।

जनवरी १६ २०१९ को परिक्षणमा सहभागी नभएका कोलम्यानले दोश्रो र तेश्रो परिक्षण कारणवश नगरेको बताउदै आएका छन् ।

Continue Reading

Headline

बाइ! बाइ! बार्तोमेउ। अन्ततः राजीनामा दिए बार्सिलोना अध्यक्षले

wesportz

Published

on

बार्सिलोनाका अध्यक्ष जोसेप बार्तोमेउ र उनको सम्पूर्ण बोर्डका सदस्यहरुले आफ्नो पदबाट राजीनामा दिएका छन् ।

बार्सिलोनाले गएको सिजन च्याम्पियन्स लिगमा बायर्न म्युनिखसँग ८-२ को लजास्पद हार बेहोर्नु र क्लबका महान खेलाडी लियोनल मेस्सीले क्लब छोड्ने घुर्की देखाएसँगै अध्यक्ष बार्तोमेउ लगातार आलोचनाको शिकार बन्दै आएका थिए ।

यद्यपि बार्सिलोनाले मेस्सीलाई जान नदिएसँगै क्लबलाई अदालत नलैजाने ठुलो निर्णय लिए पछि बार्तोमेउको पद धरापमा परेको थियो । आउने मार्चमा चुनाव भएसँगै अध्यक्षको पदावधि स्वत: सकिने थियो तर क्लबका अन्य सदस्यहरूले बार्तोमेउलाई तुरुन्तै बाहिर निकाल्ने प्रयासमा अविश्वासको मत बुझाएसँगै उनले राजीनामा दिएका हुन् ।

१६ हजार २ सय ५० हस्ताक्षर मात्रै भए पनि बार्तोमेउको राजिनामा स्विकार्य हुने ठाउँमा अन्य सदस्यहरूले २० हजार ६ सय ८७ हस्ताक्षर संकलन गरेका थिए ।

बार्सिलोनाको बोर्डले बारम्बार हस्ताक्षर कार्यक्रम स्थगित गर्ने कोशिस गर्‍यो तर सोमबार स्थानीय अधिकारीहरूले क्लबलाई चाँडै केही नगरे कारबाही गर्ने बताएसँगै सम्पूर्ण बोर्डले राजिनामा दिएको हो ।

उनको कार्यकालमा बार्सिलोनाले चार ला लिगा र एक च्याम्पियन्स लिग समेत जितेको थियो । तर अघिल्लो सिजनको अन्तिममा मेस्सीले क्लब छोड्ने निर्णय लिएसँगै बार्तोमेउको पद धरापमा परेको थियो । बार्तोमेउलाई हटाउन मेस्सीको पनि उतिकै भूमिका रहेको छ जती अविश्वासको मतहरुको ।

Continue Reading
IPL 202043 mins ago

बेंगलोर पहिले ब्याटिङ गर्दै 

IPL 20202 hours ago

प्लेअफको लक्ष्य सहित मुम्बई र बेंगलोर भिड्दै 

Headline4 hours ago

ट्वान्टी–ट्वान्टीमा रशिद खान किन यस्तो घातक ?

Headline5 hours ago

१ सय मिटरका बिश्व बिजेता कोलम्यान दुई बर्षको प्रतिबन्धमा

अन्तर्राष्ट्रिय8 hours ago

डि भिलियर्स बिग ब्यास लिग नखेल्ने, मुजिब यस पटक पनि ब्रिस्बेनमा

Headline8 hours ago

बाइ! बाइ! बार्तोमेउ। अन्ततः राजीनामा दिए बार्सिलोना अध्यक्षले

Headline10 hours ago

च्याम्पियन्स लिग: रोनाल्डो बिना बार्सिलोना विरुद्ध खेल्दै युभेन्टस

Headline13 hours ago

भारत र अष्ट्रेलियाबिच नोभेम्बरदेखि हुने तीन सिरिजको तालिका सार्वजनिक

Headline16 hours ago

च्याम्पियन्स लिग: रियल म्याड्रिडको संघर्षपूर्ण बराबरी,बायर्नको बिजयी यात्रा कायमै

Headline19 hours ago

एसी मिलान बराबरीमा रोकिदा इब्राहिमोभिचको दुई गोल

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending