Connect with us

Headline

टोगो राष्ट्रिय फुटबल टोलीलाई एम्बुस पारेर भएको त्यो गोलीबारी

wesportz

Published

on

जनवरी ८, २०१० मा अफ्रिका कप अफ नेसन्सका लागि मात्र केही दिन बाकी थियो । एँगोलाको कबिन्डाले समुह बि का खेलहरु आयोजना गर्दै थियो भने त्यही नै प्रतियोगिताको पुर्व सन्ध्यामा डिफेन्डिङ्ग च्याम्पियन आइभोरि कोस्टका कप्तान डिडिएर ड्रोग्बालाई बिबिसि अफ्रिकन बर्ष खेलाडीको पुरस्कार दिने कार्यक्रम रहेको थियो ।

दिनहरु बित्दै जादा एक समय टोगो राष्ट्रिय फुटबल टोलीलाई लक्षित गर्दै आक्रमण गरिएको अपुष्ट समाचारहरु आउन थाले । बिवरणहरु खासै स्पष्ट नभएपनि केही गम्भिर भइसकेको भन्ने बुझिसकिन्थ्यो । घट्नाको गम्भिरताको बारे त कबिन्डा शहरमा टोगो टिम बसेको होटलमा पुगेपछि मात्र थाहा भयो ।

त्यति खेरका म्यानचेस्टर सिटी र टोगोका स्टार इमानुएल एडिबायोर घटनाको बिषयमा बताउन सक्ने उपयुक्त ब्यक्ति थिए । जब उनी जानकारी दिनलाई टेबलमा बसे टोगो टोलीका दुई व्यक्ति मारिने गरि भएको उक्त आक्रमण निकै नै भयावह रहेको भन्ने बुझियो । अन्य कैयौं टोगो राष्ट्रिय टोलीको टिमका सदस्यहरुको जिन्दगी उक्त आक्रमणपछि बोकेको चोटले परिवर्तन गर्न गइरहेको थियो ।

एडिबायोरसँग लिइएको अन्तर्वार्ता र टिमका अन्य सदस्यहरुबाट सुनिएपछि बिश्व जगतमै हेडलाइन बनेको उक्त आक्रमणलाई १० बर्षपछि सम्झदा कस्तो लाग्ने रहेछ त ? एक पटक पढौं त्यो दर्दनाक घटनका बारे ।

सन् २००८ को अफ्रिका कप अफ नेसन्समा छनोट हुन असफल रहेको टोगोको टोली त्यसको दुई बर्ष पछिको संस्करणमा छानिदा निकै उत्साहित देखिन्थ्यो । आफ्नो समुहमा टोगोले बिश्वकपमा राम्रो प्रभाव जमाइसकेका दुई ठूला टोलीहरु –– ड्रोग्बाको आइभोरि कोस्ट र माइकल एसिएनको घाना –– को पनि सामना गर्न गइरहेको थियो ।

गणतन्त्र कँगोको पोइन्ट नोएरेमा आफ्नो प्रशिक्षण शिविर राखेको टोगोले मात्र एक सय किलोमिटर पर रहेको कबिन्डामा आफ्ना समुह चरणका खेलहरु खेल्ने तय थियो । कबिन्डा अन्य एँगोलन शहरहरु भन्दा केही छुट्टै रहेको छ । निकै टाढा रहेको राजधानी लुवान्डासम्म हवाइजहाजको यात्रा गर्दै फेरि उत्तरतर्फ कबिन्डामा फर्किनुभन्दा टोली व्यवस्थापनले गाडीमै सानो यात्रा तय गर्नु उपयुक्त सम्झेको थियो । तर यो एउटा घातक निर्णय साबित हुन पुग्यो ।

एक रात अगाडी टोगोको टोली प्रशिक्षकहरुलाई मन नपर्दा नपर्दै बोर्डर सम्म घुम्न गएका थिए । भोली पल्ट गाडीमा यात्रा गर्दाको माहौल निकै रमाइलो थियो । खेलाडीहरु हास्दै थिए, आफुहरुबीच जोक गर्दै थिए भने भर्खर टोलीमा परेका युवा खेलाडीहरु भने आफ्नो करिअरकै उत्कृष्ट क्षणको पर्खाइमा आतुर थिए ।

एँगोलाको सिमा क्षेत्र प्रवेश गरेपछि उनीहरुलाई सुरक्षाकर्मीको दस्ताले जँगलको बाटोमा सुरक्षाका लागि साथ दिएको थियो । उक्त जँगल एँगोलाबाट आफूलाई स्वतन्त्र गराउने पर्ने माग गर्दै आइरहेको समुहको आधार क्षेत्र रहेको थियो । टोगो टोलीले आफ्नो आगमनको बारेमा खासै ध्यान दिएको पनि थिएन । उनीहरु केही बेरमै टिम बस भित्रै बसेर जिन्दगीको लागि संघर्ष गर्न गइरहेका थिए ।

