अन्तर्राष्ट्रिय
मलाई लाग्छ भिएआरका रेफ्रीहरु चिया खाँदै बस्छनः होजे माउरिन्होे
|
टोटेन्ह्यामका प्रशिक्षक होजे माउरिन्होले भिडियो असिस्टेन्ट रेफ्री (भिएआर) ले सही ढँगले आफ्नो काम नगरेको आरोप लगाएका छन् ।
इङ्गलिस प्रिमियर लिगको खेल चलिरहदा लिभरपुलका एन्डी रोबर्ट्सनले टोटेन्हयमका जफेत टगंगाको गोली गाठोमा कुल्चिए पनि रेफ्रीले भने फल दिएका थिएनन । लिभरपुलले खेल १–० ले आफ्नो पक्षमा पारे पनि सामाजिक संजालमा भने लिभारपुल लेखेर बिपक्षि समर्थकले मजाक उडाएका थिए ।
 लिभरपुलका फुल ब्याक रोबर्टसनले खेलको ६६ औ मिनेटमा टगंगाको गोलीगाठोमा कुल्चिए पनि आफ्नो गल्ती मानेका थिएनन् ।
“हामीहरु पनि छक्क परेका थियौ । रोबर्टसनले टगंगाको गोलगाठोमा टेक्नु अघि बौद्धिक खेल खेलेको पनि स्विकार्नु पर्छ,” माउरिन्होले भनेका थिए । सधै बिवादास्पद अभिब्यक्ति दिदै चर्चामा आउने गरेका माउरिन्होले आफ्नै शैलीमा थपे पनिः “मलाई त लाग्छ भारका रेफ्रीहरु चिया खाँदै बस्छन ।”
टोटेन्ह्यामका बेञ्चका खेलाडीहरुले अपिल गर्न आग्रह गर्दा पनि रेफ्री मौन बसेका थिए । स्काई स्पोट्र्सलाई लिभरपूल भाग्यशाली हो भन्दै उनले भनेः “उनीहरूले दश खेलाडीहरूसँग खेल खेल्न सक्न सक्थे तर भार त्यो समयमा चिया खाइरहेका थिए र रातो कार्डको लागि तिनीहरूले रॉबर्टसनलाई हेर्दै हेरेनेन ।”
रेफ्री मार्टिन एटकिन्सनले भार नहेर्ने निर्णय दिएसँगै मोउरिन्हो आक्रमक बनेका थिए । खेलपछि क्रोधित हुँदै माउरिन्होले स्थितिलाई ठ्याक्कै चेल्सीसँगको खेलमा सोन हिउङ–मिनलाई एन्टोनियो रुडिगरले गरेको व्यवहारसँग तुलना गरे।
 विश्वमा भारलाई लिएर असन्तुष्टी पोख्ने मोरिन्हो एक्ला व्यवस्थापक भने होइनन् । गत साता आर्सनल र क्रिस्टल प्यालेस भिडिरहदा प्यालेसका समर्थकहरुले “किलिङ द प्यासन, किलिङ द अट्मोस्फियर, किलिङ द गेम, इन्ड भिएआर” ब्यानर नै देखाएका थिए ।
|
|
|
अक्टोबर २१ शख्तर दोनेस्कका २० बर्षिय ब्राजिलियन मिडफिल्डर टेटेले बिश्व फुटबलमा आफ्नो आगमन भएको घोषणा गरेका थिए ।
टेटेले उत्कृष्ट गोल र एक असिस्टसँगै अविश्वसनीय एकल प्रदर्शन देखाएपछि युक्रेनियन क्लबले च्याम्पियन्स लिगको पहिलो हाफमा नै १३ पटकको च्याम्पियन रियल म्याड्रिडबिरुद्ध ३–० को अग्रता पाएको थियो । त्यो पनि रियलकै मैदानमा ।
रियल खेलमा फर्किएपनि ३–२ ले खेल जित्न सफल शख्तर मङ्गलवार आफ्नो घरेलु मैदानमा रियललाई स्वागत गर्दैछ । ब्राजिलियन एट्याकिङ्ग मिडफिल्डर टेटे यो खेलले आफ्नो करिअरको अबको बाटो निर्धारण गर्नका लागि एक कोशेढुँगा साबित हुने मान्छन् ।
“रियल म्याड्रिडमा भएको खेल मेरो अहिलेसम्मको करिअर यात्रामा अविस्मरणीय र उत्कृष्ट थियो । मार्सेलो र कासिमेरो जस्ता लेजेण्डबिरुद्ध खेल्नु मेरो लागि उच्च सम्मान र हर्ष दुवै थियो । त्यो मेरो सपना साचो भएको दिन हो,” टेटेलाई बिबिसीलाई दिइएको एक अन्तर्वार्तामा भनेका छन् ।
“म आफूसँगको भएको स्किल देखाउदै आफूलाई साबित गर्न चाहन्थे । त्यसैले मार्सेलोसँग वान भर्सेस वानमा ड्रिबल गर्दै बल लिएर गएको थिए । आफ्नो टोलीको लागि त्यति महत्वपूर्ण परिणाममा अहम भुमिका खेल्नु मेरो लागि निकै खुशीको कुरा थियो,” उनले भने ।
टेटेले स्पेनमा देखाएको प्रदर्शनले शख्तरमै आफ्नो खेल बिकास गरेका म्यानचेस्टर सिटीका फर्नान्डिन्हो, आर्सनलका विलियन र हाल लोनमा बायर्न म्युनिखमा रहेका युभेन्टसका डगलस कोस्टा जस्ता चर्चित ब्राजिलियनहरुको सुचिमा जाने प्रतिभा रहेको स्पष्ट देखिन्छ ।
रियल म्याड्रिडको टोलीमा स्टारहरुको कमि थिएन तर त्यो दिन नाम टेटेले कमाए
ब्राजिलमा आफ्नो स्काउटिङ्ग नेटवर्कका कारण प्रख्यात रहेको शख्तरको टोलीको प्रदर्शन झण्डै दुई दशकदेखि ब्राजिलियन खेलाडीहरुकै वरिपरि घुम्ने गरेको छ । हाल शख्तरमा १३ ब्राजिलियन खेलाडीहरु छन् र टेटेको कथा बिशेष छ ।
२०१९ को शुरुवातमा सिनियरमा टिमको कुनै अनुभव नभएको टेटेलाई शख्तरले १३ दशमलव ५ मिलियन पाउण्डमा ग्रेमियो एकेडेमीबाट खरिद गरेको थियो । आउने बित्तिकै उनले शख्तरमा पुरै सिजनमा प्रभावकारी प्रदर्शन दिएका थिए । यसमा गत बर्ष म्यानचेस्टर सिटीबिरुद्धको १–१ बराबरीमा म्यान अफ द म्याच प्रदर्शन पनि रहेको छ ।
“शख्तरको वातावरण मलाई सुहाउदो भएको बुझेर नै मलाई युक्रेन जाने निर्णय लिन गाह्रो भएको थिएन । म जसरी ग्रेमियोमै हुर्किएका डगलस कोस्टासँग कुरा गर्दा उनले शख्तरमा धेरै ब्राजिलियनहरु रहेको बताएका थिए । म आरामले क्लबमा सेटल भए । प्रशिक्षक लुइस कास्ट्रो र न्युट्रिसनिस्ट दुवै पोर्चुगलका हुन् । यहाँ सबै पोर्चुगिज बोल्ने गर्छन् र क्लबले पनि खेलाडीहरुलाई घर जस्तै महसुस गराउन कुनै कसर बाकी राखेको छैन,” टेटे भन्छन् ।
टेटे डगलस कोस्टालाई नै पछ्याउन चाहन्छन् भने उनको आइडल ग्रेमियोबाटै करिअर शुरुवात गरेका अर्का ब्राजिलियन लेजेण्ड रोनाल्डिन्हो हुन् । तर टेटेको लागि प्रेरणाको भने बिश्व लेजेण्ड पेलेको खेलहरु हेरेर नै मिल्ने गरेको छ ।
“मलाई पेलेले जहिल्यै आकर्षित गर्ने गर्छन् । उनी अचम्मका थिए । मलाई आफ्नो हरेक खेलअघि ड्रेसिङ्ग रुममा मोबाइलमा उनको खेलको भिडियोहरु हेर्ने बानी परिसकेको छ । उनीसँग भेट्न अथवा कम से कम कुरा गर्नु पनि मेरो लागि ठूलो सपना नै हो । शायद रियल म्याड्रिडलाई एक पटक फेरि पराजित गर्ने हो भने त्यो सपना पनि पुरा हुनेछ,” बार्सिलोनाका स्वघोषित फ्यान टेटेले भने ।
गत बर्ष म्याचेस्टर सिटीबिरुद्ध खेल्दा नै उनी फुटबल बिश्लेषकहरुको नजरमा परिसकेका थिए । अब पालो ठूलो स्टेजको मात्र हो ।
“मेरो सबैभन्दा ठूलो सपना बार्सिलोनाका लागि खेल्नु नै हो । रोनाल्डिन्हो, रिभाल्डो, रोमारियो र रोनाल्डो सबै बार्साका लागि खेल्दथे । म त्यो सुचिमा संलग्न हुन चाहन्छु । रियल म्याड्रिडसँग शुरुवाती ११ मा हुदा पनि यसले केही हदसम्म त्यो सपनलाई पुरा गर्नु हो ।
फुराकाओ (आधिबेहरी) निकनेम पाएका टेटेको खेल्ने शैलीले पुर्व नेदरल्याण्ड्स र बायर्न म्युनिख विँगर आर्जेन रोबेनको झल्को दिने गर्दछ, यसको कारण हो आफ्नो बलियो बाया खुट्टाबाटै उनी डिफेन्डरहरुलाई स्लाइस गर्दै पेनाल्टी बक्सभित्र छिर्न चाहन्छन् ।
“एक पटक मैले ग्रेमियोको युथ टिमको लागि उत्कृष्ट प्रदर्शन गरेको थियो र त्यसपछि मलाई पत्रकारहरुले फुराकाओ भनेर नाम दिए । मलाई यो राम्रो लाग्छ किनभने यसले मेरो खेल्ने बिष्फोटक शैलीलाई प्रतिविम्बित गर्छ,” उनी भन्छन् ।
“म टिनऐजमा हुदा सेन्ट्रल मिडफिल्डरको रुपमा खेल्ने गर्थे र मलाई बायापछि पनि एक–दुई पटक खेलाउने प्रयास भएको थियो । तर राइट विँगमा मेरो लागि सबैभन्दा मन पर्ने स्थान हो । मान्छेहरु मलाई रोबेनले जसरी खेल्छ भन्छन् र प्रयास गर्दै उनको स्तरसम्म पुग्नु मेरो लागि राम्रो हुनेछ ।”
शख्तरका २० बर्षिय ब्राजिलियन जसले रियल म्याड्रिडलाई ध्वस्त पारे
क्लब लाइसेन्सिङ्ग स्विकृत नहुदा नेपालको क्लब एएफसी क्लब प्रतियोगितामा नहुने
मेजर लिग क्रिकेटमा पनि शाहरुखको नाइट राइडर्स टिम, बहुमत शेयर
च्याम्पियन्स लिग: रियल म्याड्रिड र शख्तर भिड्दै, चोटग्रस्त लिभरपुललाई आयाक्सको चुनौती
‘हजार्ड निकै कठिन समयसँग गुज्रिदै छन्’
भिल्लाको नाटकीय हार, फुलह्याम रेलिगेसन जोनबाट बाहिर
मनाङलाई मनाङ नेसाङ कप
‘स्वार्थी’ वा ‘खेलाडीहरूको सुरक्षा’? क्लोपको गुनासोले प्रशिक्षकहरु विभाजित
फर डिएगोः इटालीमा म्याराडोनालाई समर्पण दिने क्रम ओइरदा नापोलीको बिशेष जित
चोटका कारण वार्नर भारतबिरुद्धको ट्वान्टी ट्वान्टी सिरिजबाट बाहिरिए
धेरै ऋणको भारी बोकेका पाँच युरोपेली क्लबहरु
ब्राजिलले पाएको अहिलेसम्मकै उत्कृष्ट १० फुटबलर
सात महादेशका सात उत्कृष्ट खेलाडीहरु
सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्
ट्रान्सफर मार्फत सर्वाधिक कमाउने ५ खेलाडी
कुनै समयका महँगा ब्राजिलियन स्टारको तलब अहिले महिनाको २ सय ५० डलर
फेरि पनि टिममा अटाएनन् स्ट्राइकर बिमल
हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर
एक युगको अन्त्य हुँदा बार्सामा क्रान्ति एक मात्र बिकल्प
आर्सनलको दुर्गतिः न च्याम्पियन्स लिग, न युरोपा लिग
-
Headline3 months agoधेरै ऋणको भारी बोकेका पाँच युरोपेली क्लबहरु
-
Headline7 months agoब्राजिलले पाएको अहिलेसम्मकै उत्कृष्ट १० फुटबलर
-
Headline2 months agoसात महादेशका सात उत्कृष्ट खेलाडीहरु
-
Headline3 months agoसिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्
-
Headline6 months agoट्रान्सफर मार्फत सर्वाधिक कमाउने ५ खेलाडी
-
Headline2 months agoकुनै समयका महँगा ब्राजिलियन स्टारको तलब अहिले महिनाको २ सय ५० डलर
-
Headline1 month agoफेरि पनि टिममा अटाएनन् स्ट्राइकर बिमल
-
Headline5 months agoहाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर