Connect with us

Headline

सुभाषको कप्तानी पारीमा प्रदेश ३ एमएम कपको सेमिफाइनलमा

wesportz

Published

on

सुभाष खकुरेलले कप्तानी पारी खेल्दै अद्र्धशतक प्रहार गरेपछि प्रदेश ३ एमएम कप एकदिवसीय राष्ट्रिय क्रिकेट प्रतियोगिताको सेमिफाइनलमा प्रवेश गरेको छ ।

समुह सि अन्तर्गतको अन्तिम लिग खेलमा प्रदेश ३ ले शनिबार इनरुवा क्रिकेट रँगशालामा प्रदेश १ लाई ७ विकेटको फराकिलो अन्तरले पराजित ग¥यो । गिलो मैदानका कारण २८ ओभरमा छोट्याइएको खेलमा प्रदेश १ ले अल आउट हुदै १ सय ४४ रन बनायो । जवाफमा सुभाषले ७३ बलमा ८५ रनको शान्दार पारि खेलेपछि प्रदेश ३ ले २६ ओभरमा एक सय ४७ रन बनायो ।

जितपछि प्रदेश ३ समुह सीको बिजेता बन्यो । प्रदेश ३ को शुक्रबार प्रदेश ५ बिरुद्धको खेल बर्षाका कारण रद्द गरेपछि दुवै टोलीले अंक बाडेका थिए । प्रदशे १ ले पहिलो खेलमा प्र्रदेश ५ लाई हराएको थियो ।

ओपनिङ्ग गर्न आएका सुभाषले पहिलो विकेटका लागि रित गौतम (१७) सँग ३४ रनको साझेदारी गरेका थिए । उनले त्यसपछि आदिल खान (११) सँग अर्को ३६ रन जोडे । इशान पाण्डे पाँच रनमै पेभिलियन फर्केपछि प्रदेश ३ ले १८ ओभरमा तीन विकेट गुमाउदै मात्र ८४ रन बनाएको थियो ।

त्यसपछि सुभाषले चौथो विकेटका लागि जितेन्द्र सिँह ठकुरीसँग ४८ बलमा अविजित ६३ रनको महत्वपुर्ण साझेदारी गरेका थिए । शुभांकर उरावको बलमा बिजयी छक्का प्रहार गरेका म्यान अफ द म्याच सुभाषको इनिङ्गसमा सात चौका र पाँच छक्का रहेको थियो । उरावले दुई विकेट लिए ।

यसअघि प्रदेश १ ले पहिलो चार विकेट मात्र ५२ रनमा गुमाउन पुगेको थियो । त्यसपछि कप्तान पुष्प थापाले पाँचौ विकेटका लागि फिदोस अन्सारी (१८) सँग ६८ रनको साझेदारी गरेपछि प्रदेश १ ले चुनौतिपूर्ण योगफल खडा ग¥यो ।

पुष्पले ४१ बलमा पाँच चौका र दुई छक्का प्रहार गर्दै ५० रन बनाए । प्रदेश १ का लागि टप अर्डरबाट मिनास थापाले पनि २० रन बनाएका थिए । नन्दन यादवले प्रदेश ३ का लागि सर्वाधिक चार विकेटका लिए भने रामनरेश गिरिले दुई विकेट लिएका थिए ।

आइतबार हुने समुह ए अन्तर्गतको पहिलो खेलमा त्रिभुवन आर्मी क्लबले नेपाल एपिएफ क्लबको सामना गर्नेछ । यो समुहमा अर्को टोली आयोजक मनमोहन मेमोरियल क्रिकेट क्लब इनरुवा रहेको छ ।

Click to comment

Leave a Reply

Your email address will not be published. Required fields are marked *

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading
अन्तर्राष्ट्रिय19 mins ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय14 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline2 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!