टोगो टिमको सानो दस्ता बोर्डरबाट भित्र प्रवेश गर्दै जँगलतर्फ अघि बढ्यो । १० बर्ष अगाडीको त्यो क्षणको सम्ंझना गर्दै मिडफिल्डर जुनियर सेनाया अझै पनि तर्सने गर्छन् । “बोर्डर कट्ने बित्तिकै हामी एकदम रमाइलो गरिरहेका थियौं । १५ मिनेट जति भएपछि हामीले जँगलमा गोलीको आवाज सुन्यौं, हामी सबै हास्यौं र यसलाई लिएर ठट्टा पनि ग¥यौं । केही क्षणमै गोलीबारी तिब्र हुन थाल्यो,” सेनाया सम्झन्छन् ।

के भइरहेको छ भनेर बुझ्न बाकी नै हुँदा एक जना आक्रमणको शिकार भैसकेका थिए । एँगोलामा प्रवेश गरेको भिडियो खिचिरहेका मिडिया अफिसर स्टानिस्लास ओक्लुलाई गोली लागिसकेको थियो । उनी मारिने पहिलो ब्यक्ति भए । गोलकिपर कोद्जोभी ओबिलालेलाई पनि त्यो दर्दनाक घट्ना स्पष्ट रुपमा याद रहेको थियो । उनको जिन्दगी केही सेकेण्डमै परिवर्तन भैसकेको थियो । उनलाई पनि गोली लागेको थियो ।

“मैले मेसिन गनको आवाज सुने । मलाई लुक्न मन लाग्यो । मलाई किल्ला भएको सिटमा कसैले जर्बजस्ती बसाएको जस्तो लागेको थियो । त्यसपछि बल्ल मैले देखे । मेरो पेट र पछाडीबाट नराम्ररी रगत बगिरहेको थियो । म आत्तिन थाले । मलाई गोली लागेछ, मलाई मद्दत गर, मद्दत गर भनेर चिच्याए । म मेरो छोरी, छोरालाई हेर्न चाहन्थे । मलाई यहा मर्नु नै थिएन ।”

ओबिलाले ५४ बर्षीय सहायक प्रशिक्षक अमेलेटे अबालोले आफूलाई गोली लागेको भन्दै कराइरहेको सुनेका थिए । अबालोको पनि उक्त आक्रमणमा निधन भएको थियो । सैन्य तालिम लिएका एक खेलाडीले प्रतिकार गर्नका लागि हतियार मागेको पनि उनले सुनेको बताउछन् ।

आक्रमणको शुरुवातमै बस ड्राइभर मारियो अद्जुवा नराम्ररी घाइतेपछि टोगो टोली आक्रमणबाट भाग्न सकेको थिएन । टोगोको दस्ता त्यही रोकिएर बस्न बाध्य भयो भने सुरक्षकर्मी र आक्रमणकारीबीच भिषण गोलीबारी चलेको थियो । दोहोरो भिडन्त कति बेरसम्म चल्यो याद नभएपनि सबैजना कम्तिमा पनि आधा घण्टा सम्म जारी रहेको मान्छन् ।

आफ्नो जिन्दगीको सबैभन्दा तनावपूर्ण आधा घण्टाको बारेमा एडिबायोर बताउछन् । “यो कोही एक या दुई जना मान्छेले एक दुई पटक मात्र आक्रमण गरिहेका थिएनन् । हामी आधा घण्टा या शायद त्यो भन्दा बढी समय त्यस्तो स्थितिमा फसेका थियौं । यो मेरो लागि जिन्दगी सबैभन्दा खराब अनुभव थियो । त्यतिखेर सुरक्षाकर्मीहरु नभएको भए अहिले यसरी बोल्ने अवस्था नै आएको हुन्थेन होला,” उनले भने ।

Click to comment

Leave a Reply

Your email address will not be published. Required fields are marked *

Headline

अल्भारो मोराटा दोस्रो पटक युभेन्टसमा

wesportz

Published

on

एट्लेटिको म्याड्रिडका फर्वार्ड अल्भारो मोराटालाई युभेन्टसले दोस्रो पटक क्लबमा अनुबन्धन गरेको छ ।

अर्जेन्टाइन फर्वार्ड गोन्जालो हिग्वेनको सम्झौता रद्द गरेसँगै नयाँ स्ट्राइकरको खोजीमा रहेको युभेन्टसले मोरटालाई ९ मिलियन युरोको लोनमा एक वर्षका लागि क्लबमा फर्काएको हो । मोराटाको लोन सम्झौतामा एट्लेटिकोले युभेन्टसलाई ४५ मिलियन युरोको खरिद विकल्प पनि दिएको छ ।

रियल म्याड्रिडबाट २०१० देखी २०१४ सम्म खेलेका मोराटा २०१४ देखी २०१६ सम्म युभेन्टसमा लोनमा खेलेका थिए । लोनबाट रियल म्याड्रिड फर्किएका उनलाई चेल्सीले २०१७ मा ७० मिलियन पाउन्डमा खरिद गरेको थियो । चेल्सीमा एक सिजन खेलेका उनलाई फेरी एट्लेटिको म्याड्रिडले लोनमा लगेको थियो ।

२०२० मा मोराटाको सम्झौतालाई स्थायी बनाएको एट्लेटिकोले उनलाई फेरी युभेन्टसमा लोनमा पठाएको हो । २७ वर्षिय फर्वार्डले आफ्नो करिअरमा ७४ गोल मात्र गरेका छन्, जुन एक स्ट्राइकरका लागि निकै काम हो ।

युभेन्टसले बार्सिलोनाका लुइस सुवारेजले इटालियन भाषा परिक्षामा फेल भएपछि नयाँ स्ट्राइकर खोज्नु परेको थियो । मोराटा युभेन्टस आएसँगै सुवारेजको एट्लेटि जाने सम्भावना निकै बलियो देखिएको छ ।

Continue Reading

Headline

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

wesportz

Published

on

बार्सिलोनाका अध्यक्ष जोसेप मरिया बार्तोमेउले बार्सिलोनाका कप्तान लियोनल मेस्सीले उनको पदको अलोचना गरे पनि उनलाई मेस्सी विरुद्ध बोल्न कुनै चासो नभएको बताएका छन् ।

गत महिना मेस्सीले आफुले स्पेनिस महारथी बार्सिलोना छोड्न लागेको बताएपछि बिश्व फुटबलमै ठूलो हलचल भएको थियो । उनले आफुलाई फ्री एजेन्टका रुपमा क्लब छोड्न दिन आग्रह गरे पनि उनको सम्झौता अझै एक बर्ष बाँकी भएको भन्दै अध्यक्ष बार्तोमेउ र ला लिगाले मेस्सीलाई रोकेको थियो ।

पछि एक अन्तर्वार्तामा आफुलाई सबै थोक दिएको क्लबलाई कानुनी कठ्घरामा तान्न आफूले नचाहेको बताउदै मेस्सी फेरी बर्सिलोनामै बस्न पुगेका थिए । उनलाई फेरी बर्सिलोनामै राख्न प्रमुख भूमिका खेलेका बार्तोमेउले संसारको सर्वश्रेष्ठ खेलाडीलाई जान दिन मन नमानेको बताएका छन् ।

“अध्यक्षको रुपमा मलाई मेस्सीको बारेमा सार्वजनिक टिप्पणी गर्दै मलाई बिवादमा तानिन मन छैन,” बार्तोमेउ टिभी थ्रीलाई दिएको अन्तर्वार्तामा भने । “मेस्सी हाम्रा कप्तान हुन् र टोलीको मुख्य खेलाडी । उनले जे बाले त्यो समाप्त भइसक्यो ।”

“म विश्वको सर्वश्रेष्ठ खेलाडीलाई जान दिन सक्दिन । टिमलाई उनको आवश्यकता छ, उनले बार्सिलोनालाई सफलताको ग्यारेन्टी दिन्छन्,” बार्तोमेउले भने ।

“हामीले आफैंलाई बधाई दिनु पर्छ कि मेस्सी अझै हाम्रो साथमा छन् । उनी [प्रशिक्षक रोनाल्ड] कोमनको परियोजना को बारे निकै उत्साहित छन् ।आजको दिनमा महत्त्वपूर्ण कुरा यो हो कि उनी अझै बार्सिलोनाका लागि खेल्छन् । हामी उनले बर्सिलोनामै सन्यास लिएको हेर्न चाहन्छौं ।”

अध्यक्षका कारण क्लब छोड्न लागेको बताएका मेस्सीको सम्झौता २०२०/२०२१ सिजनको अन्त्यमा सकिदै छ भने नयाँ अध्यक्षका लागि चुनाव भने मार्चमा हुने छ । यस्तो अवस्थामा मेस्सी बार्सिलोनामै बस्छन कि अर्को बाटो रोज्छन् त्यो भने सिजनको अन्त्यमा थाहा हुने छ ।

बार्तोमेउले मेस्सीलाई क्लब छोड्न वाध्य बनाएका भन्दै समर्थकहरुले २० हजर हस्ताक्षर संकलन गर्दै उनी माथि अविश्वासको मत पेश गरिसकेका छन् ।

तर बार्तोमेउले अहिल्यै कसैले राजीनामा दिने विचार नगरेको बताए ।

Continue Reading

Headline

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

wesportz

Published

on

इङ्गलिस प्रिमियर लिगमा सोमबार राति म्यानचेस्टर सिटी उल्भ्सलाई पुनरागमनबाट रोक्दै ३–१ को जितबाट नयाँ सिजन शुरुवात गर्दा व्यवस्थापक पेप ग्वार्डियोलाले फिल फोडेनलाई अविश्वस्नीय भन्दै तारिफ गरेका छन् ।

च्याम्पियन्स लिगको क्वार्टर फाइनलसम्म खेलेको कारण सिटीले ढिलो प्रिमियर लिग शुरु गर्दा डिफेन्डिङ्ग च्याम्पियन लिभरपुलले ६ अंकको अग्रता बनाइसक्दा २०१८–१९ को बिजेता शुरुवाती सफलताको खोजीमा थियो ।

मोलिनक्समा भएको खेलमा सिटीले पहिलो हाफमै २–० को अग्रता बनाइसकेको थियो । तर दोश्रो हाफमा उल्भ्सले उत्कृष्ट प्रदर्शन गर्दै ६८ औं मिनेटमा राउल जिमिनेजको गोलबाट खेलमा फर्किएको थियो । तर बल नियन्त्रणमा राख्न सक्दा सिटीले अग्रतालाई बचाइ राख्यो भने अतिरिक्त समयको पाचौं मिनेटमा ग्याब्रियल जिजसले गोल गरेपछि फराकिलो जित हात पारेको थियो ।

सिटीले २० औं मिनेटमा केभिन डि ब्रुन र ३२ औं मिनेटमा फिल फोडेनको गोलबाट २–० को अग्रता बनाएको थियो । इङ्गल्याण्डको राष्ट्रिय टोलीमा रहदा म्यानचेस्ट युनाइटेडका मेसन ग्रिनउडसँगै स्वास्थ्य प्रोटोकोल तोडेको आरोपमा घर फर्काइएका फोडेनका लागि सोमबारको प्रदर्शन उनलाई व्यक्तिगत रुपमै निकै आवश्यक रहेको थियो ।

इङ्गल्याण्ड बसेको टिम होटलमा यौनकर्मी महिलाहरु लिएर आएपछि सिटीमा निकै निन्दा गरिएका फोडेनले ग्वार्डियोलाको बिश्वास जित्न सफल भएका छन् । “फोडेनले गोल गर्दै सेकेण्ड हाफमा अविश्वसनीय प्रदर्शन गरेका थिए । उनले हामीलाई बल आफ्नो नियन्त्रणमा राखिराख्न बिशेष मद्दत गरे,” ग्वार्डियोलाले भने ।

निकै छोटो अवधिको प्रि सिजन रहेका कारण जितका साथ शुरुवात गर्न पाउदा ग्वार्डियोला निकै हर्षित देखिन्थे ।

“थकानका कारण हामी लगातार कुद्न सकिरहेका थिएनौं तर सामान्यत हामीले राम्रो प्रदर्शन गरेका छौं । हामी पछिल्लो दुई हप्ता जुन स्थितिमा थियौं मैले केही संघर्ष गर्नु पर्ने हो की भनेर सोचेको थिए तर हामीले सबैकुरा नियन्त्रणमा राख्न सक्यौं,” ग्वार्डियोला भन्छन् ।

Continue Reading
IPL 20205 hours ago

राजस्थानको विजयी सुरुवात, चेन्नाई १६ रनले पराजित

IPL 20206 hours ago

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

राष्ट्रिय9 hours ago

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

IPL 202010 hours ago

 चेन्नाईले टस जित्यो, राजस्थानलाई ब्याटिङको निम्तो 

Headline10 hours ago

अल्भारो मोराटा दोस्रो पटक युभेन्टसमा

IPL 202012 hours ago

लगातार दोश्रो जितको दाउमा चेन्नाई राजस्थानको सामना गर्दै

Headline14 hours ago

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

Headline16 hours ago

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

Headline17 hours ago

प्रिमियर लिगको एकै चरणको खेलहरुमा गोलको नयाँ किर्तिमान

Headline19 hours ago

गाँगुलीले पाकिस्तानी क्रिकेटरहरुको तस्विर धमिल्याउदा अख्तरले फर्काए जवाफ

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 days ago

सात महादेशका सात उत्कृष्ट खेलाडीहरु

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending